ᔪᐃᓕᐅᑉ ᐊᒡᓚᖏᑦ 1:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓂᕆᑦᑍᓕᖁᔨᒋᑦᓯ, ᑲᑎᖁᔨᓗᓯ ᐃᓄᓕᒫᓂᒃ; ᓯᕗᓕᕐᑏᑦ ᑲᑎᖁᓯᒋᑦ ᔫᑕᐅᓪᓗ ᐃᓄᓕᒫᖏᑦ, ᐊᑕᓂᐅᑉ ᒎᑎᓯ ᐃᒡᓗᖓᓄᑦ, ᑐᒃᓯᐊᕐᓗᓯ ᕿᓄᒋᑦᓯ ᐊᑕᓂᕐᒧᑦ.

ᔪᐃᓕᐅᑉ ᐊᒡᓚᖏᑦ 1:14 Iomraidhean Croise

ᐊᑕᓃᑦ ᐂᑉᐸᖏᑦ 10:20

ᔨᕼᐆᓗ ᐅᖃᕐᐳᖅ, “ᐅᓪᓗᒥ ᓇᓗᓁᕐᓯᓕᕆᑦᓯ ᐰᓕᒧᑦ ᐅᓪᓗᕐᓯᐅᕐᕕᒃᓴᒥᒃ ᐃᑦᔪᕐᓁᑎᓪᓗᒍᓗ!” ᑕᒪᓐᓇᓗ ᑲᔪᓯᑎᑕᐅᕗᖅ.

ᑯᕉᓂᑲ ᐂᑉᐸᖏᑦ 20:13

ᔫᑕᒥᐅᓕᒫᓪᓗ ᐊᖑᑎᑦ ᓄᓕᐊᑎᒃ ᕿᑐᕐᖓᑎᒡᓗ ᐃᓚᒋᓪᓗᒋᑦ ᓇᖏᓚᐅᕐᐳᑦ ᐊᑕᓂᐅᑉ ᓵᖓᓂ.

ᓂᕼᐃᒤᐊᐅᑉ ᐊᒡᓚᖏᑦ 8:18

ᐅᓪᓘᑉ ᐱᒋᐊᕐᓂᖓᓂᑦ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᒧᑦ ᑭᖑᓪᓕᕐᐹᒧᑦ ᑎᑭᓪᓗᒍ, ᒎᑎᐅᑉ ᐱᖁᔭᖏᑦ ᐅᖃᓕᒫᕐᑕᐅᓚᐅᕐᐳᑦ ᖃᐅᑕᒫᑦ. ᓇᓪᓕᐅᓐᓂᕐᓯᐅᓚᐅᕐᐳᓪᓗ ᐅᓪᓗᓂᒃ 7ᓂᒃ, ᐅᓪᓗᐃᓪᓗ 8ᖓᓐᓂ ᑲᑎᖃᑎᒌᒃᓗᑎᒃ ᐅᒃᑯᐊᕐᓯᓚᐅᕐᐳᑦ ᓇᓪᓕᐅᓐᓂᕐᓯᐅᕐᓂᕐᒥᖕᓂᒃ, ᐱᖁᔧᑦ ᑍᒫᒃ ᐱᖁᔨᓂᖏᑦ ᒪᓕᒡᓗᒋᑦ.

ᐃᔅᑕᐅᑉ ᐊᒡᓚᖏᑦ 4:16

“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”

ᔨᕆᒤᐊᐅᑉ ᐊᒡᓚᖏᑦ 14:2

“ᔫᑕᒥᐅᑦ ᕿᒃᓵᓕᕐᐳᑦ, ᓄᓇᖓᑦ ᐸᓂᓕᕐᒪᑦ, ᓄᓇ ᐱᓪᓗᒍ ᐅᒡᒍᐊᕐᐳᑦ, ᔨᕉᓴᓕᒥᐅᓪᓗ ᕿᓄᓂᖏᑦ ᑐᓴᕐᓴᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 36:9

ᔫᓮᐊᐅᑉ ᐃᕐᓂᖓᑕ ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᓂᖓᑕ ᔨᕉᓴᓕᒥ ᑕᓪᓕᒪᒋᓕᕐᑕᖓᓐᓂ ᑕᖅᑭᖏᑕ 9ᖓᓐᓂ, ᐃᓄᐃᑦ ᓂᕆᑦᑍᓕᕗᑦ ᐊᑕᓂᕐᒧᑦ ᓈᒻᒪᒋᔭᐅᔪᒪᓪᓗᑎᒃ, ᑕᒪᓐᓇᓗ ᓂᕆᑦᑍᓕᕕᐅᓚᐅᕐᐳᖅ ᔨᕉᓴᓕᒥᐅᓕᒫᓄᑦ ᔫᑕᒥᐅᓄᓪᓗ ᓄᓇᓕᖕᓂᑦ ᑎᑭᓯᒪᔪᓄᑦ.

ᔪᐃᓕᐅᑉ ᐊᒡᓚᖏᑦ 1:2

ᒪᑐᒥᖓ ᑐᓴᕆᑦᓯ, ᐃᓕᑦᓯ ᐊᖓᔪᒃᓯᐅᔪᓯ; ᔫᑕᒥᐅᑕᐅᔪᓯ ᐃᓘᓐᓇᓯ ᓈᓚᒋᑦᓯ! ᑍᒤᑦᑐᒦᒃ ᓇᓪᓕᐅᑎᔪᖃᓚᐅᕐᓯᒪᕚ ᐃᓅᑎᓪᓗᓯ, ᐅᕝᕙᓘᓐᓃᑦ ᐊᑖᑕᒋᓚᐅᕐᑕᓯ ᐃᓅᑎᓪᓗᒌᑦ?

ᒨᓯᓯ ᐱᖓᔪᖏᑦ 23:36

ᐅᓪᓗᓂᒃ ᑖᒃᑯᓇᓂ 7ᓂᒃ ᐃᑯᐊᓪᓚᒡᓗᒋᑦ ᑐᓂᕐᕈᓯᖃᑕᕐᑐᒃᓴᐅᕗᓯ ᐊᑕᓂᕐᒧᑦ, ᐅᓪᓗᐃᑦ 8ᖓᓂ ᑲᑎᒪᔪᒃᓴᐅᕗᓯ ᑐᒃᓯᐊᖃᑎᒌᒃᓗᓯ ᑐᓂᕐᕈᓯᕐᓗᓯᓗ ᐃᑯᐊᓪᓚᓗᒋᑦ ᐊᑕᓂᕐᒧᑦ. ᑖᓐᓇ ᑕᕝᕙ ᓄᖅᑲᐅᑎᓯ ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᓯ.

ᔫᓇᐅᑉ ᐊᒡᓚᖏᑦ 3:5

ᓂᓂᕕᒥᐅᑦ ᑕᕝᕙ ᒎᑎᐅᑉ ᐅᖃᐅᓯᕆᔭᖏᑦ ᐅᒃᐱᕆᕚᑦ. ᐃᓱᒪᑖᕐᐳᓪᓗ ᓂᕆᑦᑍᓕᕕᒃᓴᖃᖁᔨᓪᓗᑎᒃ ᐃᓄᓕᒫᓄᑦ, ᐊᑎᓯᕗᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ, ᐱᒻᒪᕆᐅᓂᕐᐹᓂᑦ ᐱᒻᒪᕆᐅᖏᓐᓂᕐᐹᓄᑦ ᑎᑭᓪᓗᑎᒃ, ᖃᕿᐊᓕᕐᓂᕐᒥᖕᓂᒃ ᓇᓗᓁᕐᓯᔪᒪᓪᓗᑎᒃ.

ᔫᓇᐅᑉ ᐊᒡᓚᖏᑦ 3:8

ᐃᓄᓕᒫᓪᓕ ᓂᕐᔪᑏᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑐᕐᑐᒃᓴᐅᕗᑦ. ᐃᓗᖏᕐᑐᕐᓗᑎᒃ ᑐᒃᓯᐊᕐᑐᒃᓴᐅᕗᑦ ᒎᑎᒧᑦ ᖃᕿᐊᓕᕐᓗᑎᒡᓗ ᐊᖅᑯᑎᒋᔭᒥᖕᓂᑦ ᐃᓱᐊᖏᑦᑐᓂᑦ ᐊᒡᒐᖕᒥᓗ ᐊᑲᐅᖏᑦᑐᓕᓂᖏᓐᓂᑦ.

ᔨᐸᓁᐊᐅᑉ ᐊᒡᓚᖏᑦ 2:1

ᑲᑎᓪᓗᓯ ᑲᑎᒪᓕᕆᑦᓯ, ᑲᓐᖑᑦᑎᑦᑐᓐᓁᓪᓕᔪᓯ ᐃᓅᖃᑎᒌᒡᔪᐊᑦ.