ᔪᐊᓇᓯᐅᑉ ᐊᒡᓚᖏᑦ 7:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᔩᓱᓯ ᑐᒃᓯᐊᕐᕕᒡᔪᐊᕐᒥ ᐊᔪᕆᕐᑐᐃᓪᓗᓂ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᖃᐅᔨᒪᓪᓚᕆᒃᐱᓯᓐᖔ? ᖃᐅᔨᒪᓪᓚᕆᒃᑲᓗᐊᕐᐱᓯ ᓇᑭᑦ ᐱᓯᒪᖕᒪᖔᕐᒪ? ᐅᕙᓐᓂᒃ ᑎᑭᑎᓯᒪᖏᓐᓇᒪ; ᐅᕙᓐᓂᒃ ᑎᓕᓯᔪᖅ ᓱᓕᑦᓯᐊᕐᑑᕗᖅ, ᑖᓐᓇ ᖃᐅᔨᒪᓐᖏᑕᓯ.

Aglait Ijjurnaittut

²⁸ Jiisusi Tuksiarvigjuarmi ajuriqtuilluni, nipiqquqtulluni uqaqpuq, “Qaujimallarikpisinnga? Qaujimallarikkaluaqpisi nakit pisimangmangaarma? Uvannik tikitisimannginnama; uvannik tilisijuq sulitsiaqtuuvuq, taanna qaujimanngitasi.

ᔪᐊᓇᓯᐅᑉ ᐊᒡᓚᖏᑦ 7:28 Iomraidhean Croise

ᐃᓐᖏᕈᑎᑦ 9:10

ᐊᑎᕐᓂᒡᓗ ᖃᐅᔨᒪᔪᑦ ᐃᓕᖕᓂᒃ ᑕᑎᖃᕐᓂᐊᕐᐳᑦ: ᐃᕝᕕᑦ ᐊᑕᓃᖅ ᕿᒪᖏᓐᓇᕕᒋᑦ ᐃᓕᖕᓂᒃ ᕿᓂᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 9:6

ᐃᓅᓕᕐᐳᑦ ᓴᒡᓗᕿᖃᑦᑕᐅᑎᔪᐊᓗᑐᐃᓐᓁᑦ ᐊᑯᕐᖓᓐᓂ, ᓱᓕᖏᓐᓂᕐᒥᖕᓄᑦ ᐅᕙᓐᓂᒃ ᖃᐅᔨᒪᔪᒪᔪᓐᓁᕐᐳᑦ, ᐊᑕᓂᖅ ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 4:1

ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

ᕼᐆᓯᐊᑉ ᐊᒡᓚᖏᑦ 5:4

ᐱᐅᖏᑦᑐᒥᒃ ᐱᓇᓱᕐᓂᕐᒥᖕᓄᑦ ᐅᑎᕈᓐᓁᓪᓕᕗᑦ ᒎᑎᒥᖕᓄᑦ. ᐊᓯᓐᓂᐊᕐᓂᐅᑉ ᐊᓂᕐᓂᖓᓄᑦ ᓇᔪᕐᑕᐅᒐᒥᒃ, ᐊᑕᓂᕐᒥᒃ ᐃᓕᑕᕐᓯᓐᖏᓚᑦ.

ᒫᑎᐅᓯᐅᑉ ᐊᒡᓚᖏᑦ 11:27

“ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.

ᒫᑎᐅᓯᐅᑉ ᐊᒡᓚᖏᑦ 2:23

ᐃᒡᓗᒐᓴᖕᓄᑦ ᓈᓴᕇᑎᒥᒃ ᐊᑎᓕᖕᓄᑦ ᑎᑭᓐᓇᒥ, ᑕᕝᕙᓂ ᓄᓇᖃᓕᕐᐳᖅ, ᓇᓚᐅᑦᑍᔫᑦ ᐅᖃᐅᓯᕆᓯᒪᔭᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᓈᓴᕇᑎᒥᐅᑕᕐᒥᒃ ᑍᔭᐅᔪᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 26:55

ᑕᕝᕙ ᔩᓱᓯ ᐅᖃᕐᐳᖅ ᐃᓄᒐᓴᒡᔪᐊᓄᑦ, “ᓴᕕᒡᔪᐊᓕᔭᕐᓗᓯ ᐊᓇᐅᑕᓕᔭᕐᓗᓯᓗ ᐅᕙᓐᓄᑦ ᕾᔭᕆᐊᖃᕐᐱᓰ ᑎᒍᔭᐅᖁᓪᓗᖓ, ᐱᕋᔭᒃᓯᒪᔪᑎᑐᑦ? ᖃᐅᑕᒫᑦ ᑐᒃᓯᐊᕐᕕᒡᔪᐊᕐᒥ ᐃᒃᓯᕚᕐᓗᖓ ᐊᔪᕆᕐᑐᐃᖃᕐᑕᓚᐅᕐᐳᖓ, ᑎᒍᖃᑦᑕᓚᐅᓐᖏᓚᑦᓯᓐᖓ.

ᓘᑲᓯᐅᑉ ᐊᒡᓚᖏᑦ 10:22

“ᐊᑖᑕᒪ ᓱᓇᓕᒫᓂᒃ ᑐᓂᓯᕕᒋᕚᖓ, ᓇᓪᓕᐊᑦᑕᓗ ᐃᕐᓂᖅ ᑭᓇᐅᖕᒪᖔᑦ ᖃᐅᔨᒪᓐᖏᓛ, ᐊᑖᑕ ᑭᓯᒥ ᖃᐅᔨᒪᕗᖅ, ᐊᑖᑕᓗ ᑭᓇᐅᖕᒪᖓᑦ ᖃᐅᔨᒪᔪᖃᖏᓐᓂᕗᑦ, ᐃᕐᓂᖅ ᑭᓯᒥ ᖃᐅᔨᒪᕗᖅ, ᐃᕐᓂᐅᓪᓗ ᓂᕈᐊᕐᓗᒋᑦ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.”

ᓘᑲᓯᐅᑉ ᐊᒡᓚᖏᑦ 2:11

ᐅᓪᓗᒥ ᑕᕝᕙ ᐱᐅᓕᔨ ᐊᑕᓂᖅ ᙭ᔅᑑᓯ ᐃᕐᓂᐊᖑᖕᒪᑦ ᑍᕕᑎᐅᑉ ᐃᒡᓗᒐᓴᖏᓐᓂ.

ᓘᑲᓯᐅᑉ ᐊᒡᓚᖏᑦ 2:39

ᐊᑕᓂᐅᑉ ᐱᖁᔭᖏᑎᒍᑦ ᐊᑐᕆᐊᖃᕐᑕᒥᖕᓂᒃ ᐱᔭᕆᕋᒥᒃ, ᐊᖏᕐᕋᒥᖕᓄᑦ ᐅᑎᕐᐳᒃ ᓈᓴᕇᑎᒧᑦ ᒐᓕᓕᐊᒦᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 2:4

ᔫᓯᐱᑦᑕᐅᖅ ᓈᓴᕇᑎᒥᑦ ᐱᓪᓗᓂ ᒐᓕᓕᐊᒦᑦᑐᒥᑦ ᐱᑦᓕᐊᒧᐊᕆᕗᖅ ᔫᑎᐊᒦᑦᑐᒧᑦ, ᑍᕕᑎᐅᑉ ᐃᒡᓗᒐᓴᖏᓐᓄᑦ, ᐱᑦᓕᐊᒥᒃ ᐊᑎᓕᖕᒧᑦ, ᑕᕝᕗᓐᖓᓚᐅᕐᐳᖅ ᑍᕕᑎᐅᑉ ᑭᖑᕚᕆᖕᒪᒍ.

ᓘᑲᓯᐅᑉ ᐊᒡᓚᖏᑦ 2:51

ᔩᓱᓯᐅᑉ ᐊᖓᔪᖅᑳᖕᓂ ᐊᖏᕐᕋᐅᖃᑎᒋᓕᕐᐹᒃ ᓈᓴᕇᑎᒧᑦ, ᓈᓚᑦᓯᐊᕐᓗᒋᒃ; ᐊᓈᓇᖓᑕᓕ ᑕᒪᒃᑯᐊ ᐅᖃᐅᓯᓕᒫᖏᑦ ᐃᓱᒪᒥᐅᑕᕆᓕᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 1:46

ᓈᑕᓁᑉ ᐊᐱᕆᕚ, “ᓈᓴᕇᑎᒥᑦ ᐱᐅᔪᒥᒃ ᓴᖅᑭᑦᑐᖃᕈᓐᓇᕐᐹ?” ᐱᓕᑉᐴᓯᐅᑉ ᑭᐅᕚ, “ᕾᓗᑎᑦ ᑕᑯᔭᕐᑐᕆᑦ.”

ᔪᐊᓇᓯᐅᑉ ᐊᒡᓚᖏᑦ 10:36

ᒎᑎᐅᑉ ᐃᑦᔪᕐᓁᑎᓚᐅᕐᑕᖓᓄᑦ ᑎᓕᓚᐅᕐᑕᖓᓄᓪᓗ ᓄᓇᕐᔪᐊᕐᒧᑦ ᐅᖃᕈᓐᓇᕐᐱᓰ ‘ᒎᑎᒥᒃ ᐅᖃᕐᓂᕐᓘᑎᖃᕐᐳᑎᑦ,’ ᐅᖃᓚᐅᕐᓂᕋ ᐱᓪᓗᒍ, ‘ᒎᑎᐅᑉ ᐃᕐᓂᕆᕚᖓ’?

ᔪᐊᓇᓯᐅᑉ ᐊᒡᓚᖏᑦ 12:49

ᐅᕙᓐᓂᒃ ᐱᔪᓐᓇᕐᓂᖃᕐᓗᖓ ᐅᖃᓚᐅᖏᓐᓇᒪ; ᐊᑖᑕᐅᓪᓕ ᑎᓕᔨᒪ ᐱᖁᔭᒥᓂᒃ ᑐᓂᓯᕕᒋᓚᐅᕐᐹᖓ ᐅᖃᐅᓯᕆᔭᒃᓴᓐᓂᒃ, ᖃᓄᕐᓗ ᐅᖃᕐᑐᒃᓴᐅᖕᒪᖔᕐᒪ.

ᔪᐊᓇᓯᐅᑉ ᐊᒡᓚᖏᑦ 14:10

ᐅᒃᐱᕈᓱᓐᖏᓚᑏᑦ ᐊᑖᑕᒦᓐᓇᒪ, ᐊᑖᑕᓗ ᐅᕙᓐᓃᒻᒪᑦ? ᐅᖃᐅᓰᑦ ᐅᖃᐅᓯᕆᔭᒃᑲ ᐃᓕᑦᓯᓐᓄᑦ ᐅᕙᓐᓂᑦ ᓇᖕᒥᓂᓐᓂᑦ ᐱᓯᒪᓐᖏᓚᑦ; ᐊᑖᑕᐅᓪᓕ ᐅᕙᓐᓃᑦᑑᑉ ᐱᓂᐊᕐᓃᑦ ᐱᓂᐊᕐᓂᕆᕔᑦ.

ᔪᐊᓇᓯᐅᑉ ᐊᒡᓚᖏᑦ 14:31

ᓯᓚᕐᔪᐊᕐᒥᐅᑦ ᑐᑭᓯᓕᖁᓪᓗᒋᑦ ᐊᑖᑕ ᓇᒡᓕᒋᒐᒃᑯ; ᑍᒤᒻᒪᑦ ᐱᓇᓱᐊᕐᐳᖓ ᐊᑖᑕᒪ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ. “ᒪᑭᓪᓗᓯ, ᑕᒫᓐᖓᑦ ᓅᓕᕐᑕ.”

ᔪᐊᓇᓯᐅᑉ ᐊᒡᓚᖏᑦ 16:3

ᑍᒤᓕᐅᕐᕕᐅᔪᒫᕐᐳᓯ ᐊᑖᑕᒐᓗ ᐅᕙᒍᒃ ᖃᐅᔨᒪᖏᓐᓇᒥᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 17:25

ᓈᓛᒎᕐᑐᑎᑦ ᐊᑖᑖᒃ, ᓯᓚᕐᔪᐊᕐᒥᐅᑦ ᖃᐅᔨᒪᓐᖏᒻᒪᑕ ᐃᓕᖕᓂᒃ, ᐅᕙᖓᓕ ᖃᐅᔨᒪᕙᒋᑦ; ᑖᒃᑯᐊᓗ ᖃᐅᔨᕗᑦ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᔪᐊᓇᓯᐅᑉ ᐊᒡᓚᖏᑦ 3:2

ᑖᓐᓇ ᐅᓐᓄᐊᒃᑯᑦ ᔩᓱᓯᒧᐊᕐᐳᖅ ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᒎᑎᒥᑦ ᐱᓯᒪᓪᓗᑎᑦ ᐊᔪᕆᕐᑐᐃᔨᐅᒐᕕᑦ; ᐃᓕᒃᑐᑦ ᑕᑕᓐᓇᕐᑐᓂᒃ ᐱᔪᖃᕈᓐᓇᖏᒻᒪᑦ, ᒎᑎᐅᑉ ᓇᔪᖏᑉᐸᒍ.”

ᔪᐊᓇᓯᐅᑉ ᐊᒡᓚᖏᑦ 3:33

ᓇᓪᓕᐊᑦ ᑖᑦᓱᒪ ᐅᖃᐅᓯᖏᓐᓂᒃ ᐃᓚᓕᐅᕐᓯᔪᖅ ᖁᓚᕐᓇᖏᑦᑐᒥᒃ ᖃᐅᔨᕗᖅ, ᒎᑎᐅᑉ ᓱᓕᑦᓯᐊᕐᓂᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 5:32

ᐊᓯᒐᓕ ᐅᕙᓐᓂᒃ ᓇᓗᓁᕐᓯᕗᖅ, ᖃᐅᔨᒪᕗᖓᓗ ᐅᖃᐅᓯᖃᕐᓂᖓ ᐅᕙᓐᓂᒃ ᓱᓕᑦᓯᐊᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 5:43

ᐊᑖᑕᒪ ᐊᑎᖓᒍᑦ ᑎᑭᓚᐅᕐᐳᖓ, ᐃᓕᑦᓯᓕ ᐃᓚᓕᐅᓐᖏᓚᑦᓯᓐᖓ; ᐊᓯᒐᓕ ᑎᑭᑉᐸᑦ ᓇᖕᒥᓂᖅ ᐱᔪᓐᓇᕐᓂᕐᒥᒍᑦ, ᑖᓐᓇ ᐃᓚᓕᐅᕋᔭᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 6:42

ᑕᕝᕙ ᐅᖃᕐᐳᑦ, “ᐅᓇ ᔩᓱᓯᐅᓐᖏᓛᖅ ᔫᓯᐱᐅᑉ ᐃᕐᓂᖓ ᐊᑖᑕᖓ ᐊᓈᓇᖓᓗ ᖃᐅᔨᒪᖏᓚᕗᑦ? ᖃᓄᐃᒻᒪᓪᓕᐅᓇ ᐅᖃᓕᕆᕙ ‘ᕿᓚᖕᒥᑦ ᑎᑭᓯᒪᕗᖓ’?”

ᔪᐊᓇᓯᐅᑉ ᐊᒡᓚᖏᑦ 7:14

ᓇᓪᓕᐅᓐᓂᕐᓯᐅᕐᓂᖅ ᐊᓂᒍᓕᕐᑎᓪᓗᒍ ᔩᓱᓯ ᑐᒃᓯᐊᕐᕕᒡᔪᐊᒧᐊᕐᐳᖅ ᑕᕝᕙᓂ ᐊᔪᕆᕐᑐᐃᓕᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 8:14

ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓇᓗᓁᕋᓗᐊᕈᒪ, ᓇᓗᓁᔭᕐᓂᕋ ᓱᓕᕗᖅ, ᖃᐅᔨᒪᒐᒪ ᓇᑭᑦ ᐱᓯᒪᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ, ᐃᓕᑦᓯᓕ ᖃᐅᔨᒪᓐᖏᓚᓯ ᓇᑭᑦ ᐱᖕᒪᖔᕐᒪ ᓇᒧᓪᓗ ᐂᓂᐊᕐᒪᖔᕐᒪ.

ᔪᐊᓇᓯᐅᑉ ᐊᒡᓚᖏᑦ 8:16

ᐃᓛᒃ ᐃᖅᑲᕐᑐᐃᒍᒪ, ᐃᖅᑲᕐᑐᐃᓂᕋ ᓱᓕᕗᖅ, ᐃᓄᑑᑦᔨᖏᓐᓇᒪ ᐃᖅᑲᕐᑐᐃᓂᕐᒥᒃ, ᐊᑖᑕᐅᓪᓕ ᑎᓕᔨᒪ ᐃᓚᒋᕚᖓ.

ᔪᐊᓇᓯᐅᑉ ᐊᒡᓚᖏᑦ 8:19

ᑍᒤᒻᒪᑦ ᑕᕝᕙ ᐊᐱᕆᕚᑦ, “ᓇᐅᒃᑍᒪ ᐊᑖᑍᑦ?” ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᐊᑖᑕᒥᒡᓘᓐᓃᑦ ᖃᐅᔨᒪᓐᖏᓚᓯ; ᐅᕙᓐᓂᒃ ᖃᐅᔨᒪᒍᑦᓯ, ᐊᑖᑕᒐ ᖃᐅᔨᒪᒐᔭᕆᕙᓯ.”

ᔪᐊᓇᓯᐅᑉ ᐊᒡᓚᖏᑦ 8:26

ᐊᒥᓱᓂᒃ ᐅᖃᐅᓯᒃᓴᖃᕐᐳᖓ ᐃᓕᑦᓯᓐᓄᑦ ᐃᖅᑲᕐᑐᐃᑦᔪᑎᒃᓴᖃᕐᓗᖓᓗ; ᑎᓕᔨᒐᓕ ᓱᓕᔫᕗᖅ, ᓯᓚᕐᔪᐊᕐᒥᐅᓪᓗ ᐅᖃᐅᑎᕙᒃᑲ ᑖᑦᓱᒪᓐᖓᑦ ᑐᓴᓚᐅᕐᑕᓐᓂᒃ.”

ᔪᐊᓇᓯᐅᑉ ᐊᒡᓚᖏᑦ 8:42

ᔩᓱᓯᐅᑉ ᐅᖃᐅᑎᕔᑦ, “ᒎᑎ ᐊᑖᑕᒋᒍᑦᓯᐅᒃ, ᓇᒡᓕᒋᒐᔭᕐᐸᑦᓯᓐᖓ, ᒎᑎᒥᑦ ᐱᓚᐅᕋᒪ ᑕᕝᕙᓐᖔᕐᓯᒪᓪᓗᖓᓗ ᒫᓐᓇ ᑕᕝᕙᓃᑉᐳᖓ; ᐅᕙᓐᓂᒃ ᑕᒪᐅᓐᖓᕐᑎᓚᐅᖏᓐᓇᒪ, ᑖᑦᓱᒪᓕ ᑎᓕᓚᐅᕐᐹᖓ.

ᔪᐊᓇᓯᐅᑉ ᐊᒡᓚᖏᑦ 9:29

ᖃᐅᔨᒪᕗᒍᑦ ᒎᑎᐅᑉ ᒨᓯᓯ ᐅᖃᖃᑎᒋᖃᑦᑕᓚᐅᕐᒪᒍ, ᑍᓐᓇᓕ ᐊᖑᑦ, ᖃᐅᔨᒪᓐᖏᓚᕗᑦ ᓇᑭᑦ ᐱᓯᒪᖕᒪᖔᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:23

ᓄᓇᓕᖕᓂ ᐱᓱᑲᑕᒃᑎᓪᓗᖓ ᓴᓇᓯᒪᔪᑦ ᑐᒃᓯᐊᕐᕕᒋᕙᒃᑕᓯ ᕿᒥᕐᕈᐊᕐᓗᒋᑦ, ᑐᓂᕐᕈᓯᕐᕕᖕᒥᒃ ᑕᑯᓚᐅᕋᒪ ᑎᑎᖅᑲᓕᖕᒥᒃ ‘ᒎᑎᒧᑦ ᖃᐅᔨᒪᓇᖏᑦᑐᒧᑦ.’ ᑐᒃᓯᐊᕐᕕᒋᕙᑦᑕᓯ ᑖᓐᓇ ᖃᐅᔨᒪᓇᒍ, ᑕᕝᕙ ᐅᖃᐅᑎᒋᓯᕙᕋ ᐃᓕᑦᓯᓐᓄᑦ.

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᕉᒪᒥᐅᓄᑦ 3:4

ᑍᒤᒐᔭᓐᖏᓚᖅ! ᒎᑎ ᓱᓕᔫᕗᖅ ᐃᓄᐃᑦ ᓴᒡᓗᑐᔫᑎᓪᓗᒋᑦ, ᐃᒫᒃ ᑎᑎᕋᕐᓯᒪᖕᒪᑦ, “ᓱᓕᓃᑦ ᓇᓗᓁᕐᑕᐅᓕ ᐅᖃᐅᓯᒃᑯᑦ, ᐃᖅᑲᕐᑐᕐᑕᐅᓕᕈᕕᑦ ᓵᓚᖃᖁᓪᓗᑎᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:18

ᒎᑎ ᓱᕐᕋᔪᐃᑦᑑᖕᒪᑦ, ᐃᓕᑦᓯᓐᓄᑦ ᑎᑭᑦᓱᒪᓂᕆᔭᕋ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐊᑕᐅᑦᓯᒃᑯᑦ ᑍᒤᓕᖓᓚᐅᓐᖏᓚᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᔪᐊᓇᓯ ᓯᕗᓪᓖᑦ 5:10

ᑖᓐᓇ ᒎᑎᐅᑉ ᐃᕐᓂᖓᓂᒃ ᐅᒃᐱᕐᑐᖅ ᓇᓗᓁᕐᓯᓂᖅ ᑕᒪᓐᓇ ᐃᓗᒥᐅᑕᕆᕚ. ᓇᓪᓕᐊᓪᓕ ᒎᑎᒥᒃ ᐅᒃᐱᖏᑦᑐᖅ ᑖᓐᓇ ᓴᒡᓗᑐᔫᑎᑦᓯᕗᖅ ᒎᑎᒥᒃ, ᒎᑎᐅᑉ ᐃᕐᓂᕐᒥᓂᒃ ᓇᓗᓁᕐᓯᓂᖓ ᐅᒃᐱᕆᖏᓐᓇᒥᐅᒃ.

ᓴᒧᐃᓕ ᓯᕗᓪᓖᑦ 2:12

ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ.