ᔪᐃᓕᐅᑉ ᐊᒡᓚᖏᑦ 3:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᑕᑯᒋᑦᓯ ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ, ᔨᕉᓴᓕᒥᑦ ᔫᑕᒥᓪᓗ ᐊᓯᐅᔨᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ.

ᔪᐃᓕᐅᑉ ᐊᒡᓚᖏᑦ 3:1 Iomraidhean Croise

ᐃᓐᖏᕈᑎᑦ 14:7

ᐊᑏᑐᖅ, ᐃᓴᕆᐊᓕᑎᑦ ᐱᐅᓕᔭᐅᕕᒃᓴᖓ ᓮᐅᓂᒥᑦ ᐱᓗᓂ ᑎᑭᒋᐊᓕᕐᓕ! ᐊᑕᓂᐅᑉ ᐃᓄᖁᑎᓂ ᑎᒍᔭᐅᓯᒪᕕᖏᓐᓂᑦ ᐅᑎᕐᑎᓕᕐᐸᒋᑦ, ᑕᕝᕙ ᔧᑯ ᖁᕕᐊᓱᖕᓂᐊᕐᐳᖅ ᐃᓴᕆᐊᓕᓗ ᖁᕕᐊᓱᒡᓗᓂ.

ᐃᓐᖏᕈᑎᑦ 85:1

ᐊᑕᓃᖅ, ᓄᓇᖁᑏᑦ ᓮᒻᒪᕐᑎᓯᒪᓚᐅᕐᐸᑦ; ᐊᐅᓪᓚᕈᑦᔭᐅᓯᒪᔪᓪᓗ ᔧᑯᒃᑯᓐᓂᑦ ᐅᑎᕐᑎᓚᐅᕐᐸᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:23

ᓈᓚᒋᑦ ᐃᓂᕐᑎᕆᑦᔪᑎᓐᓂᒃ; ᐃᓱᒪᒋᔭᒃᑲ ᐃᓕᖕᓄᑦ ᑯᕕᑎᓐᓂᐊᕋᒃᑭᑦ; ᐅᖃᐅᓯᒃᑲᓗ ᐃᓕᖕᓄᑦ ᖃᐅᔨᔭᐅᑎᓐᓂᐊᕋᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 44:3

ᐃᒥᕈᒃᑐᖅ ᐃᒪᕐᒥᒃ ᑯᕕᓯᕕᒋᔪᒫᕐᐸᕋ, ᓄᓇᓗ ᐸᓂᕐᑐᖅ ᑰᒡᕕᐅᑎᑦᓱᒫᕐᓗᒍ, ᐊᓂᕐᓂᕋ ᑯᕕᔪᒫᕐᐸᕋ ᑭᖑᕚᑦᓯᓐᓄᑦ, ᕿᑐᕐᖓᓯᓗ ᓮᒻᒪᕐᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 16:15

ᐅᖃᖔᖃᑦᑕᓕᕈᒫᕐᐳᓪᓕ ᐃᒫᒃ, ‘ᐊᑕᓂᖅ ᐃᓅᖕᒪᑦ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᑎᓯᒪᔪᖅ ᐅᓐᓄᐊᓪᓗᐊᑉ ᓇᓛᓃᑦᑐᓂᑦ ᓄᓇᓕᖕᓂᑦ ᖁᔭᓈᕐᓯᕕᒋᓯᒪᔭᒥᓂᑦ ᑖᒃᑯᓂᖓ.’ ᐅᑎᕐᑎᑦᓱᒫᕋᒃᑭᑦ ᓯᕗᓕᕕᓂᖏᓐᓄᑦ ᓄᓇᑖᖑᑎᓚᐅᕐᓯᒪᔭᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 29:14

ᐃᓕᑦᓯᓐᓄᑦ ᓇᓂᔭᐅᔪᓐᓇᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᑎᓐᓂᐊᕐᐸᑦᓯᓗ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ, ᐃᓅᖃᑎᒌᒡᔪᐊᓕᒫᓂᑦ ᓇᑭᑐᐃᓐᓇᖅ ᑲᑎᕐᓱᕐᓂᐊᕐᐸᑦᓯ ᐊᐅᓪᓚᕐᑎᑕᐅᕕᒋᓯᒪᓚᐅᕐᑕᑦᓯᓐᓂᑦ, ᐊᑕᓂᖅ ᐅᖃᕐᐳᖅ, ᐊᐅᓪᓚᕐᑎᑕᐅᕕᒋᓚᐅᕐᑕᑦᓯᓐᓂᑦ ᓄᓇᒋᓐᖏᑕᑦᓯᓐᓄᑦ, ᐅᑎᕐᑎᑦᓱᒫᕆᕙᑦᓯ ᓄᓇᑦᓯᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᔨᕆᒤᐊᐅᑉ ᐊᒡᓚᖏᑦ 30:3

ᐊᑕᓂᖅ ᐅᖃᕐᐳᖅ, ᐅᓪᓗᐃᑦ ᑎᑭᑦᓱᒫᕐᐳᑦ, ᐃᓄᖁᑎᒃᑲ ᐃᓴᕆᐊᓕᒥᐅᑦ ᔫᑕᒥᐅᓪᓗ ᑎᒍᔭᐅᓯᒪᕕᒋᔭᖏᓐᓂ ᐅᑎᕐᑎᑦᓱᒫᕋᒃᑭᑦ: ᓄᓇᖃᓕᖁᓪᓗᒋᑦ ᓯᕗᓕᕕᓂᖏᓐᓄᑦ ᐊᖏᕈᑎᒋᓚᐅᕐᑕᓐᓂᒃ ᓄᓇᒋᔭᐅᖁᓪᓗᒍ, ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 16:53

“ᒪᑭᑎᒃᑲᓐᓂᕈᒫᕐᐸᒃᑲ ᓱᑑᒪ ᐸᓂᖏᓪᓗ, ᓴᒥᐊᕆᐊᑉ ᐸᓂᖏᓪᓗ, ᒪᑭᑎᒃᑲᓐᓂᕈᒫᕆᕙᑦᓯᑦᑕᐅᖅ ᑖᒃᑯᐊ ᐊᑯᕐᖓᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 39:25

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒫᓐᓇ ᔧᑰᑉ ᑭᖑᕚᖏᑦ ᐅᑎᕐᑎᓐᓂᐊᕐᐸᒃᑲ, ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᓈᒃᑭᒋᓂᐊᕐᐸᒃᑲ; ᐊᑎᕋᓗ ᐃᑦᔪᕐᓁᑦᑐᖅ ᓯᖕᓇᒋᓂᐊᕐᐸᕋ.

ᑖᓂᐊᓕᐅᑉ ᐊᒡᓚᖏᑦ 12:1

“ᑍᑦᓱᒪᓂ ᒤᑯ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐃᓅᖃᑎᒌᓂᒃ ᓴᐳᑦᔨᔨ ᒪᑭᑦᓱᒫᕐᐳᖅ, ᐃᓗᖏᕐᑐᕐᓇᕐᑐᖃᕈᒫᕐᒪᑦ ᑍᒪᓐᖓᑦ ᐃᓴᕆᐊᓕᑎᑦ ᐱᒋᐊᕐᓂᖓᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐱᓚᐅᕐᓯᒪᖏᑦᑐᒥᒃ. ᑭᓯᐊᓂᓕ ᐃᓅᖃᑎᒌᑦ ᓇᓪᓕᐊᑦ ᐊᑎᖃᕐᑐᑦ ᒪᒃᐱᕐᑐᕋᕐᓂ ᓴᐳᑎᔭᐅᔪᒫᕐᐳᑦ.

ᔪᐃᓕᐅᑉ ᐊᒡᓚᖏᑦ 2:29

ᑭᒡᒐᓐᓄᓪᓗ ᐊᖑᑎᓄᑦ ᐊᕐᓇᓄᓪᓗ ᐊᓂᕐᓂᕋ ᑯᕕᔪᒫᕐᐸᕋ, ᐅᓪᓗᓂ ᑍᒃᑯᓇᓂ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.

ᒨᓯᓯ ᓯᑕᒪᖏᑦ 11:29

ᒨᓯᓯᐅᑉ ᐅᖃᐅᑎᕚ, “ᐅᕙᓐᓂᒃ ᓯᖕᓇᒍᑦᔨᕖᑦ? ᐃᓄᓕᒫᑦ ᒎᑎᐅᑉ ᐅᖃᐅᓯᐅᖁᔭᖏᓐᓂᒃ ᐅᖃᕈᓐᓇᖁᒐᓗᐊᕐᐸᒃᑲ ᐊᑕᓂᕐᒧᓪᓗ ᐊᓂᕐᓂᕐᒥᒃ ᑐᓂᓯᕕᐅᖁᒐᓗᐊᕐᐸᒃᑲ!”

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.