ᔪᐃᓕᐅᑉ ᐊᒡᓚᖏᑦ 2:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐆᒻᒪᑎᓯ ᐊᓕᒃᓯᒋᑦ, ᐊᓐᓄᕌᓯ ᐱᓇᒋᑦ; ᐊᑕᓂᕐᒧᑦ ᒎᑎᑦᓯᓐᓄᑦ ᐅᑎᓕᕆᑦᓯ, ᑖᓐᓇ ᐱᑦᓯᐊᕐᓂᖃᕐᒪᑦ ᓂᑲᒍᓱᒡᓗᓂᓗ, ᓂᓐᖓᒃᓴᕅᖏᑦᑐᖅ ᓇᓪᓕᒍᓱᒃᑐᕐᔪᐊᖑᓂᕐᒥᓄᓪᓗ ᓱᒋᐊᕐᓯᔪᒪᓐᖏᓚᖅ.

ᔪᐃᓕᐅᑉ ᐊᒡᓚᖏᑦ 2:13 Iomraidhean Croise

ᒨᓯᓯ ᓯᕗᓪᓖᑦ 37:29

ᕉᐱᓂᓕ ᐅᑎᕋᒥ ᐃᑎᕐᓴᒧᓪᓗ ᑕᑯᒋᐊᕋᒥ ᔫᓯᐱ ᑕᑯᓐᖏᓛ, ᐊᓐᓄᕌᓂᓗ ᐊᓕᒃᐰᑦ.

ᒨᓯᓯ ᓯᕗᓪᓖᑦ 37:34

ᑕᕝᕙ ᔧᑰᑉ ᐊᓐᓄᕌᓂ ᐊᓕᒃᐰᑦ, ᖃᓪᓗᓈᕐᑕᒥᒡᓗ ᐳᑐᕐᓛᒥᒃ ᐊᑎᓯᓪᓗᓂ, ᐃᕐᓂᓂᓗ ᕿᒃᓵᒍᑎᒋᕚ ᐅᓪᓗᓂᒃ ᐅᓄᕐᑐᓂᒃ.

ᓴᒧᐃᓕ ᐂᑉᐸᖏᑦ 1:11

ᑕᕝᕙ ᑍᕕᑎᐅᑉ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᐃᓅᖃᑎᓕᒫᖏᓪᓗ ᑍᒤᓚᐅᕆᕗᑦ;

ᐊᑕᓃᑦ ᓯᕗᓪᓖᑦ 21:27

ᐂᕼᐊᐱᐅᓪᓗ ᐅᖃᐅᓰᑦ ᑕᒪᒃᑯᐊ ᑐᓴᕋᒥᒋᑦ, ᐊᓐᓄᕌᓂ ᐊᓕᒃᐰᑦ, ᐊᓐᓄᕌᕐᓗᓂᓗ ᐳᑐᕐᓛᓂᒃ ᖃᕿᐊᓕᕐᑐᕐᓯᐅᑎᓂᒃ, ᓂᕆᑦᑍᓕᓚᐅᕐᐳᖅ ᓯᓂᖃᑦᑕᕐᓗᓂᓗ ᐳᑐᕐᓛᓂᒃ ᐊᑐᕐᓗᓂ, ᑕᑯᑦᓱᓇᕐᓗᓂ ᕿᒃᓵᒡᓗᓂᓗ.

ᐊᑕᓃᑦ ᐂᑉᐸᖏᑦ 22:11

ᐊᖓᔪᖅᑳᕐᔪᐊᑉ ᐊᒡᓔᑦ ᐱᖁᔭᓂᒃ ᑎᑎᕋᕐᕕᒋᓯᒪᔪᑦ ᑐᓴᕇᕋᒥᒋᑦ, ᐊᓐᓄᕌᓂ ᐊᓕᒃᐰᑦ ᖁᕕᐊᓱᖏᓐᓂᕐᒧᑦ.

ᐊᑕᓃᑦ ᐂᑉᐸᖏᑦ 22:19

ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ.

ᐊᑕᓃᑦ ᐂᑉᐸᖏᑦ 5:7

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᑎᖅᑲᑦ ᐅᖃᓕᒫᕇᕋᒥᒋᑦ ᐊᓐᓄᕌᓂ ᐊᓕᒃᐰᑦ, ᐅᖃᕐᓗᓂᓗ, “ᒎᑎᐅᒐᒫ? ᑐᖁᑎᑦᓯᓚᐅᕐᓗᖓ ᐆᒻᒪᕐᑎᑦᓯᒃᑲᓐᓂᕈᓐᓇᕐᐳᖔ? ᖃᓄᐃᒻᒪᓂᓐᓇ ᐅᕕᓂᕐᓗᒃᑐᒥᒃ ᐸᕐᑎᕐᑐᒥᒃ ᐋᖅᑭᒃᑕᐅᖁᔨᓪᓗᓂ ᐅᕙᓐᓄᑦ ᑎᓕᓯᕙ? ᑕᑯᒋᑦ ᐅᕙᓐᓄᓂᓐᓇ ᐂᕙᑦᔪᑎᒃᓴᕐᓯᐅᑐᐃᓇᕐᑐᖅ!”

ᐊᑕᓃᑦ ᐂᑉᐸᖏᑦ 6:30

ᐊᖓᔪᖅᑳᕐᔪᐊᖅ ᐊᕐᓇᐅᑉ ᐅᖃᐅᓯᖏᓐᓂᒃ ᑐᓴᕋᒥ, ᐊᓐᓄᕌᓂ ᐊᓕᒃᐰᑦ. ᐊᕙᓗᕐᔪᐊᑉ ᑭᒡᓕᖓᒍᑦ ᐱᓱᒃᑎᓪᓗᒍ ᐃᓄᖕᓄᑦ ᑕᐅᑐᒃᑕᐅᒐᒥ ᐅᑦᔨᕆᔭᐅᓕᕐᐳᖅ ᐊᓐᓄᕌᒥ ᐃᓗᐊᒍᑦ ᐊᓐᓄᕌᕐᓯᒪᓂᖓᓂᒃ ᕿᒃᓵᒃᑐᕐᓯᐅᑎᓂᒃ.

ᑯᕉᓂᑲ ᐂᑉᐸᖏᑦ 6:27

ᑐᓴᖃᑦᑕᕐᓂᐊᕐᐸᑎᑦ ᕿᓚᖕᒥᑦ, ᐃᓱᒪᒋᔪᓐᓁᕐᓗᒋᓪᓗ ᐱᔨᕕᑦ ᐊᔪᕐᑐᓕᓂᖏᑦ, ᐃᓴᕆᐊᓕᒥᐅᑦ ᐃᓄᖁᑎᑎᑦ, ᐃᓕᓮᔪᓐᓇᖁᓪᓗᑎᑦ ᐱᐅᔪᓂᒃ ᐃᓅᓯᕆᔭᕆᐊᓕᖏᓐᓂᒃ; ᓯᓚᓗᒃᑕᐅᑎᓕᕐᓗᒋᓪᓗ ᓄᓇᖏᑦ, ᐃᓄᖁᑎᖕᓄᑦ ᑐᓂᓚᐅᕋᕕᐅᒃ ᑭᖑᕐᖑᑎᔭᐅᖁᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᔫᐱᐅᑉ ᐊᒡᓚᖏᑦ 1:20

ᔫᐱᓗ ᓂᑯᕕᓐᓇᒥ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᒧᑦ, ᓂᐊᖁᓂᓗ ᓄᔧᔭᕐᐹ, ᒪᓂᖅᑲᒧᓪᓗ ᐹᒻᒪᒃᓗᓂ ᑐᒃᓯᐊᕐᐳᖅ.

ᐃᓐᖏᕈᑎᑦ 103:8

ᐊᑕᓂᖅ ᓂᑲᒍᓱᒃᐳᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᓐᖏᓚᖅ ᓇᒡᓕᒍᓱᑦᓮᓐᓇᕐᓗᓂᓗ.

ᐃᓐᖏᕈᑎᑦ 106:45

ᑖᒃᑯᐊ ᐱᑦᔪᑎᒋᓪᓗᒋᑦ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᓚᐅᕐᐹ, ᓇᒡᓕᒍᓱᖕᓂᕐᔪᐊᓂ ᐱᑦᔪᑎᒋᓪᓗᒍ ᖃᕿᐊᓕᕐᕕᒋᓚᐅᕐᐰᑦ.

ᐃᓐᖏᕈᑎᑦ 34:18

ᐊᑕᓂᖅ ᖃᓂᑉᐳᖅ ᓯᖁᒥᓯᒪᔪᓂᒃ ᐆᒻᒪᑎᓕᖕᓄᑦ, ᐱᐅᓕᕔᓪᓗ ᐊᓂᕐᓂᒥᒍᑦ ᑲᑉᐱᐊᓱᒃᑐᑦ.

ᐃᓐᖏᕈᑎᑦ 51:17

ᒎᑎᐅᓪᓕ ᑐᓂᕐᕈᑏᑦ ᐃᓚᓕᐅᕈᓐᓇᕐᑕᖏᑦ ᐊᓂᕐᓂᐅᕗᑦ ᓯᖁᒥᓯᒪᔪᑦ, ᐆᒻᒪᑏᑦ ᓯᖁᒥᓯᒪᔪᑦ, ᖃᕿᐊᓕᕐᑐᓪᓗ ᒎᑏ, ᓇᕐᕈᒋᓐᖏᓚᑎᑦ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 58:5

ᑍᒤᑦᑐᒥᒃ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓯᒪᕗᖔ? ᐃᓅᑉ ᐃᒻᒥᓂᒃ ᒥᑭᒡᓕᑎᕐᕕᒃᓴᖓᓂᒃ? ᓂᐊᖁᕐᒧᑦ ᐅᑯᑦᑕᕐᕕᑐᐃᓐᓇᐅᓗᓂ ᐅᕐᐱᒐᕐᑐᑦ ᓂᐅᓐᖓᒃᑕᕐᑐᑎᑐᑦ? ᒪᒥᐊᑦᑐᕐᓯᐅᒻᒥᒃ ᐊᓐᓄᕌᕐᓯᒪᓗᓂ ᐊᕐᔭᓕᓂᕐᓂᒃ ᐃᒃᓯᕙᕕᑐᐃᓐᓇᖅ, ᑕᒪᑦᔮ ᓂᕆᑦᑍᓕᓂᐅᓂᕋᕐᑕᓰ? ᐅᓪᓗᖅ ᓈᒻᒪᒋᔭᐅᔪᖅ ᐊᑕᓂᕐᒧᑦ?

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᔨᕆᒤᐊᐅᑉ ᐊᒡᓚᖏᑦ 36:7

ᐃᒻᒪᖄ ᐊᑕᓂᕐᒧᑦ ᕿᓄᔪᓐᓇᕐᓯᒐᔭᕐᒪᑕ, ᐊᑐᓂᓪᓗ ᓵᒋᐊᕐᓗᑎᒃ ᐱᐅᖏᑦᑐᓕᓂᕐᒥᖕᓂᑦ, ᐊᑕᓂᐅᑉ ᓂᓐᖓᕕᒃᔪᐊᕐᓂᕐᒥᓄᑦ ᓱᒋᐊᕐᓯᔪᒪᓂᖓ ᐊᖏᔪᐊᓘᖕᒪᑦ ᑖᒃᑯᓄᖓ.”

ᔨᕆᒤᐊᐅᑉ ᐊᒡᓚᖏᑦ 41:5

ᐊᖑᑎᓂᒃ 80ᓂᒃ ᑎᑭᑦᑐᖃᕐᐳᖅ ᓯᑭᒻᒥᑦ ᓮᓗᐊᒥᓪᓗ ᓴᒥᐊᕆᐊᒥᓪᓗ, ᐅᓐᖏᔭᕐᓯᒪᓪᓗᑎᒃ, ᐊᓐᓄᕌᑎᒡᓗ ᐊᓕᒃᑐᕐᓯᒪᓪᓗᒋᑦ ᑭᓪᓕᐊᓯᒪᓪᓗᑎᒡᓗ, ᓂᐊᖂᔭᒃᓴᒥᒃ ᑎᐱᑦᓯᐊᕆᒃᑐᒥᒡᓗ ᓇᒃᓴᕐᓗᑎᒃ ᑐᒃᓯᐊᕐᕕᒃᔪᐊᒥ ᑐᓂᕐᕈᓯᐅᑎᔭᒃᓴᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 42:10

ᓄᓇᒥ ᑕᒫᓃᖏᓐᓇᕈᑦᓯ, ᐱᕈᕐᐸᓪᓕᐊᑎᓐᓂᐊᕐᐸᑦᓯ ᓄᖑᑉᐸᓪᓕᐊᑎᖏᓪᓗᓯ, ᐱᕈᕐᑎᑦᓱᒪᕙᑦᓯ ᓄᖑᑦᓱᒪᓐᖏᓚᑦᓯ, ᐊᓯᕈᕐᑕᐅᓇᕐᑐᒧᑦ ᑎᑭᑎᑦᓯᓂᕆᓚᐅᕐᑕᕋ ᐅᒡᒍᐊᕈᑎᒋᒐᒃᑯ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᕼᐆᓯᐊᑉ ᐊᒡᓚᖏᑦ 14:1

ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᓄᑦ.

ᔫᓇᐅᑉ ᐊᒡᓚᖏᑦ 3:9

ᑭᓇ ᖃᐅᔨᒪᕚ? ᒎᑎ ᓴᖑᓂᐊᖏᒻᒪᖔᑦ ᖃᕿᐊᓕᕐᓗᓂ ᓄᖅᑲᕐᑎᑦᓯᓗᓂᓗ ᓂᓐᖓᖕᓂᕐᔪᐊᒥᓂᒃ ᐊᓯᕈᕐᑕᐅᖁᓇᑕ!”

ᔫᓇᐅᑉ ᐊᒡᓚᖏᑦ 4:2

ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᓇᕼᐅᒥᐅᑉ ᐊᒡᓚᖏᑦ 1:3

ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ, ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ. ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ, ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.

ᒨᓯᓯ ᓯᑕᒪᖏᑦ 14:18

‘ᐊᑕᓂᖅ ᓂᓐᖓᒃᓴᕅᓐᖏᓚᖅ, ᓇᒡᓕᒍᓱᖕᓂᖓᓗ ᐊᒥᒐᕋᓂ, ᐱᐅᖏᑦᑐᓕᓂᕐᒥᒃ ᑕᒻᒪᕐᓂᕐᒥᒡᓗ ᐃᓱᒪᒋᔪᓐᓁᕐᕕᖃᕐᐳᖅ; ᐸᓯᔭᒃᓴᐅᔪᓂᒡᓕ ᓱᒋᐊᕐᓯᑦᑍᓕᓐᖏᓚᖅ, ᐊᑖᑕᐅᔪᑦ ᐱᐅᖏᑦᑐᓕᓂᖏᑦ ᑎᑭᑦᓱᓐᓇᕐᒪᒋᑦ ᐃᕐᓂᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.’

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᐃᐱᓯᒥᐅᓄᑦ 2:4

ᒎᑎᐅᓪᓕ ᓂᑲᒍᓱᖕᓂᕐᔪᐊᖓᑕ ᐊᒥᒐᖏᑦᑐᐊᓘᓂᖓᓄᑦ, ᓇᒡᓕᒍᓱᖕᓂᕐᔪᐊᒥᓄᓪᓗ ᓇᒡᓕᒋᓚᐅᕋᒥᑎᒍᑦ,

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.