ᔫᐱᐅᑉ ᐊᒡᓚᖏᑦ 4:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᑯᒋᑦ, ᐅᓄᕐᑐᓂᒃ ᐃᓕᓐᓂᐊᕐᑎᑦᓯᓯᒪᕗᑎᑦ, ᓴᓐᖐᑦᑐᓂᒡᓗ ᓄᑭᒃᑖᕐᑎᑦᓯᖃᑦᑕᕐᓯᒪᓪᓗᑎᑦ.

ᔫᐱᐅᑉ ᐊᒡᓚᖏᑦ 4:3 Iomraidhean Croise

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᐄᓱᕋᐅᑉ ᐊᒡᓚᖏᑦ 6:22

ᓇᓪᓕᐅᓐᓂᕐᓯᐅᓚᐅᕐᐳᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᐊᑰᔭᓂᒃ ᓇᓪᓕᐅᓐᓂᕐᓯᐅᕈᑎᒥᒃ ᐅᓪᓗᓂᒃ 7ᓂᒃ ᖁᕕᐊᓱᒡᓗᑎᒃ; ᐊᖓᔪᖅᑳᕐᔪᐊᖅ ᐊᓯᕆᐊᒥᐅᑕᖅ ᐊᑕᓂᐅᑉ ᐱᐅᒃᓴᕐᑎᓚᐅᕐᒪᒍ ᑖᒃᑯᓂᖓ, ᑖᑦᓱᒪ ᐃᑲᔪᕐᑐᓚᐅᕐᒪᒋᑦ ᐱᓇᓱᐊᕐᑎᓪᓗᒋᑦ ᐃᓴᕆᐊᓕᒥᐅᑦ ᒎᑎᖓᑕ ᑐᒃᓯᐊᕐᕕᒡᔪᐊᖓᓂᒃ ᓴᓇᑎᓪᓗᒋᑦ.

ᔫᐱᐅᑉ ᐊᒡᓚᖏᑦ 16:5

ᖃᓂᑐᐃᓐᓇᓐᓄᑦ ᐱᕙᓪᓕᕐᑎᒐᓱᐊᕈᓐᓇᕋᔭᕆᕙᑦᓯ, ᐅᖃᓪᓚᒡᕕᒋᓗᓯ ᓮᒻᒪᕐᓴᕋᓱᐊᕈᓐᓇᕋᔭᕆᕙᑦᓯ.

ᔫᐱᐅᑉ ᐊᒡᓚᖏᑦ 29:11

ᓇᐅᓕᒫᓄᑦ ᑐᓴᕐᑕᐅᔭᕌᖓᒪ, ᓮᒻᒪᕐᑎᑕᐅᓯᒪᓂᕋᕐᑕᐅᕙᓚᐅᕐᐳᖓ, ᑕᑯᔭᐅᔭᕌᖓᒪᓗ, ᑕᑯᔪᓄᑦ ᖁᕕᐊᒋᔭᐅᕙᓚᐅᕐᐳᖓ;

ᔫᐱᐅᑉ ᐊᒡᓚᖏᑦ 29:15

ᑕᐅᑐᖏᑦᑐᒧᑦ ᐃᔨᒋᔭᐅᓚᐅᕐᐳᖓ, ᑐᓯᐊᑦᑐᒧᓪᓗ ᐃᑎᒐᒋᔭᐅᓪᓗᖓ.

ᔫᐱᐅᑉ ᐊᒡᓚᖏᑦ 29:16

ᐊᒃᓱᔪᓄᑦ ᐊᑖᑕᒋᔭᐅᓚᐅᕐᐳᖓ, ᖃᐅᔨᒪᓐᖏᑕᓐᓂᒃ ᓈᒻᒪᓐᖏᓕᐅᕐᑐᖃᓕᕐᑎᓪᓗᒍ ᖃᐅᔨᓴᕈᑦᔨᕙᓚᐅᕐᐳᖓ.

ᔫᐱᐅᑉ ᐊᒡᓚᖏᑦ 29:21

ᐃᓄᐃᑦ ᐅᖃᓪᓚᓕᕌᖓᒪ ᓈᓚᑦᓯᐊᕐᐸᓚᐅᕐᐳᑦ, ᓂᐱᖃᖏᑦᓯᐊᕐᓗᑎᒃ ᑐᑭᓯᓇᓱᑦᓯᐊᕐᓗᑎᒡᓗ.

ᔫᐱᐅᑉ ᐊᒡᓚᖏᑦ 4:4

ᐹᓪᓚᒃᑐᖃᕌᖓᑦ ᐅᖃᐅᓯᒃᑯᑦ ᓂᑯᕕᑎᑦᓯᖃᑦᑕᕐᓯᒪᕗᑎᑦ, ᓴᓐᖐᓕᓯᒪᔪᓂᒡᓗ ᒪᑭᑎᑦᓯᖃᑦᑕᕐᓯᒪᓪᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:21

ᐃᓱᐊᕐᑑᑉ ᖃᓂᖓ ᓂᕆᑎᑦᓯᕗᖅ ᐅᓄᕐᑐᓂᒃ; ᓯᓔᑦᑐᓪᓕ ᑐᖁᕗᑦ ᓯᓚᑐᓂᕐᒥᒃ ᐊᔪᕐᓴᕐᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:7

ᓯᓚᑐᔫᑉ ᐅᖃᐅᓯᖏᑦ ᓯᐊᒻᒪᕐᑎᑦᓯᕗᑦ ᖃᐅᔨᒪᓂᕐᒥᒃ, ᓯᓔᑦᑐᓪᓕ ᐃᓱᒪᒥᐅᑕᖏᑦ ᑍᒤᑦᑐᓐᓇᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:21

ᐆᒻᒪᑎᖃᕐᑐᖅ ᓯᓚᑐᔪᒥᒃ ᐅᑦᔨᕐᓱᑦᓯᐊᕐᑐᒥᒃ ᑍᔭᐅᓂᐊᕐᐳᖅ, ᐅᖃᓪᓚᑦᓯᐊᕐᐸᒃᑐᕐᓗ ᒪᓕᒃᓴᕐᑎᑦᓯᑦᓯᐊᕈᓐᓇᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 35:3

ᐊᒡᒊᑦ ᓴᓐᖐᑦᑐᑦ ᓴᓐᖏᒃᑎᑎᑕᐅᓕᕐᓕᑦ, ᓰᖅᑰᒡᓗ ᓴᓐᖐᑦᑑᒃ ᐋᖅᑭᑦᓯᐊᓕᕐᓕᒃ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 13:22

“ᓴᐱᓕᕐᑎᑦᓯᖃᑦᑕᕋᑦᓯ ᐃᓄᖕᓂᒃ ᐃᓱᐊᕐᑐᓕᔪᓂᒃ ᓱᓕᖏᑦᑐᓄᑦ, ᓴᐱᓕᕐᑎᓯᒪᓐᖏᑕᓐᓂᒃ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᕐᒧᑦ ᑲᔪᖏᕐᓴᖃᑦᑕᕋᑦᓯᒋᒃ, ᕿᒤᖁᔨᖃᑦᑕᖏᓐᓇᑦᓯ ᐱᐅᖏᑦᑐᓕᓂᕐᒥᖕᓂᒃ ᐃᓅᓯᕐᒥᖕᓂᒃ ᐱᐅᓕᓯᖁᓇᒋᑦ;

ᔨᐸᓁᐊᐅᑉ ᐊᒡᓚᖏᑦ 3:16

ᑍᑲᓂ ᐅᓪᓗᒥ ᔨᕉᓴᓕᒻ ᐅᖃᐅᑦᔭᐅᔪᒫᕐᐳᖅ, “ᑲᑉᐱᐊᓱᖏᓪᓗᑎᑦ, ᓮᐅᓂᐅᑉ ᐃᒡᓗᒐᓴᖓ, ᐊᒡᒐᓯ ᓴᓐᖐᑦᑑᑎᑦᑍᓕᓯᐅᒃ.

ᓘᑲᓯᐅᑉ ᐊᒡᓚᖏᑦ 22:32

ᑐᒃᓯᐊᓚᐅᕐᐳᖓᓕ ᐅᒃᐱᕐᓃᑦ ᓵᓚᐅᖁᓇᒍ; ᐅᑎᕈᕕᑦ ᐅᕙᓐᓄᑦ, ᐃᓅᖃᑎᕕᑦ ᐅᒃᐱᕐᓂᕐᖏᑦ ᒪᑭᑎᒃᑲᓐᓂᕆᐊᖃᓛᕐᐸᑎᑦ.”

ᓘᑲᓯᐅᑉ ᐊᒡᓚᖏᑦ 22:43

ᐂᖏᓕᒧᑦ ᕿᓚᖕᒥᑦ ᐅᐸᒃᑕᐅᕗᖅ ᓲᖑᓯᑎᑕᐅᓪᓗᓂᓗ.

ᐃᐱᓯᒥᐅᓄᑦ 4:29

ᐅᖃᐅᓯᕐᓘᑎᓂᒃ ᐋᓐᓂᕐᓇᕐᑐᓂᒃ ᐅᖃᖃᑦᑕᕈᓁᕆᑦᓯ, ᐃᑲᔪᕐᑐᓂᒡᓕ ᐱᕙᓪᓕᕐᓇᕐᑐᓂᒃ ᐅᖃᖔᖃᑦᑕᓕᕆᑦᓯ, ᐱᐅᔪᓂᒃ ᐋᖅᑭᒃᓲᑎᒃᓴᓂᒃ ᐱᔭᕆᐊᓕᖕᓂᒡᓗ ᐱᕙᓪᓕᕐᑎᑦᓯᔪᓐᓇᕐᑐᓂᒃ, ᐅᖃᐅᓯᕆᔭᓯ ᐱᕙᓪᓕᕈᑎᒃᓴᐅᖁᓪᓗᒋᑦ ᑐᓵᔪᓄᑦ.

ᒨᓯᓯ ᑕᓪᓕᒪᖏᑦ 3:28

ᔮᓱᐊᓕ ᒪᓕᒐᒃᓴᖏᓐᓂᒃ ᐅᖃᐅᑎᓂᐊᓕᕐᐸᑦ. ᐱᓇᓱᐊᕐᓂᕆᔪᒪᔭᖓᓂᒃ ᐃᑲᔪᕐᑐᑦᓯᐊᕐᓗᒍ, ᑖᑦᓱᒪ ᐃᓄᐃᑦ ᑕᓯᐅᕈᒫᕐᒪᒋᑦ ᑕᒪᐅᖓ ᓄᓇᒧᑦ ᐃᑳᖁᓪᓗᒋᑦ ᑕᒪᑐᒧᖓ ᑕᑯᓯᒪᔭᕐᓄᑦ.’

ᑯᓘᓯᐊᒥᐅᓄᑦ 4:6

ᐅᖃᐅᓯᕆᔭᓯ ᐱᔪᓐᓇᕐᑎᑦᓯᓂᕐᒥᒃ ᐃᓗᓕᖃᕐᑐᒃᓴᐅᕗᑦ ᑐᓴᕈᒥᓇᕐᓗᑎᒡᓗ ᑕᕆᐅᓕᕐᓯᒪᔪᑎᑐᑦ, ᑕᒤᓐᓄᑦ ᑭᐅᑦᔪᑎᒃᓴᖃᑦᓯᐊᖁᓪᓗᓯ.

ᐄᑉᕈᐃᓄᑦ 12:12

ᑍᒤᒻᒪᑦ ᐊᒡᒐᓯ ᓄᑮᕈᑎᓯᒪᔪᑦ ᖁᒻᒧᐊᒃᑎᓕᕐᓯᒋᒃ ᓰᖅᑯᓯᓗ ᓴᓐᖐᓕᓯᒪᔪᑦ ᓴᓐᖏᒃᑎᓴᓕᕐᓯᒋᒃ,