ᔪᐃᓕᐅᑉ ᐊᒡᓚᖏᑦ 2:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓄᐃᑦ ᑲᑎᖁᓯᒋᑦ, ᐃᑦᔪᕐᓁᓕᑎᓪᓗᒋᓪᓗ; ᐃᓄᑐᖃᐅᔪᑦ, ᓱᕈᓰᓪᓗ ᐊᒫᒪᒃᑎᑕᐅᔪᓪᓗ; ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᐊᖏᕐᕋᒥᖕᓂᒃ ᕿᒤᓕᕐᓕᑦ ᑲᑎᖃᑕᐅᖕᒥᓗᑎᒃ.

ᔪᐃᓕᐅᑉ ᐊᒡᓚᖏᑦ 2:16 Iomraidhean Croise

ᑯᕉᓂᑲ ᐂᑉᐸᖏᑦ 20:13

ᔫᑕᒥᐅᓕᒫᓪᓗ ᐊᖑᑎᑦ ᓄᓕᐊᑎᒃ ᕿᑐᕐᖓᑎᒡᓗ ᐃᓚᒋᓪᓗᒋᑦ ᓇᖏᓚᐅᕐᐳᑦ ᐊᑕᓂᐅᑉ ᓵᖓᓂ.

ᑯᕉᓂᑲ ᐂᑉᐸᖏᑦ 29:5

ᐅᖃᐅᑎᓪᓗᒋᓪᓗ, “ᓈᓚᒃᓯᓐᖓ, ᓕᕔᑎᐅᔪᓯ! ᐃᓕᑦᓯᓐᓂᒃ ᐃᑦᔪᕐᓁᑎᓕᕆᑦᓯ, ᐊᑕᓂᐅᓪᓗ ᓯᕗᓕᑦᓯ ᒎᑎᖓᑕ ᐃᒡᓗᖓ ᐃᑦᔪᕐᓁᓯᑎᓪᓗᓯᐅᒃ, ᓴᓗᒪᖏᑦᑐᓪᓗ ᐃᒋᓪᓗᒋᑦ ᐃᑦᔪᕐᓁᑦᑐᕕᖕᒥᑦ.

ᑯᕉᓂᑲ ᐂᑉᐸᖏᑦ 30:17

ᑲᑎᒪᔪᓂ ᐅᓄᕐᑐᑦ ᐃᒻᒥᖕᓂᒃ ᐃᑦᔪᕐᓁᓕᑎᓯᒪᓚᐅᖏᒻᒪᑕ; ᑍᒤᒻᒪᑦ ᓕᕔᑏᑦ ᑐᖁᑦᓯᓚᐅᕐᐳᑦ ᓰᐱᐅᑉ ᓄᕐᕋᖏᓐᓂᒃ ᖄᖏᕐᑕᐅᕕᒃᓯᐅᕈᑎᒃᓴᓂᒃ ᐊᓯᓕᒫᖏᑦ ᓴᓗᒻᒪᕐᓯᒪᓚᐅᖏᒻᒪᑕ, ᐃᑦᔪᕐᓁᑎᑕᐅᖁᓪᓗᒋᑦ ᐊᑕᓂᕐᒧᑦ.

ᑯᕉᓂᑲ ᐂᑉᐸᖏᑦ 30:19

ᐆᒻᒪᑎᒥᒍᑦ ᕿᓂᕐᑐᑦ ᒎᑎᒥᒃ, ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ, ᐃᑦᔪᕐᓁᓕᑎᑕᐅᑦᔪᑏᑦ ᒪᓕᒡᓗᒋᑦ ᓴᓗᒻᒪᕐᑎᑕᐅᓯᒪᖏᒃᑲᓗᐊᕐᑎᓪᓗᒋᑦ.”

ᑯᕉᓂᑲ ᐂᑉᐸᖏᑦ 35:6

ᖄᖏᕐᑕᐅᕕᒃᓯᐅᕈᑎᒃᓴᒥᒃ ᓄᕐᕋᐅᔭᒥᒃ ᑐᖁᑦᓯᓗᓯ, ᐃᓕᑦᓯᓐᓂᒃ ᐃᑦᔪᕐᓁᓕᑎᕆᑦᓯ, ᐊᑐᐃᓐᓇᕈᕐᑎᓪᓗᒋᓪᓗ ᖃᑕᓐᖑᑎᑦᓯᓐᓄᑦ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ ᒨᓯᓯᒃᑯᑦ ᑐᓂᓚᐅᕐᑕᖏᑦ.”

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᐃᓐᖏᕈᑎᑦ 19:5

ᐊᑦᔨᖃᕐᐳᕐᓗ ᐅᐃᒃᓴᑐᑦ ᐃᒡᓗᕈᓯᕐᒥᓂᑦ ᐊᓂᓕᕐᑐᑐᑦ. ᖁᕕᐊᓱᒃᑐᑐᓪᓗ ᐊᖑᑎᑐᒃ ᓴᓐᖏᔪᑐᑦ ᐅᓪᓚᐅᑎᓂᐊᕐᑐᑐᑦ.

ᒨᓯᓯ ᐂᑉᐸᖏᑦ 19:10

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓄᐃᑦ ᐅᐸᒡᓗᒋᑦ ᐅᖃᐅᑎᒃᑭᑦ ᐅᓪᓗᒥ ᖃᐅᒃᐸᓪᓗ ᐅᐸᓗᖎᔭᖁᓪᓗᒋᑦ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᓗᑎᒃ, ᐊᓐᓄᕌᒥᖕᓂᒡᓗ ᐅᐊᓴᕐᓗᑎᒃ,

ᒨᓯᓯ ᐂᑉᐸᖏᑦ 19:15

ᐃᓄᖕᓄᓪᓗ ᐅᖃᕐᐳᖅ, “ᐅᓪᓗᑦ ᐱᖓᔪᐊᓐᓂ ᐊᑐᐃᓐᓇᐅᔪᒃᓴᐅᕗᓯ; ᒫᓐᓇᒥᑦ ᐱᒋᐊᕐᓗᒍ ᐊᕐᓇᒥᒃ ᐊᒃᑐᐃᔪᒃᓴᐅᓐᖏᓚᓯ.”

ᒨᓯᓯ ᐂᑉᐸᖏᑦ 19:22

ᑐᓂᕐᕈᓯᕐᑎᑦᓯᔩᓪᓘᓐᓃᑦ ᐊᑕᓂᕐᒧᑦ ᖃᒡᓕᓂᐊᕈᑎᒃ ᐃᒻᒥᖕᓂᒃ ᓴᓗᒻᒪᕐᓴᕐᑐᒃᓴᐅᕗᑦ, ᑍᒤᓕᐅᖏᑉᐸᑕ ᑕᕝᕙ ᐊᑕᓂᐅᑉ ᓱᒋᐊᕐᓂᐊᕐᐰᑦ.”

ᔪᐃᓕᐅᑉ ᐊᒡᓚᖏᑦ 1:14

ᓂᕆᑦᑍᓕᖁᔨᒋᑦᓯ, ᑲᑎᖁᔨᓗᓯ ᐃᓄᓕᒫᓂᒃ; ᓯᕗᓕᕐᑏᑦ ᑲᑎᖁᓯᒋᑦ ᔫᑕᐅᓪᓗ ᐃᓄᓕᒫᖏᑦ, ᐊᑕᓂᐅᑉ ᒎᑎᓯ ᐃᒡᓗᖓᓄᑦ, ᑐᒃᓯᐊᕐᓗᓯ ᕿᓄᒋᑦᓯ ᐊᑕᓂᕐᒧᑦ.

ᒫᑎᐅᓯᐅᑉ ᐊᒡᓚᖏᑦ 21:16

ᑕᕝᕙ ᑖᒃᑯᐊ ᔩᓱᓯ ᐅᖃᐅᑎᕚᑦ, “ᑐᓵᕖᑦ, ᓱᕈᓰᑦ ᖃᓄᐃᓕᖕᒪᖔᑕ?” ᔩᓱᓯᐅᑉ ᑭᐅᕔᑦ, “ᑐᓵᑦᓯᐊᕐᐸᒃᑲ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ, ‘ᓱᕈᓯᑯᓗᖕᓂᑦ ᓄᑕᕋᓛᓂᓪᓗ ᐊᒪᒪᒃᑐᓂᑦ ᐊᑐᐃᓐᓇᕈᐃᓚᐅᕐᐳᑎᑦ ᖃᓂᖏᑎᒍᑦ ᓂᕐᑐᕐᑕᐅᔪᒪᓪᓗᑎᑦ.’”

ᒫᑎᐅᓯᐅᑉ ᐊᒡᓚᖏᑦ 9:15

ᔩᓱᓯᐅᑉ ᑭᐅᕔᑦ, “ᑲᑎᑎᑕᐅᔪᖃᕐᑎᓪᓗᒍ ᖁᕕᐊᓱᒡᓗᑎᒃ ᓂᕆᖃᑎᒌᒃᑎᓪᓗᒋᑦ ᕾᖁᔭᐅᓯᒪᔪᑦ ᕿᒃᓵᒋᐊᖃᕐᑐᕆᕕᓯᐅᒃ, ᐅᐃᒃᓴᖅ ᓱᓕ ᑕᕝᕙᓃᑎᓪᓗᒍ? ᑍᒤᓲᖑᓐᖏᓚᑦ! ᐅᓪᓗᕐᓕ ᓇᓪᓕᐅᑎᔪᒫᕐᐳᖅ ᐅᐃᒃᓴᒥᒃ ᐊᕐᓵᕐᑕᐅᕕᖓᑦ, ᑕᕝᕙ ᑖᒃᑯᐊ ᓂᕆᑦᑍᓕᓕᑍᓐᓇᕈᒫᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:5

ᑍᒤᒻᒪᑦ ᓄᓕᐊᕇᖑᔪᓯ ᐃᓕᑦᓯᓐᓄᑦ ᐱᑦᑍᓕᖃᑦᑕᐅᑎᓂᐊᕋᓯ ᑭᓯᐊᓂ ᐊᖏᖃᑎᒌᒃᑯᑦᓯ ᑍᒤᓕᐅᕈᒪᖏᓪᓗᓯ ᓯᕕᑭᑦᑐᒥᒃ, ᑐᒃᓯᐊᕐᓂᕐᒥᒃ ᐱᕕᒃᓴᖃᖔᕈᒪᓂᕐᒧᑦ; ᑭᖑᓂᖓᒍᓪᓕ ᐅᑎᖃᑦᑕᐅᑎᑦᓯᐊᕐᑐᒃᓴᐅᒋᕗᓯ, ᓵᑖᓇᓯᐅᑉ ᐆᒃᑐᕐᓗᐃᓂᖓᓂᑦ ᐃᓕᑦᓯᓐᓂᒃ ᓴᐳᑎᓯᒪᓂᐊᕋᑦᓯ ᐃᒃᓯᒎᕐᑍᓕᔪᓐᓇᖏᓐᓇᑦᓯ.

ᔮᓱᐊᑉ ᐊᒡᓚᖏᑦ 7:13

ᒪᑭᓕᕆᑦ! ᐃᓄᐃᑦ ᐃᑦᔪᕐᓁᓕᑎᓕᒃᑭᑦ, ᐅᖃᐅᑎᓗᒋᓪᓗ, ‘ᖃᐅᒃᐸᑦ ᐃᑦᔪᕐᓁᓕᕐᑎᑦᑐᒃᓴᐅᕗᓯ; ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓ ᑍᒫᒃ ᐅᖃᕐᒪᑦ, “ᐱᖁᑎᓂᒃ ᐱᓯᒪᒐᑦᓯ ᐊᓯᕈᕐᑕᐅᖁᓚᐅᕐᑕᓐᓂᒃ! ᐃᓴᕆᐊᓕᒥᐅᑦ; ᐊᑭᒪᔪᓐᓇᕐᓂᐊᓐᖏᓐᓇᑦᓯ ᐊᑭᕋᑦᓯᓐᓂᒃ ᐱᖁᔭᐅᓚᐅᖏᑦᑐᓂᒃ ᐱᓯᒪᓂᓯ ᑕᒪᓐᓇ ᑲᒪᒋᔭᐅᓚᐅᖅᑳᕐᑎᓐᓇᒍ.”

ᔮᓱᐊᑉ ᐊᒡᓚᖏᑦ 8:35

ᒨᓯᓯᐅᑉ ᐱᖁᔭᓕᒫᖏᑦ ᔮᓱᐊᑉ ᐅᖃᓕᒫᓚᐅᕐᐰᑦ ᑲᑎᒪᔪᓄᑦ ᐃᓴᕆᐊᓕᒥᐅᓄᑦ, ᐊᕐᓁᑦ ᕿᑐᕐᖓᖏᓪᓗ ᓄᓇᓕᑐᖃᐅᖏᑦᑐᓪᓗ ᐃᓅᖃᑎᖏᑦ ᐱᖃᑕᐅᔪᐃᓐᓇᐅᑎᓪᓗᒋᑦ.

ᓴᒧᐃᓕ ᓯᕗᓪᓖᑦ 16:5

ᑖᓐᓇ ᐅᖃᕐᐳᖅ, “ᓮᒪᓂᒃᑯᑦ ᑎᑭᑉᐳᖓ; ᑐᓂᕐᕈᓯᕆᐊᕐᑐᕐᐳᖓ ᐊᑕᓂᕐᒧᑦ; ᐃᑦᔪᕐᓁᑎᓕᕆᑦᓯ ᐃᓕᑦᓯᓐᓂᒃ, ᕾᓗᓯᓗ ᑐᓂᕐᕈᓯᖃᑎᒋᔭᕐᑐᕐᓗᖓ.” ᔨᓯᓗ ᐃᕐᓂᖏᓪᓗ ᐃᑦᔪᕐᓁᓕᑎᑉᐰᑦ, ᕾᖁᓪᓗᒋᓪᓗ ᑐᓂᕐᕈᓯᕆᐊᕐᑐᖁᓪᓗᒋᑦ.