ᔪᐃᓕᐅᑉ ᐊᒡᓚᖏᑦ 2:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓄᓇᕐᔪᐊᕐᓗ ᓴᔪᒃᑎᑉᐹᑦ, ᕿᓔᓪᓗ ᓴᔪᒃᐳᑦ; ᓯᕿᓂᕐᓗ ᑕᖅᑭᕐᓗ ᑖᕐᓯᕘᒃ, ᐅᓪᓗᕆᐊᓪᓗ ᖃᐅᒪᔫᓐᓃᕐᐳᑦ.

ᔪᐃᓕᐅᑉ ᐊᒡᓚᖏᑦ 2:10 Iomraidhean Croise

ᐃᓐᖏᕈᑎᑦ 114:7

ᓄᓇᕐᔪᐊᖅ ᓴᔪᓚᐅᕆᑦ, ᐊᑕᓂᐅᑉ ᓇᔫᑎᓂᖓᓄᑦ, ᔧᑰᓪᓗ ᒎᑎᖓᑕ ᓇᔫᑎᓂᖓᓄᑦ;

ᐃᓐᖏᕈᑎᑦ 18:7

ᓄᓇᓗ ᓴᔪᒃᐱᓗᒃᐳᖅ, ᖃᖅᑬᓪᓗ ᑐᓐᖓᕕᖏᑦ ᓴᔪᒡᓗᑎᒃ, ᐊᐅᓚᕗᑦ, ᓂᓐᖓᐅᒪᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 13:10

ᐅᓪᓗᕆᐊᑦ ᕿᓚᖕᒦᑦᑐᑦ ᐋᖅᑭᒃᓯᒪᓂᖏᓪᓗ ᖃᐅᒪᔪᓐᓃᕈᒫᕐᐳᑦ, ᓯᕿᓂᖅ ᑖᕐᓯᔪᒫᕐᐳᖅ ᓄᐃᓕᕈᓂ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 34:4

ᕿᓚᖕᒥ ᑕᑯᒃᓴᐅᔪᓕᒫᑦ ᐊᐅᒍᒫᕐᐳᑦ, ᕿᓚᒡᓗ ᐃᒧᔭᐅᔪᒫᕐᐳᖅ ᐰᑉᐹᖁᑎᑎᑐᑦ ᐃᒧᔫᑎᑐᑦ, ᐅᓪᓗᕆᐊᓕᒫᓪᓗ ᑲᑕᒐᕈᒫᕐᐳᑦ, ᓇᐹᕐᑑᑉ ᕔᓂᒃᓴᓂᒃ ᐸᐅᕐᖓᓕᐅᑉ ᐸᐅᕐᖓᖏᑕ ᑲᑕᒐᕐᓂᖏᑎᑐᑦ, ᓇᐹᕐᑑᓪᓗ ᐱᒋᓕᒃᓴᐅᑉ ᐅᖃᐅᔭᖏᑕ ᑲᑕᒐᕐᓂᖏᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 5:30

ᐃᕐᓯᓵᕐᕕᒋᔪᒫᕐᐰᑦ ᑕᒪᓐᓇ ᓇᓪᓕᐅᑎᒃᐸᑦ, ᐃᒪᕐᔪᐊᑉ ᑕᕆᐅᑉ ᓄᓇᒧᑦ ᓂᐱᕐᔪᐊᖃᕐᓂᖓᑐᑦ. ᓄᓇ ᑕᑯᔭᐅᒐᔭᕐᐸᑦ ᓇᓪᓕᐊᓐᓄᑦ, ᑕᑯᔭᐅᒐᔭᕐᐳᖅ ᑖᕐᑐᐊᓗᒃ ᑲᑉᐱᐊᓇᕐᑐᕐᓗ; ᖃᐅᒪᔪᕐᓗ ᑖᕐᓯᑎᑕᐅᕗᖅ ᓄᕗᔭᓄᑦ.

ᔨᕆᒤᐊᐅᑉ ᐊᒡᓚᖏᑦ 4:23

ᓄᓇᕐᔪᐊᕐᓗ ᑕᑯᓴᕋᒃᑯ, ᓄᓇᒋᔭᒃᓴᐅᓐᖏᓚᖅ ᓱᓇᑕᖃᕋᓂᓗ, ᕿᓚᖕᒧᓪᓗ ᑕᑯᓴᕋᒪ ᖃᐅᒪᔪᖃᓐᖏᓚᖅ.

ᔪᐃᓕᐅᑉ ᐊᒡᓚᖏᑦ 2:2

ᐅᓪᓗᖅ ᑖᕐᓯᔪᒫᕐᒪᑦ ᑲᑉᐱᐊᓇᕐᓗᓂᓗ, ᐅᓪᓗᖅ ᑖᕐᓯᔪᒫᕐᒪᑦ ᓄᕗᔭᓗᓂᓗ. ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᑖᕐᓯᑎᑦᓯᔪᒫᕐᐳᑦ ᖃᖅᑲᒥᒃ, ᐊᔪᖏᑦᑐᕐᔪᐊᑦ ᐱᔪᓐᓇᕐᑐᕐᔪᐊᓪᓗ ᐊᑭᕅᑦ ᑎᑭᑦᓱᒫᕐᐳᑦ, ᑍᒫᒃ ᐱᔪᖃᓚᐅᕐᓯᒪᓐᖏᓚᖅ ᑍᒤᑦᑐᖃᓚᐅᕐᓯᒪᓂᐊᕋᓂᓗ ᒪᑐᒪ ᑭᖑᓂᐊᒍᑦ.

ᔪᐃᓕᐅᑉ ᐊᒡᓚᖏᑦ 2:31

ᓯᕿᓂᕐᓗ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ.

ᔪᐃᓕᐅᑉ ᐊᒡᓚᖏᑦ 3:4

“ᓱᓇᒦᒃ ᐊᑭᕋᕐᑑᑎᒃᓴᖃᕐᐲᑦ ᐅᕙᓐᓄᑦ? ᑍᕆ, ᓮᑐᓂᓗ ᐱᓕᔅᑎᐊᒥᐅᓪᓗ ᐃᒪᐅᑉ ᓯᓈᓃᑦᑐᑦ ᐅᕙᓐᓄᑦ ᐊᑭᒋᐊᕈᒪᕕᓰ? ᐊᑭᒋᐊᕈᑦᓯ, ᑕᕝᕔᓐᓇᖅ ᑐᐊᕕᕐᓗᖓ ᐊᑭᒋᐊᕐᓂᓯ ᐃᓕᓯᓐᓄᑦ ᐱᑎᓐᓂᐊᕐᐸᕋ.

ᐂᒨᓯᐅᑉ ᐊᒡᓚᖏᑦ 5:8

ᑖᓐᓇ ᐅᓪᓗᕆᐊᑦ ᐃᓂᒋᔭᖏᑕ ᖃᓄᐃᓕᖓᓂᖏᓐᓂᒃ ᓴᓇᓚᐅᕐᑐᖅ, ᑖᕐᑐᕐᔪᐊᕐᒥᒡᓗ ᒧᒥᒃᑎᑦᓯᕙᒃᑐᖅ ᐅᓪᓛᓐᖑᕐᑎᓪᓗᒍ, ᐅᓪᓗᕐᒥᒡᓗ ᑖᕐᓯᑎᑦᓯᕙᒃᑐᖅ ᐅᓐᓄᐊᖑᓕᕐᓗᓂ, ᑕᕆᐅᕐᔪᐊᒥᒃ ᕾᖁᔨᕙᒃᑐᖅ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ, ᐊᑎᖃᕐᐳᖅ ᐊᑕᓂᕐᒥᒃ.

ᓇᕼᐅᒥᐅᑉ ᐊᒡᓚᖏᑦ 1:5

ᖃᖅᑲᕐᔪᐊᑦ ᓴᔪᒃᐳᑦ ᐊᑕᓂᐅᑉ ᓵᖓᓂ, ᐱᖑᐊᕐᔪᐃᓪᓗ ᐊᐅᒃᐳᑦ ᑖᑦᓱᒪ ᓵᖓᓂ; ᐊᑕᓂᖅ ᓴᖅᑭᒻᒪᑦ ᓄᓇ ᓴᔪᒃᐱᓗᒃᐳᖅ; ᓄᓇᕐᔪᐊᓕᒫᖅ ᐃᓄᓕᒫᖏᓪᓗ ᑕᕝᕙᓂ ᐃᓂᖃᕐᑐᑦ ᓴᔪᒃᐳᑦ.

ᒫᑎᐅᓯᐅᑉ ᐊᒡᓚᖏᑦ 24:29

“ᐅᓪᓗᐃᑦ ᑲᑉᐱᐊᓇᕐᑐᑦ ᑭᖑᓂᑦᓯᐊᖓᒍᑦ, ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ, ᐅᓪᓗᕆᐊᓪᓗ ᕿᓚᖕᒥᑦ ᑲᑕᒍᒫᕐᐳᑦ, ᓯᓚᐅᑉ ᐱᔪᓐᓇᕐᓂᖏᑦ ᐃᓂᒋᔭᒥᖕᓂ ᓴᔪᒃᐱᓗᒍᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 27:51

ᑕᑯᒋᑦ, ᑖᓗᑕᕐᔪᐊᖅ ᑐᒃᓯᐊᕐᕕᒡᔪᐊᕐᒦᑦᑐᖅ ᖁᐱᕗᖅ ᒪᕐᕉᓕᓪᓗᓂ, ᖁᓛᓂᑦ ᐊᑖᓄᑦ ᑎᑭᓪᓗᓂ; ᓄᓇᕐᔪᐊᕐᓗ ᓴᔪᒃᐱᓗᒃᐳᖅ, ᐅᔭᕅᓪᓗ ᓯᖁᑦᑎᕐᖢᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:20

ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:12

ᓄᕐᕋᐅᔭᐅᓪᓗ ᓇᕿᕐᔪᑏᑦ ᐱᖓᓲᔪᕐᑐᖓᑦ ᒪᒃᐱᕐᒪᒍ, ᑕᑯᓴᕋᒪ ᑕᑯᕗᖓ, ᓄᓇᕐᔪᐊᖅ ᐊᖏᔪᒥᒃ ᓴᔪᒃᐱᓪᓚᒃᐳᖅ; ᓯᕿᓂᕐᓗ ᑖᕐᓯᕗᖅ ᐳᑐᕐᓛᑎᑐᑦ ᕿᕐᓂᕐᑎᒋᓕᕐᓗᓂ, ᑕᖅᑭᕐᓗ ᐃᓗᐃᑦᑐᖅ ᐊᐅᐸᕐᓯᕗᖅ ᐊᐅᒃᑎᑐᑦ ᑍᒤᓕᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:12

ᑕᕝᕙ ᐂᖏᓕᐅᑉ ᓯᑕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᕝᕙ ᓯᕿᓂᖅ ᐊᕝᕙᖓᑕ ᐅᖓᑖᓄᑦ ᐊᒃᑐᕐᑕᐅᕗᖅ, ᑕᖅᑭᕐᓗ ᐊᕝᕙᖓᑕ ᐅᖓᑖᓄᑦ, ᐅᓪᓗᕆᐊᓪᓗ ᐊᕝᕙᖏᑕ ᐅᖓᑖᓄᑦ, ᖃᐅᒪᓂᖏᓪᓗ ᐃᓚᓐᖓᕐᐳᑦ ᐊᕝᕙᓪᓗᐊᖏᑦᑕ ᐅᖓᑖᓄᑦ ᖃᐅᒪᓂᕆᕙᒃᑕᒥᖕᓂᑦ; ᐅᓪᓘᓪᓗ ᐊᕝᕙᓪᓗᐊᖓᑕ ᐅᖓᑖᓄᑦ ᖃᐅᒪᓂᖓ ᐃᓚᓐᖓᕐᐳᖅ, ᐅᓐᓄᐊᕐᓗᑦᑕᐅᖅ ᐊᕝᕙᖓᑕ ᐅᖓᑖᓄᑦ ᐃᓚᓐᖓᕆᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:2

ᐅᓪᓗᕆᐊᓪᓗ ᐃᑎᕐᓴᕐᔪᐊᖅ ᓇᑎᖃᖏᑦᑐᖅ ᐅᒃᑯᐃᕐᐹ, ᐃᓯᕐᓗᒡᓗ ᓴᖅᑭᑉᐳᖅ ᐃᓗᐊᓂᑦ ᐃᑯᐊᓚᑦᓯᕕᒡᔪᐊᕐᒥᑦ ᐳᔫᕐᑐᑎᑐᑦ ᑍᒤᑦᑐᖅ, ᓯᕿᓂᕐᓗ ᓯᓚᓗ ᑖᕐᓯᑎᑕᐅᕘᒃ ᐃᑎᕐᓴᕐᔪᐊᑉ ᐃᓯᕐᓗᖓᓄᑦ.