ᔪᐃᓕᐅᑉ ᐊᒡᓚᖏᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐄᑦᔨᑉᑎᓗ ᐃᓄᖃᕈᓐᓁᕈᒫᕐᐳᖅ, ᐄᑐᒥᓗ ᓱᓇᖃᖏᓪᓗᓂ ᐃᓄᖃᔪᐃᑦᑑᓕᕈᒫᕐᐳᖅ, ᑲᑉᐱᐊᓱᑦᑎᑦᓯᓚᐅᕐᓂᖏᓐᓄᑦ ᔫᑕᐅᑉ ᐃᓄᖏᓐᓂᒃ, ᑐᖁᕅᓚᐅᕐᓂᖏᓐᓂᒃ ᐸᓯᔭᒃᓴᐅᖏᑦᑐᓂᒃ ᓄᓇᖏᓐᓂ.

ᔪᐃᓕᐅᑉ ᐊᒡᓚᖏᑦ 3:19 Iomraidhean Croise

ᐃᓐᖏᕈᑎᑦ 137:7

ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 11:15

ᐊᑕᓂᐅᓪᓗ ᐊᓯᕈᑦᓯᐊᕈᒫᕐᐹ ᐄᑦᔨᑉᑎᐅᑉ ᐃᒪᖓᑕ ᑲᖏᕐᓱᐊ; ᐊᓄᕆᕐᔪᐊᖃᕐᑎᑦᓯᓗᓂ ᐆᓇᕐᑐᒥᒃ ᐃᕗᕅᑎᐅᑉ ᑰᒡᔪᐊᖓ ᓵᓐᖓᔪᒫᕐᐹ, ᐊᓇᐅᔪᒫᕐᐹ 7ᐅᓕᖅᑲᖓᔪᓂᒃ ᑰᖃᓕᕐᑎᓪᓗᒍ, ᐃᓄᐃᓪᓗ ᐃᑳᖃᑦᑕᓕᕈᒫᕐᐳᑦ ᐱᓱᒡᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 49:17

“ᐄᑐᒥᒥᐅᑦ ᑕᑯᒥᓁᑦᑐᕐᔪᐊᓐᖑᕈᒫᕐᐳᑦ, ᐊᖅᑯᓵᕐᑐᑦ ᒥᑕᐅᑎᒃᓴᕐᐸᒍᒫᕐᐳᑦ ᑕᑯᔭᒥᖕᓂᒃ, ᑖᑦᓱᒪ ᓯᖁᑦᑎᕐᓯᒪᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 51:35

ᓮᐅᓂᒥᐅᑦ ᐅᖃᕐᓕᑦ, “ᐹᐱᓘᓂᒥᐅᑦ ᐊᑭᒋᐊᕐᑕᐅᔪᒃᓴᐅᕗᑦ ᐋᓐᓂᐊᑎᑦᓯᓂᕆᓚᐅᕐᑕᖏᑎᑐᑦ.” ᔨᕉᓴᓕᒥᐅᑦᑕᐅᖅ ᐅᖃᕐᓕᑦ, “ᑲᐅᓪᑎᐊᒥᐅᑦ ᑐᖁᕋᕐᑕᐅᓕᑦ ᑐᖁᕅᓯᒪᓂᖏᑎᑐᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:21

ᓯᕆᒋᑦᓯ ᖁᕕᐊᓱᒡᓗᓯ ᐄᑐᒥᐅᑕᐅᔪᓯ, ᓄᓇᖃᕐᑐᓯ ᐅᔾᒥ, ᐊᓯᕈᕐᑕᐅᓂᒃᓴᓯ ᓇᓪᓕᐅᑎᓛᕐᒥᖕᒪᑦ; ᐊᓐᓄᕌᖃᖏᓪᓗᓯ ᑲᓐᖑᓇᕐᑐᒥᒃ ᐊᑐᓕᕈᒫᕆᕗᓯ.

ᐅᐸᑍᐊᑉ ᐊᒡᓚᖏᑦ 1:1

ᐅᑯᐊ ᑕᕝᕙ ᐅᐸᑍᐊᐅᑉ ᑕᑯᑎᑕᐅᑦᔪᑎᖏᑦ. ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ ᐄᑐᒥ ᐱᓪᓗᒍ. ᑐᓴᕐᓯᒪᕗᒍᑦ ᐅᖃᐅᓯᕐᒥᒃ ᐊᑕᓂᕐᒥᑦ ᐱᔪᒥᒃ, ᐅᖃᕆᐊᕐᑐᕐᑐᒃᓴᖅ ᑎᓕᔭᐅᕗᖅ ᐃᓅᖃᑎᒌᒡᔪᐊᑦ ᐊᑯᕐᖓᓐᓄᑦ ᐅᖃᐅᑦᔭᐅᓪᓗᓂᓗ: “ᒪᑭᓕᕆᑦᓯ! ᐅᓇᑕᕆᐊᕐᓚᕗᑦ ᐄᑐᒥ!”

ᕼᐊᐸᑲᐅᑉ ᐊᒡᓚᖏᑦ 2:17

ᓕᐸᓇᓂᐅᑉ ᓇᐹᕐᑐᖁᑎᖏᑦ ᓇᑲᑎᓚᐅᕋᕕᒋᑦ; ᒫᓐᓇ ᓇᑲᑕᐅᓂᐊᓕᕐᐳᑎᑦ, ᐆᒪᔪᖁᑎᖏᑦ ᑐᖁᕋᓚᐅᕋᕕᒋᑦ ᑍᒤᓚᐅᕐᓂᕐᓄᑦ ᑲᑉᐱᐊᓱᒃᑎᑕᐅᓂᐊᓕᕐᐳᑎᑦ. ᑕᒪᓐᓇ ᑍᒤᑕᐅᑦᔪᑎᒋᓂᐊᕐᐸᑦ ᑐᖁᕅᖃᑦᑕᕐᓂᕆᓚᐅᕐᑍᑦ ᐱᑦᔪᑎᒋᓪᓗᒍ, ᐱᑦᓯᐊᖃᑦᑕᓚᐅᖏᓐᓇᕕᑦ ᓄᓇᒥᒃ ᐃᒡᓗᒐᓴᒡᔪᐊᓂᒡᓗ ᑕᕝᕙᓂᓗ ᓄᓇᖃᕐᑐᓂᒃ.

ᓴᑲᕅᐊᐅᑉ ᐊᒡᓚᖏᑦ 10:10

ᓄᓇᒥᑦ ᐄᑦᔨᑉᑎᒥᑦ ᐂᓗᒋᑦ ᐅᑎᕐᑎᑦᓱᒫᕐᐸᒃᑲ, ᓄᓇᒥᓪᓗ ᐊᓯᕆᐊᒥᑦ ᑲᑎᑎᓪᓗᒋᑦ ᐅᑎᕐᑎᑦᓱᒪᕙᒃᑲ; ᐂᑎᓪᓗᒋᓪᓗ ᓄᓇᒧᑦ ᒋᓕᐊᑎᒧᑦ ᓕᐸᓇᓂᒧᓪᓗ; ᑕᕝᕙᓂ ᐃᓂᒃᓮᕈᑎᔪᒫᕐᐳᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:6

ᒎᑎ ᓈᒪᑦᓯᐊᕐᑐᒥᒃ ᐱᓇᓱᐊᕐᓂᐊᕐᐳᖅ ᐊᒃᓱᕈᕐᑎᒋᔭᑦᓯᓐᓄᑦ ᐊᒃᓱᕈᕐᓇᕐᑐᒧᑦᑕᐅᖅ ᐊᑭᓂᐊᕐᕕᒋᓂᐊᕐᐰᑦ,