ᔪᐃᓕᐅᑉ ᐊᒡᓚᖏᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᓪᓗᖅ ᑖᕐᓯᔪᒫᕐᒪᑦ ᑲᑉᐱᐊᓇᕐᓗᓂᓗ, ᐅᓪᓗᖅ ᑖᕐᓯᔪᒫᕐᒪᑦ ᓄᕗᔭᓗᓂᓗ. ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᑖᕐᓯᑎᑦᓯᔪᒫᕐᐳᑦ ᖃᖅᑲᒥᒃ, ᐊᔪᖏᑦᑐᕐᔪᐊᑦ ᐱᔪᓐᓇᕐᑐᕐᔪᐊᓪᓗ ᐊᑭᕅᑦ ᑎᑭᑦᓱᒫᕐᐳᑦ, ᑍᒫᒃ ᐱᔪᖃᓚᐅᕐᓯᒪᓐᖏᓚᖅ ᑍᒤᑦᑐᖃᓚᐅᕐᓯᒪᓂᐊᕋᓂᓗ ᒪᑐᒪ ᑭᖑᓂᐊᒍᑦ.

ᔪᐃᓕᐅᑉ ᐊᒡᓚᖏᑦ 2:2 Iomraidhean Croise

ᐃᓐᖏᕈᑎᑦ 10:6

ᐆᒻᒪᑎᒥᒍᑦ ᐃᓱᒪᕗᖅ, “ᐊᓯᓐᓂᑦ ᐊᐅᓚᑕᐅᓂᐊᓐᖏᓚᖓ, ᐊᑲᐅᖏᑦᑐᒧᓪᓗ ᖃᖓᓕᒫᖅ ᑎᑭᑕᐅᓂᐊᕐᓇᖓ.”

ᐃᓐᖏᕈᑎᑦ 97:2

ᓄᕗᔧᑦ ᓄᕗᑦᑕᕆᖕᓃᓪᓗ ᕿᕐᓂᕐᑕᑦ ᑖᑦᓱᒪ ᓇᔪᕐᑕᖓᓃᑉᐳᑦ; ᓇᓛᒎᕐᓂᖅ ᓈᒻᒪᓈᕐᑐᒥᒡᓗ ᐱᓇᓱᐊᕐᓂᖅ ᑖᑦᓱᒪ ᐊᖓᔪᖅᑲᐅᕕᖓᑕ ᑐᓐᖓᕕᒋᕚ.

ᒨᓯᓯ ᐂᑉᐸᖏᑦ 10:14

ᐱᒡᓕᕐᑕᐅᔮᕐᑐᓪᓗ ᑎᑭᓐᓇᒥᒃ ᐄᑦᔨᑉᑎᐅᑉ ᓄᓇᓕᒫᖓᓄᑦ ᓯᐊᒻᒪᒃᐳᑦ, ᐄᑦᔨᑉᑎᐅᓪᓗ ᓄᓇᓕᒫᖓᓃᓕᕐᓗᑎᒃ, ᐅᓄᕐᑐᕐᔪᐊᖑᓚᐅᕐᐳᑦ ᑍᒫᒡᓗ ᓯᕗᓂᖓᒍᑦ ᐅᓄᕐᑎᒋᔪᖃᓚᐅᕐᓯᒪᓐᖏᓚᖅ, ᑭᖑᓂᖓᒍᓪᓗ ᑍᒫᒃ ᐅᓄᕐᑎᒋᔪᓂᒃ ᐱᑕᖃᓚᐅᕐᓯᒪᑦᔮᓇᓂ.

ᒨᓯᓯ ᐂᑉᐸᖏᑦ 10:6

ᑕᒪᒃᑯᓄᖓᓗ ᐃᒡᓗᓯ ᑕᑕᑕᐅᓂᐊᕐᐳᑦ, ᐱᔨᕕᓪᓗ ᐃᒡᓗᓕᒫᖏᑦ ᑕᑕᑕᐅᓂᐊᕐᐳᑦ ᐄᑦᔨᑉᑎᒥᐅᓕᒫᓪᓗ; ᐊᑖᑕᒃᑯᓯ ᐊᑖᑕᑦᓯᐊᒃᑯᓯᓘᓐᓃᑦ ᑍᒫᒃ ᐅᓄᕐᑎᒋᔪᓂᒃ ᑕᑯᓚᐅᕐᓯᒪᓐᖏᓚᑦ, ᑍᒪᓐᖓᑦ ᐃᓅᓕᕐᓂᕐᒥᖕᓂᑦ ᐅᓪᓗᒥᒧᑦ ᑎᑭᓪᓗᒍ ᑍᒫᒃ ᖃᐅᔨᔪᖃᓚᐅᕐᓯᒪᓐᖏᓚᖅ.” ᒨᓯᓯᓗ ᐰᕉᒥᑦ ᑐᓄᒃᑲᒥ ᑕᕝᕙᓐᖓᑦ ᐊᓂᕗᖅ.

ᒨᓯᓯ ᐂᑉᐸᖏᑦ 20:21

ᐃᓄᐃᓪᓕ ᓱᓕ ᐅᖓᓯᒃᑐᒥ ᓇᖏᑐᐃᓐᓇᓕᕐᐳᑦ, ᒨᓯᓯᓕ ᑭᓯᒥ ᓄᕗᔮᓗᖕᒧᑦ ᕿᕐᓂᕐᑕᒧᑦ ᒎᑎᐅᑉ ᓇᔪᕐᑕᖓᓄᑦ ᖃᒡᓕᔪᓐᓇᕐᑐᑑᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 5:30

ᐃᕐᓯᓵᕐᕕᒋᔪᒫᕐᐰᑦ ᑕᒪᓐᓇ ᓇᓪᓕᐅᑎᒃᐸᑦ, ᐃᒪᕐᔪᐊᑉ ᑕᕆᐅᑉ ᓄᓇᒧᑦ ᓂᐱᕐᔪᐊᖃᕐᓂᖓᑐᑦ. ᓄᓇ ᑕᑯᔭᐅᒐᔭᕐᐸᑦ ᓇᓪᓕᐊᓐᓄᑦ, ᑕᑯᔭᐅᒐᔭᕐᐳᖅ ᑖᕐᑐᐊᓗᒃ ᑲᑉᐱᐊᓇᕐᑐᕐᓗ; ᖃᐅᒪᔪᕐᓗ ᑖᕐᓯᑎᑕᐅᕗᖅ ᓄᕗᔭᓄᑦ.

ᐂᓮᐊᓯᐅᑉ ᐊᒡᓚᖏᑦ 8:22

ᑭᖑᓂᖓᒍᑦ ᐊᒻᒧᑦ ᑕᑯᓴᕈᒫᕐᐳᑦ ᓄᓇᒧᑦ, ᑕᑯᓗᑎᒡᓗ ᐅᖁᒤᑦᑐᕐᔪᐊᓂᒃ ᑖᕐᑐᕐᔪᐊᒥᒡᓗ, ᐃᓱᒪᔮᕐᓇᕐᑐᒧᑦ ᑖᕐᑐᒧᑦ, ᐂᑎᑕᐅᓗᑎᒃ ᑖᕐᑐᕐᔪᐊᒧᑦ.

ᔨᕆᒤᐊᐅᑉ ᐊᒡᓚᖏᑦ 13:16

ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 13:6

ᐅᓪᓗᐃᑦ ᐅᓄᕐᑐᑦ ᑭᖑᓂᖓᑦᑎᒍᑦ, ᐊᑕᓂᐅᑉ ᐅᖃᕐᕕᒋᕚᖓ, “ᐃᕗᕅᑎᒧᑦ ᐂᓚᐅᕐᒥᒍᒃ ᕿᑎᕈᑏᑦ ᐃᔨᕆᐊᕐᑐᖁᓚᐅᕐᑕᕋ ᑍᑯᖓ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:12

ᐊᖅᑯᓵᕐᑐᓄᑦ ᐅᑦᔨᕆᔭᐅᔪᓐᓇᓐᖏᓚᖓ, ᑕᑯᓚᐅᕆᑦᓯ ᐋᓐᓂᐊᓂᒃᑲ, ᐋᓐᓂᐊᔪᓄᑦ ᐊᑦᔨᐅᓇᓱᒋᒐᑦᓯᐅᒃ? ᐊᑕᓂᐅᑉ ᓂᓐᖓᖕᓂᕐᒥᓄᑦ ᓱᒋᐊᕐᓯᓂᕆᔭᖓ ᐅᕙᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 32:7

ᐃᓕᖕᓂᒃ ᐊᓯᕈᐃᓕᕈᒪ, ᕿᓚᒃ ᑕᓕᑎᑦᓱᒫᕐᐸᕋ, ᐅᓪᓗᕆᐊᓪᓗ ᑖᕐᓯᓗᑎᒃ; ᓯᕿᓂᖅ ᓄᕗᔭᓄᑦ ᑕᓕᑎᑦᓱᒫᕐᐸᕋ, ᑕᖅᑭᕐᓗ ᖃᐅᒪᔪᓐᓁᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 34:12

ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 38:9

ᓵᓚᒋᔪᒫᕐᐸᑎᑦ, ᐊᓄᕆᕐᔪᐊᑎᑐᑦ ᑎᑭᕝᕕᒋᓗᒋᑦ, ᓄᓇᖓᓪᓗ ᓄᕗᔭᒧᑦ ᑖᓪᓕᕐᑕᐅᔪᑎᑐᑦ ᑍᒤᑦᓱᒫᕐᐸᑦ, ᐃᓚᒋᔭᓕᒫᑎᓪᓗ ᐃᓚᒋᓗᒋᑦ ᐃᓄᒋᐊᒃᑐᕐᔪᐊᑦ.

ᑖᓂᐊᓕᐅᑉ ᐊᒡᓚᖏᑦ 12:1

“ᑍᑦᓱᒪᓂ ᒤᑯ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐃᓅᖃᑎᒌᓂᒃ ᓴᐳᑦᔨᔨ ᒪᑭᑦᓱᒫᕐᐳᖅ, ᐃᓗᖏᕐᑐᕐᓇᕐᑐᖃᕈᒫᕐᒪᑦ ᑍᒪᓐᖓᑦ ᐃᓴᕆᐊᓕᑎᑦ ᐱᒋᐊᕐᓂᖓᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐱᓚᐅᕐᓯᒪᖏᑦᑐᒥᒃ. ᑭᓯᐊᓂᓕ ᐃᓅᖃᑎᒌᑦ ᓇᓪᓕᐊᑦ ᐊᑎᖃᕐᑐᑦ ᒪᒃᐱᕐᑐᕋᕐᓂ ᓴᐳᑎᔭᐅᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 9:12

ᐅᖃᐅᓯᕐᑎᑦ ᓈᒻᒪᒃᓴᖏᓐᓂᑎᓪᓗ ᐅᕙᑦᑎᓐᓂᒃ ᐊᐅᓚᑦᓯᔨᑦᑎᓐᓂᒡᓗ ᑲᔪᓯᓯᒪᖕᒪᑕ ᖁᕕᐊᓇᖏᑦᑐᓄᑦ ᐅᒡᒍᐊᕐᓇᕐᑐᓄᑦ ᑎᑭᓯᒪᕗᒍᑦ. ᕿᓚᐅᑉ ᐊᑖᓂ ᔨᕉᓴᓕᐅᑉ ᐱᓂᐊᕐᕕᐅᓯᒪᓂᖓᑐᑦ ᐱᔭᐅᔪᖃᓚᐅᕐᓯᒪᓐᖏᓚᖅ.

ᔪᐃᓕᐅᑉ ᐊᒡᓚᖏᑦ 1:6

ᐱᒡᓕᕐᑕᐅᔮᕐᑐᑦ ᐃᓅᖃᑎᒌᒡᔪᐊᑎᑐᑦ ᐊᓯᕈᐃᒋᐊᕐᑐᕐᒪᑕ ᓄᓇᖁᑎᑦᑎᓐᓂᒃ, ᐅᓄᓗᐊᕐᒪᑕ ᐊᔪᖏᑦᑑᓗᐊᕐᓗᑎᒡᓗ ᓈᓴᒐᒃᓴᐅᖏᑦᑐᑦ; ᑭᒍᑎᖃᕐᐳᑦ ᓛᔭᑎᑐᑦ, ᑐᓗᕆᐊᖏᑦ ᓛᔭᐅᑉ ᐊᕐᓇᓪᓗᖏᑎᑐᑦ ᑍᒤᑉᐳᑦ.

ᔪᐃᓕᐅᑉ ᐊᒡᓚᖏᑦ 2:25

ᐅᑎᕐᑎᑦᓯᕕᒋᓂᐊᕐᐸᑦᓯ ᐊᕐᕌᒍᓂᒃ ᐊᓯᐅᔨᓚᐅᕐᑕᑦᓯᓐᓂᒃ ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᓂᕆᓚᐅᕐᑕᖏᓐᓂᒃ, ᐱᒡᓕᕐᑕᐅᔮᕐᑐᑦ ᐹᕐᖑᕐᑐᑦ, ᓄᖒᑦᓯᔪᓪᓗ, ᑕᒧᐊᔪᓪᓗ ᑎᓕᓚᐅᕋᒃᑭᑦ ᐅᓇᑕᕐᑐᒃᓴᕐᔪᐊᑎᑐᑦ ᐊᑯᓐᓇᑦᓯᓐᓄᑦ.

ᔪᐃᓕᐅᑉ ᐊᒡᓚᖏᑦ 2:31

ᓯᕿᓂᕐᓗ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ.

ᔪᐃᓕᐅᑉ ᐊᒡᓚᖏᑦ 2:5

ᐅᓇᑕᐅᑎᑐᑦ ᐊᒃᓴᓗᐊᓕᒃᑎᑐᑦ ᑍᒫᒃ ᓂᐱᖅᑯᕐᑐᑎᒋᕗᑦ, ᒥᓯᒃᑕᕐᐳᑦ ᖃᖅᑲᐅᑉ ᖄᖏᑎᒍᑦ; ᐃᕕᒃᑎᑐᑦ ᐃᑯᒪᔪᑐᑦ ᓂᓪᓕᐊᕗᑦ, ᓯᐊᒻᒪᒃᐳᑦ ᐅᓇᑕᕐᑐᒃᓴᕐᔪᐊᑎᑐᑦ ᐅᓇᑕᕆᐊᕐᑐᕐᑐᑎᑐᑦ.

ᔪᐃᓕᐅᑉ ᐊᒡᓚᖏᑦ 3:4

“ᓱᓇᒦᒃ ᐊᑭᕋᕐᑑᑎᒃᓴᖃᕐᐲᑦ ᐅᕙᓐᓄᑦ? ᑍᕆ, ᓮᑐᓂᓗ ᐱᓕᔅᑎᐊᒥᐅᓪᓗ ᐃᒪᐅᑉ ᓯᓈᓃᑦᑐᑦ ᐅᕙᓐᓄᑦ ᐊᑭᒋᐊᕈᒪᕕᓰ? ᐊᑭᒋᐊᕈᑦᓯ, ᑕᕝᕔᓐᓇᖅ ᑐᐊᕕᕐᓗᖓ ᐊᑭᒋᐊᕐᓂᓯ ᐃᓕᓯᓐᓄᑦ ᐱᑎᓐᓂᐊᕐᐸᕋ.

ᐂᒨᓯᐅᑉ ᐊᒡᓚᖏᑦ 4:13

ᑕᑯᒋᑦ, ᖃᖅᑲᓂᒃ ᓴᓇᓚᐅᕐᑐᖅ, ᐊᓄᕆᒥᒡᓗ ᐱᓐᖑᕐᑎᑦᓯᓚᐅᕐᑐᖅ, ᐃᓄᖕᒧᓪᓗ ᓇᓗᓁᕐᓯᓚᐅᕐᑐᖅ ᐃᓱᒪᒋᔭᒥᓂᒃ, ᐅᓪᓛᒥᒡᓗ ᑖᕐᓯᑎᑦᓯᓚᐅᕐᑐᖅ, ᓄᓇᕐᔪᐊᓪᓗ ᐳᕐᑐᓂᕐᐹᖏᓐᓂᒃ ᑐᓪᓕᕋᕐᑐᖅ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᒎᑎᒥᒃ ᐊᑎᖃᕐᐳᖅ.”

ᔨᐸᓁᐊᐅᑉ ᐊᒡᓚᖏᑦ 1:7

ᓂᐰᓕᕆᑦᓯ ᐊᑕᓂᐅᑉ ᒎᑎᐅᑉ ᓵᖓᓂ! ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ; ᐊᑕᓂᖅ ᑐᓂᕐᕈᑎᒃᓴᒥᓂᒃ ᐊᑐᐃᓐᓇᕈᐃᓯᒪᓕᕐᒪᑦ ᕾᖁᓯᒪᔭᓂᓗ ᐃᑦᔪᕐᓁᑎᑉᐰᑦ.

ᓴᑲᕅᐊᐅᑉ ᐊᒡᓚᖏᑦ 14:6

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᖃᐅᒪᔪᖃᕈᒫᓐᖏᓚᖅ, ᑖᕐᑐᖃᕈᒫᕋᓂᓗ.

ᒫᑎᐅᓯᐅᑉ ᐊᒡᓚᖏᑦ 24:21

ᑲᑉᐱᐊᓇᕐᑐᖅ ᑕᒪᓐᓇ ᐊᑦᔨᖃᕐᕈᒫᖏᒻᒪᑦ ᐊᑐᕐᓯᒪᔭᑦᓯᓐᓂᑦ, ᓯᓚᕐᔫᑉ ᐱᒋᐊᕐᓂᖓᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑦᔨᖃᕐᓂᐊᖏᓚᖅ ᑕᒪᑐᒪ ᑭᖑᕐᖓᒍᑦ.

ᒫᑯᓯᐅᑉ ᐊᒡᓚᖏᑦ 13:19

ᐅᓪᓗᐃᑦ ᑖᒃᑯᐊ ᑲᑉᐱᐊᓇᕐᑐᑦ ᓇᓕᖃᕈᒫᖏᒻᒪᑕ ᓯᓚᕐᔪᐊᑉ ᐱᒋᐊᕐᓂᖓᓂᑦ ᒎᑎᐅᑉ ᐱᓐᖑᕐᑎᑦᓯᓚᐅᕐᓂᖓᓂᑦ ᒫᓐᓇᒧᑦ ᑎᑭᓪᓗᒍ, ᑭᖑᓂᖓᒍᑦ ᑍᒫᒃ ᑲᑉᐱᐊᓇᕐᑎᒋᔪᒥᒃ ᐱᑕᖃᕈᒫᓐᖏᓚᖅ.

ᒨᓯᓯ ᑕᓪᓕᒪᖏᑦ 32:7

ᐅᓪᓗᓂᒃ ᐃᖅᑬᓚᐅᕆᑦᓯ ᑍᑦᓱᒪᓂᐅᓚᐅᕐᑐᓂᒃ; ᐊᑖᑕᓯ ᐊᐱᕐᓱᓚᐅᕐᓯᐅᒃ ᖃᓄᐃᑦᑐᖃᓚᐅᕐᓯᒪᖕᒪᖔᑦ, ᐊᖓᔪᖅᑳᓯᓗ ᐊᐱᕐᓱᓚᐅᕐᓯᐅᒃ ᑖᒃᑯᓇᓐᖓᑦ ᐅᖃᐅᑦᔭᐅᓂᐊᕋᑦᓯ.

ᐄᑉᕈᐃᓄᑦ 12:18

ᖃᖅᑲᒧᑦ ᐊᒃᑐᕐᑕᐅᔪᓐᓇᕐᑐᒧᑦ ᑎᑭᖏᓐᓇᑦᓯ, ᐃᑯᐊᓚᔪᖃᕐᑐᒧᑦ, ᑕᒃᓯᕐᑐᒧᓪᓗ, ᑖᕐᑐᕐᔪᐊᒧᓪᓗ, ᐊᓄᕆᕐᔪᐊᕐᑐᒧᓪᓗ,

ᔫᑎᐅᑉ ᐊᒡᓚᖏᑦ 1:13

ᐃᖏᐅᓕᐊᓗᒃᑎᑐᑦ ᐃᒪᕕᖕᒥ ᑍᒤᑉᐳᑦ, ᖃᐳᐊᓕᕐᑎᑦᓯᓂᕐᒥᒃ ᓴᖅᑭᑎᑦᓯᔪᑎᑐᑦ ᐱᓂᐊᕐᓂᕐᒥᒃᑎᒍᑦ ᑲᓐᖑᓇᕐᑐᒦᑎᑉᐳᑦ; ᐅᓪᓗᕆᐊᑎᑐᑦ ᐃᖏᕐᕋᑐᐃᓐᓈᕐᑐᑎᑐᑦ ᑍᒤᑉᐳᑦ ᐃᓂᓕᐅᕐᑕᐅᔭᕆᕐᓯᒪᕗᑦ ᐃᓱᖃᖏᑦᑐᒧᑦ ᑕᕝᕙᓃᖏᓐᓇᕐᓂᐊᓕᕐᓗᑎᒃ ᑖᕐᑐᕐᔪᐊᕐᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:2

ᐅᓪᓗᕆᐊᓪᓗ ᐃᑎᕐᓴᕐᔪᐊᖅ ᓇᑎᖃᖏᑦᑐᖅ ᐅᒃᑯᐃᕐᐹ, ᐃᓯᕐᓗᒡᓗ ᓴᖅᑭᑉᐳᖅ ᐃᓗᐊᓂᑦ ᐃᑯᐊᓚᑦᓯᕕᒡᔪᐊᕐᒥᑦ ᐳᔫᕐᑐᑎᑐᑦ ᑍᒤᑦᑐᖅ, ᓯᕿᓂᕐᓗ ᓯᓚᓗ ᑖᕐᓯᑎᑕᐅᕘᒃ ᐃᑎᕐᓴᕐᔪᐊᑉ ᐃᓯᕐᓗᖓᓄᑦ.