ᔪᐊᓇᓯᐅᑉ ᐊᒡᓚᖏᑦ 7:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖏᑕ ᑭᖑᓪᓕᕐᐹᖓᓐᓂ, ᐱᕕᒃᔪᐊᖑᓂᕐᐸᐅᓕᕐᑎᓪᓗᒍ, ᔩᓱᓯ ᓂᑯᕕᑉᐳᖅ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐃᒥᕈᒃᑐᖃᕐᐸᑦ, ᐅᕙᓐᓄᑦ ᕾᓕᕐᓕ ᐃᒥᕐᓂᐊᕐᒪᑦ.

Aglait Ijjurnaittut

³⁷ Nalliunniqsiurviup ullungita kingulliqpaanganni, pivigjuanguniqpauliqtillugu, Jiisusi nikuvippuq nipiqquqtulluni uqaqpuq, “Imiruktuqaqpat, uvannut qailirli imirniarmat.

ᔪᐊᓇᓯᐅᑉ ᐊᒡᓚᖏᑦ 7:37 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 8:18

ᐅᓪᓘᑉ ᐱᒋᐊᕐᓂᖓᓂᑦ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᒧᑦ ᑭᖑᓪᓕᕐᐹᒧᑦ ᑎᑭᓪᓗᒍ, ᒎᑎᐅᑉ ᐱᖁᔭᖏᑦ ᐅᖃᓕᒫᕐᑕᐅᓚᐅᕐᐳᑦ ᖃᐅᑕᒫᑦ. ᓇᓪᓕᐅᓐᓂᕐᓯᐅᓚᐅᕐᐳᓪᓗ ᐅᓪᓗᓂᒃ 7ᓂᒃ, ᐅᓪᓗᐃᓪᓗ 8ᖓᓐᓂ ᑲᑎᖃᑎᒌᒃᓗᑎᒃ ᐅᒃᑯᐊᕐᓯᓚᐅᕐᐳᑦ ᓇᓪᓕᐅᓐᓂᕐᓯᐅᕐᓂᕐᒥᖕᓂᒃ, ᐱᖁᔧᑦ ᑍᒫᒃ ᐱᖁᔨᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 143:6

ᐊᒡᒐᒃᑲ ᖁᒻᒧᑦ ᐃᓕᖕᓄᑦ ᐃᓴᒻᒥᕙᒃᑲ; ᑕᕐᓂᕐᒪ ᐃᒥᕈᒃᕕᒋᕚᑎᑦ ᓄᓇᑐᑦ ᐸᓂᕐᑐᑐᑦ. ᓰᓚ

ᐃᓐᖏᕈᑎᑦ 42:2

ᑕᕐᓂᕋ ᐃᒥᕈᕐᐳᖅ ᒎᑎᒥᒃ, ᒎᑎᒧᑦ ᐆᒪᔪᒧᑦ. ᖃᖓᓕ ᓴᖅᑭᑦᓱᒫᕐᐳᖓ ᓵᖕᓂ ᒎᑏ?

ᐃᓐᖏᕈᑎᑦ 63:1

ᒎᑏ, ᒎᑎᒋᕙᒋᑦ, ᐅᓪᓛᒻᒪᕆᒃᑯᑦ ᕿᓂᕈᒪᕙᒋᑦ, ᑕᕐᓂᕋ ᖀᓕᕐᐳᖅ ᐃᓕᖕᓄᑦ; ᐅᕕᓂᖕᒪ ᐅᖓᕚᑎᑦ, ᓄᓇᑐᑦ ᐸᓂᕐᑐᑐᑦ ᐃᒥᕈᒃᑐᑐᓪᓗ ᐃᒪᖃᖏᑦᑐᒥ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:20

ᓯᓚᑐᓂᖅ ᐊᖅᑯᑎᓂ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ; ᓂᐅᕕᕐᕕᖕᓂᓗ ᓂᓪᓕᐊᕗᖅ ᓂᐱᖅᑯᕐᑐᓂᕐᓴᐅᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:1

ᓯᓚᑐᓂᖅ ᕾᖁᔨᓐᖏᓛᖅ? ᑐᑭᓯᓂᕐᓗ ᑐᓴᕐᓴᐅᑎᓐᖏᓛᖅ ᓂᐱᖅᑯᕐᑐᓗᓂ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:17

ᐅᕙᓐᓂᒃ ᐱᓐᓈᕈᓱᒃᑐᑦ ᐱᓐᓈᕆᒋᒋᕙᒃᑲ; ᐅᕙᓐᓂᒡᓗ ᕿᓂᓪᓚᕆᒃᑐᑦ ᓇᓂᓂᐊᕐᐹᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:3

ᐃᑎᕐᑕᕐᕖᑦ ᓴᓂᖏᓐᓂ ᐃᒡᓗᒐᓴᒡᔪᐊᑦ ᓯᕗᖏᓐᓂ, ᐅᒃᑯᐊᖏᑕ ᓴᓂᐊᓂ ᓂᐱᖅᑯᕐᑐᓪᓗᓂ ᕾᖁᔨᕗᖅ:

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:3

ᐱᔨᑦᓯᕋᕐᑎᓂ ᐊᕐᓁᑦ ᑎᓕᕔᑦ ᕾᖁᔨᖁᓪᓗᒋᑦ ᐃᒡᓗᒐᓮᑦ ᐳᕐᑐᓂᕐᐹᖏᓐᓃᑦᑐᓂᑦ, ᕾᖁᔨᕗᑦ:

ᓲᓗᒨᓂᐅᑉ ᐃᓐᖏᕈᓯᖏᑦ 5:1

ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᐂᓮᐊᓯᐅᑉ ᐊᒡᓚᖏᑦ 12:3

ᑍᒤᒻᒪᑦ ᖁᕕᐊᓱᒡᓗᑎᑦ ᐃᒥᕐᒥᒃ ᖃᓗᔭᕐᑐᕈᒫᕐᐳᑎᑦ ᐱᐅᓕᔭᐅᕕᐅᑉ ᐃᒥᕐᑕᕐᕕᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 40:2

“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 40:6

ᓂᐱᓗ ᐅᖃᕐᐳᖅ, “ᓂᓪᓕᐊᓕᕆᑦ!” ᐅᖃᕐᐳᖓᓕ, “ᓱᓇᒥᒡᓕ ᓂᓪᓕᐊᑦᔪᑎᖃᕐᓗᖓ?” “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᐅᑉ ᐱᕈᕐᑐᖏᓐᓂᒃ ᐊᑦᔨᖃᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 44:3

ᐃᒥᕈᒃᑐᖅ ᐃᒪᕐᒥᒃ ᑯᕕᓯᕕᒋᔪᒫᕐᐸᕋ, ᓄᓇᓗ ᐸᓂᕐᑐᖅ ᑰᒡᕕᐅᑎᑦᓱᒫᕐᓗᒍ, ᐊᓂᕐᓂᕋ ᑯᕕᔪᒫᕐᐸᕋ ᑭᖑᕚᑦᓯᓐᓄᑦ, ᕿᑐᕐᖓᓯᓗ ᓮᒻᒪᕐᑎᑦᓱᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 55:1

“ᐊᑏ ᐃᒥᕈᒃᑐᓕᒫᑦ, ᐃᒪᖃᕐᑐᒧᑦ ᕾᓕᕐᓕᑦ; ᑮᓇᐅᔭᖃᖏᑦᑐᓪᓗ, ᕾᓕᕐᓕᑦ, ᓂᐅᕕᕐᓗᑎᒃ ᓂᕆᓕᕐᓕᑦ! ᕾᓗᓯ ᓂᐅᕕᓕᕆᑦᓯ ᕔᓂᒥᒃ ᐃᒻᒧᖕᒥᒡᓗ ᑮᓇᐅᔮᓄᖏᑦᑐᖅ ᐊᑭᖃᖏᑦᑐᓂᒡᓕ.

ᐂᓮᐊᓯᐅᑉ ᐊᒡᓚᖏᑦ 55:3

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 2:2

ᐂᓕᕆᑦ ᐅᖃᕆᐊᕐᑐᕐᓗᑎᓪᓗ ᔨᕉᓴᓕᒥᐅᑦ ᑐᓵᑎᓪᓗᒋᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᐃᖅᑲᐅᒪᕗᖓ ᐃᓅᓱᒃᑑᑎᓪᓗᑎᑦ ᐅᒃᐱᑦᓯᐊᓚᐅᕋᕕᑦ, ᐅᕙᓐᓄᓪᓗ ᑲᑎᑎᑕᐅᖃᑎᖃᕋᑖᕐᓗᑎᑦ ᓇᒡᓕᒍᓱᖕᓂᖃᑦᓯᐊᓚᐅᕋᕕᑦ; ᒪᓕᑦᓯᐊᓚᐅᕐᐸᕐᒪᓗ ᐃᓄᖃᔪᐃᑦᑐᒃᑯᑦ ᐱᕈᕐᑐᖃᖏᑦᑐᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 47:9

ᑰᑉ ᑕᒪᑐᒪ ᑰᒡᕕᒋᔭᖏᑦ ᐆᒪᔪᓕᒫᓂᒃ ᐆᒻᒪᕐᑎᑦᓯᔪᒫᕐᐳᑦ, ᐃᖃᓗᒐᓴᒡᔪᐊᖃᓕᕈᒫᕐᐳᖅ; ᑰᒃ ᑕᒪᓐᓇ ᑰᒃᐳᖅ, ᑕᓯᕐᔪᐊᕐᒥᒃ ᑕᕆᐅᖑᔪᓐᓁᕐᑎᑦᓯᖁᓪᓗᒍ; ᑰᒡᕕᒋᔭᓕᒫᖏᑦ ᐆᒻᒪᕐᑐᐃᓐᓇᐅᖁᓪᓗᒋᑦ.

ᒨᓯᓯ ᐱᖓᔪᖏᑦ 23:36

ᐅᓪᓗᓂᒃ ᑖᒃᑯᓇᓂ 7ᓂᒃ ᐃᑯᐊᓪᓚᒡᓗᒋᑦ ᑐᓂᕐᕈᓯᖃᑕᕐᑐᒃᓴᐅᕗᓯ ᐊᑕᓂᕐᒧᑦ, ᐅᓪᓗᐃᑦ 8ᖓᓂ ᑲᑎᒪᔪᒃᓴᐅᕗᓯ ᑐᒃᓯᐊᖃᑎᒌᒃᓗᓯ ᑐᓂᕐᕈᓯᕐᓗᓯᓗ ᐃᑯᐊᓪᓚᓗᒋᑦ ᐊᑕᓂᕐᒧᑦ. ᑖᓐᓇ ᑕᕝᕙ ᓄᖅᑲᐅᑎᓯ ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 23:39

“ᐱᕈᕐᓯᐊᓂᒃ ᓂᕿᒃᓴᓂᒃ ᑲᑎᕐᓱᐃᔭᕇᕈᑦᓯ, ᑖᒃᑯᐊ ᓇᓪᓕᐅᓐᓂᕐᓯᐅᕐᓃᑦ ᐊᑐᖃᑦᑕᕆᐊᖃᕐᐸᓯ, ᑕᖅᑮᑦ 7ᖓᑕ ᐅᓪᓗᖓᑕ 15ᖓᓂ ᐱᒋᐊᕐᓗᒍ ᐅᓪᓗᓂᒃ 7ᓂᒃ; ᑖᒃᑯᐊ ᐅᓪᓗᐃᑦ ᓯᕗᓪᓕᕐᐹᖓᑦ ᕿᑲᕐᕕᐅᔭᕆᐊᖃᕐᐳᖅ, ᐅᓪᓗᐃᓪᓗ ᑖᒃᑯᐊ 8ᖓᑦ ᕿᑲᕐᕕᐅᔭᕆᐊᖃᕆᕗᖅ.

ᒤᑲᐅᑉ ᐊᒡᓚᖏᑦ 6:9

ᐊᑕᓂᐅᑉ ᓂᐱᖓ ᑐᓴᕐᓴᐅᕗᖅ ᐃᒡᓗᒐᓴᖕᓄᑦ; ᓯᓚᑐᔪᑦ ᐊᑎᕐᓂᒃ ᓯᕘᕋᕗᑦ: “ᓈᓚᒃᓯᐅᒃ ᓱᒋᐊᕐᑕᐅᓂᖅ! ᐃᓕᑦᓯ ᑭᖑᕚᕇᖑᔪᓯ ᓄᓇᖃᕐᑐᓯ ᐃᒡᓗᖓᓴᖕᓂ!

ᓴᑲᕅᐊᐅᑉ ᐊᒡᓚᖏᑦ 9:15

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐃᓄᖁᑎᓂ ᓴᐳᑎᔪᒫᕐᐰᑦ; ᑖᒃᑯᐊ ᐊᑭᕋᒥᖕᓂᒃ ᓄᖒᑦᓯᓗᑎᒃ ᓵᓚᖃᕈᒫᕐᐳᑦ, ᐅᔭᖅᑲᓄᑦ ᐃᓪᓘᕐᐸᒡᓗᒋᑦ; ᐃᒥᕈᒫᕐᐳᑦ, ᓂᓪᓕᐊᓗᑎᒡᓗ ᐋᖓᔮᕐᑐᑎᑐᑦ, ᑕᑕᑦᓱᒫᕐᐳᑦ ᐅᐊᓴᕐᕕᒃᑎᑐᑦ, ᑯᕕᓗᑎᒡᓗ ᐆᒪᔪᓂᒃ ᑐᓂᕐᕈᓯᕐᕕᐅᑉ ᑎᕆᖅᑯᖏᑎᑐᑦ.

ᒨᓯᓯ ᓯᑕᒪᖏᑦ 29:35

“ᐅᓪᓗᐃᑦ 8ᖓᓂ ᐃᑦᔪᕐᓁᑦᑐᒥᒃ ᑲᑎᒪᔭᕆᐊᖃᕐᐳᓯ. ᓴᓇᕙᒃᑕᑦᓯᓐᓂᒃ ᐱᓇᓱᐊᕆᐊᖃᓐᖏᓚᓯ.

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᒫᑎᐅᓯᐅᑉ ᐊᒡᓚᖏᑦ 3:3

ᔪᐊᓇᓯ ᑖᓐᓇᐅᕗᖅ ᓇᓚᐅᑦᑍᔫᑉ ᐂᓮᐊᓯᐅᑉ ᐅᖃᐅᓯᕆᓚᐅᕐᑕᖓ, ᐃᒫᒃ, “ᐃᓄᖃᖏᑦᑐᒥ ᕾᒐᓛᕐᑐᖃᕐᐳᖅ, ‘ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᕐᓯᐅᒃ; ᐊᖅᑯᑎᒋᓂᐊᕐᑕᖓ ᑐᑭᓕᐊᕐᓯᑎᓪᓗᒍ.’”

ᒫᑎᐅᓯᐅᑉ ᐊᒡᓚᖏᑦ 5:6

ᓮᒪᓇᕐᑐᒦᑉᐳᑦ ᑳᒃᑐᑦ ᐃᒥᕈᒃᑐᓪᓗ ᓇᓛᒎᕐᓂᕐᒥᒃ; ᒎᑎᐅᑉ ᓈᒻᒪᒃᓯᑎᓐᓂᐊᕐᒪᒋᑦ ᐱᔪᒪᔭᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 1:23

ᔪᐊᓇᓯᐅᑉ ᑭᐅᕔᑦ, “ᑍᓐᓇᐅᕗᖓ, ‘ᓂᐱ ᕾᒐᓛᕐᑐᖅ ᑐᓴᕐᓴᐅᔪᖅ ᐃᓄᖃᖏᑦᑐᒥ; ᐊᑕᓂᐅᑉ ᐊᖅᑯᑎᒃᓴᖓ ᑐᑭᓕᐊᕐᓯᑎᓯᐅᒃ,’ ᓇᓚᐅᑦᑍᔪᑉ ᐂᓮᐊᓯᐅᑉ ᐅᖃᐅᓯᕆᓯᒪᔭᖓ.”

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 4:10

ᔩᓱᓯᐅᑉ ᑭᐅᕚ, “ᖃᐅᔨᒪᒍᕕᑦ ᒎᑎᐅᑉ ᑐᓂᕐᕈᑖᓂᒃ, ᑭᓇᐅᖕᒪᖔᓪᓗ ᐃᓕᖕᓄᑦ ᐃᒥᕐᑎᑕᐅᔪᒪᔪᖅ, ᑐᓂᓯᕕᐅᔪᒪᒐᔭᕐᐳᑎᑦ ᑖᑦᓱᒧᖓ, ᑖᑦᓱᒪᓗ ᑐᓂᓯᕕᒋᒐᔭᕐᐹᑎᑦ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 4:11

ᐊᕐᓇᐅᑉ ᐅᖃᐅᑎᕚ, “ᖃᓪᓗᑎᖃᓐᖏᓚᑎᓪᓘᓐᓃᑦ, ᐅᓇ ᐃᒥᕐᑕᕐᕕᒃ ᐅᓄᖔᓘᖓᖕᒪᑦ; ᓇᑭᓪᓕ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᐱᒐᔭᕋᕕᑦ?

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 5:40

ᐅᕙᓐᓄᓪᓕ ᕾᔪᒪᓐᖏᓚᓯ ᐃᓅᓯᕐᑖᕐᕕᒋᔪᓐᓇᕐᑕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 6:35

ᔩᓱᓯᐅᑉ ᐅᖃᐅᑎᕔᑦ, “ᐅᕙᖓ ᓂᐊᖂᔭᐅᕗᖓ ᐃᓅᓯᖃᕐᓇᕐᑐᖅ; ᐅᕙᓐᓄᑦ ᕾᔪᖅ ᑳᓕᕐᓂᐊᓐᖏᓚᖅ, ᐅᕙᓐᓄᓪᓗ ᐅᒃᐱᕐᑐᖅ ᐃᒥᕈᓚᐅᕐᓯᒪᓂᐊᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 6:37

ᐊᑖᑕᒪ ᑐᓂᑦᔪᑎᒋᔭᓕᒫᖏᑦ ᐅᕙᓐᓄᐊᕐᓂᐊᕐᐳᑦ, ᐅᕙᓐᓄᐊᕐᑐᓂᒡᓗ ᖁᔭᓈᕐᓯᓂᐊᓐᖏᓚᖓ.

ᔪᐊᓇᓯᐅᑉ ᐊᒡᓚᖏᑦ 6:55

ᑎᒥᒐ ᓂᕿᒃᓴᓪᓚᕆᐅᕗᖅ, ᐊᐅᒐᓗ ᐃᒥᒃᓴᓪᓚᕆᐅᓪᓗᓂ.

ᔪᐊᓇᓯᐅᑉ ᐊᒡᓚᖏᑦ 7:28

ᔩᓱᓯ ᑐᒃᓯᐊᕐᕕᒡᔪᐊᕐᒥ ᐊᔪᕆᕐᑐᐃᓪᓗᓂ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᖃᐅᔨᒪᓪᓚᕆᒃᐱᓯᓐᖔ? ᖃᐅᔨᒪᓪᓚᕆᒃᑲᓗᐊᕐᐱᓯ ᓇᑭᑦ ᐱᓯᒪᖕᒪᖔᕐᒪ? ᐅᕙᓐᓂᒃ ᑎᑭᑎᓯᒪᖏᓐᓇᒪ; ᐅᕙᓐᓂᒃ ᑎᓕᓯᔪᖅ ᓱᓕᑦᓯᐊᕐᑑᕗᖅ, ᑖᓐᓇ ᖃᐅᔨᒪᓐᖏᑕᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:21

ᐊᑕᓂᐅᑉ ᐃᒥᐅᑎᖓᓂᑦ ᐊᓂᕐᓂᕐᓗᐃᓪᓗ ᐃᒥᐅᑎᖓᓂᑦ ᐊᑕᐅᑦᓯᒃᑯᑦ ᐃᒥᕈᓐᓇᖏᓐᓇᑦᓯ; ᐊᑕᓂᐅᑉ ᓂᕆᕕᖓᓂᑦ ᐊᓂᕐᓂᕐᓗᐃᓪᓗ ᓂᕆᕕᖓᓂᑦ ᐊᑕᐅᑦᓯᒃᑯᑦ ᑕᒤᓐᓂᑦ ᐱᔪᓐᓇᓐᖏᓐᓂᕗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:4

ᑕᒪᕐᒥᒡᓗ ᐃᒥᓚᐅᕐᐳᑦ ᐊᓂᕐᓂᕐᒥᑦ ᐱᔪᒥᒃ; ᑕᒪᕐᒥᒃ ᐃᒥᓚᐅᕐᐳᑦ ᐊᓂᕐᓂᒃᑯᑦ ᕾᕐᑐᒥᑦ ᓇᔪᕐᑎᒋᔭᒥᖕᓂᑦ; ᕾᕐᑐᖅ ᑖᓐᓇ ᙭ᔅᑑᓯᐅᓚᐅᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:25

ᑍᒫᒃᑕᐅᖅ ᐃᒥᐅᑦ ᑎᒍᕚ ᓂᕆᔭᕇᕋᒥᒃ ᐅᖃᕐᓗᓂ, “ᐅᓇ ᐃᒥᐅᑦ ᓄᑖᒥᒃ ᐊᖏᕈᑕᐅᔪᖅ ᓇᓗᓁᒃᑯᓯᕐᓯᒪᔪᖅ ᐊᐅᓐᓂᒃ, ᑍᒤᓕᐅᖃᑦᑕᕆᑦᓯ ᐃᒥᓕᑐᐊᕈᑦᓯᐅᒃ, ᐅᕙᓐᓂᒃ ᐃᖅᑲᐅᒪᑦᔪᑎᒋᓗᒍ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:13

ᐊᓂᕐᓂᕐᒧᑦ ᐊᑕᐅᓯᕐᒧᑦ ᐹᑉᑎᑕᐅᓯᒪᒐᑦᑕ ᑎᒥᒥ ᐊᑕᐅᓯᐅᖁᓪᓗᑕ; ᔫᑎᑦ ᒍᕇᑭᓪᓗ, ᐱᔨᐅᔪᑦ ᐱᔨᐅᖏᑦᑐᓪᓗ, ᑕᒪᑦᑕᓗ ᐃᒥᕐᑎᑕᐅᕗᒍᑦ ᐊᓂᕐᓂᕐᒥᑦ ᐊᑕᐅᓯᕐᒥᑦ.

ᐃᐱᓯᒥᐅᓄᑦ 5:18

ᐋᖓᔮᕐᓂᐊᕋᓯ ᐅᐂᓂᑐᕐᓂᕐᒧᑦ, ᑕᒪᓐᓇ ᓱᒃᑯᑎᕆᑐᐃᓐᓇᕐᒪᑦ ᐃᓄᓯᑦᓯᓐᓂᒃ; ᐊᓂᕐᓂᕐᒥᒡᓕ ᐃᓗᒻᒥᕐᑕᐅᖔᓕᕆᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:6

ᐅᖃᐅᑎᒋᕚᖓᓗ, “ᐱᔭᕇᕐᐳᖅ! ᐋᓪᐸᐅᕗᖓ ᐅᒥᒐᐅᓪᓗᖓᓗ, ᐱᒋᐊᕐᓂᐅᕗᖓ ᐃᓱᓕᓐᓂᐅᓪᓗᖓᓗ. ᐃᒥᕈᒃᑐᖅ ᐃᒥᕐᑎᓐᓂᐊᕐᐸᕋ ᐃᒥᕐᒥᒃ ᐃᓅᓯᖃᕐᓇᕐᑐᒥᑦ ᑯᕕᔪᒥᑦ ᐊᑭᖃᖏᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.