ᔪᐃᓕᐅᑉ ᐊᒡᓚᖏᑦ 3:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑭᓂᐊᕈᒫᕐᐸᒃᑲ ᑐᖁᑦᓯᓚᐅᕐᑐᑦ ᐸᓯᔭᒃᓴᐅᔪᓐᓃᓐᓂᐊᓐᖏᓚᓪᓗ, ᐅᕙᖓ ᐊᑕᓂᐅᒐᒪ ᓮᐅᓂᒥ ᐃᓂᖃᕐᑐᖅ.”

ᔪᐃᓕᐅᑉ ᐊᒡᓚᖏᑦ 3:21 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 4:4

ᐊᑕᓂᐅᑉ ᓴᓗᒻᒪᕐᓴᕐᓯᒪᓕᕐᐸᒋᑦ ᓴᓗᒤᓐᓂᖏᓐᓂᑦ ᓮᐅᓂᐅᑉ ᐸᓂᖏᑦ ᐃᕐᕈᕐᑐᕐᐸᒋᓪᓗ ᐊᐅᖕᒥᑦ ᐃᑦᓴᒃᓯᒪᓂᖏᓐᓂᑦ ᔨᕉᓴᓕᒥᐅᑦ ᐃᖅᑲᕐᑐᕐᑕᐅᓂᐅᑉ ᐊᓂᕐᓂᖓᒍᑦ, ᐊᓂᕐᓂᒃᑯᓪᓗ ᐃᑯᐊᓪᓚᒃᑎᑦᓯᔪᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 36:29

ᓴᓗᒤᑦᑑᓂᕆᓚᐅᕐᑕᓕᒫᑦᓯᓐᓂᑦ ᕿᓚᕈᑦᔮᕈᒫᕐᐸᑦᓯ; ᓂᐊᖂᔭᒃᓮᓪᓗ ᐱᕈᕐᑎᑦᓯᐊᕈᒫᕐᐸᒃᑲ ᐊᒥᒐᕐᓯᖏᑦᓯᐊᖁᓪᓗᓯ ᑳᖕᓇᕐᑐᒦᖁᓇᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 48:35

ᐊᕙᓗᕐᔪᐊᑉ ᐊᖏᓂᖓ ᑐᑭᒧᑦ ᓴᓂᒧᓪᓗ 10,080ᓂᒃ ᐆᒃᑑᑎᓂᒃ ᐊᖏᓂᖃᕐᑐᒃᓴᐅᕗᖅ; ᒫᓐᓇᒥᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᑦ ᑖᒃᑯᐊ ᐊᑎᖃᕐᑐᒃᓴᐅᕗᑦ, ᐊᑕᓂᖅ ᑕᕝᕙᓃᑉᐳᖅ.”

ᔪᐃᓕᐅᑉ ᐊᒡᓚᖏᑦ 2:27

ᖃᐅᔨᔪᒫᕐᐳᓯᓗ ᐃᓴᕆᐊᓕᒥᐅᑦ ᐊᑯᓐᓂᖓᓃᓐᓇᒪ: ᐅᕙᖓ ᐊᑕᓂᐅᕗᖓ ᒎᑎᓯ ᐊᓯᓐᓂᒃ ᐱᑕᖃᓐᖏᓚᖅ. ᐃᓄᖁᑎᒃᑲ ᖃᖓᓕᒫᖅ ᑲᓐᖑᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑦ.”

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 27:25

ᐃᓄᒐᓴᒡᔪᐊᑦ ᑭᐅᕗᑦ, “ᑖᑦᓱᒪ ᑐᖁᑕᒃᓴᓐᖑᕐᑎᑕᐅᓂᖓ ᐅᕙᑦᑎᓐᓄᑦ ᕿᑐᕐᖓᑦᑎᓐᓄᓪᓗ ᐸᓯᔭᒃᓴᐅᑦᔪᑕᐅᓕᕐᓕ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.