3 ᑕᒪᒃᑯᓄᖓ ᐅᖃᐅᓯᕐᓄᑦ ᑭᐅᔪᓐᓇᕋᓱᒋᓐᖏᓚᑦᑎᒎᑦ? ᒪᑯᐊ ᒥᑕᐅᑎᖃᕐᓂᑎᑦ ᑲᓐᖑᓱᒃᑎᑕᐅᑦᑍᓕᑦᔪᑎᒋᔭᑏᑦ?
ᒫᓐᓇᓕ ᐊᒡᓛᑦ ᐱᖃᓐᓇᕆᔭᓐᓄᑦ ᐃᔪᕿᑕᐅᑕᐅᓕᕐᐳᖓ; ᓱᓕᓕ ᑐᒃᓯᐊᕐᓂᒃᑲ ᒎᑎᐅᑉ ᑐᓴᖃᑦᑕᕐᐰᑦ, ᓇᓛᒎᑦᓯᐊᕐᑎᓪᓗᖓ ᐸᓯᔭᒃᓴᐅᑎᓐᓇᖓᓗ, ᐃᔪᕿᑕᒍᑕᐅᕗᖓ.
ᓇᓗᓂᕆᔧᑦ ᑕᓕᑎᓯᒪᓇᓱᐊᑐᐃᓐᓇᕋᕕᐅᒃ ᓴᒡᓗᓂᒃᑯᑦ; ᐋᓐᓂᐊᓯᐅᑎᒻᒪᕆᒃᑎᑐᑦ ᑭᓇᒥᒡᓘᓐᓃᑦ ᐋᖅᑭᒃᓯᔪᓐᓇᖏᑦᑐᑎᑐᑦ.
ᒎᑎᒧᑦ ᕿᓂᕐᕕᐅᓕᕈᕕᑦ ᐱᐅᔪᒥᒃ ᓇᓂᓯᒐᔭᕐᐹ? ᐅᕝᕙᓗ ᓴᒡᓗᕿᑦᓱᓐᓇᕐᑐᕆᕕᐅᒃ, ᐃᓄᖕᓂᒃ ᓴᒡᓗᕿᑦᓯᖃᑦᑕᕐᓂᕐᑐᑦ?
ᐅᕙᓐᓂᒃ ᒥᑕᐅᑎᒃᓴᕐᑐᑦ ᐊᕙᑎᓐᓃᑉᐳᑦ; ᑕᑯᓐᓇᖃᑦᑕᕐᐸᒃᑲᓗ ᒥᑕᐅᑎᒃᓴᕕᒡᔪᐊᕐᑎᓪᓗᒋᑦ.
ᐅᖃᕐᕕᒃᓴᖃᕐᑎᓚᐅᕐᓯᓐᖓ, ᐅᑕᖅᑭᑦᓯᐊᕐᓗᓯ, ᐅᖃᕇᕈᒪ ᑭᖑᓂᖓᒍᑦ, ᒥᑕᐅᑎᒋᓂᐊᕆᕙᑦᓯᓐᖓ.
ᑕᒪᓐᓇ ᑍᒤᖏᑉᐸᑦ, ᓇᓪᓕᐊᑦᑕ ᓱᓕᖏᓐᓂᕋ ᓇᓗᓁᕈᓐᓇᕐᐸᐅᒃ? ᑭᓇᓗ ᓇᓗᓁᕐᓯᔪᓐᓇᕐᐹ ᐅᖃᐅᓯᕆᔭᒪ ᓱᓕᖏᓐᓂᖏᓐᓂᒃ?”
ᖃᓄᐃᑦᑐᐊᓗᖑᓇ ᔫᐱ? ᒥᑕᐅᑎᒃᓴᕐᓂᕐᒥᒃ ᐃᒥᕐᑐᑎᑐᑦ ᑍᒤᑦᑐᖅ,
ᒎᑎᖃᖏᑦᑐᑎᑐᑦ ᓂᑲᒍᓱᒐᑎᒃ ᒥᑕᐅᑎᖃᕐᐳᑦ; ᑮᓇᕐᓗᐊᕿᕝᕕᒋᕚᖓᓗ ᑭᒍᑎᑎᒃ ᑮᒻᒥᓪᓗᒋᑦ.
ᑮᓇᖏᑦ ᑲᓐᖑᓇᕐᑐᒧᐊᕐᑎᓚᐅᒃᑭᑦ, ᐊᑎᕐᓂᒃ ᕿᓂᓕᖁᓪᓗᒋᑦ, ᐊᑕᓃᖅ.
ᖁᕕᐊᓱᒃᑐᑦ ᐃᒃᓯᕙᖃᑎᒋᓚᐅᓐᖏᓚᒃᑲ, ᖁᕕᐊᓱᓚᐅᓐᖏᓚᖓᓘᓐᓃᑦ; ᐃᓄᑑᓪᓗᖓ ᐃᒃᓯᕙᓚᐅᕐᐳᖓ, ᕾᖁᔭᐅᓯᒪᓂᕋ ᐃᓕᖕᓄᑦ ᐱᑦᔪᑎᒋᓪᓗᒍ, ᓂᓐᖓᐅᒪᓂᕐᒥᒃ ᑕᑕᑎᓚᐅᕋᕕᖓ.
ᓇᓪᓕᐊᑦ ᑎᑎᕋᕐᑕᑦᑎᓐᓂ ᑖᒃᑯᓇᖓᑦ ᐅᖃᐅᓯᕆᔭᑦᑎᓐᓂᒡᓗ ᓈᓚᒍᒪᖏᑦᑐᖅ, ᑖᓐᓇ ᓇᓪᓕᐊᖑᖕᒪᖔᑦ ᓇᓗᓁᕐᓯᐅᒃ, ᐱᓇᓱᐊᖃᑎᒋᔪᓐᓃᓗᒍᓗ, ᑲᓐᖑᓱᒃᑎᑕᐅᖁᓪᓗᒍ.
ᐅᖃᐅᓯᕐᓂᒃ ᓱᓕᔪᓂᒃ ᐊᑐᖃᑦᑕᕐᓗᑎᑦ ᐊᑭᕋᕐᑐᕐᑕᐅᔪᓐᓇᖏᑦᑐᓂᒃ, ᐊᑭᕋᕐᑐᕐᑎᑎᑦ ᑲᓐᖑᓱᒃᑎᑕᐅᖁᓪᓗᒋᑦ, ᐱᑦᔪᑎᒃᓴᖃᖁᓇᒋᓪᓗ ᐅᖃᐅᓯᕆᓂᕐᓗᒡᓗᑕ.
ᐅᖃᐅᑎᓚᐅᕐᒪᓯ, “ᐅᓪᓗᐃᑦ ᑭᖑᓪᓕᖏᓐᓂ ᒥᑕᐅᑎᒃᓴᕐᑎᑕᖃᕈᒫᕐᐳᖅ, ᒎᑎ ᑲᒪᒋᓇᒍ ᐃᒃᖠᒎᕐᓂᕐᒥᖕᓂᒃ ᒪᓕᑐᐃᓐᓇᕐᑐᓂᒃ.”