ᔪᐃᓕᐅᑉ ᐊᒡᓚᖏᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᑕᓂᐅᑉ ᓂᐱᒥᓄᑦ ᐅᓇᑕᕐᑐᒃᓴᖁᑎᓂ ᐊᐅᓚᑉᐰᑦ, ᐅᓇᑕᕐᑐᒃᓴᖁᑎᖏᑦ ᐅᓄᕐᑐᕐᔪᐊᖑᕗᑦ; ᓂᐱᖓᓂᒃ ᓈᓚᒃᑐᖅ ᓲᖑᔪᕐᔪᐊᖑᕗᖅ. ᐊᑕᓂᐅᑉ ᐅᓪᓗᖓ ᑲᑉᐱᐊᓇᕐᐳᖅ; ᑭᓇᓖ ᑕᒪᑐᒥᖓ ᐊᓂᒍᐃᔪᓐᓇᕐᐹ?

ᔪᐃᓕᐅᑉ ᐊᒡᓚᖏᑦ 2:11 Iomraidhean Croise

ᐃᓐᖏᕈᑎᑦ 18:14

ᖃᕐᔪᒥᓄᓪᓗ ᐱᑎᒃᓴᓚᐅᕐᐳᖅ ᐊᑭᕋᕐᑐᕐᑐᑦ ᐊᕕᑎᓪᓗᒋᑦ, ᖃᐅᒻᒫᓪᓚᒃᑐᓄᑦ ᐅᓄᕐᑐᓄᑦ ᓵᓚᒋᕔᑦ.

ᐃᓐᖏᕈᑎᑦ 46:6

ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ; ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.

ᐃᓐᖏᕈᑎᑦ 68:18

ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.

ᐂᓮᐊᓯᐅᑉ ᐊᒡᓚᖏᑦ 13:4

“ᐃᓄᒐᓴᒡᔪᐊᑦ ᖃᖅᑲᓃᑦᑐᑦ ᓂᐱᕐᔪᐊᖏᑦ ᑐᓴᕐᓴᐅᕗᑦ, ᓲᕐᓗ ᐃᓄᒋᐊᒃᑐᕐᔪᐊᓂᑦ ᐱᔪᑎᑐᑦ! ᓂᐱᕐᔪᐊᖃᕐᐳᖅ ᐊᖓᔪᖅᑳᕐᔪᐊᖃᕐᕕᖕᓂᑦ ᐱᔪᓂᒃ, ᐃᓅᖃᑎᒌᒡᔪᐊᑦ ᐊᖓᔪᖅᑲᐅᕕᖏᑦ ᑲᑎᒪᓕᕐᒪᑕ! ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑲᔪᖏᕐᓮᓕᕐᒪᑦ ᐃᓄᒋᐊᒃᑐᕐᔪᐊᓂᒃ ᐅᓇᑕᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 42:13

ᐊᑕᓂᖅ ᐅᐸᒍᑎᓂᐊᕐᒪᑦ ᐊᖑᑎᑐᑦ ᐱᔪᓐᓇᕐᑐᕐᔪᐊᑐᑦ; ᐅᓇᑕᕐᑎᐅᑉ ᐅᓇᑕᕆᐊᕈᒪᓂᖓᑐᑦ ᑲᔪᖏᕐᓂᖃᕐᓗᓂ, ᓂᐱᖅᑯᕐᑐᓪᓗᓂ ᓂᓪᓕᐊᕗᖅ, ᓂᐱᕐᔪᐊᒧᑦ ᕾᒐᓛᕐᓗᓂ; ᐊᑭᕋᓂᓗ ᓵᓚᒋᓂᐊᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 7:18

“ᑕᒪᓐᓇᓗ ᐅᓪᓗᖅ ᓇᓪᓕᐅᑎᒃᐸᑦ ᐊᑕᓂᖅ ᐅᕕᓐᖏᐊᕈᒫᕐᐳᖅ ᐄᑦᔨᑉᑎᒥᐅᑦ ᐊᓇᓐᖏᕐᑎᑐᑦ ᑎᑭᐅᑎᖁᓪᓗᒋᑦ ᑰᒑᓘᑉ ᓁᓕᐅᑉ ᐊᕙᓚᖓᓂᖏᓐᓂᑦ, ᐊᓯᕆᐊᒥᐅᓪᓗᑦᑕᐅᖅ ᑎᑭᐅᑎᖁᓪᓗᒋᑦ ᐃᒍᑦᓴᑎᑐᑦ ᐅᓄᕐᑎᒋᓗᑎᒃ ᓄᓇᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 25:30

“ᐅᖃᐅᓯᕆᔭᐅᖁᔭᓐᓂᒃ ᐅᖃᐅᓯᖃᕆᐊᕐᑐᓕᕆᑦ ᐅᖃᐅᑎᓗᒋᓪᓗ, ‘ᐊᑕᓂᖅ ᓂᓪᓕᐊᓕᕐᐳᖅ ᖁᑦᓯᒃᑐᒥᑦ, ᐃᓂᒋᔭᒥᓂᑦ ᐃᑦᔪᕐᓁᑦᑐᒥᑦ ᓂᐱᖓ ᑐᓴᕐᓴᐅᕗᖅ, ᓂᐱᕐᔪᐊᒧᓪᓗ ᓱᐊᖕᓂᐊᕐᐳᖅ ᓄᓇᖃᕐᑐᓄᑦ ᑕᒫᓂ, ᕾᒐᓛᕐᓂᐊᕐᐳᖅ ᐸᐅᕐᖓᓂᒃ ᐃᑦᓰᔧᕝᕕᖕᒦᑦᑐᑎᑐᑦ ᓄᓇᕐᔪᐊᒥ ᐃᓂᖃᕐᑐᓕᒫᑦ ᐊᑭᕋᕐᑐᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 30:7

ᐅᓪᓗᖅ ᑍᓐᓇ ᑲᑉᐱᐊᓇᕐᑐᖃᕐᑐᖅ ᐊᑦᔨᖃᕈᒫᓐᖏᓚᖅ ᔧᑯᒃᑯᑦ ᐊᒃᓱᕈᕐᓇᕐᑐᒦᑦᓱᒫᕐᐳᑦ, ᑭᓯᐊᓂᓕ ᑕᕝᕙᓐᖓᑦ ᐱᐅᓕᔭᐅᔪᒫᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 50:34

ᐱᐅᓕᔨᒃᓴᖓᑦ ᐱᔪᓐᓇᕐᓂᕐᔪᐊᖃᕐᐳᖅ, ᐊᑎᖃᕋᒥ ᐊᑕᓂᕐᒥᒃ ᐊᔪᒐᖃᖏᑦᑐᕐᔪᐊᕐᒥᒃ. ᓴᐳᑦᔨᓇᓱᒡᓗᓂ ᐊᔪᐃᓐᓇᕈᓐᓇᕐᑐᖅ, ᓮᓕᑦᓯᐊᕐᓂᕐᒥᒃ ᑎᑭᑎᑦᓯᔪᒫᕐᐳᖅ ᓄᓇᕐᔪᐊᕐᒧᑦ, ᐹᐱᓘᓂᒦᑦᑐᓪᓕ ᓮᓕᑦᓯᐊᕈᓐᓇᕈᒫᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 22:14

ᓴᐱᖏᓐᓂᑦᓯᓐᓄᑦ ᐊᓂᒍᐃᔪᓐᓇᕐᐱᓰ, ᐅᕝᕙᓗ ᐱᔪᓐᓇᕐᓂᕾᓐᓇᕐᓂᐊᕐᐱᓰ, ᓱᒋᐊᕐᓯᓂᕐᒪ ᐅᓪᓗᖏᓐᓂ? ᐅᕙᖓ ᐊᑕᓂᖅ ᐅᖃᕐᐳᖓ, ᑕᒪᑐᒥᖓᓗ ᐱᓇᓱᐊᕐᓂᐊᕐᓗᖓ.

ᔪᐃᓕᐅᑉ ᐊᒡᓚᖏᑦ 1:15

ᐊᑕᓂᐅᑉ ᐅᓪᓗᖓ ᖃᒡᓕᕗᖅ; ᑎᑭᓐᓂᐊᕐᐳᖅ ᐊᓯᕈᐃᔭᕐᑐᕐᑐᑐᑦ ᐊᔪᒐᖃᖏᑦᑐᕐᔪᐊᕐᒥᓐᖔᕐᓗᓂ.

ᔪᐃᓕᐅᑉ ᐊᒡᓚᖏᑦ 1:6

ᐱᒡᓕᕐᑕᐅᔮᕐᑐᑦ ᐃᓅᖃᑎᒌᒡᔪᐊᑎᑐᑦ ᐊᓯᕈᐃᒋᐊᕐᑐᕐᒪᑕ ᓄᓇᖁᑎᑦᑎᓐᓂᒃ, ᐅᓄᓗᐊᕐᒪᑕ ᐊᔪᖏᑦᑑᓗᐊᕐᓗᑎᒡᓗ ᓈᓴᒐᒃᓴᐅᖏᑦᑐᑦ; ᑭᒍᑎᖃᕐᐳᑦ ᓛᔭᑎᑐᑦ, ᑐᓗᕆᐊᖏᑦ ᓛᔭᐅᑉ ᐊᕐᓇᓪᓗᖏᑎᑐᑦ ᑍᒤᑉᐳᑦ.

ᔪᐃᓕᐅᑉ ᐊᒡᓚᖏᑦ 2:1

ᑎᑦᑐᓚᐅᑏᑦ ᓂᓪᓕᕐᑎᓯᒋᑦ ᓮᐅᓂᒥ, ᐊᑕᓂᐅᑉ ᖃᖅᑲᖓᓂ ᐃᑦᔪᕐᓁᑦᑐᒥ, ᓄᓇᓕᓕᒫᓪᓗ ᓴᔪᒡᓕᑦ, ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ, ᖃᓂᑦᑑᓕᕐᓗᓂ.

ᔪᐃᓕᐅᑉ ᐊᒡᓚᖏᑦ 2:2

ᐅᓪᓗᖅ ᑖᕐᓯᔪᒫᕐᒪᑦ ᑲᑉᐱᐊᓇᕐᓗᓂᓗ, ᐅᓪᓗᖅ ᑖᕐᓯᔪᒫᕐᒪᑦ ᓄᕗᔭᓗᓂᓗ. ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᑖᕐᓯᑎᑦᓯᔪᒫᕐᐳᑦ ᖃᖅᑲᒥᒃ, ᐊᔪᖏᑦᑐᕐᔪᐊᑦ ᐱᔪᓐᓇᕐᑐᕐᔪᐊᓪᓗ ᐊᑭᕅᑦ ᑎᑭᑦᓱᒫᕐᐳᑦ, ᑍᒫᒃ ᐱᔪᖃᓚᐅᕐᓯᒪᓐᖏᓚᖅ ᑍᒤᑦᑐᖃᓚᐅᕐᓯᒪᓂᐊᕋᓂᓗ ᒪᑐᒪ ᑭᖑᓂᐊᒍᑦ.

ᔪᐃᓕᐅᑉ ᐊᒡᓚᖏᑦ 2:25

ᐅᑎᕐᑎᑦᓯᕕᒋᓂᐊᕐᐸᑦᓯ ᐊᕐᕌᒍᓂᒃ ᐊᓯᐅᔨᓚᐅᕐᑕᑦᓯᓐᓂᒃ ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᓂᕆᓚᐅᕐᑕᖏᓐᓂᒃ, ᐱᒡᓕᕐᑕᐅᔮᕐᑐᑦ ᐹᕐᖑᕐᑐᑦ, ᓄᖒᑦᓯᔪᓪᓗ, ᑕᒧᐊᔪᓪᓗ ᑎᓕᓚᐅᕋᒃᑭᑦ ᐅᓇᑕᕐᑐᒃᓴᕐᔪᐊᑎᑐᑦ ᐊᑯᓐᓇᑦᓯᓐᓄᑦ.

ᔪᐃᓕᐅᑉ ᐊᒡᓚᖏᑦ 2:31

ᓯᕿᓂᕐᓗ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ.

ᔪᐃᓕᐅᑉ ᐊᒡᓚᖏᑦ 3:14

ᐃᓄᒋᐊᒡᑐᕐᔪᐊᕌᓗᐃᑦ ᓇᕐᓴᒦᑉᐳᑦ ᐃᖅᑲᕐᑐᕐᑕᐅᕕᖕᒥ. ᑍᑲᓂ ᐊᑕᓂᐅᑉ ᐅᓪᓗᖓ ᖃᒡᓕᖕᒪᑦ ᓇᕐᓴᒥ ᐃᖅᑲᕐᑐᕐᑕᐅᕕᖕᒥ.

ᔪᐃᓕᐅᑉ ᐊᒡᓚᖏᑦ 3:16

ᐊᑕᓂᖅ ᐃᕐᓯᓵᕆᔪᑎᑐᑦ ᓂᓪᓕᐊᔪᒫᕐᐳᖅ ᓮᐅᓂᒥ, ᓂᐱᖓᓗ ᑐᓴᕐᓴᐅᔪᒫᕐᐳᖅ ᔨᕉᓴᓕᒥᑦ; ᕿᓚᒡᓗ ᓄᓇᓗ ᓴᔪᒍᒫᕐᐴᒃ; ᐊᑕᓂᕐᓕ ᕿᒫᕕᒃᓴᐅᔪᒫᕐᐳᖅ ᐃᓄᖁᑎᒥᓄᑦ, ᐃᓴᕆᐊᓕᒥᐅᓄᓪᓗ ᑭᖑᕚᖑᖃᑎᒌᓄᑦ ᓴᓐᖏᑦᔪᑕᐅᔪᒫᕐᐳᖅ.

ᐂᒨᓯᐅᑉ ᐊᒡᓚᖏᑦ 1:2

ᐅᖃᕐᐳᕐᓗ, “ᐊᑕᓂᖅ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ ᓮᐅᓂᒥᑦ, ᓂᐱᕐᔪᐊᖓᓗ ᑐᓴᕐᓴᐅᕗᑦ ᔨᕉᓴᓕᒥᑦ; ᓰᐱᓕᕆᔩᑦ ᐊᒡᓛᑦ ᓂᕿᒃᓴᖁᑎᖏᑦ ᑐᖁᓕᑎᑕᐅᕗᑦ, ᖃᖅᑲᐅᓪᓗ ᑳᕐᒥᐅᑉ ᖄᖓ ᑐᖁᓕᓕᕐᓗᓂ.”

ᐂᒨᓯᐅᑉ ᐊᒡᓚᖏᑦ 5:18

“ᑲᑉᐱᐊᓐᓇᒦᒃ ᐃᓕᑦᓯ ᐊᑕᓂᐅᑉ ᐅᓪᓗᖓᓂᒃ ᓂᕆᐅᒃᑐᓯ! ᖃᓄᖅ ᐊᑕᓂᐅᑉ ᐅᓪᓗᖓ ᐱᐅᒐᔭᕋᓱᒋᒐᑦᓯᐅᒃ ᐃᓕᑦᓯᓐᓄᑦ? ᐅᓪᓗᖅ ᑍᓐᓇ ᑕᕐᑐᕐᔪᐊᖑᔪᒫᕐᒪᑦ ᖃᐅᒪᓂᖃᖏᓪᓗᓂ.

ᐂᒨᓯᐅᑉ ᐊᒡᓚᖏᑦ 5:20

ᐊᑕᓂᐅᑉ ᐅᓪᓗᖓ ᑕᕐᑐᕐᔪᐊᖑᕗᖅ, ᖃᐅᒪᔫᓇᓂᓗ, ᑖᕐᔪᖓᕗᕐᓗ ᖃᐅᒻᒪᓪᓚᕆᒐᓂ.

ᐅᐸᑍᐊᑉ ᐊᒡᓚᖏᑦ 1:15

“ᐊᑕᓂᐅᑉ ᐅᓪᓗᖓ ᖃᒡᓕᖕᒪᑦ ᐃᓅᖃᑎᒌᒡᔪᐊᓕᒫᓄᑦ; ᐃᕝᕕᑦ ᐱᓂᐊᓚᐅᕋᕕᑦ, ᑍᒫᒃ ᐱᓂᐊᕐᕕᐅᔪᒫᕐᐳᑎᑦ; ᐱᓂᐊᕐᓂᑎᑦ ᐅᑎᕈᒫᕐᐳᑦ ᓂᐊᖁᕐᓄᑦ.

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᒪᓚᑬᑉ ᐊᒡᓚᖏᑦ 3:2

“ᑭᐊ ᐊᑐᕈᓐᓇᕈᒫᕐᐸᐅᒃ ᐅᓪᓗᖅ ᑖᑦᓱᒪ ᑎᑭᕝᕕᒃᓴᖓ? ᑭᓇᓗ ᓇᖏᕈᓐᓇᕈᒫᕐᐸ ᓴᖅᑭᑉᐸᑦ? ᑖᓐᓇ ᐃᑯᒪᑐᑦ ᓴᕕᕋᔭᒃᓴᓂᒃ ᐊᐅᒃᑎᑦᓯᔪᑎᑎᑐᑦ ᑍᒤᑦᓱᒫᕐᒪᑦ ᐊᓐᓄᕌᓂᒡᓗ ᐅᐊᓴᐅᑎᑎᑐᑦ;

ᒨᓯᓯ ᓯᑕᒪᖏᑦ 24:23

ᒎᑎᒥᑦ ᐅᖃᐅᓯᒃᓴᕆᔭᒥᓂᒃ ᐅᖃᓕᕐᐳᖅ ᐅᖃᕐᓗᓂ: “ᑲᑉᐱᐊᓐᓇᒦᒃ! ᑭᓇ ᐆᒪᔪᓐᓇᓛᕐᐹ ᒎᑎ ᑍᒤᓕᐅᓕᕐᐸᑦ?

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:16

ᐊᑕᓂᖅ ᓇᖕᒥᓂᖅ ᕿᓚᖕᒥᑦ ᐊᖅᑲᕈᒫᕐᒪᑦ, ᓂᐱᕐᔪᐊᒧᑦ ᕾᖁᔨᔪᒧᑦ, ᐂᖏᓖᑦ ᐊᖓᔪᖅᑳᖓᑦᑕ ᓂᐱᖓᓄᑦ, ᒎᑎᐅᓪᓗ ᑎᑦᑐᓚᐅᑎᖁᑎᖓᓄᑦ, ᙭ᔅᑑᓯᒥᓗ ᑐᖁᖓᔪᑦ ᐃᓅᓯᕐᒧᑦ ᓯᕗᓪᓕᐅᓗᑎᒃ ᒪᑭᖅᑳᕈᒫᕐᐳᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:8

ᑍᒤᒻᒪᑦ ᑲᑉᐱᐊᓱᒃᑎᑕᐅᓂᖏᑦ ᐅᓪᓗᒥ ᐊᑕᐅᓯᕐᒥ ᑎᑭᑦᓱᒫᕐᐳᑦ, ᐋᓐᓂᐊᓇᕐᑐᑦ ᕿᒃᓵᖕᓇᕐᑐᑦ ᑳᖕᓇᕐᑐᓪᓗ, ᐃᑯᒪᒧᓪᓗ ᐃᑭᑕᐅᔪᒫᕐᐳᖅ; ᐊᑕᓂᖅ ᒎᑎ ᑖᑦᓱᒪ ᐃᖅᑲᕐᑐᐃᔨᖓ ᐊᔪᒐᖃᖏᑦᑐᕐᔪᐊᖑᖕᒪᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:17

ᓂᓐᖓᖕᓂᕐᔪᐊᖓᑕ ᑲᑉᐱᐊᓇᕐᓂᖓ ᓇᓪᓕᐅᑎᖕᒪᑦ, ᑭᓇᓗ ᑖᑦᓱᒧᖓ ᓵᓐᖓᓗᓂ ᓇᖏᕈᓐᓇᕐᐹ?”