ᔫᓇᐅᑉ ᐊᒡᓚᖏᑦ 1:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᕝᕙ ᑖᒃᑯᐊ ᐅᖃᐅᑎᕚᑦ: “ᐅᖃᐅᑎᓚᐅᕐᑎᒍᑦ ᑭᓇ ᐱᑦᔪᑎᒋᓪᓗᒍ ᐊᑲᐅᖏᓐᓂᕐᒥᒃ ᑕᒪᑐᒥᖓ ᐱᑎᑕᐅᖕᒪᖔᑦᑕ, ᓱᓇᓕᕆᔨᐅᕖᑦ? ᓇᑭᓐᖔᕐᓯᒪᕕᓪᓗ? ᓇᓂᓗ ᓄᓇᖃᕐᐲᑦ? ᐃᓅᖃᑎᑎᓪᓗ ᑭᓱᒥᐅᑕᐅᕚᑦ?”

ᔫᓇᐅᑉ ᐊᒡᓚᖏᑦ 1:8 Iomraidhean Croise

ᒨᓯᓯ ᓯᕗᓪᓖᑦ 47:3

ᐰᕉᓪᓗ ᔫᓯᐱᐅᑉ ᐊᖓᔪᖏᑦ ᐅᖃᐅᑎᕔᑦ, “ᓱᓇᒥᒃ ᐱᓇᓱᐊᒐᖃᕐᐱᓰ?” ᑖᒃᑯᐊ ᐰᕉᒧᑦ ᑭᐅᕗᑦ, “ᐃᓕᖕᓄᑦ ᐱᔨᐅᕗᒍᑦ ᓰᐱᓕᕆᔨᐅᓪᓗᑕ, ᓯᕗᓕᕗᑦ ᒪᓕᒡᓗᒋᑦ.”

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

ᔮᓱᐊᑉ ᐊᒡᓚᖏᑦ 7:19

ᔮᓱᐊᓪᓗ ᐂᑲᓐ ᐅᖃᐅᑎᕚ, “ᐃᕐᓃᒃ, ᓱᓕᔪᒥᒃ ᐅᖃᓚᐅᕆᑦ ᐊᑕᓂᐅᑉ ᓵᖓᓂ ᐃᓴᕆᐊᓕᒥᐅᑦ ᒎᑎᖓᑕ, ᖃᕿᐊᓕᕐᓗᑎᓪᓗ, ᐅᖃᐅᑎᓚᐅᓐᖓ ᖃᓄᐃᓕᐅᕐᓂᕐᒪᖔᕐᐱᑦ; ᐊᓐᖏᒍᑎᖏᓪᓗᖓ.”

ᓴᒧᐃᓕ ᓯᕗᓪᓖᑦ 14:43

ᑕᕝᕙ ᓴᐅᓕ ᔫᓇᑕᓂᒧᑦ ᐅᖃᓕᕐᐳᖅ, “ᐅᖃᐅᑎᓚᐅᓐᖓ ᓱᓇᒥᒃ ᐱᓇᓱᐊᕐᓂᕐᐲᑦ?” ᔫᓇᑕᓂᐅᓪᓗ ᐅᖃᐅᑎᕚ, “ᐃᒍᑦᓮᑦ ᓰᕐᓇᐅᑎᖏᓐᓂᑦ ᒥᑭᔪᒥᒃ ᓂᕆᓚᐅᕐᐳᖓ ᕿᔪᑯᑖᒧᑦ ᐊᒡᒐᓐᓃᑦᑐᒧᑦ; ᒫᓐᓇᓕ ᐊᑐᐃᓐᓇᐅᕗᖓ ᑐᖁᑕᐅᔪᒃᓴᐅᓂᕐᒧᑦ!”

ᓴᒧᐃᓕ ᓯᕗᓪᓖᑦ 30:13

ᑕᕝᕙ ᑍᕕᑎᐅᑉ ᐊᐱᕆᕚ, “ᑭᓇᒦᒃ ᐊᖓᔪᖅᑳᖃᕐᐲᑦ, ᓇᓂᒥᐅᑕᐅᕕᓪᓘ?” ᑭᐅᕗᖅ, “ᐄᑦᔨᑉᑎᒥᐅᑕᐅᕗᖓ, ᐊᒪᓕᑬᑎᒥᐅᓄᑦ ᐱᔨᑲᑖᕆᔭᔪᑦ ᐃᓚᖓᑦ; ᐊᖓᔪᖅᑳᒪ ᕿᒪᓚᐅᕐᐹᖓ ᐅᓪᓗᐃᑦ ᐱᖓᔪᐊᓐᓂ ᖃᓂᒻᒪᓚᐅᕋᒪ.