ᔪᐃᓕᐅᑉ ᐊᒡᓚᖏᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐱᒡᓕᕐᑕᐅᔮᕐᑐᑦ ᐃᓅᖃᑎᒌᒡᔪᐊᑎᑐᑦ ᐊᓯᕈᐃᒋᐊᕐᑐᕐᒪᑕ ᓄᓇᖁᑎᑦᑎᓐᓂᒃ, ᐅᓄᓗᐊᕐᒪᑕ ᐊᔪᖏᑦᑑᓗᐊᕐᓗᑎᒡᓗ ᓈᓴᒐᒃᓴᐅᖏᑦᑐᑦ; ᑭᒍᑎᖃᕐᐳᑦ ᓛᔭᑎᑐᑦ, ᑐᓗᕆᐊᖏᑦ ᓛᔭᐅᑉ ᐊᕐᓇᓪᓗᖏᑎᑐᑦ ᑍᒤᑉᐳᑦ.

ᔪᐃᓕᐅᑉ ᐊᒡᓚᖏᑦ 1:6 Iomraidhean Croise

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:14

ᐃᓄᖃᕆᕗᖅ ᑭᒍᑎᖃᕐᑐᓂᒃ ᓴᕕᒡᔪᐊᑎᑐᑦ, ᑭᒍᑎᖏᑦ ᓴᕕᒃᑎᑑᕐᑐᓂᒃ, ᐊᔪᕐᓴᕐᑐᓂᒃ ᐄᖅᑲᕐᑐᑎᑐᑦ ᓄᖒᑦᓯᓇᓱᐊᕐᐸᒃᑐᓂᒃ ᓄᓇᒥ ᐃᓅᔪᓂᒃ, ᐱᖃᖏᑦᑐᓂᒃ ᐃᓄᐃᑦ ᐊᑯᕐᖓᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 32:13

ᐃᓄᖁᑎᒪ ᓄᓇᖁᑎᖏᓐᓂ ᐱᕈᕐᑐᖃᐅᓕᕈᒫᕐᐳᖅ ᐅᕐᐱᖕᓂᒃ ᑲᑭᓐᓇᕐᑐᓕᖕᓂᒃ ᐊᕚᓚᕿᐊᓂᒡᓗ; ᐃᓛᒃ ᐃᒡᓗᖃᕐᕕᐅᓚᐅᕐᑐᓂᑦ ᖁᕕᐊᓱᒃᑐᓂᒃ ᐃᓄᖃᕐᑐᓂᒃ ᐃᒡᓗᒐᓴᒡᔪᐊᓪᓗ ᖁᕕᐊᓱᒃᕕᐅᕙᒃᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 8:8

ᔫᑕᓗ ᑎᑭᑕᐅᔪᒫᕆᕗᖅ, ᖄᒥᑕᐅᓗᓂ ᐅᓗᑦᔭᐅᔪᒫᕐᐳᖅ ᐊᖅᑯᓵᕐᑕᐅᓗᓂ, ᐃᓄᐃᑦ ᖁᖓᓯᖏᓐᓄᑦ ᑎᑭᓪᓗᓂ ᐊᒡᓛᑦ; ᐃᓴᕉᖕᓂᓗ ᐃᓯᕕᓪᓗᒋᒃ ᓄᓇᖁᑏᑦ ᑕᒪᕐᒥᒃ ᐅᓕᒍᒫᕐᐹ, ᐆ ᐃᒫᓐᔪᐃᓕ.”

ᕼᐆᓯᐊᑉ ᐊᒡᓚᖏᑦ 9:3

ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ.

ᔪᐃᓕᐅᑉ ᐊᒡᓚᖏᑦ 2:25

ᐅᑎᕐᑎᑦᓯᕕᒋᓂᐊᕐᐸᑦᓯ ᐊᕐᕌᒍᓂᒃ ᐊᓯᐅᔨᓚᐅᕐᑕᑦᓯᓐᓂᒃ ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᓂᕆᓚᐅᕐᑕᖏᓐᓂᒃ, ᐱᒡᓕᕐᑕᐅᔮᕐᑐᑦ ᐹᕐᖑᕐᑐᑦ, ᓄᖒᑦᓯᔪᓪᓗ, ᑕᒧᐊᔪᓪᓗ ᑎᓕᓚᐅᕋᒃᑭᑦ ᐅᓇᑕᕐᑐᒃᓴᕐᔪᐊᑎᑐᑦ ᐊᑯᓐᓇᑦᓯᓐᓄᑦ.