ᔪᐊᓇᓯᐅᑉ ᐊᒡᓚᖏᑦ 6:53 - ᐊᒡᓔᑦ ᐃᑦᔪᕐᖕᓁᑦᑐᑦ

⁵³ ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐃᓅᑉ ᐃᕐᓂᖓᑕ ᑎᒥᖓᓂᒃ ᓂᕆᖏᒃᑯᑦᓯ ᐊᐅᖓᓂᒡᓗ ᐃᒥᖏᒃᑯᑦᓯ, ᐃᓅᓯᖃᕈᓐᓇᓐᖏᓚᓯ ᐃᓗᑦᓯᓐᓃᑦᑐᒥᒃ.

Aglait Ijjurnaittut

⁵³ Tavva Jiisusiup uqautivait, “Sulijumik uqautivassi, Inuup Irningata timinganik nirinngikkussi aunganiglu iminngikkussi, inuusiqarunnanngilasi ilussinniittumik.

ᔪᐊᓇᓯᐅᑉ ᐊᒡᓚᖏᑦ 6:53 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 18:3

ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ, ᐱᐅᓯᑦᓯᓐᓂᒃ ᐊᓯᑦᔨᕐᓗᓯ ᑭᓯᐊᓂᐅᕗᖅ ᓱᕈᓯᑯᓗᒃᑐᑦ ᑍᒤᓕᕐᓗᓯ, ᐊᓯᑦᔨᓐᖏᒃᑯᑦᓯ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᕐᓂᐊᖏᒻᒪᕆᒃᐳᓯ.

ᒫᑎᐅᓯᐅᑉ ᐊᒡᓚᖏᑦ 5:18

ᓱᓕᔪᒥᒃ ᐅᖃᐅᑎᕙᑦᓯ, ᕿᓚᒃ ᓄᓇᕐᔪᐊᕐᓗ ᓄᖑᓚᐅᖅᑳᕐᑎᓐᓇᒋᒃ, ᐱᖁᔧᑦ ᓈᓂᖏᑦ ᐋᖅᑭᒋᐊᕈᑎᖏᓪᓗ ᐊᑐᕈᓐᓃᕐᑐᖃᑦᔮᓐᖏᓚᑦ, ᑕᒪᕐᒥᑦᓯᐊᖅ ᓇᓚᐅᑦᓯᓚᐅᖅᑳᕐᑎᓐᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 8:20

ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᐳᑦ, ᐃᓅᓪᓕ ᐃᕐᓂᖓ ᓇᓪᓚᖓᕕᒃᓴᖃᓐᖏᓚᕐᓘᓐᓃᑦ ᑕᕾᕐᓯᕐᕕᒃᓴᒥᒃ.”

ᓘᑲᓯᐅᑉ ᐊᒡᓚᖏᑦ 13:3

ᐅᖃᐅᑎᕙᑦᓯ, ᑍᒤᓐᖏᓚᖅ; ᐃᓕᑦᓯᑦᑕᐅᖅ ᐱᐅᖏᑦᑐᓕᓂᑦᓯᓐᓂᒃ ᑐᓄᑦᓯᓂᐊᓐᖏᒍᑦᓯ, ᑍᒫᒃᑕᐅᖅ ᑐᖁᔪᒫᕆᕗᓯ.

ᓘᑲᓯᐅᑉ ᐊᒡᓚᖏᑦ 13:5

ᐅᖃᐅᑎᕙᑦᓯ, ᑍᒤᓐᖏᓚᖅ; ᐃᓕᑦᓯᑦᑕᐅᖅ ᐱᐅᖏᓐᓂᑦᓯᓐᓂᒃ ᖃᕿᐊᓕᕐᓂᐊᖏᒃᑯᑦᓯ ᑍᒫᒃᑕᐅᖅ ᑐᖁᔪᒫᕆᕗᓯ.”

ᔪᐊᓇᓯᐅᑉ ᐊᒡᓚᖏᑦ 13:8

ᐲᑦᑐᕉᓯᐅᑉ ᐅᖃᐅᑎᕚ, “ᐃᑎᒐᓐᓂᒃ ᐅᐊᓴᓚᐅᕐᓯᒪᓂᐊᓐᖏᓚᑎᑦ.” ᔩᓱᓯᐅᑉ ᑭᐅᕚ, “ᐃᑎᒐᑎᑦ ᐅᐊᓴᕐᓂᐊᓐᖏᒍᒃᑭᑦ, ᐃᓚᒋᔪᓐᓃᕐᓂᐊᕐᐸᕐᒪ.”

ᔪᐊᓇᓯᐅᑉ ᐊᒡᓚᖏᑦ 15:4

ᐃᓗᓐᓃᑦᓮᓐᓇᕆᑦᓯ, ᐅᕙᖓᓗ ᐃᓗᑦᓯᓐᓃᓪᓗᖓ. ᓲᕐᓗ ᓇᐹᕐᑐᑉ ᐊᕙᓚᖓᔪᐊ ᐃᒻᒥᓃᓐᓇᖅ ᐸᐅᕐᖓᖃᕈᓐᓇᖏᒻᒪᑦ, ᓇᐹᕐᑐᒦᒃᑯᓂ ᑭᓯᐊᓂ ᐱᕈᕐᑎᑦᓯᔪᓐᓇᕐᐳᖅ, ᑍᒤᒃᑭᕗᓯᑦᑕᐅᖅ ᐅᕙᓐᓃᓪᓗᓯ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 3:3

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑑᑉ, ᒎᑎᐅᑉ ᐊᑕᓂᐅᕕᖓ ᑕᑯᔪᓐᓇᓐᖏᓛ.”

ᔪᐊᓇᓯᐅᑉ ᐊᒡᓚᖏᑦ 3:36

ᓇᓪᓕᐊᑦ ᑖᑦᓱᒪ ᐃᕐᓂᖓᓄᑦ ᐅᒃᐱᕐᑐᖅ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᕐᐳᖅ; ᓇᓪᓕᐊᓪᓕ ᑖᑦᓱᒪ ᐃᕐᓂᖓᓂᒃ ᐃᓚᓕᐅᕐᓯᖏᑦᑐᖅ ᐃᓅᓯᕐᒥᒃ ᑕᑯᓂᐊᓐᖏᓚᖅ, ᒎᑎᐅᓪᓕ ᓂᓐᖓᐅᓯᖓᑕ ᖁᓚᖏᐊᖏᓐᓇᕐᐹ.

ᔪᐊᓇᓯᐅᑉ ᐊᒡᓚᖏᑦ 3:5

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑐᖅ ᐃᒪᕐᒧᑦ ᐊᓂᕐᓂᕐᒧᓪᓗ ᐃᑦᔪᕐᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 6:47

ᓱᓕᔪᒥᒃ, ᓱᓕᔪᒥᒃ ᐅᖃᐅᑎᕙᑦᓯ; ᐅᕙᓐᓄᑦ ᐅᒃᐱᕐᑐᖅ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ.

ᔪᐊᓇᓯᐅᑉ ᐊᒡᓚᖏᑦ 6:51

ᐅᕙᖓ ᓂᐊᖂᔭᐅᕗᖓ ᐆᒪᔪᖅ ᕿᓚᖕᒥᑦ ᐱᓯᒪᔪᖅ; ᑭᓇᑐᐃᓐᓇᖅ ᑕᕝᕙᓐᖓᑦ ᓂᐊᖂᔭᑐᕐᑐᖅ, ᐃᓅᓯᖃᓕᕐᓂᐊᕐᐳᖅ ᐃᓱᖃᖏᑦᑐᒧᑦ; ᓂᐊᖂᔭᕐᓗ ᑐᓂᓂᐊᕐᑕᕋ ᐃᓅᓯᖃᓕᕐᑎᑦᑎᔪᓇᕐᐳᖅ ᓯᓚᕐᔪᐊᕐᒥᐅᓂᒃ, ᑖᓐᓇ ᑕᑉᕙ ᑎᒥᒐ.”

ᔪᐊᓇᓯᐅᑉ ᐊᒡᓚᖏᑦ 6:55

ᑎᒥᒐ ᓂᕿᒃᓴᓪᓚᕆᐅᕗᖅ, ᐊᐅᒐᓗ ᐃᒥᒃᓴᓪᓚᕆᐅᓪᓗᓂ.

ᔪᐊᓇᓯᐅᑉ ᐊᒡᓚᖏᑦ 6:62

ᖃᓄᕐᓕ ᐃᓱᒪᕕᓰ ᐃᓅᑉ ᐃᕐᓂᖓ ᑕᑯᒐᔭᕈᑦᓯᐅᒃ ᖁᒻᒧᐊᓕᕐᑎᓪᓗᒍ ᓯᕗᕐᖓᓂ ᐃᓂᒋᓚᐅᕐᑕᒥᓄᑦ?

ᔪᐊᓇᓯ ᓯᕗᓪᓖᑦ 5:12

ᓇᓪᓕᐊᑦ ᒎᑎᐅᑉ ᐃᕐᓂᖓᓂᒃ ᐱᖃᕐᑐᖅ ᐃᓅᓯᕐᒥᒃ ᐱᖃᕐᐳᖅ; ᒎᑎᐅᓪᓕ ᐃᕐᓂᖓᓂᒃ ᐱᖃᖏᑦᑐᖅ ᐃᓅᓯᕐᒥᒃ ᐱᖃᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:17

“‘ᓯᐅᑎᖃᕐᑑᑉ ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᑐᓂᓯᕕᒋᓂᐊᕐᐸᒃᑲ ᓂᕿᒃᓴᒥᒃ ᒫᓇᒥᒃ ᐃᔨᕐᓯᒪᔪᒥᒃ, ᑐᓂᓯᕕᒋᓗᒋᓪᓗ ᐅᔭᕋᖕᒥᒃ ᖃᑯᕐᑕᒥᒃ, ᑕᕝᕙᓂ ᐊᑎᖏᑦ ᓄᑖᑦ ᑎᑎᕋᕐᓯᒪᓂᐊᕐᐳᑦ ᐊᓯᖏᓐᓄᑦ ᖃᐅᔨᒪᔭᐅᖏᑦᑐᑦ ᑐᓂᓯᕕᐅᔫᑉ ᑭᓯᒥ ᖃᐅᔨᒪᓂᐊᕐᐰᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:7

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ.’”