ᔪᐃᓕᐅᑉ ᐊᒡᓚᖏᑦ 2:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑐᓂᕐᕈᓯᕐᑎᑦᓯᔩᑦ ᐱᔨᑦᓯᕐᐸᒃᑐᑦ ᑭᒡᒐᕐᑐᕐᓗᑎᒃ ᐊᑕᓂᕐᒥᒃ, ᕿᐊᓕᕐᓕᑦ ᑐᒃᓯᐊᕐᕕᒡᔪᐊᑉ ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ; ᐅᖃᕐᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ; ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᕐᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”

ᔪᐃᓕᐅᑉ ᐊᒡᓚᖏᑦ 2:17 Iomraidhean Croise

ᐊᑕᓃᑦ ᓯᕗᓪᓖᑦ 6:3

ᐃᑎᕆᐊᕐᕕᖓ 20ᓂᒃ ᑕᓕᕐᑐᑦ ᑕᑭᓂᖃᕐᐳᖅ, ᓴᓂᒧᑐᓂᖓᓗ ᑍᒤᓪᓗᐊᕆᓪᓗᓂ, 10ᓂᒃ ᑕᓕᕐᑐᑦ ᐳᕐᑐᓂᖃᕐᓗᓂ.

ᐊᑕᓃᑦ ᓯᕗᓪᓖᑦ 9:7

ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

ᑯᕉᓂᑲ ᐂᑉᐸᖏᑦ 7:20

ᑕᕝᕙ ᓄᓱᒍᒫᕐᐸᒋᑦ ᓄᓇᒥᑦ ᑐᓂᓚᐅᕐᑕᓐᓂᑦ ᐃᓕᖕᓄᑦ; ᐃᒡᓗᒥᓪᓗ ᑕᕝᕙᓐᖓᑦ ᐃᑦᔪᕐᓁᑎᓚᐅᕐᑕᓐᓂᑦ ᐊᑎᓐᓂ, ᕿᒪᒍᒫᕐᐸᕋ ᓵᓐᖓᔪᓐᓃᕐᓗᒍ, ᐅᖃᐅᓯᐅᖃᑦᑕᓕᕈᒫᕐᐳᕐᓗ ᐅᖃᕐᓂᕐᓘᑕᐅᓗᓂ ᐃᓄᓕᒫᓄᑦ ᐊᖅᑯᓵᕐᑐᓄᑦ.

ᑯᕉᓂᑲ ᐂᑉᐸᖏᑦ 8:12

ᑭᖑᓂᖓᒍᑦ ᓲᓗᒨᓂ ᑐᓂᕐᕈᓯᕐᐳᖅ ᐊᑕᓂᕐᒧᑦ ᐃᑯᐊᓚᑎᑕᒃᓴᓂᒃ ᐊᑕᓂᐅᑉ ᑐᓂᕐᕈᓯᕐᕕᖁᑎᖓᓂ ᓴᓇᓚᐅᕐᑕᒥᓂ ᑐᒃᓯᐊᕐᕕᒡᔪᐊᑉ ᓯᓚᓪᓕᖓᓃᑦᑐᒥ.

ᓂᕼᐃᒤᐊᐅᑉ ᐊᒡᓚᖏᑦ 9:36

ᒫᓐᓇᓗ ᓯᐊᓛᖑᕗᒍᑦ ᐊᔪᓕᕐᓗᑕ ᓄᓇᒥ ᑐᓂᓚᐅᕐᑕᕐᓂ, ᐱᕈᕐᑐᓕᖕᒥᒡᓗ ᓄᓇᒥᒃ ᓂᕿᒃᓴᓕᖕᒥᒡᓗ ᓯᐊᓛᖑᑐᐃᓐᓇᓕᕐᐳᒍᑦ!

ᐃᓐᖏᕈᑎᑦ 115:2

ᓱᖕᒪᓪᓕ ᐃᓅᖃᑎᒌᒡᔪᐊᑦ ᐅᖃᕈᓐᓇᕐᐸᑦ, “ᓇᐅᒡᓕ ᑖᒃᑯᐊ ᒎᑎᖓᑦ?”

ᐃᓐᖏᕈᑎᑦ 42:10

ᓴᐅᓂᒃᑲ ᐋᓐᓂᐊᕗᑦ, ᐊᑭᕋᕐᑐᕐᑎᒪ ᐱᓕᕆᐊᕆᖕᒪᖓ, ᐅᓪᓗᖅ ᓈᓪᓗᒍ ᐊᐱᕐᓱᕐᒪᖓ, “ᒎᑏᓪᓕ ᓇᐅᒃ?”

ᐃᓐᖏᕈᑎᑦ 42:11

ᑕᕐᓃᒃ, ᓱᖕᒪᑦ ᕿᒃᓵᒃᐱᑦ? ᓱᖕᒪᓪᓗ ᐃᓱᒪᔮᕐᐱᑦ ᐃᓗᓐᓂ? ᒎᑎ ᓂᕆᐅᒡᕕᒋᓚᐅᕈᒃ; ᑮᓇᕐᒪ ᐃᑲᔪᕐᑎᒋᖕᒪᒍ ᒎᑎᒋᓪᓗᒍᓗ.

ᐃᓐᖏᕈᑎᑦ 42:3

ᖁᕝᕕᒃᑲ ᓂᕿᒋᕙᒃᑲ ᐅᓪᓗᒃᑯᑦ ᐅᓐᓄᐊᒥᓗ, ᑍᒪᓐᖓᑦ ᓂᓪᓕᐊᕕᒋᕚᖓ ᐅᖃᕐᓗᑎᒃ, “ᒎᑏᑦ ᓇᓃᑉᐸ?”

ᐃᓐᖏᕈᑎᑦ 42:4

ᐃᖅᑲᐅᒪᓕᕌᖓᒪ ᑕᒪᒃᑯᓂᖓ, ᑕᕐᓂᕋ ᐅᒃᑯᐃᕐᐸᒃᐸᕋ ᐅᕙᓐᓄᑦ. ᐃᓄᒋᐊᒃᑐᕐᔪᐊᑦ ᐃᓚᒋᕙᓚᐅᕋᒃᑭᑦ; ᒎᑎᐅᑉ ᐃᒡᓗᖓᓄᑦ ᐂᖃᑕᐅᓪᓗᖓ, ᓂᓪᓕᐊᓪᓗᑕᓗ ᖁᕕᐊᓱᖕᓂᕐᒧᑦ ᓂᕐᑐᐃᓂᕐᒧᓪᓗ, ᐃᓄᒋᐊᒃᑐᕐᔪᐊᑦ ᐃᓚᒋᓪᓗᒋᑦ ᓇᓪᓕᐅᓐᓂᕐᓯᐅᖃᑎᒌᒃᑐᑦ.

ᐃᓐᖏᕈᑎᑦ 74:10

ᒎᑏ, ᖃᓄᖅ ᐊᑯᓂᐅᑎᒋᔪᖅ ᐊᑭᕋᕐᑐᕐᑐᑦ ᒥᑕᐅᑎᖃᕐᓂᐊᕐᐹᑦ? ᐊᑭᕋᕐᑐᕐᑏᑦ ᐊᑎᕐᓂᒃ ᐅᖃᕐᓂᕐᓘᑎᖃᕐᓂᐊᕐᐸᑦ ᐃᓱᖃᖏᑦᑐᒧᑦ?

ᐃᓐᖏᕈᑎᑦ 79:10

ᓱᖕᒪᑦ ᐃᓅᖃᑎᒌᑦ ᐅᖃᕐᑐᒃᓴᐅᕚᑦ, “ᒎᑎᖓᓪᓕ ᓇᐅᒃ?” ᐃᓅᖃᑎᒌᒡᔪᐊᓂᑦ ᖃᐅᔨᓚᐅᕐᓕ ᐱᔨᕕᑦ ᐊᐅᖏᑕ ᑯᕕᔭᐅᓯᒪᓂᖏᓐᓄᑦ ᐊᑭᓂᐊᕐᑕᐅᓕᕐᓂᖏᓐᓂᒃ ᐅᕙᒍᑦ ᑕᑯᓐᓇᓪᓚᕆᒃᑎᓪᓗᑕ!

ᐃᓐᖏᕈᑎᑦ 79:4

ᐃᓅᖃᑎᑦᑎᓐᓄᑦ ᐅᐱᓐᓇᕈᓐᓃᕐᐳᒍᑦ; ᐃᔪᕿᑕᐅᑎᒋᔭᐅᓪᓗᑕ ᒥᑕᐅᑎᒋᔭᐅᓕᕐᐳᒍᑦ ᖃᓂᒋᔭᑦᑎᓐᓃᑦᑐᓄᑦ.

ᐃᓐᖏᕈᑎᑦ 89:41

ᑕᒪᕐᒥᒃ ᓴᓂᖅᑯᑦᑐᑦ ᐊᕐᓵᕐᓂᕗᑦ ᑖᑦᓱᒥᖓ; ᒥᑕᐅᑎᒃᓴᓐᖑᕐᐳᖅ ᐃᓅᖃᑎᒥᓄᑦ.

ᐃᓐᖏᕈᑎᑦ 89:51

ᑍᑦᓱᒪᓂ ᐊᑕᓃᖅ, ᐆᒥᒋᔨᑎᑦ ᓂᓐᖓᒃᓮᓚᐅᕐᒪᑕ, ᒥᑕᐅᑎᖃᕐᑎᓪᓗᒋᑦ ᐅᕐᓱᕐᑎᕐᓯᒪᔭᕐᐱᑦ ᑐᒥᖏᓐᓂᒃ.

ᒨᓯᓯ ᐂᑉᐸᖏᑦ 34:9

ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”

ᐂᓮᐊᓯᐅᑉ ᐊᒡᓚᖏᑦ 22:12

ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᕿᐊᔪᒃᓴᐅᓂᕅᓛᕐᐳᖅ ᐃᓕᑦᓯᓐᓂᒃ ᕿᒃᓵᒃᑐᒃᓴᐅᓂᕅᓪᓗᓂᓗ, ᓄᔧᔭᕐᓯᒪᔪᒃᓴᐅᓂᕅᓛᕐᐳᖅ ᐊᓐᓄᕌᕐᓯᒪᔪᒃᓴᐅᓂᕅᓪᓗᓂᓗ ᕿᒃᓵᒃᑐᕐᓯᐅᑎᓂᒃ.

ᐂᓮᐊᓯᐅᑉ ᐊᒡᓚᖏᑦ 37:20

ᒫᓐᓇᓕ ᐊᑕᓃᖅ ᒎᑎᕗᑦ, ᓴᐳᑎᓚᐅᕐᑎᒍᑦ ᑖᑦᓱᒪ ᐱᔪᓐᓇᕐᓂᖓᓂᑦ, ᓯᓚᕐᔪᐊᕐᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᑦ ᑐᑭᓯᓕᖁᓪᓗᒋᑦ ᐃᕝᕕᑐᐊᖅ ᐊᑕᓂᑑᒐᕕᑦ.”

ᐃᓯᑭᐊᓕᐅᑉ ᐊᒡᓚᖏᑦ 20:9

ᑲᔪᓯᑎᓚᐅᓐᖏᓚᕋᓕ ᐊᑎᕋ ᐱᓪᓗᒍ ᓇᕐᕈᓇᕐᓯᑎᑕᐅᖁᓇᒍ ᐃᓅᖃᑎᒌᒡᔪᐊᑦ ᓄᓇᖃᑎᒋᔭᖏᑕ ᓵᖏᓐᓂ, ᐅᖃᐅᑎᔭᕇᓚᐅᕋᒃᑭᑦ ᓄᓇᖃᑎᖏᑦ ᑕᑯᓐᓇᕐᑎᓪᓗᒋᑦ ᐊᐅᓪᓚᕐᑎᑦᓱᒪᓂᕋᕐᓗᒋᑦ ᐄᑦᔨᑉᑎᒥᐅᑦ ᓄᓇᖓᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 8:16

ᐂᑎᒃᑭᕚᖓᓗ ᐊᑕᓂᐅᑉ ᐃᒡᓗᖓᑕ ᐊᓃᕋᔭᕐᕕᖓᑕ ᐃᓗᓪᓕᖓᓄᑦ; ᑕᑯᒋᓪᓗ, ᐊᑕᓂᐅᑉ ᑐᒃᓯᐊᕐᕕᖁᑎᖓᑕ ᐃᑎᕐᑕᕐᕕᖓᓂ, ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ, ᐊᖑᑎᓂᒃ 25 ᖃᓂᒋᔮᓃᑦᑐᓂᒃ, ᐊᑕᓂᐅᑉ ᑐᒃᓯᐊᕐᕕᖁᑎᖓᓂᒃ ᑐᓄᓐᖓᔪᓂᒃ, ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᓂᒃ, ᓯᕿᓂᕐᒧᑦ ᑐᒃᓯᐊᕐᑐᓂᒃ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᔪᐃᓕᐅᑉ ᐊᒡᓚᖏᑦ 1:13

ᐊᓐᓄᕌᓕᕆᑦᓯ ᐊᕐᔭᓂᓕᕐᑎᕐᓯᒪᔪᓂᒃ ᕿᐊᓗᓯᓗ, ᐃᓕᑦᓯ ᑐᓂᕐᕈᓯᕐᑎᑦᓯᔨᐅᔪᓯ, ᕿᒃᓵᒋᑦᓯ ᐃᓕᑦᓯ ᐱᔨᑦᓯᕐᑎᐅᔪᓯ ᑐᓂᕐᕈᓯᕐᕕᖕᒥ, ᕾᒋᑦᓯ, ᐅᓐᓄᐊᓕᒫᖅ ᐊᓐᓄᕌᕐᓯᒪᓗᓯ ᐊᕐᔭᓂᓕᕐᑎᕐᓯᒪᔪᓂᒃ, ᐃᓕᑦᓯ ᐊᔪᕆᕐᑐᐃᕙᒃᑐᓯ! ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᓂᐊᖂᔭᒃᓴᓂᒃ ᕔᓂᒥᒡᓘᓐᓃᑦ ᒎᑎᒧᑦ.

ᔪᐃᓕᐅᑉ ᐊᒡᓚᖏᑦ 1:9

ᓂᐊᖂᔭᒃᓴᒥᒃ ᕔᓂᒥᒡᓘᓐᓃᑦ ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᐊᑕᓂᐅᑉ ᐃᒡᓗᖓᓂ; ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᐸᒃᑐᑦ ᕿᒃᓵᓕᕐᐳᑦ ᑐᓂᕐᕈᑎᒃᓴᕐᑕᖃᕈᓐᓁᕐᒪᑦ ᐊᑕᓂᕐᒧᑦ.

ᐂᒨᓯᐅᑉ ᐊᒡᓚᖏᑦ 7:2

ᐱᒡᓕᕐᑕᐅᔮᕐᑐᑦ ᓄᖒᑦᓯᖕᒪᑕ ᐃᕕᖕᓂᒃ ᓄᓇᒦᑦᑐᓂᒃ, ᐅᖃᓚᐅᕐᐳᖓ; ᐊᑕᓃᖅ ᒎᑏᒃ ᕿᓄᕗᖓ ᐃᓱᒪᒋᔪᓐᓁᕐᕕᒋᒃᑭᑦ! ᔧᑰᑉ ᑭᖑᕚᖏᑦ ᐊᓐᓇᒍᓐᓇᖁᓪᓗᒋᑦ, ᒥᑭᔫᓗᐊᕐᒪᑕ.

ᐂᒨᓯᐅᑉ ᐊᒡᓚᖏᑦ 7:5

ᐅᖃᓚᐅᕐᐳᖓᓗ, “ᐊᑕᓃᖅ ᒎᑏᒃ, ᕿᓄᕕᒋᕙᒋᑦ, ᓄᖅᑲᕆᑦ! ᔧᑰᑉ ᑭᖑᕚᖏᑦ ᐊᓐᓇᒍᓐᓇᖁᓪᓗᒋᑦ ᒥᑭᓗᐊᕐᒪᑕ!”

ᒤᑲᐅᑉ ᐊᒡᓚᖏᑦ 7:10

ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.

ᒪᓚᑬᑉ ᐊᒡᓚᖏᑦ 1:9

“ᒫᓐᓇᓕ ᒎᑎᐅᑉ ᖁᕕᐊᒋᔭᖓᓂᒃ ᕿᓂᓕᕆᑦᓯ, ᐅᕙᑦᑎᓐᓄᑦ ᓈᒃᑭᒍᓱᓕᖁᓪᓗᒍ. ᑍᒤᓕᐅᓕᕈᑦᓯ, ᓈᒻᒪᒋᒐᔭᕐᐹᓰ? ᖁᕕᐊᒋᓗᓯᓗ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᓯᑕᒪᖏᑦ 25:6

ᐃᓴᕆᐊᓕᒥᐅᑦ ᐃᓚᖓᑦ ᐊᖑᑦ ᐃᓚᒥᓄᐊᕈᑦᔨᕗᖅ ᐊᕐᓇᒥᒃ ᒥᑎᐊᓂᒥᐅᑕᕐᒥᒃ ᒨᓯᓯ ᑕᑯᓐᓇᕐᑎᓪᓗᒍ ᐃᓴᕆᐊᓕᒥᐅᓪᓗ ᕿᐊᑎᓪᓗᒋᑦ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ.

ᒫᑎᐅᓯᐅᑉ ᐊᒡᓚᖏᑦ 23:35

ᑕᒪᓐᓇ ᐱᑦᔪᑎᒋᓪᓗᒍ ᓱᒋᐊᕐᑕᐅᓂᕐᒧᑦ ᑎᑭᑕᐅᔪᒫᕐᐳᓯ, ᐸᓯᔭᒃᓴᐅᖏᑦᑐᓂᒃ ᐃᓄᐊᖃᑦᑕᕐᓂᑦᓯᓐᓄᑦ ᓄᓇᕐᔪᐊᕐᒥ, ᐂᐱᓕᐅᑉ ᐸᓯᔭᒃᓴᐅᖏᑦᑑᑉ ᐃᓄᐊᕐᑕᐅᓂᖓᓂᑦ, ᓴᑲᕅᐊᐅᑉ ᐸᕋᑬᐊᐅᑉ ᐃᕐᓂᖓᑕ ᐃᓄᐊᕐᑕᐅᓂᖓ ᑎᑭᓪᓗᒍ, ᑖᓐᓇ ᐃᓄᐊᓚᐅᕐᑕᓯ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ.

ᒫᑎᐅᓯᐅᑉ ᐊᒡᓚᖏᑦ 27:43

ᒎᑎᒥᒃ ᑕᑎᖃᕐᒪᑦ; ᒫᓐᓇ, ᑕᑯᓐᓇᓕᕐᑕ ᒎᑎᒧᑦ ᐱᐅᓕᔭᐅᑎᓪᓗᒍ, ᓴᐳᑎᔪᒪᒍᓂᐅᒃ; ᐅᖃᓚᐅᕐᒪᑦ, ‘ᒎᑎᒧᑦ ᐃᕐᓂᐅᕗᖓ.’”

ᒨᓯᓯ ᑕᓪᓕᒪᖏᑦ 28:37

ᓄᓇᓄᑦ ᓇᒧᑐᐃᓐᓇᖅ ᐊᑕᓂᐅᑉ ᓯᐊᒻᒪᕐᑎᑦᓱᒫᕐᐹᓯ, ᐃᓄᖏᓐᓂᓪᓗ ᖁᐊᕐᓵᕈᑕᐅᔪᒫᕐᐳᓯ ᓱᔪᐊᓘᓐᓂᕐᒪᖔᑦᓯ ᐃᓱᒪᒋᔭᐅᓗᓯ; ᑍᒎᓴᒐᐅᓕᕐᓗᓯ ᐅᖃᐅᓯᐅᒐᔪᓕᕐᓗᓯᓗ.

ᒨᓯᓯ ᑕᓪᓕᒪᖏᑦ 32:27

ᐊᑭᕋᕐᑐᕐᑎᖏᑦ ᐱᐅᔪᕆᓂᐊᕋᓱᒋᖏᒃᑯᒃᑭᑦ ᑍᒤᓕᐅᕋᔭᕐᐳᖓ, ᐊᑭᕋᖏᑦ ᓱᓕᖏᑦᑐᒥᒃ ᐅᖃᐅᓯᖃᕐᓂᐅᓴᖏᑉᐸᑕ, ᐅᖃᓕᖁᓇᒋᑦ, ᐱᔪᓐᓇᕐᓂᑦᑎᓐᓄᑦ ᓵᓚᖃᕐᐳᒍᑦ ᐊᑕᓂᖅ ᐃᑲᔪᕐᑎᒋᓇᒍ ᓵᓚᖃᕐᐳᒍᑦ.’

ᔮᓱᐊᑉ ᐊᒡᓚᖏᑦ 7:9

ᑬᓇᓂᒥᐅᑉ ᓄᓇᓕᓕᒫᓪᓗ ᖃᓂᒋᔮᓃᑦᑐᑦ ᑐᓴᕐᓂᐊᕐᐳᑦ ᑕᒪᑐᒥᖓ, ᐊᕙᓗᔭᐅᓗᑕ ᑐᖁᑕᐅᓂᐊᓕᕐᐳᒍᑦ! ᖃᓄᐃᓕᐅᕐᓂᐊᕐᐱᓪᓖ ᐊᑎᕐᐱᑦ ᐅᐱᓐᓇᕐᓂᖓ ᓴᐳᑎᓗᒍ?”