ᔪᐃᓕᐅᑉ ᐊᒡᓚᖏᑦ 3:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᖃᖅᑬᑦ ᑰᒐᕈᒫᕐᒪᑕ ᕔᓂᒥᒃ ᓄᑖᒥᒃ, ᐱᖑᐃᓪᓗ ᑰᓕᕈᒫᕐᐳᑦ ᐃᒻᒧᖕᒥᒃ, ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᒥᒃ ᑕᑕᑦᓱᒫᕐᐳᑦ; ᐃᒥᖅ ᐳᐊᓚᕕᒃ ᑰᓕᕈᒫᕐᐳᖅ ᐊᑕᓂᐅᑉ ᐃᒡᓗᖓᓂᑦ ᓯᑎᒻᒥᐅᑉ ᓇᕐᓴᖓ ᖃᐅᓯᕐᑎᓪᓗᒍ.

ᔪᐃᓕᐅᑉ ᐊᒡᓚᖏᑦ 3:18 Iomraidhean Croise

ᔫᐱᐅᑉ ᐊᒡᓚᖏᑦ 29:6

ᐆᒪᔪᖁᑎᒃᑲ ᐃᒻᒧᓕᐅᑦᓯᐊᕐᐸᓚᐅᕐᐳᑦ ᐊᒥᒐᖏᑦᑐᒥᒃ, ᓇᐹᕐᑐᖁᑎᒃᑲᓗ ᐅᕐᓱᒃᓴᓂᒃ ᐱᕈᕐᑎᑦᓯᑦᓯᐊᖃᑦᑕᓚᐅᕐᐳᑦ!

ᐃᓐᖏᕈᑎᑦ 46:4

ᑰᒃᑕᖃᕐᐳᖅ, ᑰᒐᓛᖏᑦ ᖁᕕᐊᓱᒃᑎᑦᓯᔪᓂᒃ ᒎᑎᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᐃᑦᔪᕐᓁᑦᑐᕕᒃ ᑐᐱᕐᔪᐊᖅ ᖁᑦᓯᖕᓂᕐᐹᑉ ᐃᓂᖓ,

ᒨᓯᓯ ᐂᑉᐸᖏᑦ 3:8

ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

ᐂᓮᐊᓯᐅᑉ ᐊᒡᓚᖏᑦ 30:25

ᖃᖅᑲᓕᒫᓂᑦ ᐱᖑᓕᒫᓂᓪᓗ ᐳᕐᑐᔪᓂᑦ ᑰᒐᓛᒃᑕᖃᕈᒪᕐᐳᖅ ᑰᓪᓚᕆᒃᑕᖃᕐᓗᓂᓗ, ᐅᓇᑕᕐᓂᕐᒥ ᐅᓄᕐᑐᓂᒃ ᑐᖁᕅᔪᖃᕐᑎᓪᓗᒍ, ᓇᐸᔪᐊᓗᐃᓪᓗ ᐅᕐᕈᑎᑕᐅᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 35:6

ᑐᓯᐊᑦᑐᑦ ᐱᒡᓕᕐᑕᓕᕈᒫᕐᐳᑦ ᑐᒃᑐᑎᑐᑦ, ᐅᖃᕈᓐᓇᖏᑦᑐᓪᓗ ᐃᓐᖏᓕᕐᓗᑎᒃ ᖁᕕᐊᓱᖕᓂᕐᒧᑦ, ᐃᒪᖅ ᑰᓕᕈᒫᕐᒪᑦ ᓱᓇᖃᔪᐃᑦᑐᒃᑯᑦ, ᑰᒐᓛᖃᓕᕐᓗᓂᓗ ᓄᓇᒥ ᓯᐅᕋᕐᔪᐊᒥ.

ᐂᓮᐊᓯᐅᑉ ᐊᒡᓚᖏᑦ 44:3

ᐃᒥᕈᒃᑐᖅ ᐃᒪᕐᒥᒃ ᑯᕕᓯᕕᒋᔪᒫᕐᐸᕋ, ᓄᓇᓗ ᐸᓂᕐᑐᖅ ᑰᒡᕕᐅᑎᑦᓱᒫᕐᓗᒍ, ᐊᓂᕐᓂᕋ ᑯᕕᔪᒫᕐᐸᕋ ᑭᖑᕚᑦᓯᓐᓄᑦ, ᕿᑐᕐᖓᓯᓗ ᓮᒻᒪᕐᑎᑦᓱᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 45:8

ᕿᓔᑦ ᓯᓚᓗᒡᓕᑦ, ᑕᑉᐹᓐᖓᑦ ᖁᑦᓯᒃᑐᒥᑦ, ᓯᓚ ᑯᕕᓕ ᓇᓛᒎᕐᓂᕐᒥᒃ; ᓄᓇᕐᔪᐊᕐᓗ ᐂᑦᑕᕐᓕ; ᐱᐅᓕᔭᐅᓂᖅ ᐱᕈᕐᑐᑎᑐᑦ ᓴᖅᑭᓐᓂᐊᕐᒪᑦ, ᓇᓛᒎᕐᓂᕐᓗ ᐱᕈᖃᑎᒋᓕᕐᓕᐅᒃ; ᐅᕙᖓᐅᕗᖅ ᐊᑕᓂᖅ ᐱᓐᖑᕐᑎᑦᓯᓚᐅᑐᖅ ᑖᒃᑯᓂᖓ.”

ᐂᓮᐊᓯᐅᑉ ᐊᒡᓚᖏᑦ 55:1

“ᐊᑏ ᐃᒥᕈᒃᑐᓕᒫᑦ, ᐃᒪᖃᕐᑐᒧᑦ ᕾᓕᕐᓕᑦ; ᑮᓇᐅᔭᖃᖏᑦᑐᓪᓗ, ᕾᓕᕐᓕᑦ, ᓂᐅᕕᕐᓗᑎᒃ ᓂᕆᓕᕐᓕᑦ! ᕾᓗᓯ ᓂᐅᕕᓕᕆᑦᓯ ᕔᓂᒥᒃ ᐃᒻᒧᖕᒥᒡᓗ ᑮᓇᐅᔮᓄᖏᑦᑐᖅ ᐊᑭᖃᖏᑦᑐᓂᒡᓕ.

ᐂᓮᐊᓯᐅᑉ ᐊᒡᓚᖏᑦ 66:11

ᐊᒫᒪᒃᑐᑎᑐᑦ ᐱᔪᒫᕋᑦᓯ ᓈᒻᒪᒃᓯᓗᓯᓗ ᐃᕕᐊᖏᖏᖕᓂᑦ ᓮᒻᒪᕐᓮᔫᖕᓂᑦ; ᒥᓪᓗᐊᕐᓗᓯ ᐃᒻᒧᖃᓗᐊᕐᓴᕐᑐᑎᑐᑦ ᖁᕕᐊᒋᓗᒍ ᓂᕐᑐᕐᓇᕐᓂᖓᑕ ᐊᒥᒐᖏᓐᓂᖓᓂᑦ.”

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᒤᑲᐅᑉ ᐊᒡᓚᖏᑦ 6:5

ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”

ᓴᑲᕅᐊᐅᑉ ᐊᒡᓚᖏᑦ 14:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᒥᖅ ᐃᓅᓯᖃᕐᓇᕐᑐᒥᒃ ᐃᒪᓕᒃ, ᔨᕉᓴᓕᒥᑦ ᑰᓕᕈᒫᕐᐳᖅ, ᐊᕝᕙᖓ ᑰᒡᓗᓂ ᐃᒪᕐᔪᐊᕐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦᑐᒧᑦ, ᐊᕝᕙᖓᓗ ᑰᒡᓗᓂ ᐃᒪᕐᔪᐊᕐᒧᑦ ᐃᑎᕕᐊᓃᑦᑐᒧᑦ, ᑰᒍᒫᕐᐳᖅ ᐊᐅᔭᒃᑯᑦ ᐅᑭᐅᒥᓗ.

ᒨᓯᓯ ᓯᑕᒪᖏᑦ 25:1

ᐃᓴᕆᐊᓕᒥᐅᑦ ᓄᖅᑲᖓᓚᐅᕐᐳᑦ ᓯᑎᒻᒥ, ᐃᓄᐃᓪᓗ ᓄᓕᐊᒐᕐᓂᒃ ᐱᖃᑎᖃᖃᑦᑕᓕᓚᐅᕐᐳᑦ ᒧᐊᐱᒥᐅᑦ ᐊᕐᓇᖏᓐᓂᒃ.