ᔪᐃᓕᐅᑉ ᐊᒡᓚᖏᑦ 1:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᒻᒧᒃᓯᐅᒊᑦ ᓂᓪᓕᐊᖏᓐᓇᓕᕐᐳᑦ ᑳᖕᓂᕐᒧᑦ, ᕿᑲᕈᓐᓁᓪᓕᕗᑦ ᓂᕆᔭᒃᓴᖃᖏᓐᓇᒥᒃ, ᓰᐲᓪᓗ ᐱᕐᓕᓕᕐᐳᑦ.

ᔪᐃᓕᐅᑉ ᐊᒡᓚᖏᑦ 1:18 Iomraidhean Croise

ᐊᑕᓃᑦ ᓯᕗᓪᓖᑦ 18:5

ᐂᕼᐊᑉᓗ ᐅᖃᕐᐳᖅ ᐅᐸᑍᐊᒧᑦ, “ᐂᓕᕆᑦ ᓄᓇᒧᑦ ᕿᓂᕆᐊᕐᓗᑎᑦ ᓄᓇᐅᑉ ᐃᓗᐊᓂᑦ ᐃᒥᕐᒥᒃ ᑰᓲᓕᒫᖕᓄᑦ ᓇᕐᓴᓕᒫᓄᓪᓗ, ᐃᒻᒪᖄ ᓇᓂᓯᖁᓪᓗᑕ ᐃᕕᒃᓱᒐᕐᓂᒃ ᐱᐅᓕᓗᑎᒍᓗ ᕿᒻᒥᕐᔪᐊᑦ ᓯᐅᑎᖅᑯᕐᑐᔪᓪᓗ ᕿᒻᒥᕐᔪᐊᑦ ᕿᑐᕐᖓᖏᑕ ᓂᕿᒃᓴᖏᓐᓂᒃ ᐃᓅᔪᓐᓇᖁᓪᓗᒋᑦ, ᑐᖁᔨᐊᖃᖁᓇᑕ ᐆᒪᔪᖁᑎᑦᑎᓐᓂᒃ.”

ᐊᑕᓃᑦ ᓯᕗᓪᓖᑦ 8:5

ᐊᖓᔪᖅᑳᕐᔪᐊᖅ ᓲᓗᒨᓂ ᐃᓄᓕᒫᑦ ᐃᓴᕆᐊᓕᒥᐅᑦ ᐃᓚᒋᓪᓗᒋᑦ, ᑲᑎᔭᕐᑐᕐᓯᒪᔪᓕᒫᑦ, ᐊᑕᓂᐅᑉ ᐃᒃᓯᕐᕕᖓᑕ ᓯᕗᕌᓄᐊᕐᓗᑎᒃ ᑐᓂᕐᕈᓯᕐᐳᑦ ᓰᐱᓂ ᐅᓄᕐᑐᐊᓗᖕᓂᒃ ᐃᒻᒧᒃᓯᐅᒐᕐᓂᒡᓗ ᓈᓴᕐᑕᐅᔭᕆᐊᒃᓴᖅ ᐅᓄᓗᐊᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 12:4

ᖃᓄᖅ ᐊᑯᓂᐅᑎᒋᔪᒥᒃ ᓄᓇ ᕿᒃᓵᖕᓂᐊᕐᐹ? ᐃᕕᒃᓱᒐᕕᓂᖏᓪᓗ ᑐᖁᓕᓗᑎᒃ? ᐃᓄᖏᑕ ᐱᐅᖏᓐᓂᖏᓐᓄᑦ, ᐆᒪᔪᑦ ᑎᖕᒥᐊᓪᓗ ᑐᖁᕋᓕᕐᐳᑦ, ᐅᖃᕐᒪᑕ, ‘ᐊᑕᓂᐅᑉ ᐱᐅᓯᕗᑦ ᖃᐅᔨᒪᓐᖏᓔ.’

ᕼᐆᓯᐊᑉ ᐊᒡᓚᖏᑦ 4:3

ᑍᒤᒻᒪᑦ ᓄᓇ ᕿᒃᓵᓕᕐᐳᖅ, ᑕᒫᓂᓗ ᐃᓂᖃᕐᑐᓕᒫᑦ ᓂᐹᓕᕐᐳᑦ, ᐆᒪᔪᐃᓪᓗ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ; ᐃᖃᓗᐃᓪᓗ ᐊᒡᓛᑦ ᓄᖑᑕᐅᓕᕐᐳᑦ.”

ᔪᐃᓕᐅᑉ ᐊᒡᓚᖏᑦ 1:20

ᐆᒪᔪᐃᑦ ᓄᔪᐊᕐᑐᑦ ᐊᒡᓛᑦ ᕾᒐᓛᓕᕐᐳᑦ ᐃᓕᖕᓄᑦ, ᑰᑦ ᐸᓂᕐᒪᑕ, ᐃᑯᒪᒧᓪᓗ ᓄᓇᐅᑉ ᐱᕈᕐᑐᖏᑦ ᐊᓯᕈᕐᑕᐅᖕᒪᑕ.

ᐂᒨᓯᐅᑉ ᐊᒡᓚᖏᑦ 1:2

ᐅᖃᕐᐳᕐᓗ, “ᐊᑕᓂᖅ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ ᓮᐅᓂᒥᑦ, ᓂᐱᕐᔪᐊᖓᓗ ᑐᓴᕐᓴᐅᕗᑦ ᔨᕉᓴᓕᒥᑦ; ᓰᐱᓕᕆᔩᑦ ᐊᒡᓛᑦ ᓂᕿᒃᓴᖁᑎᖏᑦ ᑐᖁᓕᑎᑕᐅᕗᑦ, ᖃᖅᑲᐅᓪᓗ ᑳᕐᒥᐅᑉ ᖄᖓ ᑐᖁᓕᓕᕐᓗᓂ.”

ᕼᐊᐸᑲᐅᑉ ᐊᒡᓚᖏᑦ 3:17

ᓇᐹᕐᑐᐃᑦ ᐱᒋᓕᖕᓂᒃ ᐸᐅᕐᖓᖃᕐᐸᒃᑐᑦ ᐱᕈᕐᕕᐅᖏᒃᑲᓗᐊᕐᐸᑕ ᐸᐅᕐᖓᓂᒡᓗ ᕔᓂᒃᓴᓂᒃ ᐱᕈᕐᑐᖃᖏᒃᑲᓗᐊᕐᐸᑦ, ᓇᐹᕐᑐᓪᓗ ᐅᕐᓱᒃᓴᓖᑦ ᐱᕈᕐᕕᐅᖏᒃᑲᓗᐊᕐᐸᑕ ᐱᕈᕐᓰᕖᓪᓗ ᓂᐊᖂᔭᒃᓴᓂᒃ ᐱᕈᕐᕕᐅᖏᒃᑲᓗᐊᕐᐸᑕ, ᓰᐱᓕᒫᓪᓗ ᑐᖁᒐᓗᐊᕐᐸᑕ ᐃᒻᒧᒃᓯᐅᒊᓪᓗ ᐃᓂᒋᕙᒃᑕᖏᑦ ᐆᒪᔪᕐᑕᖃᕈᓐᓁᕋᓗᐊᕐᐸᑕ,

ᕼᐊᒊᑉ ᐊᒡᓚᖏᑦ 1:10

‘ᑍᒤᒻᒪᑦ, ᕿᓚᐅᑉ ᓯᓚᓗᒃ ᓄᖅᑲᖓᑎᑉᐹ ᓱᓇᒥᒡᓘᓐᓃᑦ ᓄᓇᕐᔪᐊᕐᒥ ᐱᕈᕐᑐᖃᕈᓐᓇᕋᓂ.

ᕉᒪᒥᐅᓄᑦ 8:22

ᖃᐅᔨᒪᒐᑦᑕ ᐱᓐᖑᕐᑎᓯᒪᔪᓕᒫᑦ ᐋᓐᓂᐊᕐᑐᑐᑦ ᓂᓪᓕᐊᖃᑦᑕᕐᓯᒪᖕᒪᑕ ᐃᕐᓂᓱᒃᑐᑎᑐᑦ ᒫᓐᓇᒧᑦ ᑎᑭᓪᓗᒍ.