ᔪᐊᓇᓯᐅᑉ ᐊᒡᓚᖏᑦ 8:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑎᒥᐅᑉ ᐃᓕᖅᑯᓯᖓ ᒪᓕᒡᓗᒍ ᐃᖅᑲᕐᑐᐃᕗᓯ, ᐅᕙᖓᓕ ᐃᖅᑲᕐᑐᐃᓐᖏᓚᖓ ᑭᓇᒥᒡᓘᓐᓃᑦ.

Aglait Ijjurnaittut

¹⁵ Timiup iliqqusinga maliglugu iqqaqtuivusi, uvangali iqqaqtuinngilanga kinamigluunniit.

ᔪᐊᓇᓯᐅᑉ ᐊᒡᓚᖏᑦ 8:15 Iomraidhean Croise

ᐂᒨᓯᐅᑉ ᐊᒡᓚᖏᑦ 5:7

ᐃᖅᑲᕐᑐᐃᑦᓯᐊᕐᓂᕐᒥᒃ ᒧᒥᒃᑎᑦᓯᒐᑦᓯ, ᖁᐱᕐᕈᑎᑐᑦ ᓇᐹᕐᑐᓂᒃ ᓂᕆᔪᑎᑐᑦ, ᐃᓱᐊᕐᑐᓕᓂᕐᓗ ᐊᑐᑦᓯᐊᖏᓐᓇᑦᓯᐅᒃ ᓄᓇᒧᑦ ᐃᒋᑕᐅᔪᑎᑐᑦ.

ᐂᒨᓯᐅᑉ ᐊᒡᓚᖏᑦ 6:12

ᕿᒻᒥᕐᔪᐊᑦ ᐸᖓᓕᓲᖑᕚᑦ ᐅᔭᖅᑲᑎᒍᑦ? ᐊᖑᑏᑦ ᐃᒪᕕᖕᒥᒃ ᒪᒃᐱᕐᑎᕆᓲᖑᕚᑦ ᐃᒻᒧᒃᓯᐅᒐᕐᓄᑦ? ᐃᖅᑲᕐᑐᐃᑦᓯᐊᕐᓂᖅ ᑐᖁᓐᓇᕐᑐᓐᖑᕐᑎᑉᐸᓯ, ᐃᓱᐊᕐᑐᓕᓂᐅᓪᓗ ᐱᕈᕐᑐᖓ ᖁᐱᕐᕈᓐᖑᕐᑎᑉᐸᓯ ᓇᐹᕐᑐᓂᒃ ᓂᕆᓲᑎᑐᑦ.

ᕼᐊᐸᑲᐅᑉ ᐊᒡᓚᖏᑦ 1:4

ᐱᖁᔭᖅ ᐱᔪᓐᓇᕐᓂᖃᓐᖏᓚᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᑐᕐᑕᐅᔪᓐᓇᕋᓂ. ᐃᓱᐊᕐᓂᕐᒥ ᐃᓅᓯᖃᕐᑐᑦ ᐊᕙᓗᔭᐅᓯᒪᖕᒪᑕ ᐱᐅᖏᑦᑐᓕᔪᓂᑦ, ᑍᒤᒻᒪᑦ ᐋᖅᑭᒃᓱᐃᑦᓯᐊᕐᓂᐅᑉ ᐱᐅᓂᖓ ᐱᐅᔪᓐᓃᕐᑎᑕᐅᕗᖅ.”

ᓘᑲᓯᐅᑉ ᐊᒡᓚᖏᑦ 12:14

ᔩᓱᓯᐅᑉ ᑭᐅᕚ, “ᐃᓅᒃ, ᑭᐊ ᐃᖅᑲᕐᑐᐃᔪᓐᓇᕐᑎᒻᒪᖔ, ᐅᕝᕙᓗ ᐊᒡᒍᐃᔨᐅᖁᔭᐅᕗᖔ? ᐱᓂᐊᕐᑕᑦᓯᓐᓂᒃ ᐊᑖᑕᕕᑦ ᕿᒪᒃᑕᖏᓐᓂ?”

ᔪᐊᓇᓯᐅᑉ ᐊᒡᓚᖏᑦ 12:47

ᐅᖃᐅᓯᓐᓂᒃ ᑐᓴᕐᑐᖅ ᒪᓕᒐᓂᓗ, ᐃᖅᑲᕐᑐᕐᓂᐊᓐᖏᓚᕋ; ᑎᑭᓚᐅᖏᓐᓇᒪ ᓯᓚᕐᔪᐊᕐᒥᐅᑦ ᐃᖅᑲᕐᑐᕆᐊᕐᑐᕐᓗᒋᑦ, ᓯᓚᕐᔪᐊᕐᒥᐅᓪᓕ ᐱᐅᓕᔭᕐᑐᕐᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 18:36

ᔩᓱᓯ ᑭᐅᕗᖅ, “ᐊᖓᔪᖅᑲᐅᕕᒐ ᓯᓚᕐᔪᐊᕐᒥᑦ ᑕᒪᑐᒪᖓᑦ ᐱᓐᖏᓚᖅ; ᐊᖓᔪᖅᑲᐅᕕᒐ ᓯᓚᕐᔪᐊᕐᒥᑦ ᑕᒪᑐᒪᖓᑦ ᐱᒃᐸᑦ, ᒪᓕᒃᑎᓐᓂᑦ ᐅᓇᑕᕈᑦᔭᐅᒐᔭᕐᐳᖅ, ᑎᒍᔭᐅᖁᓇᖓ ᔫᑎᑦ ᐊᖓᔪᖅᑳᖏᓐᓄᑦ; ᑍᒤᒻᒪᑦ, ᐊᖓᔪᖅᑲᐅᕕᒐ ᓯᓚᕐᔪᐊᕐᒥᑦ ᑕᒪᑐᒪᖓᑦ ᐱᓐᖏᓚᖅ.”

ᔪᐊᓇᓯᐅᑉ ᐊᒡᓚᖏᑦ 3:17

ᒎᑎᐅᑉ ᐃᕐᓂᓂ ᑎᓕᓚᐅᖏᒻᒪᒍ ᓯᓚᕐᔪᐊᕐᒧᑦ, ᓯᓚᕐᔪᐊᕐᒥᐅᓂᒃ ᐃᒋᑕᒃᓴᓐᖑᕐᑎᑦᓯᖁᓗᒍ, ᓯᓚᕐᔪᐊᕐᒥᐅᓪᓕ ᐱᐅᓕᔭᐅᖁᓪᓗᒋᑦ ᑖᑦᓱᒨᓇ.

ᔪᐊᓇᓯᐅᑉ ᐊᒡᓚᖏᑦ 7:24

ᑕᑯᒃᓴᐅᔪᑐᐃᓐᓇᖅ ᒪᓕᒡᓗᒍ ᐃᖅᑲᕐᑐᐃᓂᐊᕋᓯ, ᓈᒻᒪᓈᑦᓯᐊᕐᑐᒥᒡᓕ ᐃᖅᑲᕐᑐᐃᖃᑦᑕᕆᑦᓯ ᐱᓂᐊᕐᓂᓪᓚᕆᖓ ᒪᓕᒡᓗᒍ.”

ᔪᐊᓇᓯᐅᑉ ᐊᒡᓚᖏᑦ 8:11

ᐊᕐᓇᐅᑉ ᑭᐅᕚ, “ᐊᑕᓃᖅ ᑕᕝᕙᓃᑦᑐᖃᕈᓐᓃᕐᐳᖅ.” ᔩᓱᓯᐅᑉ ᐅᖃᐅᑎᕚ, “ᐅᕙᖓᑦᑕᐅᖅ ᓱᒋᐊᒐᒃᓴᐅᑎᑦᓱᓐᓃᕐᐸᒋᑦ; ᑕᒫᓐᖓᑦ ᓅᓕᕆᑦ, ᑭᖑᕐᖓᒍᓪᓗ ᐊᔪᕐᑐᓕᒃᑲᓐᓂᕐᑍᓕᓕᕆᑦ.”

ᕉᒪᒥᐅᓄᑦ 2:1

ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᓐᖏᓚᑎᑦ, ᐊᓯᖕᓂᒃ ᐃᖅᑲᕐᑐᐃᔪᑎᑦ; ᐃᖅᑲᕐᑐᐃᑦᔪᑎᒋᔭᕐᓄᑦ ᐃᓕᖕᓂᒃ ᓇᖕᒥᓂᖅ ᐸᓯᔭᒃᓴᓐᖑᕐᑎᑉᐳᑎᑦ, ᐃᖅᑲᕐᑐᐃᑦᔪᑎᒋᔭᕐᓂᒃ ᑍᒫᓪᓗᐊᖅ ᐱᓇᓱᐊᕋᕕᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:15

ᒎᑎᐅᓪᓕ ᐊᓂᕐᓂᖓᓂᒃ ᐱᖃᕐᑑᑉ ᓱᓇᓕᒫᑦ ᖃᐅᔨᓇᓱᐊᕐᐰᑦ ᓇᖕᒥᓂᖅ, ᐊᓯᒥᓂᑦ ᖃᐅᔨᒪᔭᐅᓇᓱᐊᕋᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:16

ᒫᓐᓇᓕ ᑕᕝᕙ, ᑍᒤᒻᒪᑦ, ᑭᓇᒥᒡᓘᓐᓃᑦ ᐃᓱᒪᒋᔭᖃᕈᓐᓃᕐᐳᒍᑦ ᓯᓚᕐᔪᐊᕐᒥᐅᑦ ᐃᓱᒪᒋᔭᖃᕐᓂᖏᑎᑐᑦ; ᑍᑦᓱᒪᓂᑦᑕᐅᖅ ᙭ᔅᑑᓯ ᓯᓚᕐᔪᐊᕐᒥᐅᑎᑐᑦ ᐃᓱᒪᒋᓚᐅᕋᓗᐊᕋᑦᑎᒍ, ᒫᓐᓇᓕ ᑍᒫᒃ ᐃᓱᒪᒋᓐᖏᓕᕐᐸᕗᑦ.

ᔧᒥᓯᐅᑉ ᐊᒡᓚᖏᑦ 2:4

ᑍᒤᓕᐅᕈᑦᓯ ᑕᕝᕙ ᐸᓯᔭᒃᓴᐅᓕᕋᔭᓐᖏᓚᓰ? ᐊᑦᔨᒌᓐᖏᑎᑦᓯᓂᑦᓯᓐᓄᑦ, ᐃᓅᖃᑎᑦᓯᓐᓂᒡᓗ ᐃᖅᑲᕐᑐᐃᓪᓗᓯ ᐱᐅᖏᑦᑐᒥᒃ ᐃᓱᒪᖃᕐᓂᑦᓯᓐᓄᑦ.

ᓴᒧᐃᓕ ᓯᕗᓪᓖᑦ 16:7

ᐊᑕᓂᕐᓕ ᐅᖃᕐᐳᖅ ᓴᒧᐃᓕᒧᑦ, “ᑕᑯᔪᒃᓴᐅᓐᖏᓚᑎᑦ ᑕᐅᑦᑐᖓᓂᒃ, ᐊᖏᓂᖓᓂᒡᓘᓐᓃᑦ, ᑖᓐᓇ ᓇᕐᕈᒋᒐᒃᑯ; ᐊᑕᓂᖅ ᑕᑯᓐᓇᖏᒻᒪᑦ ᐃᓅᑉ ᑕᑯᓐᓇᕐᓂᖓᑐᑦ; ᐃᓄᒃ ᑕᑯᓐᓇᕐᒪᑦ ᑕᐅᑦᑐᖓᓂᒃ, ᐊᑕᓂᕐᓕ ᑕᑯᓐᓇᕐᐳᖅ ᐆᒻᒪᑎᒥᒃ.”