ᔪᐃᓕᐅᑉ ᐊᒡᓚᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᕔᓂᓕᐅᕐᕕᕗᑦ ᐊᓯᕈᕐᑕᐅᖕᒪᑕ, ᓇᐹᕐᑐᐃᓪᓗ ᐸᐅᕐᖓᓖᑦ ᐱᒋᓕᖕᓂᒃ ᓂᕆᔭᐅᖕᒪᑕ, ᓇᐹᕐᑐᐃᑉ ᐊᒥᕅᔭᑦᓯᐊᕐᓗᒋᑦ ᐃᒋᑕᐅᕗᑦ; ᐊᕙᓚᖓᔪᖏᓪᓗ ᖃᑯᕐᓯᓪᓗᑎᒃ.

ᔪᐃᓕᐅᑉ ᐊᒡᓚᖏᑦ 1:7 Iomraidhean Croise

ᐃᓐᖏᕈᑎᑦ 105:33

ᓇᐹᕐᑐᐃᑦ ᕔᓂᒃᓴᓖᑦ ᐱᒋᓕᖕᓂᒡᓗ ᐸᐅᕐᖓᓖᑦ ᓯᖁᒥᑕᐅᓚᐅᕐᐳᑦ, ᓇᐹᕐᑐᐃᓪᓗ ᓄᓇᐅᑉ ᑭᒡᓕᖓᒍᑦ ᓇᑲᑎᓚᐅᕐᐳᑦ ᓄᓇᓕᒫᖏᓐᓂ.

ᒨᓯᓯ ᐂᑉᐸᖏᑦ 10:14

ᐱᒡᓕᕐᑕᐅᔮᕐᑐᓪᓗ ᑎᑭᓐᓇᒥᒃ ᐄᑦᔨᑉᑎᐅᑉ ᓄᓇᓕᒫᖓᓄᑦ ᓯᐊᒻᒪᒃᐳᑦ, ᐄᑦᔨᑉᑎᐅᓪᓗ ᓄᓇᓕᒫᖓᓃᓕᕐᓗᑎᒃ, ᐅᓄᕐᑐᕐᔪᐊᖑᓚᐅᕐᐳᑦ ᑍᒫᒡᓗ ᓯᕗᓂᖓᒍᑦ ᐅᓄᕐᑎᒋᔪᖃᓚᐅᕐᓯᒪᓐᖏᓚᖅ, ᑭᖑᓂᖓᒍᓪᓗ ᑍᒫᒃ ᐅᓄᕐᑎᒋᔪᓂᒃ ᐱᑕᖃᓚᐅᕐᓯᒪᑦᔮᓇᓂ.

ᒨᓯᓯ ᐂᑉᐸᖏᑦ 10:15

ᓄᓇᓕᒫᑦᓯᐊᕐᓗ ᑕᑕᑕᐅᓯᒪᓕᓚᐅᕐᐳᖅ ᑕᒪᒃᑯᓄᖓ, ᓄᓇᓗ ᐊᒡᓛᑦ ᑕᒪᒃᑯᓄᖓ ᑖᕐᓯᑎᑕᐅᓚᐅᕐᐳᖅ, ᐱᕈᕐᑐᓕᒫᓂᒡᓗ ᓄᓇᒦᑦᑐᓂᒃ ᓂᕆᓕᕐᐳᑦ ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᓇᑕᖅᑯᕐᓇᕐᓄᑦ ᐊᒥᐊᒃᑯᒋᔭᐅᓚᐅᕐᑐᓂᒃ; ᑐᖑᔪᕐᑕᓂᒡᓗ ᓄᓇᒥ ᐊᒥᐊᒃᑯᑕᖃᕈᓐᓃᓚᐅᕐᐳᖅ, ᐊᒡᓛᓪᓗ ᓇᐹᕐᑐᑦ, ᐱᕈᕐᑐᓪᓗ ᐱᕈᕐᓰᕕᖕᒦᑦᑐᑦ, ᐄᑦᔨᑉᑎᐅᑉ ᓄᓇᓕᒫᖓᓃᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 24:7

ᐅᕐᐲᑦ ᕔᓂᒃᓴᓄᑦ ᐱᕈᕐᕕᐅᕙᒃᑐᑦ ᑐᖁᓕᕙᓪᓕᐊᓕᕐᐳᑦ, ᖁᕕᐊᓱᒃᐸᓚᐅᕐᑑᒐᓗᐊᑦ ᒫᓐᓇᓕ ᖁᕕᐊᓱᒍᓐᓁᓪᓕᕗᑦ.

ᐂᓮᐊᓯᐅᑉ ᐊᒡᓚᖏᑦ 32:12

ᓴᒡᕕᑦᓯᓐᓂᒃ ᑎᒡᓗᐊᓕᕆᑦᓯ ᐱᕈᕐᓰᕕᓯ ᐱᕈᕐᕕᐅᑦᓯᐊᕐᐸᓚᐅᕐᑐᑦ ᐱᓪᓗᒋᑦ, ᐸᐅᕐᖓᖃᐅᑏᓪᓗ ᕔᓂᒃᓴᓂᒃ ᐸᐅᕐᖓᖃᑦᓯᐊᕐᐸᓚᐅᕐᑐᑦ ᐱᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᔨᕆᒤᐊᐅᑉ ᐊᒡᓚᖏᑦ 8:13

“ᑲᑎᕐᓱᐃᕕᖃᕈᓐᓃᕐᑎᑦᓱᒫᕐᐸᒃᑲ ᐊᑕᓂᖅ ᐅᖃᕐᐳᖅ, ᐅᕐᐱᒐᖁᑎᖏᑦ ᕔᓂᒃᓴᓂᒃ ᐸᐅᕐᖓᑕᖃᕈᓐᓃᕐᓗᑎᒃ ᓇᐹᕐᑐᖁᑎᖏᓪᓗ ᐱᕈᕐᕕᐅᔪᓐᓇᕈᓐᓃᕐᓗᑎᒃ ᐸᐅᕐᖓᓂᒃ ᐅᖃᐅᔭᖏᓪᓗ ᑐᖁᓕᔪᒫᕐᐳᑦ ᑐᓂᑦᔪᑎᒋᓚᐅᕐᑕᓐᓂᒃ ᐊᕐᓵᕐᑕᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 2:12

ᒪᓂᖅᑭᑎᕐᓂᐊᕐᐸᒃᑲᓗ ᕔᓂᓕᒃᓴᓄᑦ ᐸᐅᕐᖓᓄᑦ ᐱᕈᕐᓰᕕᖏᑦ ᐱᕈᕐᑐᓖᓪᓗ ᐱᒋᓕᖕᓂᒃ ᓇᐹᕐᑐᐃᑦ, ᐅᖃᐅᓯᕆᓚᐅᕐᑕᖏᑦ, ‘ᒪᑯᐊ ᐊᑭᓕᕐᑕᐅᑦᔪᑎᒋᓯᒪᔭᒃᑲ ᐱᖃᑎᒋᕙᒃᑕᒪ ᑐᓂᓚᐅᕐᑕᖏᑦ.’ ᑕᒪᒃᑯᐊ ᓇᐹᕐᑐᓕᒡᔪᐊᓐᖑᕐᑎᑦᓱᒫᕐᐸᒃᑲ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᑦ.

ᔪᐃᓕᐅᑉ ᐊᒡᓚᖏᑦ 1:12

ᕔᓂᒃᓮᑦ ᐸᓂᕐᒪᑕ, ᓇᐹᕐᑐᐃᓪᓗ ᐸᐅᕐᖓᒃᓴᓖᑦ ᑐᖁᓕᖕᒪᑕ; ᓇᐹᕐᑐᐃᑦ ᐱᕈᕐᑐᓖᑦ ᐃᓘᓐᓇᑎᒃ ᑐᖁᓕᖕᒪᑕ, ᐃᓄᐃᑦ ᖁᕕᐊᓱᖕᓂᖏᑦ ᐊᓯᐅᕗᑦ.

ᐂᒨᓯᐅᑉ ᐊᒡᓚᖏᑦ 4:9

“ᐱᕈᕐᓰᕕᓯ ᕔᓂᓕᐅᕐᕕᓯᓗ ᖁᐱᕐᕈᓄᑦ ᐅᖁᖕᒧᓪᓗ ᐱᔭᐅᑎᓚᐅᕐᐸᒃᑲ, ᕔᓂᓕᐅᕐᕕᓯ, ᓇᐹᕐᑐᖁᑎᓯᓗ ᐱᒋᓕᒃᓮᑦ, ᓇᐹᕐᑐᖁᑎᓯᓗ ᐅᕐᓱᒃᓴᓖᑦ, ᐱᒡᓕᕐᑕᐅᔮᕐᑐᓄᑦ ᓇᐹᕐᑐᐃᑦ ᓂᕆᔭᐅᑎᓚᐅᕐᐸᒃᑲ, ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᕼᐊᐸᑲᐅᑉ ᐊᒡᓚᖏᑦ 3:17

ᓇᐹᕐᑐᐃᑦ ᐱᒋᓕᖕᓂᒃ ᐸᐅᕐᖓᖃᕐᐸᒃᑐᑦ ᐱᕈᕐᕕᐅᖏᒃᑲᓗᐊᕐᐸᑕ ᐸᐅᕐᖓᓂᒡᓗ ᕔᓂᒃᓴᓂᒃ ᐱᕈᕐᑐᖃᖏᒃᑲᓗᐊᕐᐸᑦ, ᓇᐹᕐᑐᓪᓗ ᐅᕐᓱᒃᓴᓖᑦ ᐱᕈᕐᕕᐅᖏᒃᑲᓗᐊᕐᐸᑕ ᐱᕈᕐᓰᕖᓪᓗ ᓂᐊᖂᔭᒃᓴᓂᒃ ᐱᕈᕐᕕᐅᖏᒃᑲᓗᐊᕐᐸᑕ, ᓰᐱᓕᒫᓪᓗ ᑐᖁᒐᓗᐊᕐᐸᑕ ᐃᒻᒧᒃᓯᐅᒊᓪᓗ ᐃᓂᒋᕙᒃᑕᖏᑦ ᐆᒪᔪᕐᑕᖃᕈᓐᓁᕋᓗᐊᕐᐸᑕ,

ᒪᓚᑬᑉ ᐊᒡᓚᖏᑦ 3:11

ᐃᓂᕐᑎᕐᓂᐊᕐᐸᕋᓗ ᐱᒃᓴᑦᓯᓐᓂᒃ ᓂᕆᕙᒃᑐᖅ, ᐊᓯᕈᐃᖁᓇᒍ ᓄᓇᒥᑦ ᐱᕈᕐᑎᑕᑦᓯᓐᓂᒃ; ᕔᓂᒃᓮᓪᓗ ᐱᕈᑦᓯᐊᕐᓂᐊᕐᐳᑦ ᐱᕈᕐᓰᕕᑦᓯᓐᓂ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.