ᔫᓇᐅᑉ ᐊᒡᓚᖏᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᖑᑎᓪᓗ ᑖᒃᑯᐊ ᐊᑕᓂᕐᒥᒃ ᓯᕘᕋᒻᒪᕆᓕᕐᐳᑦ, ᑐᓂᕐᕈᓯᕐᕕᒋᓪᓗᒍᓗ; ᐊᑕᓂᖅ ᐊᖏᒻᒪᕆᒃᕕᒋᕚᑦ.

ᔫᓇᐅᑉ ᐊᒡᓚᖏᑦ 1:16 Iomraidhean Croise

ᒨᓯᓯ ᓯᕗᓪᓖᑦ 28:20

ᑕᕝᕙ ᔧᑯ ᐅᖃᕕᒃᐳᖅ, ᐅᖃᕐᓗᓂ, “ᒎᑎᐅᑉ ᓇᔪᕐᓂᐊᕐᐹᖓ ᓴᐳᑎᓯᒪᓗᖓᓗ ᐊᖅᑯᑎᒋᓂᐊᕐᑕᓐᓂ, ᓂᕿᒃᓴᖃᕐᑎᓪᓗᖓᓗ, ᐊᓐᓅᕋᒃᓴᖃᕐᑎᓪᓗᖓᓗ,

ᒨᓯᓯ ᓯᕗᓪᓖᑦ 8:20

ᑕᕝᕙ ᓄᐊ ᑐᓂᕐᕈᓯᕐᕕᓂᐅᕐᐳᖅ ᐊᑕᓂᕐᒧᑦ, ᐆᒪᔪᓪᓗ ᑕᒪᕐᒥᒃ ᓴᓗᒪᓂᕋᕐᑕᐅᔪᑦ ᐱᕝᕕᒋᓪᓗᒋᑦ ᑎᖕᒥᐊᓂᓪᓗ ᓴᓗᒪᓂᕋᕐᑕᐅᔪᓂᒃ, ᑐᓂᕐᕈᓯᕐᐳᖅ ᐃᑯᐊᓚᑎᑦᓯᓪᓗᓂ ᑐᓂᕐᕈᓯᕐᕕᖕᒥ.

ᐊᑕᓃᑦ ᐂᑉᐸᖏᑦ 5:17

ᓁᒪᓐ ᐅᖃᓕᕐᐳᖅ, “ᐱᑎᑕᐅᔪᒪᖏᒃᑯᕕᑦ, ᐃᓕᖕᓄᑦ ᑭᒡᒐᖁᑎᒋᔭᐅᓂᓐᓄᑦᑕᐅᖅ ᓄᓇᑐᐃᓐᓇᕐᒥᒃ ᑕᒫᖓᑦ ᓇᒃᓴᕐᑎᑕᔪᒪᒐᓗᐊᕐᑐᖓ ᓯᐅᑎᖅᑯᕐᑐᔫᖕᓄᑦ ᒪᕐᕉᖕᓄᑦ ᓇᖕᒪᒃᑕᐅᔪᓐᓇᕐᑐᒥᒃ; ᑐᓂᕐᕈᓯᕐᓗᖓ ᒎᑎᓄᑦ ᑐᒃᓯᐊᖃᑦᑕᕈᒪᔪᓐᓃᕋᒪ, ᐊᑕᓂᕐᒧᑦ ᑭᓯᐊᓂ.

ᔫᐱᐅᑉ ᐊᒡᓚᖏᑦ 37:24

ᑍᒤᒻᒪᑦ ᐃᓄᐃᑦ ᑖᓐᓇ ᓯᕘᕋᒋᕚᑦ; ᓯᓚᑐᔫᔪᕆᔫᒐᓗᐊᓪᓗ ᓇᓪᓕᐊᑦ ᐃᒃᐱᒋᓐᖏᓔᑦ.”

ᐃᓐᖏᕈᑎᑦ 107:22

ᑐᓂᕐᕈᓯᕐᑐᒃᓴᐅᕗᑦ ᖁᔭᓕᑦᔪᑎᒃᓴᒧᑦ ᑐᓂᕐᕈᓯᕐᓂᕐᒥᒃ, ᐱᓂᐊᕐᓂᖏᓪᓗ ᐅᓂᒃᑲᐅᑎᒋᓗᒋᑦ ᐃᓐᖏᕐᓂᐊᕐᐳᑦ ᖁᕕᐊᓱᒡᓗᑎᒃ.

ᐃᓐᖏᕈᑎᑦ 116:14

ᐊᑕᓂᖅ ᐊᖏᕈᑎᒋᓯᒪᔭᓐᓂᒃ ᑐᓂᓯᕕᒋᓂᐊᕐᐸᕋ ᐃᓄᖁᑎᖏᑦ ᑕᒪᕐᒥᒃ ᓇᔫᑎᑎᓪᓗᒋᑦ.

ᐃᓐᖏᕈᑎᑦ 50:14

ᒎᑎ ᑐᓂᕐᕈᓯᕐᕕᒋᓯᐅᒃ ᖁᔭᓕᓂᕐᒥᒃ, ᐊᖏᕈᑎᑦᓯᓐᓂᒡᓗ ᑐᓂᓯᒋᑦᓯ ᖁᑦᓯᖕᓂᕐᐹᖑᔪᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:4

ᒎᑎᒧᑦ ᓱᓇᑐᐃᓐᓇᕐᒥᒃ ᐊᑐᕐᓂᐊᕐᓂᕋᕐᓗᒍ ᐊᖏᕈᑎᖃᕈᕕᑦ, ᐊᑏ ᑲᔪᓯᑎᓴᕅᒍᒃ; ᓯᓔᑦᑐᓂᒃ ᖁᕕᐊᒋᔭᖃᖏᒻᒪᑦ. ᐊᖏᕈᑎᒋᔭᑎᑦ ᑲᔪᓯᑎᖃᑦᑕᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 26:9

ᑕᕐᓂᕋ ᐅᖓᕗᖅ ᐃᓕᖕᓄᑦ ᐅᓐᓄᐊᒃᑯᑦ, ᐊᓂᕐᓂᕐᒪ ᐃᓗᓐᓃᑦᑑᑉ ᐃᓗᖏᕐᑐᕐᓗᓂ ᕿᓂᕐᐹᑎᑦ; ᓄᓇᕐᔪᐊᕐᒥᐅᑦ ᐃᓄᖏᑦ ᐃᖅᑲᕐᑐᓕᕌᖓᕕᒋᑦ, ᑕᕝᕙ ᐃᓕᓐᓂᐊᓕᕐᐸᒃᐳᑦ ᐃᓱᐊᕐᑐᓕᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 5:22

ᐅᕙᓐᓃᒃ ᓯᕘᕋᔪᒃᓴᐅᓐᖏᓚᓰ? ᐊᑕᓂᖅ ᐅᖃᕐᐳᖅ, ᓴᔪᒃᑐᒃᓴᐅᓐᖏᓚᓰ ᓵᓐᓂ? ᓯᐅᕋᖅ ᑭᒡᓕᒋᔭᐅᑎᓐᓇᒃᑯ ᑕᕆᐅᕐᒧᑦ: ᑕᕆᐅᖅ ᖄᖏᓚᐅᕐᓯᒪᓂᐊᕈᓐᓃᕐᑎᓪᓗᒍ ᐃᓱᖃᖏᑦᑐᒧᑦ, ᒪᓪᓕᕐᑕᐅᖃᑦᑕᕐᓂᐊᕋᓗᐊᕐᐳᖅ ᑭᓯᐊᓂᓕ ᓄᖅᑲᕐᑕᕐᕕᒌᓐᓇᐅᔭᕐᓂᐊᕐᐹ ᒪᓕᐊᓗᐃᑦ ᓯᒡᔭᒧᑦ ᒥᕿᑦᑕᕐᐸᖕᓂᐊᕋᓗᐊᕐᐳᑦ ᑭᓯᐊᓂᓕ ᐅᖓᑖᓄᐊᕈᓐᓇᕐᓂᐊᓐᖏᓚᑦ ᐃᒪᐅᑉ ᑎᑭᑦᑕᕆᐊᖃᓐᖏᑕᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 6:26

ᐱᖁᔭᓕᐅᕐᐳᖓ ᐊᖓᔪᖅᑲᐅᕕᓕᒫᓐᓂ ᐃᓄᐃᑦ ᓴᔪᒃᑐᒃᓴᐅᕗᑦ ᓯᕘᕋᓗᑎᒡᓗ ᑖᓂᐊᓕᐅᑉ ᒎᑎᖓᓂᒃ: ᑖᓐᓇ ᐃᓅᖕᒪᑦ ᓱᖁᓯᕐᓂᐊᕋᓂᓗ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓ ᐊᓯᕈᕐᑕᐅᓂᐊᓐᖏᓚᖅ, ᐊᑕᓂᐅᓂᖓᓗ ᐃᓱᓕᓐᓂᐊᓐᖏᓚᖅ.

ᔫᓇᐅᑉ ᐊᒡᓚᖏᑦ 1:10

ᐊᖑᑎᓪᓗ ᑖᒃᑯᐊ ᑲᑉᐱᐊᓱᒃᑐᐊᓘᓪᓗᑎᒃ ᐅᖃᐅᑎᕚᑦ: “ᓱᓇᐅᕙ ᑕᒪᓐᓇ ᐱᓇᓱᐊᕐᑍᑦ?” ᖃᐅᔨᓚᐅᕐᒪᑕ ᔫᓇᐅᑉ ᕿᒫᓇᓱᐊᕐᓂᖓᓂᒃ ᐊᑕᓂᕐᒥᑦ ᐅᖃᐅᑎᓚᐅᕐᒪᒋᑦ.

ᔫᓇᐅᑉ ᐊᒡᓚᖏᑦ 1:14

ᑐᒃᓯᐊᕐᕕᒋᕚᓪᓗ ᐊᑕᓂᖅ ᐅᖃᕐᓗᑎᒃ: “ᐊᑕᓃᖅ ᐊᓯᐅᓐᖏᑲᓚᐅᕐᑕᑐᖅ ᐃᓅᑉ ᐆᒪ ᐃᓅᓯᖓ ᐱᑦᔪᑎᒋᓪᓗᒍ; ᐊᐅᒡᓗ ᐸᓯᔭᒃᓴᐅᖏᑦᑐᖅ ᐃᓕᓂᐊᕐᓇᒍ ᐅᕙᑦᑎᓐᓄᑦ, ᐃᕝᕕᑦ ᐊᑕᓃᖅ ᖁᕕᐊᒋᔭᕐᓂᒃ ᐱᓂᐊᕋᕕᑦ.”

ᒫᑯᓯᐅᑉ ᐊᒡᓚᖏᑦ 4:31

ᐃᒤᑦᑑᔭᕐᐳᖅ; ᐊᖑᑦ ᐱᕈᕐᓯᐊᒃᓴᐅᑉ ᑲᓐᖓᕐᓲᑎᒃᓴᕐᑕᖓᓂᒃ ᒪᓯᑕᕐᑦᒥᒃ ᑎᒍᓯᒐᒥ ᓄᓇᒧᑦ ᑲᓐᖓᕐᓲᑎᒋᕚ, ᑖᓐᓇ ᓄᓇᕐᔪᐊᕐᒥ ᐱᕈᕐᓯᐊᒃᓴᓂᑦ ᒥᑭᓐᓂᕐᐸᐅᕗᖅ;

ᐋᐴᓯᑕᓖᑦ ᐱᓂᐊᕐᓂᖏᑦ 5:11

ᐃᓚᒌᒃᑐᑦ ᐅᒃᐱᕐᑐᖃᑎᒌᓕᒫᑦ ᓯᕘᕋᓂᕐᔪᐊᖃᓕᕐᐳᑦ, ᑕᒪᑐᒥᖓᓗ ᑐᓴᕐᑐᓕᒫᑦ ᓯᕘᕋᓕᕆᕗᑦ.

ᐃᓗᐊᕐᓮᔩᑦ ᐊᒡᓚᖏᑦ 13:16

ᐊᑕᓂᐅᑉ ᐂᖏᓕᖓ ᒪᓄᐊᒧᑦ ᐅᖃᕐᐳᖅ, “ᐅᑕᖅᑭᑎᒃᑲᓗᐊᕈᕕᖓ ᓂᕿᖕᓂᒃ ᓂᕆᓂᐊᓐᖏᓚᖓ. ᑐᓂᕐᕈᓯᕈᕕᓪᓕ ᐃᑯᐊᓪᓚᒋᐊᓕᖕᒥᒃ ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᑎᑦ.” (ᒪᓄᐊ ᖃᐅᔨᒪᓚᐅᖏᒻᒪᑦ ᐊᑕᓂᕐᒧᑦ ᐂᖏᓕᒋᔭᐅᓂᖓᓂᒃ.)