ᔪᐃᓕᐅᑉ ᐊᒡᓚᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᑯᒪᒧᑦ ᓄᖑᑕᐅᕗᑦ ᓯᕗᓂᐊᓃᑦᑐᑦ ᑭᖑᓂᐊᓃᑦᑐᓪᓗ ᐃᑯᐊᓚᕗᑦ; ᓄᓇᓗ ᓯᕗᓂᐊᓃᑦᑐᖅ ᐱᕈᕐᓰᕕᒃ ᐄᑕᓂᒥᐅᖑᔮᕐᑐᖅ, ᑭᖑᓂᐊᓂᓗ ᓄᓇ ᐃᓄᖃᔪᐃᑦᑐᑐᑦ ᑍᒤᓕᕐᐳᖅ, ᑭᓇᓘᓐᓃᑦ ᕿᒫᔪᓐᓇᕐᓂᐊᓐᖏᓚᖅ.

ᔪᐃᓕᐅᑉ ᐊᒡᓚᖏᑦ 2:3 Iomraidhean Croise

ᒨᓯᓯ ᓯᕗᓪᓖᑦ 13:10

ᓘᑎᓗ ᐊᕙᒻᒧᑦ ᑕᑯᓴᕋᒥ, ᑕᑯᕗᖅ ᔪᐊᕐᑕᓂᐅᑉ ᓇᕐᓴᖓᓂᒃ ᐃᒪᖃᑦᓯᐊᕐᑐᒥᒃ, ᐊᑕᓂᐅᑉ ᐱᕈᕐᓰᕕᖁᑎᖓᑎᑐᑦ, ᐄᑦᔨᑉᑎᐅᓪᓗ ᓄᓇᖓᑎᑐᑦ ᑍᒤᑦᑑᔮᕐᑐᒥᒃ. ᓄᓇᐅᑉ ᔪᐊᕆᐅᑉ ᓇᓛᓄᑦ; ᑍᒤᑦᑑᓚᐅᕐᐳᖅ ᑕᒪᓐᓇ ᐊᑕᓂᐅᑉ ᓱᑑᒪ ᒍᒨᕋᓗ ᐊᓯᕈᓚᐅᕐᑎᓐᓇᓂᒋᒃ.

ᒨᓯᓯ ᓯᕗᓪᓖᑦ 2:8

ᐊᑕᓂᕐᓗ ᒎᑎ ᐱᕈᕐᓰᕕᓕᐅᕐᐳᖅ ᐄᑕᓂᒥᒃ, ᓯᕿᓂᐅᑉ ᓄᐃᕕᐊᑕ ᓇᓛᓂ; ᐊᖑᓪᓗ ᑕᕝᕗᓐᖓᕐᑎᑉᐹ ᓴᓇᓚᐅᕐᑕᓂ.

ᐃᓐᖏᕈᑎᑦ 50:3

ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.

ᐃᓐᖏᕈᑎᑦ 97:3

ᑖᑦᓱᒪ ᐃᑯᒪ ᓯᕗᓕᕆᕚ, ᐃᑯᐊᓪᓔᓪᓗᓂᓗ ᐊᑭᕋᕐᑐᕐᑎᖏᓐᓂᒃ ᑕᒫᓃᑦᑐᓂᒃ.

ᒨᓯᓯ ᐂᑉᐸᖏᑦ 10:15

ᓄᓇᓕᒫᑦᓯᐊᕐᓗ ᑕᑕᑕᐅᓯᒪᓕᓚᐅᕐᐳᖅ ᑕᒪᒃᑯᓄᖓ, ᓄᓇᓗ ᐊᒡᓛᑦ ᑕᒪᒃᑯᓄᖓ ᑖᕐᓯᑎᑕᐅᓚᐅᕐᐳᖅ, ᐱᕈᕐᑐᓕᒫᓂᒡᓗ ᓄᓇᒦᑦᑐᓂᒃ ᓂᕆᓕᕐᐳᑦ ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᓇᑕᖅᑯᕐᓇᕐᓄᑦ ᐊᒥᐊᒃᑯᒋᔭᐅᓚᐅᕐᑐᓂᒃ; ᑐᖑᔪᕐᑕᓂᒡᓗ ᓄᓇᒥ ᐊᒥᐊᒃᑯᑕᖃᕈᓐᓃᓚᐅᕐᐳᖅ, ᐊᒡᓛᓪᓗ ᓇᐹᕐᑐᑦ, ᐱᕈᕐᑐᓪᓗ ᐱᕈᕐᓰᕕᖕᒦᑦᑐᑦ, ᐄᑦᔨᑉᑎᐅᑉ ᓄᓇᓕᒫᖓᓃᓕᕐᓗᑎᒃ.

ᒨᓯᓯ ᐂᑉᐸᖏᑦ 10:5

ᑕᒪᓐᓇᓗ ᓄᓇᓕᒫᑦᓯᐊᖅ ᑕᑕᑕᐅᓯᒪᓂᐊᕐᐳᖅ ᑕᒪᒃᑯᓄᖓ, ᐊᒡᓛᑦ ᐅᓄᓗᐊᒧᑦ ᓄᓇ ᓴᖅᑭᔮᕈᓐᓃᕐᑎᑕᐅᓂᐊᕐᐳᖅ ᑕᒪᒃᑯᓄᖓ; ᓱᓇᑐᐃᓐᓇᑦᓯᐊᓂᒡᓗ ᓇᑕᖅᑯᕐᓇᕐᓄᑦ ᓱᕋᒃᑕᐅᓯᒪᖏᑦᑐᓕᒫᓂᒃ ᓂᕆᓂᐊᕐᐳᑦ, ᓇᐹᕐᑐᖁᑎᓕᒫᓯᓗ ᓄᓇᒥ ᐱᕈᕐᑐᑦ ᑕᒪᒃᑯᓄᖓ ᓂᕆᔭᐅᓂᐊᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 14:17

ᓄᓇᕐᔪᐊᕐᒥᒃ ᓯᐅᕅᓐᓇᕐᑎᑐᑦ ᐃᓄᖃᖏᑦᑐᑐᑦ ᑍᒤᑎᑦᓯᕙᓚᐅᕐᑐᖅ, ᐃᒡᓗᒐᓴᒡᔪᐊᓂᒃ ᐊᓯᕈᐃᕙᓚᐅᕐᑐᖅ, ᑎᒍᓯᒪᔭᒥᓂᒡᓗ ᐊᖏᕐᕋᕐᑎᑦᓯᕙᓚᐅᖏᑦᑐᖅ?’

ᐂᓮᐊᓯᐅᑉ ᐊᒡᓚᖏᑦ 15:6

ᓂᒻᕆᒥᐅᑦ ᑰᖓ ᓴᓗᐊᕐᒪᑦ, ᓯᓈᑕᓗ ᐃᕕᒃᓱᒐᖏᑦ ᐸᓂᕐᓯᒪᓪᓗᑎᒃ; ᐃᕕᒃᓱᒐᕐᒥᒡᓘᓐᓃᑦ ᐱᕈᓕᓵᕐᑐᒥᒃ ᓄᐃᔪᖃᕈᓐᓃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 33:4

ᐱᖁᑎᖏᓪᓗ ᐸᕐᓚᔭᐅᓪᓗᑎᒃ ᑎᒎᖅᑲᕐᑕᐅᕙᒃᐳᑦ ᖁᐱᕐᕈᑎᑐᑦ ᑲᑎᕐᓱᐃᔪᑎᑐᑦ; ᐱᒡᓕᕐᑕᐅᔭᑎᑐᓪᓗ ᐊᕙᒻᒧᑭᑕᒃᑐᑎᑐᑦ, ᑍᒫᒃ ᐊᕙᒻᒧᒃᑎᑦᓱᒫᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 9:18

ᐊᔪᕐᑐᓕᓃᑦ ᐃᑯᐊᓚᖕᒪᑕ ᐃᑯᒪᑎᑐᑦ, ᓄᖒᑦᓯᓪᓗᓂ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒡᓗ; ᐃᑯᐊᓪᓔᓪᓗᑎᒡᓗ ᓇᐹᕐᑐᒐᓴᒡᔪᐊᓂᒃ ᐊᑯᓔᑦᑐᓂᒃ; ᐃᓯᕐᓗᒡᔪᐊᕐᒥᒃ ᖁᒻᒧᐊᒃᑎᑦᓯᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 9:19

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓂᓐᖓᐅᓯᖓᓄᑦ ᓄᓇ ᐃᑯᐊᓪᓚᒃᑕᐅᕗᖅ, ᐃᓄᐃᓪᓗ ᐃᑯᒪᒧᑦ ᐃᑯᐊᓪᓚᖅᑯᑎᒃᓴᑎᑐᑦ ᑍᒤᓪᓗᑎᒃ; ᓇᓪᓕᐊᓪᓘᓐᓃᑦ ᖃᑕᓐᖑᑎᒥᓂᒃ ᓴᐳᑦᔨᔪᓐᓇᕐᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᐃᓯᑭᐊᓕᐅᑉ ᐊᒡᓚᖏᑦ 36:35

ᐃᓄᐃᓪᓗ ᐅᖃᕈᒫᕐᐳᑦ, ‘ᒪᓐᓇ ᓄᓇ ᓱᓇᖃᓚᐅᖏᑦᑐᖅ ᐄᑕᓂᐅᑉ ᐱᕈᕐᓰᕕᖓᑐᑦ ᑍᒤᓕᕐᐳᖅ; ᐃᒡᓗᒐᓴᒡᔪᐊᕕᓃᓪᓗ ᐃᓄᖃᓚᐅᖏᑦᑐᑦ ᓱᓇᑕᖃᓚᐅᕈᓐᓃᕐᑐᓪᓗ ᒫᓐᓇ ᐃᓄᖃᓕᕆᕗᖅ ᐊᕙᓗᕐᔪᐊᖃᓕᕐᓗᓂᓗ.’

ᐂᒨᓯᐅᑉ ᐊᒡᓚᖏᑦ 7:4

ᐃᒫᒃ ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᒎᑎ ᐱᖁᔨᓚᐅᕐᐳᖅ ᐃᖅᑲᕐᑐᐃᓂᕐᒥᒃ ᐃᑯᒪᒧᑦ, ᑕᕆᐅᖅ ᐃᑎᔪᕐᔪᐊᖅ ᐃᑯᐊᓪᓚᓚᐅᕐᐹ ᓄᓇᓗ ᐃᑯᐊᓪᓚᖃᓯᐅᑎᓕᕐᓗᓂ.

ᕼᐊᐸᑲᐅᑉ ᐊᒡᓚᖏᑦ 1:6

ᑲᐅᓪᑎᐊᒥᐅᑦ ᐊᐅᓚᑦᓯᔨᓐᖑᕐᑎᓐᓂᐊᕐᐸᒃᑲ, ᐃᓅᖃᑎᒌᒡᔪᐊᑦ ᐆᒥᓱᒃᑎᐊᓗᐃᑦ ᐅᐃᒪᔮᕐᓗᑎᒡᓗ. ᓄᓇᕐᔪᐊᕐᒧᑦ ᓇᒧᑐᐃᓐᓇᖅ ᐃᖏᕐᕋᑲᑕᒃᑐᑦ, ᓄᓇᒋᓐᖏᑕᒥᖕᓂᒃ ᓄᓇᖁᑎᑖᕈᒪᓪᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 7:14

ᐅᓚᔪᔭᕐᒧᑦ ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ ᐊᑦᔨᒌᖏᑦᑐᓄᑦ, ᑕᑯᓕᒪᓇᖏᑦᑑᓪᓗᑎᒃ ᓄᓇᒋᓐᖏᑕᒥᖕᓂ ᓄᓇᖃᖃᑕᐅᓕᓚᐅᕐᐳᑦ. ᓄᓇ ᕿᒪᒃᑕᖓᑦ ᑐᓐᖓᓇᕈᓐᓁᓚᐅᕐᒪᑦ, ᑕᒪᓐᓇ ᓄᓇᑦᓯᐊᕙᒃ ᓄᓇᒋᔭᐅᔪᓐᓁᓚᐅᕐᐳᖅ ᐃᓄᖃᕈᓐᓁᕐᓗᓂ.”