ᔪᐊᓇᓯᐅᑉ ᐊᒡᓚᖏᑦ 6:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᑖᑦᓱᒪ ᑎᓕᔨᒪ ᐱᔪᒪᔭᖓ ᑕᒪᑦᔭ, ᐅᕙᓐᓄᑦ ᑐᓂᓯᒪᔭᖏᓐᓂᒃ ᐊᓯᐅᔨᖁᓇᖓ, ᐆᒻᒪᕐᑎᑦᓯᖁᓪᓗᖓᓕ ᐅᓪᓗᐃᑦ ᑭᖑᓪᓕᕐᐹᖓᓐᓂ.

Aglait Ijjurnaittut

³⁹ Taassuma tilijima pijumajanga tamajja, uvannut tunisimajanginnik asiujiqunanga, uummaqtitsiqullungali ulluit kingulliqpaanganni.

ᔪᐊᓇᓯᐅᑉ ᐊᒡᓚᖏᑦ 6:39 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 23:4

ᐰᕐᓯᔨᖃᕐᑎᓐᓂᐊᕐᐸᒃᑲᓗ ᑲᒪᔨᒃᓴᖏᓐᓂᒃ, ᓯᕘᕋᔪᓐᓃᖁᓪᓗᒋᑦ ᑲᑉᐱᐊᓇᕐᑐᒦᖁᓇᒋᓪᓗ ᐊᓯᐅᓯᒪᔪᖃᕈᓐᓃᕈᒫᕐᐳᓪᓗ, ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 10:15

ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ, ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᒎᑎᐅᑉ ᓂᑲᒋᓂᕐᓴᕆᓛᕐᐰᑦ ᓱᑑᒪᒥᐅᑦ ᒍᒨᕋᒥᐅᓪᓗ ᐃᓄᖏᑦ ᑖᒃᑯᓇᖓᑦ ᓄᓇᓕᖕᓂᑦ ᑐᓐᖓᓱᒃᑎᑦᓯᖏᑦᑐᓂᑦ.”

ᒫᑎᐅᓯᐅᑉ ᐊᒡᓚᖏᑦ 18:14

ᑍᒫᑦᓮᓐᓇᕐᑕᐅᖅ, ᐊᑖᑕᓯ ᕿᓚᖕᒦᑦᑐᖅ ᑕᒪᒃᑯᓂᖓᑯᓗᒃ ᐊᓯᐅᖁᔨᓐᖏᓚᖅ.”

ᓘᑲᓯᐅᑉ ᐊᒡᓚᖏᑦ 12:32

“ᓯᕘᕋᖏᓪᓗᓯ, ᐅᓄᖏᒃᑲᓗᐊᕐᑐᓯ, ᐊᑖᑕᑦᓯ ᖁᕕᐊᓱᒡᓗᓂ ᑐᓂᓯᕕᒋᔪᒪᖕᒪᓯ ᐊᑕᓂᐅᕕᖕᒥᓂᒃ.

ᔪᐊᓇᓯᐅᑉ ᐊᒡᓚᖏᑦ 12:48

ᐅᕙᓐᓂᒃ ᓇᕐᕈᔪᖅ ᐃᓚᓕᐅᕐᓯᓇᓂᓗ ᐅᖃᐅᓯᓐᓂᒃ ᓇᔪᕐᑎᖃᓕᕐᐳᖅ ᐃᖅᑲᕐᑐᕐᑕᐅᑦᔪᑎᒃᓴᒥᓂᒃ; ᐅᖃᐅᓯᕐᓄᑦ ᐅᖃᐅᓯᕆᓚᐅᕐᑕᓐᓄᑦ ᐃᖅᑲᕐᑐᕐᑕᐅᔪᒫᕐᐳᖅ ᐅᓪᓗᐃᑦ ᓇᒡᒐᑖᓂ.

ᔪᐊᓇᓯᐅᑉ ᐊᒡᓚᖏᑦ 17:12

ᑖᒃᑯᓇᓂ ᓇᔫᑎᓂᓐᓂ, ᓴᐳᑎᓯᒪᓚᐅᕐᐸᒃᑲ ᐱᔪᓐᓇᕐᓂᕐᓄᑦ, ᑖᒃᑯᐊ ᑐᓂᓚᐅᕐᑕᑎᑦ ᐅᕙᓐᓄᑦ; ᓴᐳᑎᓯᒪᓚᐅᕐᐸᒃᑲ, ᐊᑕᐅᓯᕐᒥᒡᓘᓐᓃᑦ ᐊᓯᐅᔪᖃᓐᖏᓚᖅ ᑖᓐᓇ ᑭᓯᒥ ᐊᓯᐅᔪᒃᓴᐅᓯᒪᔪᖅ ᐊᓯᐅᔪᑑᕗᖅ, ᐊᒡᓔᑦ ᓇᓚᐅᑦᓯᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 17:2

ᐃᕐᓃᑦ ᑐᓂᓯᕕᒋᓯᒪᒐᕕᐅᒃ ᐱᔪᓐᓇᕐᓂᕐᒥᒃ ᐃᓄᓕᒫᓄᑦ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᖁᓪᓗᒍ ᑐᓂᓯᒪᔭᓕᒫᕐᓄᑦ ᑖᑦᓱᒧᖓ.

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᔪᐊᓇᓯᐅᑉ ᐊᒡᓚᖏᑦ 17:6

“ᖃᐅᔨᔭᐅᑎᓚᐅᕐᐸᒋᑦ ᐃᓄᖕᓄᑦ ᐅᕙᓐᓄᑦ ᑐᓂᓚᐅᕐᑕᕐᓄᑦ ᓯᓚᕐᔪᐊᕐᒥᐅᓂᑦ; ᑖᒃᑯᐊ ᐱᒋᓚᐅᕋᕕᒋᑦ, ᐅᕙᓐᓄᑦ ᑐᓂᓚᐅᕐᐸᑎᑦ, ᐅᖃᐅᓯᕐᑎᑦ ᓈᓚᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 17:9

“ᑖᒃᑯᐊ ᑐᒃᓯᐅᑎᕙᒃᑲ; ᓯᓚᕐᔪᐊᕐᒥᐅᑦ ᑐᒃᓯᐅᑎᓇᒋᑦ ᑖᒃᑯᐊᓕ ᑭᓯᒥ ᑐᓂᓚᐅᕐᑕᑎᑦ ᐅᕙᓐᓄᑦ ᑐᒃᓯᐅᑎᕙᒃᑲ, ᑖᒃᑯᐊ ᐱᒋᒐᕕᒋᑦ.

ᔪᐊᓇᓯᐅᑉ ᐊᒡᓚᖏᑦ 18:9

ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐅᕙᓐᓄᑦ ᑐᓂᓚᐅᕐᑕᕐᓂᒃ ᐊᑕᐅᓯᕐᒥᒡᓘᓐᓃᑦ ᐊᓯᐅᔪᖃᓐᖏᓚᖅ.”

ᔪᐊᓇᓯᐅᑉ ᐊᒡᓚᖏᑦ 5:28

ᑕᒪᓐᓇ ᑲᒪᓂᐊᕈᑎᒋᓇᓯᐅᒃ; ᐃᑲᕐᕋᖅ ᓇᓪᓕᐅᑎᔪᒫᕐᒪᑦ ᑐᖁᖓᔪᑦ ᐃᓗᕕᕐᒦᑦᑐᑦ ᐃᓘᓐᓇᑎᒃ ᓂᐱᖓᓂᒃ ᑐᓴᕈᒫᕐᒪᑕ.

ᔪᐊᓇᓯᐅᑉ ᐊᒡᓚᖏᑦ 6:37

ᐊᑖᑕᒪ ᑐᓂᑦᔪᑎᒋᔭᓕᒫᖏᑦ ᐅᕙᓐᓄᐊᕐᓂᐊᕐᐳᑦ, ᐅᕙᓐᓄᐊᕐᑐᓂᒡᓗ ᖁᔭᓈᕐᓯᓂᐊᓐᖏᓚᖓ.

ᔪᐊᓇᓯᐅᑉ ᐊᒡᓚᖏᑦ 6:40

ᑕᒪᑦᔭ ᐊᑖᑕᒪ ᐱᔪᒪᔭᖓ, ᐃᕐᓂᖓᓂᒃ ᑕᑯᔪᓕᒫᑦ ᐅᒃᐱᓕᕐᓗᑎᒡᓗ ᑖᑦᓱᒧᖓ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᖁᓪᓗᒋᑦ; ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.”

ᔪᐊᓇᓯᐅᑉ ᐊᒡᓚᖏᑦ 6:44

ᐅᕙᓐᓄᑦ ᕾᔪᖃᕈᓐᓇᓐᖏᓚᖅ ᐊᑖᑕᐅᑉ ᑎᓕᔨᒪ ᐅᕙᓐᓄᐊᕐᑎᖏᑉᐸᒍ; ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.

ᔪᐊᓇᓯᐅᑉ ᐊᒡᓚᖏᑦ 6:54

ᑎᒥᓐᓂᒃ ᓂᕆᔪᖅ ᐊᐅᓐᓂᒡᓗ ᐃᒥᕐᑐᖅ ᓄᖑᓱᐃᑦᑐᒥᒃ ᐃᓅᓯᖃᕐᐳᖅ, ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.

ᕉᒪᒥᐅᓄᑦ 8:11

ᑖᑦᓱᒪᓕ ᐊᓂᕐᓂᖓᑕ ᔩᓱᓯᒥᒃ ᐆᒻᒪᕐᑎᑦᓯᔫᑉ ᑐᖁᒥᑦ ᐃᓂᒋᒃᐸᓯ, ᙭ᔅᑑᓯ ᔩᓱᓯᒥᒃ ᐆᒻᒪᕐᑎᑦᓯᓚᐅᕐᑑᑉ ᑐᖁᒥᑦ ᑎᒥᓯ ᑐᖁᔪᒃᓮᑦ ᐃᓅᓯᑖᕐᑎᓐᓂᐊᕆᕔᑦ ᑖᑦᓱᒪ ᐊᓂᕐᓂᖓᒍᑦ ᐃᓗᑦᓯᓐᓃᑦᑐᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:14

ᒎᑎᐅᓪᓗ ᐊᑕᓂᖅ ᒪᑭᑎᓚᐅᕐᒪᒍ, ᑍᒫᒃᑕᐅᖅ ᒪᑭᑎᑦᓱᒫᕆᕚᑎᒍᑦ ᐱᔪᓐᓇᕐᓂᕐᒥᓄᑦ.

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᔧᒥᓯᐅᑉ ᐊᒡᓚᖏᑦ 5:15

ᑐᒃᓯᐊᕐᓂᐅᓪᓗ ᐅᒃᐱᕐᓂᒃᑰᕐᑐᑉ ᖃᓂᒪᔪᖅ ᐋᖅᑭᖕᓂᐊᕐᐹ, ᐊᑕᓂᐅᓪᓗ ᒪᑭᑎᓗᒍ; ᐊᔪᕐᑐᓕᓯᒪᒃᐸᓪᓗ, ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᐲᑦᑐᕉᓯ ᓯᕗᓪᓖᑦ 1:5

ᒎᑎᐅᑉ ᐱᔪᓐᓇᕐᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.

ᔫᑎᐅᑉ ᐊᒡᓚᖏᑦ 1:1

ᔫᑎᒥᑦ, ᔩᓱᓯ ᙭ᔅᑑᓯᐅᑉ ᐱᔨᖓᓂᑦ ᔧᒥᓯᐅᑉ ᓄᑲᖓᓂᑦ, ᑎᑎᕋᕐᐳᖓ ᕾᖁᔭᐅᓯᒪᔪᓄᑦ, ᒎᑎᒥ ᐊᑖᑕᒥ ᓇᒡᓕᖕᓇᕐᑐᓄᑦ ᓴᐳᑎᔭᐅᓯᒪᔪᓄᓪᓗ ᔩᓱᓯ ᙭ᔅᑑᓯᒧᑦ:

ᓴᒧᐃᓕ ᓯᕗᓪᓖᑦ 25:29

ᐅᓇᑕᕆᐊᕐᑕᐅᒍᕕᑦ ᑐᖁᑕᐅᓇᓱᐊᕐᓗᑎᑦ, ᐊᑕᓂᐅᑉ ᒎᑎᕕᑦ ᓴᐳᑎᔪᒫᕐᐹᑎᑦ, ᐊᖑᑎᑐᑦ ᐱᓐᓇᕆᔭᒥᓂᒃ ᓴᐳᓐᓂᐊᕐᑐᑎᑐᑦ, ᐊᑭᕋᑎᓪᓕ ᐃᒋᑕᐅᔪᒫᕐᐳᑦ, ᐊᖑᑎᑐᑦ ᐃᓪᓘᒥᓄᑦ ᐃᓪᓘᕆᐊᕐᑐᑎᑐᑦ.