ᔫᐱᐅᑉ ᐊᒡᓚᖏᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑍᒪᓐᖓᑦ ᓴᐳᒻᒥᔧᓐᓇᕋᕕᐅᒃ ᐃᓚᒋᔭᓕᒫᖏᓪᓗ ᐱᖁᑎᓕᒫᖏᓪᓗ ᑲᒪᒋᑦᓯᐊᕐᓗᒋᑦ, ᖃᓄᐃᓕᐅᕐᓂᓕᒫᖓᒍᓪᓗ ᓮᒻᒪᕐᑎᖃᑦᑕᕐᓯᒪᒐᕕᐅᒃ, ᐃᒻᒧᒃᓯᐅᒐᓂᒡᓗ ᐅᓄᕐᑐᐊᓗᖕᓂᒃ ᑐᓂᓯᒪᒐᕕᐅᒃ ᓄᓇᓕᓕᒫᒥᒃ ᓈᓯᓯᒪᓪᓗᐊᕐᑐᓂᒃ.

ᔫᐱᐅᑉ ᐊᒡᓚᖏᑦ 1:10 Iomraidhean Croise

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᒨᓯᓯ ᓯᕗᓪᓖᑦ 26:12

ᐂᓴᑭᓗ ᑕᕝᕙᓂ ᓄᓇᒥ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᕗᖅ, ᑕᒪᑐᒪᓂᓗ ᐊᕐᕌᒍᒥ ᐱᕈᕐᑐᓂᒃ ᑲᑎᕐᓱᐃᓚᐅᕐᐳᖅ 100ᐃᕐᑐᓪᓗᐊᕐᑐᓂᒃ ᐅᓄᕐᓂᕐᓴᓂᒃ, ᐊᑕᓂᐅᑉ ᓮᒻᒪᕐᑎᓚᐅᕐᒪᒍ.

ᒨᓯᓯ ᓯᕗᓪᓖᑦ 30:30

ᐅᓄᖏᑦᑐᓂᒃ ᐱᖃᓚᐅᕐᐳᑎᑦ ᑎᑭᓚᐅᕐᑎᓐᓇᖓ, ᒫᓐᓇᓕ ᐅᓄᕐᑐᕐᔪᐊᕌᓗᓐᖑᕐᓯᒪᕗᑦ; ᖃᓄᑐᐃᓐᓇᕐᓗ ᐱᓕᕆᑐᐊᕌᖓᒪ ᐊᑕᓂᐅᑉ ᓮᒻᒪᕐᑎᓯᒪᕚᑎᑦ. ᒫᓐᓇᓕ ᓇᖕᒥᓂᖅ ᐱᓇᓱᐊᕈᒪᔭᓐᓄᑦ ᐱᓕᕆᕙᓪᓕᐊᔪᒃᓴᐅᓕᕐᐳᖓ ᐃᓚᒃᑲ ᐱᓪᓗᒋᑦ?”

ᒨᓯᓯ ᓯᕗᓪᓖᑦ 30:43

ᑍᒤᓕᐅᕐᓗᓂᓗ ᔧᑯ ᐊᔪᕐᓴᖏᑦᑐᐊᓘᓕᓚᐅᕐᐳᖅ, ᐆᒪᔪᖁᑎᖃᓕᓚᐅᕐᐳᖅ ᐅᓄᕐᑐᓂᒃ, ᐱᔨᖃᓕᕐᓗᓂᒡᓗ ᐊᖑᑎᓂᒃ ᐊᕐᓇᓂᒡᓗ, ᑳᒥᓕᖁᑎᖃᕐᓗᓂᒡᓗ, ᓯᐅᑎᖅᑯᕐᑐᔪᖁᑎᖃᕐᓗᓂᒡᓗ.

ᒨᓯᓯ ᓯᕗᓪᓖᑦ 39:5

ᑍᒪᓐᖓᑦ ᑲᒪᔨᓐᖑᕐᑎᑕᐅᓂᖓᓂᑦ ᐃᒡᓗᒥᓄᑦ ᐱᖁᑎᓕᒫᖏᓐᓄᓪᓗ ᐊᑕᓂᐅᑉ ᐄᑦᔨᑉᑎᒥᐅᑕᐅᑉ ᐃᒡᓗᖓ ᓮᒻᒪᕐᑎᓚᐅᕐᐹ ᔫᓯᐱ ᐱᑦᔪᑎᒋᓪᓗᒍ; ᐊᑕᓂᐅᓪᓗ ᓮᒻᒪᕐᑎᓚᐅᕆᕔᑦ ᐱᖁᑎᓕᒫᖏᑦ, ᐃᒡᓗᖓᓂ ᐱᕈᕐᓰᕕᖁᑎᖓᓂᓗ.

ᒨᓯᓯ ᓯᕗᓪᓖᑦ 49:25

ᐊᑖᑕᕕᑦ ᒎᑎᖓᑕ ᐃᑲᔪᕈᒫᕐᐹᑎᑦ, ᐊᔪᒐᖃᖏᑦᑑᓪᓗ ᑖᑦᓱᒪ ᒎᑎᐅᑉ ᓮᒻᒪᕐᑎᑦᓱᒫᕐᐹᑎᑦ ᓮᒻᒪᕐᑎᑦᓯᓂᕐᒧᑦ ᕿᓚᖕᒥᑦ ᖁᑦᓯᒃᑐᒥᑦ ᐱᔪᒧᑦ, ᓮᒻᒪᕐᑎᑦᓯᓂᕐᒧᑦ ᐃᑎᔪᒧᑦ ᐃᓗᐊᓂ ᐃᑎᔪᒥ ᐃᓂᖃᕐᑐᒧᑦ, ᓮᒻᒪᕐᑎᑦᓯᓂᕐᒧᑦ ᐃᕕᐊᖏᕐᓂᑦ ᐃᒡᓕᐊᕐᓂᓪᓗ ᐱᔪᒧᑦ.

ᔫᐱᐅᑉ ᐊᒡᓚᖏᑦ 1:3

ᓰᐱᖁᑎᖃᓚᐅᕐᐳᓪᓗ 7,000ᓂᒃ, ᑳᒥᓕᖁᑎᖃᕐᓗᓂᓗ 3,000ᓂᒃ, 1,000ᓂᒡᓗ ᐃᒻᒧᒃᓯᐅᒐᖁᑎᖃᕐᓗᓂ, 500ᓂᒡᓗ ᓯᐅᑎᖅᑯᕐᑐᔪᖁᑎᖃᕐᓗᓂ ᐊᕐᓇᓪᓗᖕᓂᒃ, ᐅᓄᕐᑐᓂᒡᓗ ᐱᔨᖃᕐᓗᓂ; ᐊᔪᕐᓴᖏᓐᓂᕐᐹᖑᓚᐅᕐᐳᕐᓗ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓕᒫᓂᑦ.

ᔫᐱᐅᑉ ᐊᒡᓚᖏᑦ 29:2

“ᑕᕝᕙᑐᖅ ᐃᓅᓯᕋ ᐅᑎᓚᐅᕐᒥᓕ ᐃᓅᕋᑖᕐᓂᕕᓂᓐᓄᑦ, ᑍᑦᓱᒪᓂᒧᑦ ᒎᑎᒧᑦ ᑲᒪᒋᔭᐅᑦᓯᐊᕐᓂᕆᓚᐅᕐᑕᓐᓄᑦ;

ᔫᐱᐅᑉ ᐊᒡᓚᖏᑦ 29:6

ᐆᒪᔪᖁᑎᒃᑲ ᐃᒻᒧᓕᐅᑦᓯᐊᕐᐸᓚᐅᕐᐳᑦ ᐊᒥᒐᖏᑦᑐᒥᒃ, ᓇᐹᕐᑐᖁᑎᒃᑲᓗ ᐅᕐᓱᒃᓴᓂᒃ ᐱᕈᕐᑎᑦᓯᑦᓯᐊᖃᑦᑕᓚᐅᕐᐳᑦ!

ᔫᐱᐅᑉ ᐊᒡᓚᖏᑦ 31:25

ᓱᓇᓕᒫᓂᒃ ᐊᔪᕐᓴᖏᓐᓂᕆᕋ ᓂᕐᑐᕈᑎᒋᓯᒪᓐᓂᕈᒃᑯ, ᐱᓇᓱᐊᕐᓯᒪᓂᓐᓄᓪᓗ ᐱᖁᑎᖃᕐᓂᕋ ᐱᔪᕆᓯᒪᐅᑎᒋᓐᓂᕈᒃᑯ;

ᔫᐱᐅᑉ ᐊᒡᓚᖏᑦ 42:12

ᐊᑕᓂᐅᓪᓗ ᔫᐱᐅᑉ ᐃᓅᓯᖓ ᐃᓱᐊᓄᑦ ᑎᑭᓪᓗᒍ ᓮᒻᒪᕐᑎᓚᐅᕐᐹ ᓯᕗᓂᖓᓂ ᐱᒋᓚᐅᕐᑕᖏᓐᓂᑦ ᐊᖏᓂᕐᓴᒻᒪᕆᐊᓗᖕᓂᒃ; ᓰᐱᖁᑎᖃᓕᓚᐅᕐᐳᖅ 14,000ᓂᒃ, ᑳᒥᓕᖁᑎᖃᓕᕐᓗᓂᓗ 6,000ᓂᒃ, ᐃᒻᒧᓕᐅᕐᑏᓪᓗ ᐊᖑᓴᓪᓗᖏᓐᓂᒃ ᕿᒧᒃᓯᐅᑎᓴᓂᒃ 2,000ᓂᒃ, ᓯᐅᑎᖅᑯᑐᔪᖁᑎᖃᓕᕐᓗᓂᓗ ᐊᕐᓇᓪᓗᖕᓂᒃ 1,000ᓂᒃ.

ᐃᓐᖏᕈᑎᑦ 107:38

ᓮᒻᒪᕐᑎᓚᐅᕆᕔᑦ ᐃᓄᒋᐊᒃᑐᕐᔪᐊᓐᖑᕐᑎᓪᓗᒋᑦ; ᐆᒪᔪᖁᑎᖏᓪᓗ ᐃᒻᒧᒃᓯᐅᒊᑦ ᖃᑦᓰᓐᓇᕈᕐᐸᓪᓕᐊᓚᐅᓐᖏᓚᑦ.

ᐃᓐᖏᕈᑎᑦ 34:7

ᐊᑕᓂᐅᑉ ᐂᖏᓕᖓᑕ ᐊᕙᓗᓯᒪᕔᑦ ᑖᑦᓱᒥᖓ ᓯᕘᕋᔪᓕᒫᑦ, ᓴᐳᑎᓪᓗᒋᓪᓗ.

ᐃᓐᖏᕈᑎᑦ 5:12

ᐃᕝᕕᑦ ᐊᑕᓃᖅ, ᐃᓱᐊᕐᑐᑦ ᓮᒪᓂᕐᒥᒃ ᑐᓂᓯᕕᒋᔪᒫᕋᕕᒋᑦ; ᓇᒡᓕᒍᓱᖕᓂᕐᓂᒃ ᐊᕙᓗᓯᒪᔪᒫᕋᕕᒋᑦ ᓴᐴᓗᑕᕐᑎᑐᑦ.

ᐃᓐᖏᕈᑎᑦ 71:21

ᐊᔪᖏᓐᓂᕋ ᓱᓕ ᐊᖏᔪᕈᕐᑎᒃᑲᓐᓂᕐᓂᐊᕐᐸᑦ, ᓮᒻᒪᕐᑎᒃᑲᓐᓂᕐᓂᐊᕆᕙᕐᒪᓗ.

ᐃᓐᖏᕈᑎᑦ 80:12

ᓱᖕᒪᓪᓕ ᐊᕙᓗᕐᔪᐊᖏᑦ ᓯᖁᑦᑎᓚᐅᕐᐱᒌᑦ, ᓴᓂᖅᑯᑦᑐᓄᑦ ᑕᒤᓐᓄᑦ ᐱᕈᕐᑐᖏᑦ ᓄᓱᒃᑕᐅᔪᓐᓇᖁᓪᓗᒌᑦ?

ᐃᓐᖏᕈᑎᑦ 90:17

ᐊᑕᓂᐅᓪᓗ ᒎᑎᑦᑕ ᖁᕕᐊᒋᔭᖃᕐᓂᖓᑕ ᓇᔪᓕᕐᓕᑎᒍᑦ, ᐱᓇᓱᐊᕐᓂᕆᓯᒪᔭᕗᓪᓗ ᐱᔭᕇᑦᓯᐊᕐᑎᓚᐅᒃᑭᑦ; ᐄᓛᒃ, ᐱᓇᓱᐊᕐᓂᕆᓯᒪᔭᕗᑦ ᐱᔭᕇᕐᑎᑦᓯᐊᓚᐅᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:22

ᐊᑕᓂᐅᑉ ᓮᒻᒪᕐᑎᑦᓯᓂᖓ ᐊᒃᓗᐃᑎᑦᓯᕗᑦ, ᕿᒃᓵᖕᓇᕐᑐᓂᒡᓗ ᐃᓚᓯᒪᓇᓂ.

ᐂᓮᐊᓯᐅᑉ ᐊᒡᓚᖏᑦ 5:2

ᓄᓇ ᐳᐊᕐᕆᔭᓚᐅᕐᐹ ᐅᔭᕅᔭᕐᓗᒍᓗ; ᐃᓕᐅᕅᕕᒋᓚᐅᕐᐹ ᕔᓂᒃᓴᓂᒃ ᐱᐅᓂᕐᐹᓂᒃ; ᐳᕐᑐᔪᒥᒡᓗ ᕿᑎᖓᓂ ᐃᒡᓗᓕᐅᕐᐳᖅ ᖃᐅᔨᓴᕐᕕᖕᒥᒃ, ᐃᑎᕐᓴᓕᐅᓪᓗᓂᓗ ᕔᓂᒃᓴᓂᒃ ᐃᑦᑏᔧᕕᒃᓴᒥᓂᒃ, ᕔᓂᒃᓮᓪᓗ ᐱᕈᕇᕐᓯᐊᕆᓕᕐᐰᑦ, ᐱᐅᔪᓂᒃ ᓂᕆᐅᒡᓗᓂ, ᕔᓂᒃᓮᓪᓕ ᐱᕈᕇᕋᓗᐊᕐᒪᑕ ᐱᐅᖏᑦᑐᓂᒃ ᐸᐅᕐᖓᖃᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:5

“ᒫᓐᓇᓕ ᐅᖃᐅᑎᓂᐊᓕᕐᐸᒋᑦ ᐱᕈᕐᓰᕕᖁᑎᓐᓄᑦ ᐱᓇᓱᐊᕐᓂᐊᕐᓂᓐᓂᒃ, ᐊᕙᓗᓕᐅᕐᓯᒪᔪᖅ ᐱᕈᕐᑐᓂᒃ ᐲᕈᒪᕙᕋ, ᑕᕝᕙ ᓄᖑᑕᐅᓂᐊᕐᐳᖅ; ᐊᕙᓗᖏᓪᓗ ᓯᖁᒥᓪᓗᒋᑦ ᑐᓪᓕᕋᕐᑕᐅᓗᓂ.

ᓴᑲᕅᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᒪᑦ, ᐅᕙᖓ ᓇᖕᒥᓂᖅ ᐃᑯᒪᐅᓗᖓ ᐊᕙᓗᕐᔪᐊᕆᔭᐅᔪᒫᕐᐳᖓ, ᐃᒡᓗᒐᓴᒡᔪᐊᓂᒡᓗ ᑖᒃᑯᓂᖓᑦ ᑲᑦᔮᕐᓇᕐᑎᑦᓯᔪᒫᕐᐳᖓ.’”

ᓴᑲᕅᐊᐅᑉ ᐊᒡᓚᖏᑦ 2:8

ᑕᒪᓐᓇ ᐱᓪᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐅᐱᒋᓚᐅᖅᑳᕐᓗᓂᖓ ᑎᓕᕚᖓ, ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᐃᓕᑦᓯᓐᓂᒃ ᓵᓚᖃᖅᑳᕐᓯᒪᔪᓄᑦ, ᐃᓕᑦᓯᓐᓂᒡᓗ ᐊᒃᑐᐃᓯᒪᔪᑦ, ᑕᕝᕙ ᐊᑕᓂᐅᑉ ᐱᓐᓇᕆᔭᖓᓂᒃ ᐊᒃᑐᐃᓯᒪᕗᑦ.

ᒨᓯᓯ ᑕᓪᓕᒪᖏᑦ 33:11

ᐊᑕᓃᖅ, ᑭᖑᕚᖑᖃᑎᒌᑦ ᑖᒃᑯᐊ ᐱᒋᔭᖏᑦ ᓮᒻᒪᕐᑎᒃᑭᑦ, ᐱᓂᐊᕐᓂᖏᓪᓗ ᐃᓚᓕᐅᒃᑭᑦ; ᐊᑭᕋᕐᑐᕐᑎᓕᒫᖏᑦ ᓵᓚᒋᓗᒋᑦ; ᐆᒥᓱᒃᑐᓪᓗ ᑖᒃᑯᓂᖓ ᒪᑭᒃᑲᓐᓂᕈᓐᓁᖁᓪᓗᒋᑦ.”

ᒨᓯᓯ ᑕᓪᓕᒪᖏᑦ 33:27

ᒎᑎ ᐃᓱᖃᖏᑦᑐᖅ ᐃᓂᒋᕙᓯ; ᑖᑦᓱᒪᓗ ᑕᓕᖏᒃ ᐃᓱᖃᖏᑦᑑᒃ ᓇᔪᒻᒪᖅᑯᑎᒋᕙᓯ. ᑖᑦᓱᒪᓗ ᐊᑭᕋᕐᑐᕐᑎᓯ ᐊᓂᑎᑉᐰᑦ ᓯᕗᓂᑦᓯᓐᓂ, ᐅᖃᐅᑎᓪᓗᓂᓯ ᓄᖑᕅᒋᑦᓯ.

ᒨᓯᓯ ᑕᓪᓕᒪᖏᑦ 7:13

ᑕᕝᕙ ᓇᒡᓕᒋᓂᐊᕐᐹᑎᑦ ᓮᒻᒪᕐᑎᓪᓗᓂᑎᓪᓗ, ᐃᓄᒋᐊᒃᓯᕙᓪᓕᐊᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᓂᑎᓪᓗ ᐅᓄᕐᑐᓂᒃ; ᐱᕈᕐᓰᕕᖁᑎᑎᓪᓗ ᓮᒻᒪᕐᑎᓐᓂᐊᕆᕔᑦ, ᐱᕈᕐᕕᐅᑦᓯᐊᖁᓪᓗᒋᑦ ᓂᕿᒃᓴᓂᒃ, ᕔᓂᒃᓴᓂᒡᓗ, ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ; ᓮᒻᒪᕐᑎᓐᓂᐊᕐᐹᓯᓗ ᑐᓂᓯᕕᒋᓗᓂᓯ ᐆᒪᔪᖁᑎᒃᓴᑦᓯᓐᓂᒃ ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᓰᐱᓂᒡᓗ. ᑕᒪᒃᑯᓂᖓ ᑕᕝᕙ ᑐᓂᓯᕕᒋᒐᔭᕐᐹᓯ ᓮᒻᒪᕐᑎᓪᓗᓂᓯ ᑕᒫᓂ ᓄᓇᒥ ᑕᒪᓐᓇ ᓯᕗᓕᕕᓂᑦᓯᓐᓄᑦ ᐊᖏᕈᑎᒋᓯᒪᖕᒪᒍ ᑕᒪᒃᑯᓂᖓ ᑐᓂᓯᕕᒋᔪᒪᓪᓗᓯ.

ᐲᑦᑐᕉᓯ ᓯᕗᓪᓖᑦ 1:5

ᒎᑎᐅᑉ ᐱᔪᓐᓇᕐᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.

ᓴᒧᐃᓕ ᓯᕗᓪᓖᑦ 25:16

ᐊᕙᓗᕐᔪᐊᕆᔮᖃᑦᑕᓚᐅᕐᐸᕗᑦ ᐅᓪᓗᒃᑯᑦ ᐅᓐᓄᒃᑯᓪᓗ, ᐆᒪᔪᖁᑎᑦᑎᓐᓂᒃ ᑲᒪᑎᓪᓗᑕ ᐃᓚᒋᓕᕌᖓᑦᑎᒍᑦ.