ᔫᐱᐅᑉ ᐊᒡᓚᖏᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓵᑖᓇᓯᓕ ᑭᐅᕗᖅ, “ᐊᖑᑦ ᑖᓐᓇ ᓱᓇᓕᒫᓂᒃ ᓄᖅᑲᐅᑦᔨᓂᐊᕐᐳᖅ ᐃᓅᖔᕈᒪᓂᕐᒧᑦ.

ᔫᐱᐅᑉ ᐊᒡᓚᖏᑦ 2:4 Iomraidhean Croise

ᒨᓯᓯ ᓯᕗᓪᓖᑦ 47:17

ᑕᕝᕙ ᐃᒻᒧᒃᓯᐅᒐᖁᑎᒥᖕᓂᒃ ᔫᓯᐱᒧᐊᕈᑦᔨᕗᑦ; ᔫᓯᐱᐅᓪᓗ ᓂᕿᒃᓴᓂᒃ ᑐᓂᓯᕕᒋᕔᑦ ᑕᐅᕐᓯᐅᑎᓪᓗᒋᑦ ᕿᒻᒥᕐᔪᐊᓄᑦ, ᐆᒪᔪᖁᑎᓄᓪᓗ ᑲᑎᓐᖓᔪᓄᑦ, ᐅᓄᕐᑐᕐᔪᐊᖑᔪᓄᑦ, ᓯᐅᑎᖅᑯᕐᑐᔪᓄᓪᓗ. ᓂᕿᒃᓴᓄᓪᓗ ᑕᒪᒃᑯᐊ ᐆᒪᔪᖁᑎᖏᑦ ᑕᐅᕐᓯᐅᑎᓚᐅᕐᐰᑦ ᑕᒫᓂ ᐊᕐᕌᒍᒥ.

ᒨᓯᓯ ᓯᕗᓪᓖᑦ 47:19

ᖃᓄᐃᒻᒪᑦ ᑕᑯᓐᓇᕐᑎᓪᓗᑎᑦ ᓵᖕᓂ ᐱᕐᓕᕐᑐᒃᓴᐅᕕᑖ, ᑕᒪᑦᑕ ᐅᕙᒍᑦ ᓄᓇᕗᓪᓗ? ᓂᐅᕕᐊᕆᓚᐅᕐᑎᒍᑦ ᓄᓇᕗᓪᓗ ᓂᕿᒃᓴᖃᖁᓪᓗᑕ, ᑕᒪᑦᑕ ᐅᕙᒍᑦ ᓄᓇᕗᓪᓗ ᓯᐊᓛᖑᓗᑕ ᐱᔨᑖᕆᔭᐅᓂᐊᕋᑦᑕ ᐰᕉᒧᑦ; ᑲᓐᖓᕐᓲᑎᒃᓴᓂᒃ ᑐᓂᓯᕕᒋᓚᐅᕐᑎᒍᑦ ᐃᓅᖁᓪᓗᑕ ᐱᕐᓕᖁᓇᑕᓗ, ᐱᕈᕐᓰᕕᖁᑎᕗᓪᓗ ᐱᕈᕐᕕᐅᔪᓐᓁᓪᓕᖁᓇᒋᑦ.”

ᐊᑕᓃᑦ ᓯᕗᓪᓖᑦ 20:31

ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᐅᖃᐅᑎᕚᑦ, “ᑕᑯᒋᑦ ᒫᓐᓇ, ᑐᓴᐅᒪᕗᒍᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑦ ᓂᑲᒍᓱᓲᖑᖕᒪᑕ; ᐊᑏ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᓗᑕ ᐊᒃᓗᓈᒥᒡᓗ ᖁᖓᓯᑦᑎᓐᓄᑦ ᕿᓚᒃᓯᓗᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᐊᓚᐅᕐᑕ; ᐃᒻᒪᖄ ᑐᖁᓐᓂᐊᓐᖏᓛᑎᑦ.”

ᔫᐱᐅᑉ ᐊᒡᓚᖏᑦ 2:3

ᐊᑕᓂᐅᑉ ᐊᐱᕆᕚ, “ᐱᔨᒐ ᔫᐱ ᐃᒃᐱᒋᓯᒪᕕᐅᒃ? ᓄᓇᕐᔪᐊᓕᒫᒥ ᑖᑦᓱᑐᓇᖅ ᓱᖁᓯᔪᐃᑦᑑᑎᒋᔪᒥᒃ ᐱᑕᖃᓐᖏᓚᖅ ᐃᓄᑦᓯᐊᕙᐅᑎᒋᔪᖃᕋᓂᓗ, ᑖᑦᓱᒪ ᑐᒃᓯᐊᕐᕕᒋᖃᑦᑕᕐᐹᖓ ᑲᒪᑦᓯᐊᕋᓱᐊᕐᓗᓂᓗ ᐱᐅᖏᑦᑐᒥᒃ ᖃᓄᑐᐃᓐᓇᑦᓯᐊᖅ ᐊᑐᕐᑍᓕᒪᓪᓗᓂ. ᐊᖏᕐᑎᓐᓇᓱᓚᐅᕐᐸᕐᒪ ᑖᑦᓱᒥᖓ ᐱᓂᕐᓗᐃᓇᓱᒍᒪᓪᓗᑎᑦ ᓱᓇᒥᒡᓘᓐᓃᑦ ᐱᑦᔪᑎᒃᓴᖃᖏᑦᓯᐊᕐᓗᑎᑦ, ᔫᐱᓕ ᓱᓕ ᐅᒃᐱᕐᓂᕐᒥᒍᑦ ᑲᔪᓯᓯᒪᑦᓯᐊᕐᐳᖅ ᑍᒪᓐᖓᓕᒫᖅ.”

ᔫᐱᐅᑉ ᐊᒡᓚᖏᑦ 2:5

ᑎᒥᖓᒍᑦ ᐋᓐᓂᐊᓕᕐᑎᒃᑯᕕᐅᒃ ᐅᖃᕐᓂᕐᓘᑎᒋᓗᓂᑎᑦ ᓇᕐᕈᒋᓕᕐᓂᐊᕐᐹᑎᑦ!”

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:8

ᐃᓅᑉ ᐊᒃᓱᐃᑦᑑᓂᓂ ᐃᓅᓯᕐᒥᓂᒃ ᐊᑭᓖᑦᔪᑎᒃᓴᕆᕚ, ᐊᒃᓱᔪᕐᓕ ᓯᕘᕋᓵᕐᑕᐅᑦᔪᑎᒃᓴᖃᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 41:8

ᐊᖑᑎᓪᓕ ᖁᓖᑦ ᑖᒃᑯᓇᓂ ᐃᓚᒋᔭᐅᔪᑦ ᐃᓯᒥᐅᓕ ᐅᖃᐅᑎᕚᑦ, “ᑐᖁᑦᑍᓕᑎᒍᑦ, ᐸᐅᕐᖓᒃᓴᓂᒃ ᐱᕈᕐᑐᓂᒡᓗ ᐅᕐᓱᒃᓴᓕᖕᓂᒃ, ᕼᐊᓂᒥᒡᓗ ᐃᔨᕐᓯᓯᒪᒐᑦᑕ ᐱᕈᕐᓰᕕᖕᓂ.” ᑕᕝᕙ ᑐᖁᑦᓱᓐᓃᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 16:26

ᐃᓄᒃ ᓱᓇᒥᒃ ᐱᕙᓪᓕᐅᑎᒃᓴᖃᕋᔭᕐᐹ ᓯᓚᕐᔪᐊᓕᒫᒥᒃ ᐱᑖᕈᓂ, ᐃᓅᓯᕐᒥᓂᒡᓗ ᐊᓯᐅᔨᓗᓂ ᐅᕝᕙᓗ ᓱᓇᒥᒃ ᑐᓂᔭᒃᓴᖃᕋᔭᕐᐹ? ᐃᓅᓯᕐᒥᓂᒃ ᐅᑎᕐᑎᑦᓯᔪᓐᓇᖁᓪᓗᒎ?

ᒫᑎᐅᓯᐅᑉ ᐊᒡᓚᖏᑦ 6:25

“ᑍᒤᒻᒪᑦ ᐅᖃᐅᑎᕙᑦᓯ: ᐃᓅᓯᑦᓯᓐᓂᒃ ᐃᓱᒪᔮᕈᑎᖃᕐᓂᐊᕋᓯ ᓂᕿᓂᒃ, ᐃᒥᒃᓴᑦᓯᓐᓂᒡᓘᓐᓃᑦ, ᐊᓐᓄᕌᒃᓴᑦᓯᓐᓂᒡᓘᓐᓃᑦ. ᐃᓅᓯᓰ ᐊᓐᓂᕐᓇᕐᓂᕐᓴᐅᓐᖏᓚᖅ ᓂᕿᓂᑦ, ᑎᒥᓯᓘ ᐊᑐᕐᓂᕐᓴᐅᓐᖏᓚᖅ ᐊᓐᓄᕌᓂᑦ?

ᓘᑲᓯᐅᑉ ᐊᒡᓚᖏᑦ 12:23

ᐃᓅᓯᖅ ᐃᓱᒪᒋᑦᑎᐊᕆᐊᖃᕐᓂᕐᓴᐅᕗᖅ ᓂᕿᒃᓴᒥᑦ, ᑎᒥᓗ ᐃᓱᒪᒋᑦᑎᐊᕆᐊᖃᕐᓂᕐᓴᐅᒋᕗᖅ ᐊᓐᓄᕌᒃᓴᒥᑦ.

ᔮᓱᐊᑉ ᐊᒡᓚᖏᑦ 9:24

ᑖᒃᑯᐊ ᔮᓱᐊᒧᑦ ᑭᐅᕗᑦ ᐅᖃᕐᓗᑎᒡᓗ, “ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᖓᔪᖅᑳᒃ, ᑐᓴᓚᐅᕋᑦᑕ ᐊᑕᓂᐅᑉ ᒎᑎᑦᓯ ᐱᔨᓂ ᒨᓯᓯ ᐱᖁᓚᐅᕐᒪᒍ ᓄᓇᓕᓕᒫᓂᒃ ᐃᓕᖕᓄᐊᕆᖁᓪᓗᒍ, ᑐᖁᑕᐅᖁᓪᓗᒋᓪᓗ ᐃᓄᓕᒫᑦ ᓄᓇᓖᑦ ᖃᓂᖏᔭᑦᓯᓐᓃᑦᑐᑦ; ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᒃᓱᐊᓗᒃ ᑲᑉᐱᐊᓱᓚᐅᕋᑦᑕ ᐃᓕᑦᓯᓐᓂᒃ, ᐃᓅᓯᕗᑦ ᓴᐳᑎᓇᓱᓚᐅᕐᐸᕗᑦ.