ᔪᐃᓕᐅᑉ ᐊᒡᓚᖏᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓂᖅ ᐅᖃᕐᐳᖅ, “ᒫᓐᓇ ᑍᒤᒻᒪᑦ, ᐃᓗᖏᕐᑐᕐᓗᓯ ᐅᕙᓐᓄᑦ ᐅᑎᓕᕆᑦᓯ, ᓂᕆᑦᑍᓕᓗᓯ, ᕿᐊᓗᓯ, ᕿᒃᓵᒡᓗᓯᓗ.”

ᔪᐃᓕᐅᑉ ᐊᒡᓚᖏᑦ 2:12 Iomraidhean Croise

ᓴᒧᐃᓕ ᐂᑉᐸᖏᑦ 24:10

ᑍᕕᑎᓕ ᓈᓮᑎᑦᓯᔭᕇᕋᒥ ᐃᓗᒥᒍᑦ ᐋᓐᓂᐊᓂᕐᒥᒃ ᐃᒃᐱᖕᓂᐊᓕᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᐱᐅᖏᑦᑐᐊᓗᖕᒥᒃ ᐊᔪᕐᑐᓕᓯᒪᕗᖓ ᑍᒤᓕᐅᕐᑎᑦᓯᓂᓐᓄᑦ. ᒫᓐᓇᓕ ᐊᑕᓃᖅ ᐃᓱᒪᒋᔪᓐᓁᕐᕕᒋᓚᐅᓐᖓ ᐱᐅᖏᑦᑐᓕᓯᒪᓂᓐᓂᑦ; ᓯᓔᑦᑐᐊᓗᖕᒥᒃ ᐱᓇᓱᐊᕐᓯᒪᒐᒪ.”

ᑯᕉᓂᑲ ᐂᑉᐸᖏᑦ 30:6

ᑕᕝᕙ ᑐᓴᕐᑎᑦᓯᔭᕐᑐᕐᑐᑦ ᐂᓚᐅᕐᐳᑦ ᐃᓴᕆᐊᓕᒥᐅᓕᒫᓄᑦ ᔫᑕᒥᐅᓕᒫᓄᓪᓗ ᑎᑎᖅᑲᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᑕᓗ ᑎᑎᕋᖏᓐᓂᒃ, ᐊᖓᔪᖅᑳᕐᔪᐊᑉ ᐱᖁᔨᓚᐅᕐᒪᑦ ᐅᖃᕐᓗᓂ: “ᐃᓴᕆᐊᓕᒥᐅᑦ ᐃᓄᖏᑦ, ᐊᑕᓂᕐᒧᑦ ᐅᑎᓚᐅᕆᑦᓯ, ᐂᑉᕋᕼᐋᒻ, ᐂᓴᑭᐅᓪᓗ ᐃᓴᕆᐊᓕᐅᓪᓗ ᒎᑎᖓᓄᑦ; ᑖᑦᓱᒪ ᐅᑎᕐᕕᒋᔪᓐᓇᕐᓂᐊᕐᒪᓯ ᐊᒥᐊᒃᑰᔪᓯ ᐊᓐᓇᓚᐅᕐᑐᓯᓗ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᑯᕉᓂᑲ ᐂᑉᐸᖏᑦ 6:27

ᑐᓴᖃᑦᑕᕐᓂᐊᕐᐸᑎᑦ ᕿᓚᖕᒥᑦ, ᐃᓱᒪᒋᔪᓐᓁᕐᓗᒋᓪᓗ ᐱᔨᕕᑦ ᐊᔪᕐᑐᓕᓂᖏᑦ, ᐃᓴᕆᐊᓕᒥᐅᑦ ᐃᓄᖁᑎᑎᑦ, ᐃᓕᓮᔪᓐᓇᖁᓪᓗᑎᑦ ᐱᐅᔪᓂᒃ ᐃᓅᓯᕆᔭᕆᐊᓕᖏᓐᓂᒃ; ᓯᓚᓗᒃᑕᐅᑎᓕᕐᓗᒋᓪᓗ ᓄᓇᖏᑦ, ᐃᓄᖁᑎᖕᓄᑦ ᑐᓂᓚᐅᕋᕕᐅᒃ ᑭᖑᕐᖑᑎᔭᐅᖁᓪᓗᒍ.

ᐃᔅᑕᐅᑉ ᐊᒡᓚᖏᑦ 4:16

“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”

ᒨᓯᓯ ᐂᑉᐸᖏᑦ 33:5

ᐊᑕᓂᖅ ᐅᖃᓚᐅᕐᒪᑦ ᒨᓯᓯᒧᑦ ᐅᖃᐅᑦᔨᖁᓪᓗᒍ ᐃᓴᕆᐊᓕᒥᐅᓂᒃ, “ᐃᓕᑦᓯ ᓯᑎᔪᐊᓘᒐᑦᓯ ᐃᓅᖃᑎᒌᑦ, ᐃᓕᑦᓯᓐᓄᑦ ᐃᓚᒋᔭᐅᓂᐊᕋᓗᐊᕈᒪ ᐊᒡᓛᑦ ᐊᑯᓂᐅᖏᑦᑐᒥᒃ, ᐊᑕᖏᑦᓯᐊᕐᓗᓯ ᓄᖑᑕᐅᑎᒍᓐᓇᕐᐸᑦᓯ. ᒫᓐᓇᓕ ᐱᐅᓴᐅᑎᒐᓚᒃᓯ ᐲᔭᓚᐅᕐᓯᐅᒃ, ᑕᕝᕙ ᐃᓱᒪᑖᕐᓂᐊᕐᐳᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ ᐃᓕᑦᓯᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 22:12

ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᕿᐊᔪᒃᓴᐅᓂᕅᓛᕐᐳᖅ ᐃᓕᑦᓯᓐᓂᒃ ᕿᒃᓵᒃᑐᒃᓴᐅᓂᕅᓪᓗᓂᓗ, ᓄᔧᔭᕐᓯᒪᔪᒃᓴᐅᓂᕅᓛᕐᐳᖅ ᐊᓐᓄᕌᕐᓯᒪᔪᒃᓴᐅᓂᕅᓪᓗᓂᓗ ᕿᒃᓵᒃᑐᕐᓯᐅᑎᓂᒃ.

ᐂᓮᐊᓯᐅᑉ ᐊᒡᓚᖏᑦ 58:4

ᑕᑯᓕᕆᑦᓯ ᓂᕆᑦᑍᓕᕙᒃᐳᓯ ᐂᕙᖃᑎᒌᒃᐸᒃᓗᓯ ᐹᖃᑎᒌᒃᓗᓯ ᐱᒋᐊᖃᑦᑕᐅᑎᓪᓗᓯᓗ. ᑍᒫᒃ ᓂᕆᑦᑍᓕᑦᔪᓯᖃᕈᑦᓯ ᑐᒃᓯᐊᕐᓂᓯ ᑐᓴᕐᑕᐅᓂᐊᓐᖏᓚᑦ ᕿᓚᖕᒥ.

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᔨᕆᒤᐊᐅᑉ ᐊᒡᓚᖏᑦ 36:7

ᐃᒻᒪᖄ ᐊᑕᓂᕐᒧᑦ ᕿᓄᔪᓐᓇᕐᓯᒐᔭᕐᒪᑕ, ᐊᑐᓂᓪᓗ ᓵᒋᐊᕐᓗᑎᒃ ᐱᐅᖏᑦᑐᓕᓂᕐᒥᖕᓂᑦ, ᐊᑕᓂᐅᑉ ᓂᓐᖓᕕᒃᔪᐊᕐᓂᕐᒥᓄᑦ ᓱᒋᐊᕐᓯᔪᒪᓂᖓ ᐊᖏᔪᐊᓘᖕᒪᑦ ᑖᒃᑯᓄᖓ.”

ᔨᕆᒤᐊᐅᑉ ᐊᒡᓚᖏᑦ 4:1

ᐃᓴᕆᐊᓕᒥᐅᖑᔪᓯ, ᐅᑎᕈᒪᒍᑦᓯ ᐅᕙᓐᓄᑦ ᐅᑎᓚᐅᕆᑦᓯ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓯ ᐲᔭᕐᓗᒋᑦ, ᑕᒻᒪᕐᑍᓕᓕᕐᓗᓯᓗ ᑭᖑᓂᖓᒍᑦ.

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᑖᓂᐊᓕᐅᑉ ᐊᒡᓚᖏᑦ 9:3

ᑍᒤᒻᒪᑦ ᐊᑕᓂᕐᒧᑦ ᒎᑎᒧᑦ ᓵᓚᐅᕐᐳᖓ ᕿᓄᕕᒋᓪᓗᒍᓗ ᑐᒃᓯᐊᕐᕕᒋᕙᕋ, ᓂᕆᑦᑍᓕᓪᓗᖓᓗ, ᐊᓐᓄᕌᕐᓯᒪᓪᓗᖓᓗ ᐃᒃᐱᐊᕐᔪᒐᔭᐅᔮᕐᑐᓂᒃ, ᐊᕐᔭᓕᓂᕐᓃᓪᓗᖓᓗ.

ᕼᐆᓯᐊᑉ ᐊᒡᓚᖏᑦ 12:6

ᒎᑎᖕᓄᑦ ᐃᑲᔪᕐᑕᐅᓗᑎᑦ ᑖᑦᓱᒧᖓ ᐅᑎᓕᕆᑦ, ᓇᒡᓕᖕᓂᕐᒥᒃ ᒪᓕᑦᓯᐊᕐᓂᕐᒥᒡᓗ ᑎᒍᒥᐊᑦᓯᐊᓕᕆᑦ, ᐅᑕᖅᑭᑦᓯᐊᕐᓗᑎᓪᓗ ᒎᑎᖕᓂᒃ ᑲᔪᓯᑦᓯᐊᕐᓗᑎᑦ.

ᕼᐆᓯᐊᑉ ᐊᒡᓚᖏᑦ 12:7

“ᑬᓇᓂᒥᐅᑦ ᓯᓔᕐᕆᒃᓯᔨᐅᕗᑦ, ᓱᓕᖏᑦᑐᓂᒃ ᐅᖁᒤᓐᓂᕐᓯᐅᑎᓂᒃ ᑎᒍᒥᐊᕐᐳᑦ, ᕿᒃᓵᒃᑎᑦᓯᔭᕆᐊᒃᓴᖅ ᖁᕕᐊᓱᒃᐳᑦ.

ᕼᐆᓯᐊᑉ ᐊᒡᓚᖏᑦ 14:1

ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᓄᑦ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᔪᐃᓕᐅᑉ ᐊᒡᓚᖏᑦ 1:13

ᐊᓐᓄᕌᓕᕆᑦᓯ ᐊᕐᔭᓂᓕᕐᑎᕐᓯᒪᔪᓂᒃ ᕿᐊᓗᓯᓗ, ᐃᓕᑦᓯ ᑐᓂᕐᕈᓯᕐᑎᑦᓯᔨᐅᔪᓯ, ᕿᒃᓵᒋᑦᓯ ᐃᓕᑦᓯ ᐱᔨᑦᓯᕐᑎᐅᔪᓯ ᑐᓂᕐᕈᓯᕐᕕᖕᒥ, ᕾᒋᑦᓯ, ᐅᓐᓄᐊᓕᒫᖅ ᐊᓐᓄᕌᕐᓯᒪᓗᓯ ᐊᕐᔭᓂᓕᕐᑎᕐᓯᒪᔪᓂᒃ, ᐃᓕᑦᓯ ᐊᔪᕆᕐᑐᐃᕙᒃᑐᓯ! ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᓂᐊᖂᔭᒃᓴᓂᒃ ᕔᓂᒥᒡᓘᓐᓃᑦ ᒎᑎᒧᑦ.

ᓴᑲᕅᐊᐅᑉ ᐊᒡᓚᖏᑦ 7:3

ᑐᓂᕐᕈᓯᕐᑎᑦᓯᔨᓂᒃ ᒎᑎᐅᓪᓗ ᐅᖃᕐᑎᖏᓐᓂᒃ ᐊᐱᕆᔭᕐᑐᓚᐅᕐᒪᑕ ᐊᑕᓂᐅᑉ ᐊᔪᒐᖃᖏᑦᑑᑉ ᑐᒃᓯᐊᕐᕕᒡᔪᐊᖓ ᐱᓪᓗᒍ ᐅᖃᕐᓗᑎᒃ, “ᑕᖅᑮᑦ ᑕᓪᓕᒪᖓᓐᓂ ᓱᓕ ᕿᒃᓵᒍᑎᖃᕆᐊᖃᕐᐱᑖ ᓂᕆᑦᑍᓕᓗᑕᓗ, ᑍᒫᒃ ᐱᕙᒃᑲᑦᑕ ᑍᒪᓐᖓᓂᐊᓗᒃ?”

ᓴᑲᕅᐊᐅᑉ ᐊᒡᓚᖏᑦ 7:5

“ᐃᓄᐃᑦ ᑕᒫᓂ ᓄᓇᖃᕐᑐᓕᒫᑦ ᑐᓂᕐᕈᓯᕐᑎᑦᓯᔩᓪᓗ ᐊᐱᕆᒃᑭᑦ, ‘ᓂᕆᑦᑍᓕᔭᕌᖓᑦᓯ ᕿᒃᓵᒡᓗᓯᓗ ᑕᖅᑮᑦ ᑕᓪᓕᒪᖓᓐᓂ ᑕᖅᑮᓪᓗ 7ᖓᓂ ᐊᕐᕌᒍᓂᒃ 70ᓂᒃ, ᑍᒤᓕᐅᕐᐸᓚᐅᕐᐱᓰ ᐅᕙᓐᓂᒃ ᐱᑦᔪᑎᖃᕐᓗᓯ?

ᒪᓚᑬᑉ ᐊᒡᓚᖏᑦ 1:9

“ᒫᓐᓇᓕ ᒎᑎᐅᑉ ᖁᕕᐊᒋᔭᖓᓂᒃ ᕿᓂᓕᕆᑦᓯ, ᐅᕙᑦᑎᓐᓄᑦ ᓈᒃᑭᒍᓱᓕᖁᓪᓗᒍ. ᑍᒤᓕᐅᓕᕈᑦᓯ, ᓈᒻᒪᒋᒐᔭᕐᐹᓰ? ᖁᕕᐊᒋᓗᓯᓗ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐃᓗᐊᕐᓮᔩᑦ ᐊᒡᓚᖏᑦ 2:4

ᐊᑕᓂᐅᑉ ᐂᖏᓕᖓᑕ ᑍᒫᒃ ᐅᖃᐅᑎᖕᒪᒋᑦ, ᐃᓴᕆᐊᓕᒥᐅᑦ ᐃᓄᓕᒫᖏᑦ ᓂᐱᖅᑯᕐᑐᓪᓗᑎᒃ ᕿᐊᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 20:26

ᑕᕝᕙ ᐃᓄᒋᐊᒃᑐᕐᔪᐊᑦ ᐃᓴᕆᐊᓕᒥᐅᓕᒫᑦ ᐅᓇᑕᕐᑐᒃᓮᑦ ᐂᕗᑦ ᐱᑎᓕᒧᑦ ᕿᐊᓪᓗᑎᒡᓗ; ᑍᑲᓂ ᐃᒃᓯᕙᕗᑦ ᐊᑕᓂᐅᑉ ᓵᖓᓂ ᓂᕆᑦᑍᓕᓪᓗᑎᒃ ᐅᓐᓄᒃ ᑎᑭᓪᓗᒍ. ᑐᓂᕐᕈᓯᓚᐅᕐᐳᑦ ᐃᑯᐊᓚᑎᑕᒃᓴᓂᒃ ᑐᓂᕐᕈᑎᓂᒡᓗ ᐃᑯᐊᓚᒋᐊᓕᖕᓂᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᓂᒃ ᐊᑕᓂᐅᑉ ᓵᖓᓂ.

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”

ᓴᒧᐃᓕ ᓯᕗᓪᓖᑦ 7:6

ᑍᒤᒻᒪᑦ ᑲᑎᓚᐅᕐᐳᑦ ᒥᔅᐸᒥ, ᐃᒪᕐᒥᒃ ᖃᓗᓯᓪᓗᑎᒃ ᑯᕕᓪᓗᒍᓗ ᐂᑦᑑᑎᒋᓚᐅᕐᐹᑦ ᐊᑕᓂᕐᒧᑦ, ᓂᕆᑦᑍᓕᓚᐅᕐᐳᓪᓗ ᐅᓪᓗᒥ ᑕᕝᕙᓂ, ᐅᖃᕐᓗᑎᒡᓗ, “ᐊᑕᓂᕐᒧᑦ ᐊᔪᕐᑐᓕᓚᐅᕐᐳᒍᑦ.” ᑕᕝᕙᓂᓗ ᒥᔅᐸᒥ ᓴᒧᐃᓕᐅᑉ ᐃᓴᕆᐊᓕᒥᐅᑦ ᐃᓗᐊᖏᑦᔪᑎᖏᓐᓂᑦ ᐃᓱᐊᕐᓯᑎᓚᐅᕐᐰᑦ.