ᔪᐃᓕᐅᑉ ᐊᒡᓚᖏᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑎᒍᓯᓚᐅᕋᑦᓯ ᓯᐅᕕᕆᖁᑎᓐᓂᒃ ᒎᓗᖁᑎᓐᓂᒡᓗ, ᐊᐅᓪᓚᕈᑦᔨᓚᐅᕋᑦᓯᓗ ᐱᐅᓂᕐᐹᖁᑎᓐᓂᒃ ᑐᒃᓯᐊᕐᕕᓯᓐᓄᑦ.

ᔪᐃᓕᐅᑉ ᐊᒡᓚᖏᑦ 3:5 Iomraidhean Croise

ᐊᑕᓃᑦ ᐂᑉᐸᖏᑦ 12:18

ᔨᕼᐅᐊᓯᐅᓪᓕ ᔫᑕᐅᑉ ᐊᖓᔪᖅᑳᕐᔪᐊᖓᑦᑕ ᓯᕗᓕᕕᓂᖏᑕ ᔨᕼᐆᓴᐸᑦᑯᑦ ᔨᕼᐅᕌᒥᐅᓪᓗ, ᐊᕼᐊᔧᐊᐅᓪᓗ ᐊᑕᓂᖅ ᐱᓪᓗᒍ ᑲᑎᕐᓱᕐᑕᕕᓂᖏᑦ ᐱᔪᒥᓇᕐᑐᑦ ᓇᖕᒥᓂᕐᓗ ᑲᑎᕐᓱᐊᕕᓂᓂ ᒎᓗᐃᓪᓗ ᐊᑕᓂᐅᑉ ᐃᒡᓗᖓᓃᑦᑐᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᑦ, ᑐᔫᑎᒋᕔᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᕼᐊᔧᐅᓪᒧᑦ, ᑖᒃᑯᓂᖓᓗ ᐱᑎᑕᐅᒐᒥ ᔨᕉᓴᓕᒥᐅᓂᒃ ᑲᒪᓇᓱᐊᕈᓐᓃᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 16:8

ᐂᕼᐊᔅ ᑲᑎᑦᓯᓪᓗᓂ ᓯᐅᓪᕕᕆᓂᒃ ᒎᓗᓂᒡᓗ ᐊᑕᓂᐅᑉ ᐃᒡᓗᖓᓂᑦ ᐊᖓᔪᖅᑳᕐᔪᐊᓪᓗ ᐃᒡᓗᒥᐅᑕᖏᓐᓂᒃ ᐃᓚᓐᓂᕐᓴᐅᑎᒋᓪᓗᒋᑦ ᑐᔫᑎᒋᕔᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.

ᐊᑕᓃᑦ ᐂᑉᐸᖏᑦ 24:13

ᐊᑕᓂᐅᑉ ᐃᒡᓗᖓᑕ ᐊᑭᑐᔪᒃᓴᔭᖁᑎᓕᒫᖏᑦ, ᐊᖓᔪᖅᑳᕐᔪᐊᓪᓗ ᐃᒡᓗᖓᓂ ᐊᑭᑐᔪᒃᓴᓕᒫᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ, ᐊᑕᓂᐅᑉ ᑍᒤᑕᐅᔪᒫᕐᓂᕅᓯᒪᓂᖓ ᓇᓚᐅᓪᓗᒍ. ᓂᐱᑯᓁᓴᐅᑉ ᐊᑕᓂᐅᑉ ᐃᒡᓗᖓᑕ ᐃᓗᓕᖁᑎᖏᑦ ᒎᓗᐃᑦ ᓯᖁᑦᑎᕐᐰᑦ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓴᓇᔭᐅᑎᓚᐅᕐᓯᒪᔭᖏᑦ ᑐᒃᓯᐊᕐᕕᒡᔪᐊᒥ ᐊᑐᒐᒃᓴᐅᓂᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᔨᕆᒤᐊᐅᑉ ᐊᒡᓚᖏᑦ 23:7

“ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᐃᓄᐃᑦ ᐅᖃᖃᑦᑕᕈᓐᓃᕈᒫᕐᓂᖓᑦ, ‘ᐊᑕᓂᖅ ᐆᒪᖕᒪᑦ, ᐊᐅᓪᓚᕐᑎᑦᓯᓚᐅᕐᑐᖅ ᐃᓴᕆᐊᓕᒥᐅᓂᒃ ᐄᑦᔨᑉᑎᒥᑦ.’

ᔨᕆᒤᐊᐅᑉ ᐊᒡᓚᖏᑦ 50:28

“ᐹᐱᓘᓂᒥᑦ ᕿᒫᓂᑯᐃᑦ ᓮᐅᓂᒥ ᓄᓇᑖᕐᓂᑯᐃᑦ ᐅᖃᐅᓯᖏᑦ ᑐᓵᓯᐅᒃ, ᐊᑕᓂᐅᑉ ᒎᑎᑦᑕ ᐊᑭᓂᐊᕐᕕᒋᕔᑦ, ᑐᒃᓯᐊᕐᕕᒡᔪᐊᖁᑎᓂ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 51:11

“ᖃᕐᔪᓯ ᑮᓐᓇᒃᓴᓕᕐᓯᒋᒃ ᓴᐴᓗᑕᓯᓗ ᑎᒍᓗᒋᑦ! ᐊᑕᓂᐅᑉ ᒥᑏᔅᑯᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᔭᒃᑎᒻᒪᒋᑦ ᐹᐱᓘᓂᒥᐅᓂᒃ ᐊᓯᕈᐃᔪᒪᓪᓗᓂ ᐃᓱᒪᒋᔭᖃᕐᒪᑦ, ᐊᑕᓂᖅ ᐊᑭᓂᐊᕈᒫᕐᒪᑦ ᑐᒃᓯᐊᕐᕕᒃᔪᐊᖁᑎᓂ ᐱᑦᔪᑎᒋᓗᓂᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 37:12

ᑍᒤᒻᒪᑦ ᐅᖃᕐᑕᐅᖁᔭᓐᓂᒃ ᐅᖃᐅᑎᒃᑭᑦ, ᐅᖃᐅᑎᓗᒋᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᓗᕕᓯ ᒪᑐᐃᕐᓂᐊᕐᐸᒃᑲ, ᐃᓗᕕᓯᓐᓂᓪᓗ ᒪᑭᑎᓪᓗᓯ, ᐆ ᐃᓄᖁᑎᒃᑲ; ᐊᖏᕐᕋᕐᑎᓐᓂᐊᕐᐸᑦᓯ ᐃᓴᕆᐊᓕᐅᑉ ᓄᓇᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 11:38

ᑕᒪᒃᑯᐊ ᐊᓯᖏᑎᒍᑦ ᐅᐱᒍᓱᒍᒫᕐᐳᖅ ᒎᑎᓐᖑᐊᒥᒃ ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖏᓐᓂ ᓴᐳᑦᔨᔪᒥᒃ; ᒎᑎ ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓐᖏᑕᖓᑦ, ᐅᐱᒋᔪᒫᕐᐹ ᑐᓂᓯᕕᒋᕙᒡᓗᒍ ᒎᓗᒥᒃ, ᓯᐅᓪᕕᕆᒥᒡᓗ, ᐅᔭᕋᖕᓂᒡᓗ ᐱᓐᓇᕐᓇᕐᑐᓂᒃ, ᐱᖁᑎᓂᒡᓗ ᐊᑭᑐᔪᓂᒃ.

ᐅᐸᑍᐊᑉ ᐊᒡᓚᖏᑦ 1:17

“ᖃᖅᑲᒥ ᓮᐅᓂᒥ ᕿᒫᓯᒪᔪᖃᕈᒫᕐᐳᖅ, ᐃᑦᔪᕐᓁᑦᑑᔪᒫᕐᐳᕐᓗ ᑖᓐᓇ ᖃᖅᑲᖅ; ᔧᑰᓪᓗ ᑭᖑᕚᖏᑕ ᓄᓇᒋᓚᐅᕐᑕᑎᒃ ᐅᑎᕐᑎᑦᓱᒫᕆᕔᑦ.