ᔪᐃᓕᐅᑉ ᐊᒡᓚᖏᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐅᓇᑕᐅᑎᑐᑦ ᐊᒃᓴᓗᐊᓕᒃᑎᑐᑦ ᑍᒫᒃ ᓂᐱᖅᑯᕐᑐᑎᒋᕗᑦ, ᒥᓯᒃᑕᕐᐳᑦ ᖃᖅᑲᐅᑉ ᖄᖏᑎᒍᑦ; ᐃᕕᒃᑎᑐᑦ ᐃᑯᒪᔪᑐᑦ ᓂᓪᓕᐊᕗᑦ, ᓯᐊᒻᒪᒃᐳᑦ ᐅᓇᑕᕐᑐᒃᓴᕐᔪᐊᑎᑐᑦ ᐅᓇᑕᕆᐊᕐᑐᕐᑐᑎᑐᑦ.

ᔪᐃᓕᐅᑉ ᐊᒡᓚᖏᑦ 2:5 Iomraidhean Croise

ᔫᐱᐅᑉ ᐊᒡᓚᖏᑦ 39:20

ᒥᓯᒃᑎᑦᓱᓐᓇᕐᐱᐅᒃ ᐱᒡᓕᕐᑕᐅᔮᕐᑐᑎᑐᑦ? ᐃᓄᖕᓂᒃ ᑲᑉᐱᐊᓱᒃᑎᑦᓯᑎᓪᓗᒋᑦ ᓱᐳᐊᕐᕙᓗᖕᓂᖓᓄᑦ?

ᒨᓯᓯ ᐂᑉᐸᖏᑦ 5:12

ᑍᒤᒻᒪᑦ ᐃᓄᐃᑦ ᐄᑦᔨᑉᑎᐅᑉ ᓄᓇᖓᓂ ᓇᒧᑐᐃᓐᓇᖅ ᓯᐊᒻᒪᕐᓯᒪᖃᑦᑕᓕᓚᐅᕐᐳᑦ, ᐃᕕᖕᓂᒃ ᐅᔭᕋᓕᐊᕆᔭᒃᓴᓂᒃ ᑲᑎᑦᓯᓇᓱᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 5:24

ᑍᒤᒻᒪᑦ, ᓲᕐᓗ ᐃᑯᒪᐅᑉ ᐃᑯᐊᓚᔫᑉ ᐃᕕᖕᓂᒃ ᑭᓪᓗᐃᕕᐅᔪᕕᓃᑦ ᓄᖑᒻᒪᒋᑦ, ᓲᕐᓗᓗ ᐃᕕᒃᓱᒐᖅ ᐸᓂᕐᑐᖅ ᐃᑯᒪᒧᑦ ᓄᖑᑕᐅᖕᒪᑦ, ᑍᒫᒃᑕᐅᖅ ᐊᒫᖏᑦ ᐊᐅᓂᐅᓕᕈᒫᕐᐳᑦ, ᐱᕈᕐᑐᖏᑕᓗ ᓂᐊᖁᖏᑦ ᐳᔪᕋᕐᑎᑐᑦ ᑎᒃᑕᐅᔪᒫᕐᐳᑦ; ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᖁᔭᖏᑦ ᒪᓕᒍᒪᓚᐅᖏᒻᒪᒋᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᖁᑎᖓᑕ ᐅᖃᐅᓯᖓ ᓇᕐᕈᒋᓚᐅᕐᒪᑦᔪᒃ.

ᔨᕆᒤᐊᐅᑉ ᐊᒡᓚᖏᑦ 50:42

ᐅᓇᑕᕆᐊᕐᑐᑦ ᓱᒋᐅᑦᓯᔭᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ ᓂᑲᒍᓱᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᕿᒻᒥᕐᔪᐊᖏᑕ ᕿᑭᕐᕋᖏᑦ ᐃᒪᕐᕕᐅᑉ ᒪᓕᖏᑎᑐᑦ ᐃᒃᑑᓕᔮᕐᐳᑦ, ᐅᓇᑕᕆᐊᕐᓯᒪᔪᑦ ᐋᖅᑭᒃᓯᒪᓂᕆᕙᒃᑕᖏᑎᑐᑦ ᐋᖅᑭᒃᓯᒪᓪᓗᑎᒃ ᐅᐸᒍᑎᓕᕐᐳᑦ ᐹᐱᓘᓂᒧᑦ.

ᒫᑎᐅᓯᐅᑉ ᐊᒡᓚᖏᑦ 3:12

ᑖᑦᓱᒪ ᓂᐊᖂᔭᒃᓴᓂᒃ ᓴᓃᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓂᒃ ᓯᖃᓕᑦᓯᕕᖕᒥᓂᑦ ᓂᐊᖂᔭᒃᓴᐅᖏᑦᑐᑦ ᐊᕕᑎᑦᓱᒪᓪᓗᒋᑦ ᓂᐊᖂᔭᒃᓴᓂᑦ, ᓂᐊᖂᔭᒃᓮᓪᓗ ᓯᕐᓗᐊᕐᒥᓄᑦ ᑲᑎᑦᓱᒫᕐᐰᑦ, ᐃᕕᐅᓂᖏᑦ ᐃᑯᐊᓪᓚᒍᒫᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:9

ᓴᒡᕕᖕᒥᒃᑎᒍᓪᓗ ᓴᕕᕋᔭᐅᔮᕐᑐᒥᒃ ᓴᒡᕕᖕᒥᐅᑕᖃᕐᐳᑦ, ᐃᓴᕈᖏᑕᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᓂᖃᕐᐳᑦ ᐊᒃᓴᓗᐊᓖᑦ ᑲᓕᒊᑦ ᐊᒥᓱᑦ ᕿᒻᒥᕐᔪᐊᒐᓴᒡᔪᐊᓪᓗ ᐅᓇᑕᕆᐊᓕᕐᓂᖏᑎᑐᑦ.