ᔪᐃᓕᐅᑉ ᐊᒡᓚᖏᑦ 2:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐊᑕᓂᐅᓪᓗ ᐃᓄᖁᑎᓂ ᑭᐅᔪᒫᕐᐰᑦ ᐅᖃᐅᑎᓗᒋᓪᓗ, “ᑕᑯᒋᑦ, ᑐᓂᓯᕕᒋᓂᐊᕐᐸᑦᓯ ᓂᐊᖂᔭᒃᓴᒥᒃ ᕔᓂᒥᒡᓗ ᓄᑖᒥᒃ ᐸᐅᕐᖎᓪᓗ ᐅᕐᓱᖏᓐᓂᒃ, ᓈᒻᒪᒃᓯᓂᐊᕐᐳᓯ ᐃᓅᖃᑎᒌᒡᔪᐊᓄᓪᓗ ᓇᕐᕈᒋᔭᐅᓂᐊᕈᓐᓁᕐᐳᓯ.

ᔪᐃᓕᐅᑉ ᐊᒡᓚᖏᑦ 2:19 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 34:29

ᐱᕈᕐᓰᕕᖁᑎᑖᕐᑎᑦᓱᒫᕐᐸᒃᑲ ᐱᕈᕐᕕᐅᑦᓯᐊᕐᓇᕐᑐᓂᒃ ᓄᓇᖓᓐᓂ ᑳᒃᑐᖃᖃᑦᑕᕈᓐᓃᖁᓪᓗᒍ, ᐃᓅᖃᑎᒌᒡᔪᐊᓄᓪᓗ ᐊᒃᓱᕈᕐᑎᑕᐅᕙᒍᓐᓃᕈᒪᕐᐳᑦ ᒥᑕᐅᑎᒋᔭᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 36:15

ᐃᓅᖃᑎᒌᒡᔪᐊᑦ ᒥᑕᐅᑎᒃᓴᕐᓂᖏᓐᓂᒃ ᑐᓵᑎᓐᓂᐊᕈᓐᓃᕐᐸᒋᑦ, ᐃᓄᐃᓪᓗ ᑲᓐᖑᓇᕐᑐᒦᑎᑕᐅᓂᖏᓐᓂᒃ ᑎᒍᒥᐊᕐᓂᐊᕈᓐᓃᕐᐳᑎᑦ ᐃᓅᖃᑎᒌᒡᔪᐊᓪᓗ ᕿᑐᕐᖎᔭᕐᐸᖕᓂᐊᕈᓐᓃᕐᐸᑎᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:29

ᓴᓗᒤᑦᑑᓂᕆᓚᐅᕐᑕᓕᒫᑦᓯᓐᓂᑦ ᕿᓚᕈᑦᔮᕈᒫᕐᐸᑦᓯ; ᓂᐊᖂᔭᒃᓮᓪᓗ ᐱᕈᕐᑎᑦᓯᐊᕈᒫᕐᐸᒃᑲ ᐊᒥᒐᕐᓯᖏᑦᓯᐊᖁᓪᓗᓯ ᑳᖕᓇᕐᑐᒦᖁᓇᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 36:30

ᓇᐹᕐᑐᐃᑦ ᐱᕈᕐᕕᐅᑎᑦᓱᒫᕐᐸᒃᑲ ᐱᕈᕐᓰᕖᓪᓗ ᐱᕈᕐᕕᐅᑎᑦᓯᐊᕐᓗᒋᑦ ᐊᒥᒐᕐᓯᖏᑦᓯᐊᖁᓪᓗᓯ, ᐃᓅᖃᑎᒌᒡᔪᐊᓄᑦ ᑲᓐᖑᓱᒃᑎᑕᐅᓂᕐᒥᒃ ᐊᑐᒃᑲᓐᓂᖁᓇᓯ ᑳᖕᓇᕐᑐᒦᓐᓂᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 2:15

ᑍᑲᓂᓗ ᐸᐅᕐᖓᓂᒃ ᐱᕈᕐᓰᕕᖁᑎᖏᑦ ᑐᓂᔪᒫᕐᐸᒃᑲ, ᐂᑯᐊᓗ ᓇᕐᓴᖅ ᐅᖁᒤᒃᓴᕐᓇᕐᑐᖅ ᐅᒃᑯᐊᓐᖑᕐᑎᑦᓱᒫᕐᐸᕋ ᓂᕆᐅᖕᓂᕐᒧᑦ. ᑕᕝᕙᓂᓗ ᑭᐅᓕᕈᒫᕐᐳᖅ ᐅᕕᒃᑲᐅᓪᓗᓂ ᐱᓂᐊᕐᓂᕆᓚᐅᕐᑕᒥᑐᑦ, ᑎᑭᕋᑖᕐᓯᒪᓂᕆᓚᐅᕐᑕᒥᑐᑦ ᐄᑦᔨᑉᑎᐅᑉ ᓄᓇᖓᓂᑦ.

ᕼᐆᓯᐊᑉ ᐊᒡᓚᖏᑦ 2:21

“ᑕᒪᓐᓇᓗ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ, ᕿᓚᒃ ᑭᐅᔪᒫᕐᐸᕋ ᑭᐅᖁᓪᓗᒋᑦ ᓄᓇᕐᔪᐊᕐᒥᒃ.

ᕼᐆᓯᐊᑉ ᐊᒡᓚᖏᑦ 2:22

“ᓄᓇᕐᔪᐊᕐᓗ ᑭᐅᔪᒫᕐᐳᖅ ᐱᕈᕐᑐᒃᓴᓄᑦ ᓂᐊᖂᔭᒃᓴᓄᑦ, ᕔᓂᒃᓴᓄᑦ, ᐱᕈᕐᑐᓄᓪᓗ ᐅᕐᓱᒃᓴᓄᑦ, ᑖᒃᑯᐊᓗ ᑭᐅᔪᒫᕐᐳᑦ ᔨᔭᕆᐅᓪᒧᑦ.

ᔪᐃᓕᐅᑉ ᐊᒡᓚᖏᑦ 1:10

ᐱᕈᕐᓰᕖᑦ ᐊᑐᕈᓐᓁᕐᐳᑦ; ᓄᓇᓗ ᕿᒃᓵᒃᐳᖅ, ᓂᐊᑰᔭᒃᓮᑦ ᐊᓯᕈᕐᑕᐅᓂᖏᓐᓄᑦ, ᐸᐅᕐᖎᓪᓗ ᐸᓂᕐᐳᑦ ᕔᓂᒃᓮᑦ, ᓇᐹᕐᑐᐃᓪᓗ ᐅᕐᓱᒃᓴᕐᑕᓖᑦ ᑐᖁᓕᕗᑦ.

ᔪᐃᓕᐅᑉ ᐊᒡᓚᖏᑦ 2:24

ᓂᐊᑰᔭᒃᓮᑦ ᐃᕖᔭᕐᑕᐅᕕᖏᑦ ᑕᑕᓐᓂᐊᕐᐳᑦ ᓂᐊᖂᔭᒃᓴᓂᒃ, ᐴᒃᓮᑦ ᕔᓂᒧᑦ ᐸᐅᕐᖎᓪᓗ ᐅᕐᓱᖏᓐᓄᑦ ᑕᑕᑦᓱᒫᕐᐳᖅ ᖄᒥᓪᓗᑎᒃ.

ᒨᓯᓯ ᐱᖓᔪᖏᑦ 26:5

ᓂᕿᒃᓮᑦ ᐱᕈᕐᓯᐊᓯ ᐅᓄᕐᑐᒻᒪᕆᐅᓂᐊᕐᐳᑦ ᓂᐊᖂᔭᒃᓴᓂᒃ ᑲᑎᕐᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᕐᓰᓇᓱᒋᐊᖃᓕᖃᑦᑕᕐᓂᐊᕐᐳᓯ, ᓂᕿᒃᓴᖃᖃᑦᑕᕐᓂᐊᐳᓯ ᐊᒥᒐᕐᓯᖏᑦᓯᐊᕐᓗᓯ ᐃᕐᓯᓇᑐᖃᖏᑦᓯᐊᕐᑐᒥ ᓄᓇᖃᕐᓂᐊᕆᕗᓯ.

ᓴᑲᕅᐊᐅᑉ ᐊᒡᓚᖏᑦ 8:12

“ᐱᕈᕐᓯᐊᒃᓴᓂᒃ ᐱᕈᕐᓰᕕᖕᒥᖕᓄᑦ ᐃᓕᐅᖅᑬᔪᒫᕐᐳᑦ ᓯᕘᕋᖏᓪᓗᑎᒃ. ᕔᓂᒃᓴᖁᑎᖏᓪᓗ ᐱᕈᕐᕕᐅᑦᓯᐊᕈᒫᕐᐳᑦ, ᓄᓇᒥᓗ ᐱᕈᕐᓯᐊᖏᑦ ᓂᕿᒃᓮᑦ ᐱᕈᑦᓯᐊᓗᕐᑎᒃ, ᓯᓚᓗᖃᑦᑕᑦᓯᐊᕐᓗᓂᓗ, ᑕᒪᒃᑯᐊ ᑍᒫᒃ ᐱᓇᓱᐊᕈᒪᕙᒃᑲ ᐃᓄᐃᑦ ᐊᒥᐊᒃᑯᑦ ᑭᖑᕐᖑᑦᔨᖁᓪᓗᒋᑦ ᑕᒪᑐᒥᖓ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᒨᓯᓯ ᑕᓪᓕᒪᖏᑦ 11:14

ᑍᒤᑐᐊᕈᕕᑦ ᑕᕝᕙ, ᓄᓇᒋᔭᕐᓄᑦ ᓯᓚᓗᒃᑕᐅᑎᑦᓯᖃᑦᑕᕐᓂᐊᕐᐳᖅ ᐱᔭᕆᐊᖃᓕᕌᖓᑦ, ᐅᑭᐊᒃᓵᒃᑯᑦ ᐅᐱᕐᖔᒃᑯᓪᓗ, ᓂᕿᒃᓴᖃᑦᓯᐊᖁᓪᓗᑎᑦ ᓂᐊᖂᔭᒃᓴᓂᒃ, ᕔᓂᒃᓴᓂᒃ, ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ.

ᕉᑎᐅᑉ ᐅᓂᒃᑲᐅᓯᓂᖓ 1:6

ᑕᒪᑐᒪ ᑭᖑᕐᖓᒍᑦ ᓁᐅᒥ ᑐᓴᕋᒥ ᐊᑕᓂᐅᑉ ᐃᓄᖁᑎᓂ ᓂᕿᒃᓴᖃᑦᓯᐊᕐᑎᓕᕐᒪᒋᑦ; ᑕᕝᕙ ᐊᐅᓪᓚᕈᒪᓕᕐᐳᖅ ᒧᐊᐱᒥᐅᑦ ᓄᓇᖓᓐᓂᑦ ᐅᑯᐊᖕᓂ ᒪᕐᕉᒃ ᐃᓚᒋᓗᒋᒃ.