ᔪᐊᓇᓯᐅᑉ ᐊᒡᓚᖏᑦ 8:42 - ᐊᒡᓔᑦ ᐃᑦᔪᕐᖕᓁᑦᑐᑦ

⁴² ᔩᓱᓯᐅᑉ ᐅᖃᐅᑎᕔᑦ, “ᒎᑎ ᐊᑖᑕᒋᒍᑦᓯᐅᒃ, ᓇᒡᓕᒋᒐᔭᕐᐸᑦᓯᓐᖓ, ᒎᑎᒥᑦ ᐱᓚᐅᕋᒪ ᑕᕝᕙᓐᖔᕐᓯᒪᓪᓗᖓᓗ ᒫᓐᓇ ᑕᕝᕙᓃᑉᐳᖓ; ᐅᕙᓐᓂᒃ ᑕᒪᐅᓐᖓᕐᑎᓚᐅᖏᓐᓇᒪ, ᑖᑦᓱᒪᓕ ᑎᓕᓚᐅᕐᐹᖓ.

Aglait Ijjurnaittut

⁴² Jiisusiup uqautivait, “Guuti Ataatagigussiuk, nagligigajaqpassinnga, Guutimit pilaurama tavvanngaaqsimallungalu maanna tavvaniippunga; uvannik tamaunngaqtilaunnginnama, taassumali tililauqpaanga.

ᔪᐊᓇᓯᐅᑉ ᐊᒡᓚᖏᑦ 8:42 Iomraidhean Croise

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 12:49

ᐅᕙᓐᓂᒃ ᐱᔪᓐᓇᕐᓂᖃᕐᓗᖓ ᐅᖃᓚᐅᖏᓐᓇᒪ; ᐊᑖᑕᐅᓪᓕ ᑎᓕᔨᒪ ᐱᖁᔭᒥᓂᒃ ᑐᓂᓯᕕᒋᓚᐅᕐᐹᖓ ᐅᖃᐅᓯᕆᔭᒃᓴᓐᓂᒃ, ᖃᓄᕐᓗ ᐅᖃᕐᑐᒃᓴᐅᖕᒪᖔᕐᒪ.

ᔪᐊᓇᓯᐅᑉ ᐊᒡᓚᖏᑦ 13:3

ᔩᓱᓯ, ᖃᐅᔨᒪᒐᒥ ᐊᑖᑕᐅᑉ ᓱᓇᓕᒫᓂᒃ ᑐᓂᓯᕕᒋᖕᒪᒍ, ᒎᑎᒥᓪᓗ ᐱᓚᐅᕋᒥ ᒎᑎᒧᓪᓗ ᐂᓂᐊᕋᒥ.

ᔪᐊᓇᓯᐅᑉ ᐊᒡᓚᖏᑦ 14:10

ᐅᒃᐱᕈᓱᓐᖏᓚᑏᑦ ᐊᑖᑕᒦᓐᓇᒪ, ᐊᑖᑕᓗ ᐅᕙᓐᓃᒻᒪᑦ? ᐅᖃᐅᓰᑦ ᐅᖃᐅᓯᕆᔭᒃᑲ ᐃᓕᑦᓯᓐᓄᑦ ᐅᕙᓐᓂᑦ ᓇᖕᒥᓂᓐᓂᑦ ᐱᓯᒪᓐᖏᓚᑦ; ᐊᑖᑕᐅᓪᓕ ᐅᕙᓐᓃᑦᑑᑉ ᐱᓂᐊᕐᓃᑦ ᐱᓂᐊᕐᓂᕆᕔᑦ.

ᔪᐊᓇᓯᐅᑉ ᐊᒡᓚᖏᑦ 16:30

ᒫᓐᓇ ᑐᑭᓯᕗᒍᑦ ᓱᓇᓕᒫᑦ ᖃᐅᔨᒪᒐᕕᒋᑦ, ᐊᐱᕆᔭᐅᔭᕆᐊᖃᓐᖏᓚᑎᓪᓗ; ᑕᒪᓐᓇ ᐱᑦᔪᑎᒋᓪᓗᒍ ᐅᒃᐱᕈᓱᒃᐳᒍᑦ ᒎᑎᒥᑦ ᐱᓯᒪᓂᕐᓂᒃ.”

ᔪᐊᓇᓯᐅᑉ ᐊᒡᓚᖏᑦ 17:25

ᓈᓛᒎᕐᑐᑎᑦ ᐊᑖᑖᒃ, ᓯᓚᕐᔪᐊᕐᒥᐅᑦ ᖃᐅᔨᒪᓐᖏᒻᒪᑕ ᐃᓕᖕᓂᒃ, ᐅᕙᖓᓕ ᖃᐅᔨᒪᕙᒋᑦ; ᑖᒃᑯᐊᓗ ᖃᐅᔨᕗᑦ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 17:8

ᐅᖃᐅᓰᑦ ᑐᓂᓚᐅᕐᑕᑎᑦ ᐅᕙᓐᓄᑦ ᑖᒃᑯᓄᖓ ᐅᖃᐅᓯᕆᓚᐅᕐᐸᒃᑲ, ᑖᒃᑯᐊᓗ ᐃᓚᓕᐅᓚᐅᕐᐰᑦ ᓱᓕᔪᒥᒃ ᖃᐅᔨᓪᓗᑎᒃ ᐃᓕᖕᓂᑦ ᐱᓯᒪᓂᓐᓂᒃ; ᐅᒃᐱᓕᕐᓗᑎᒡᓗ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 3:17

ᒎᑎᐅᑉ ᐃᕐᓂᓂ ᑎᓕᓚᐅᖏᒻᒪᒍ ᓯᓚᕐᔪᐊᕐᒧᑦ, ᓯᓚᕐᔪᐊᕐᒥᐅᓂᒃ ᐃᒋᑕᒃᓴᓐᖑᕐᑎᑦᓯᖁᓗᒍ, ᓯᓚᕐᔪᐊᕐᒥᐅᓪᓕ ᐱᐅᓕᔭᐅᖁᓪᓗᒋᑦ ᑖᑦᓱᒨᓇ.

ᔪᐊᓇᓯᐅᑉ ᐊᒡᓚᖏᑦ 5:23

ᐃᕐᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᖁᓪᓗᒍ, ᓲᕐᓗ ᐊᑖᑕ ᐅᐱᒋᔭᐅᑦᓯᐊᕐᒪᑦ. ᐃᕐᓂᕐᒥᒃ ᐅᐱᒍᓱᖏᑦᑐᖅ ᐊᑖᑕᒥᒃᑕᐅᖅ ᐅᐱᒍᓱᓐᖏᓚᖅ ᑎᓕᔨᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 5:43

ᐊᑖᑕᒪ ᐊᑎᖓᒍᑦ ᑎᑭᓚᐅᕐᐳᖓ, ᐃᓕᑦᓯᓕ ᐃᓚᓕᐅᓐᖏᓚᑦᓯᓐᖓ; ᐊᓯᒐᓕ ᑎᑭᑉᐸᑦ ᓇᖕᒥᓂᖅ ᐱᔪᓐᓇᕐᓂᕐᒥᒍᑦ, ᑖᓐᓇ ᐃᓚᓕᐅᕋᔭᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 8:14

ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓇᓗᓁᕋᓗᐊᕈᒪ, ᓇᓗᓁᔭᕐᓂᕋ ᓱᓕᕗᖅ, ᖃᐅᔨᒪᒐᒪ ᓇᑭᑦ ᐱᓯᒪᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ, ᐃᓕᑦᓯᓕ ᖃᐅᔨᒪᓐᖏᓚᓯ ᓇᑭᑦ ᐱᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:22

ᐊᑕᓂᕐᒥᒃ ᐱᓐᓇᕆᔭᖃᖏᑦᑐᖅ ᑖᓐᓇ ᓇᕐᕈᓇᕐᓯᓕᕐᓕ! ᒪᕋᓈ-ᑕ ᐃᒫᒃ; ᐊᑕᓂᕗᑦ ᕾᓕᕆᑦ!

ᒐᓔᑎᐊᒥᐅᓄᑦ 4:4

ᓇᓪᓕᐅᑦᑐᕐᓕ ᓈᒻᒪᓈᑦᓯᐊᕐᑐᖅ ᓇᓪᓕᐅᑎᖕᒪᑦ, ᒎᑎᐅᑉ ᐃᕐᓂᓂ ᑎᓕᓚᐅᕐᐹ, ᐊᕐᓇᒧᑦ ᐃᕐᓂᐊᖑᓪᓗᓂ, ᐱᖁᔭᓄᑦ ᐊᐅᓚᑕᐅᓪᓗᓂ,

ᔪᐊᓇᓯ ᓯᕗᓪᓖᑦ 4:14

ᑕᑯᓯᒪᕗᒍᑦ ᓇᓗᓁᕐᓯᕗᒍᓪᓗ ᐊᑖᑕᐅᑉ ᐃᕐᓂᓂ ᑎᓕᓚᐅᕐᒪᒍ ᓯᓚᕐᔪᐊᕐᒥᐅᓄᑦ ᐱᐅᓕᔨᐅᖁᓪᓗᒍ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ