ᔪᐊᓇᓯᐅᑉ ᐊᒡᓚᖏᑦ 6:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᓄᒐᓴᒡᔪᐊᑦ ᒪᓕᒃᐹᑦ, ᓇᓗᓁᒃᑯᑕᕐᓂᒃ ᑕᑯᓚᐅᕋᒥᒃ ᖃᓂᒪᔪᓂᒃ ᐋᖅᑭᒃᓯᑎᓪᓗᒍ.

Aglait Ijjurnaittut

² Inugasagjuat malikpaat, nalunaikkutarnik takulauramik qanimajunik aaqqiksitillugu.

ᔪᐊᓇᓯᐅᑉ ᐊᒡᓚᖏᑦ 6:2 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 12:15

ᔩᓱᓯ ᑐᓴᕋᒥ ᑐᖁᑕᐅᓇᓱᐊᕐᓂᕐᒥᓂᒃ, ᑕᕝᕙᓐᖓᑦ ᓇᔪᕐᑕᒥᓂᑦ ᕿᒪᕉᑎᕗᖅ; ᐃᓄᒐᓴᒡᔪᐊᓂᓪᓗ ᒪᓕᒡᑕᐅᕗᖅ, ᖃᓂᒪᔪᓕᒫᓪᓗ ᖃᓂᒻᒪᓯᖏᓐᓂᑦ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 13:2

ᐃᓄᒋᐊᒃᑐᕐᔪᐊᑦ ᑕᕝᕙᓂ ᑲᑎᒪᔪᑦ ᔩᓱᓯᐅᑉ ᐊᕙᑖᓂ, ᐅᓄᕐᑐᒻᒪᕆᐊᓘᓕᕐᒪᑕ ᐅᒥᐊᒧᐊᕐᐳᖅ, ᑕᕝᕙᓂᓗ ᐃᒃᓯᕚᕐᓗᓂ, ᐃᓄᒐᓴᒡᔪᐊᑦ ᑕᓯᐅᑉ ᓯᓈᓂ ᓇᖏᕐᑎᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 14:14

ᔩᓱᓯ ᐅᒥᐊᒥᑦ ᓂᐅᒐᒥ ᐃᓄᒐᓴᒡᔪᐊᓂᒃ ᑕᑯᕗᖅ, ᐃᓚᑦᓱᒋᓕᕐᓗᒋᑦ, ᖃᓂᒪᔨᐊᖏᑦ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 8:1

ᔩᓱᓯ ᖃᖅᑲᒥᑦ ᐊᒻᒧᐊᖕᒪᑦ, ᐃᓄᒋᐊᒃᑐᕐᔪᐊᑦ ᒪᓕᒡᐹᑦ.

ᒫᑯᓯᐅᑉ ᐊᒡᓚᖏᑦ 1:45

ᐊᖑᑦ ᕿᒪᕉᑎᒐᒥ ᐅᖃᕐᑍᓕᒪᖏᑦᓯᐊᕐᓗᓂ ᐅᖃᖃᑦᑕᕐᐳᖅ, ᐅᖃᓗᐊᕐᓂᖓᓄᑦ ᔩᓱᓯ ᓴᖅᑭᔮᑦᓯᐊᕐᓗᓂ ᓄᓇᓕᖕᓄᐊᕈᓐᓁᓪᓕᕗᖅ, ᐃᓄᖃᖏᑦᑐᒥ ᑭᓯᐊᓂ ᐃᓂᖃᕈᓐᓇᓕᕐᐳᖅ; ᐃᓄᐃᑦ ᔩᓱᓯᒧᐊᕐᐳᑦ ᓇᑭᑐᐃᓐᓈᕐᓯᒪᔪᑦ.

ᒫᑯᓯᐅᑉ ᐊᒡᓚᖏᑦ 6:33

ᐃᓄᐃᑦ ᐊᒥᓱᑦ ᑕᑯᒐᒥᒃ ᐊᐅᓪᓚᓕᕐᑐᓂᒃ ᑭᓇᒃᑰᓂᖏᓐᓂᒡᓗ ᐊᐅᓪᓚᓯᔪᑦ ᖃᐅᔨᑐᐊᕋᒥᒃ, ᓇᑭᑐᐃᓐᓇᖅ ᓄᓇᓕᖕᓂᑦ ᐱᓱᓯᕗᑦ ᓄᓇᒃᑯᑦ, ᑐᐊᕕᕐᓗᑎᒃ ᓯᕗᓂᖓᓐᓂᓗ ᐅᐸᒐᓱᐊᕐᑕᖓᓄᐊᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 11:47

ᑕᕝᕙ ᐹᕆᓯᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑲᑎᒪᔨᓂᒃ ᑲᑎᒪᖃᑎᖃᕐᓗᑎᒃ ᐅᖃᕐᐳᑦ, “ᖃᓄᐃᓕᐅᕆᐊᖃᓕᕐᐱᑖ? ᑖᓐᓇ ᐊᒥᓱᓂᒃ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 12:18

ᑍᒤᒻᒪᑦ ᐃᓄᒋᐊᒃᑐᕐᔪᐊᑦ ᐸᕐᕆᐊᓚᐅᕐᐹᑦ ᑐᓴᕐᓯᒪᒐᒥᒃ ᑕᒪᑐᒥᖓ ᓇᓗᓁᒃᑯᑕᕐᒥᒃ ᐱᓇᓱᐊᓚᐅᕐᓂᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 12:37

ᔩᓱᓯᓕ ᓇᓗᓁᒃᑯᑕᕐᓂᒃ ᐊᒥᓱᓂᒃ ᐱᓇᓱᐊᖃᑦᑕᕋᓗᐊᕐᒪᑦ ᑖᒃᑯᓇᓂ, ᔩᓱᓯᒧᑦ ᐅᒃᐱᓕᓚᐅᓐᖏᓚᑦ;

ᔪᐊᓇᓯᐅᑉ ᐊᒡᓚᖏᑦ 2:11

ᑕᒪᑦᔭ ᔩᓱᓯᐅᑉ ᓇᓗᓁᒃᑯᑕᖏᑕ ᓯᕗᓪᓕᕐᐹᖓᑦ, ᐱᓂᐊᕐᓂᕆᓚᐅᕐᑕᖓ ᑬᓇᒥ ᒐᓕᓕᐊᒦᑦᑐᒥ, ᑕᕝᕙᓂ ᓂᕐᑐᕐᓇᕐᓂᕐᔪᐊᓂ ᓴᖅᑭᑎᓚᐅᕐᐹ; ᐃᓕᓐᓂᐊᕐᑎᖏᑕᓗ ᐅᒃᐱᕆᕚᑦ.

ᔪᐊᓇᓯᐅᑉ ᐊᒡᓚᖏᑦ 2:23

ᔩᓱᓯ ᔨᕉᓴᓕᒻᒦᑎᓪᓗᒍ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᑎᓪᓗᒋᑦ, ᐊᒥᓱᑦ ᐅᒃᐱᓕᕐᐳᑦ ᑖᑦᓱᒧᖓ ᓇᓗᓁᒃᑯᑕᕐᓂᒃ ᑕᑯᒐᒥᒃ ᐱᓇᓱᐊᕐᑕᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 20:30

ᐃᓕᓐᓂᐊᕐᑎᖏᑕᓕ ᑕᒃᑯᐊᓂ ᔩᓱᓯ ᓱᓕ ᐊᒥᓱᓂᒃ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᐳᖅ, ᐅᑯᓇᓂ ᐊᒡᓚᖕᓂ ᑎᑎᕋᕐᓯᒪᖏᑦᑐᓂᒃ.

ᔪᐊᓇᓯᐅᑉ ᐊᒡᓚᖏᑦ 3:2

ᑖᓐᓇ ᐅᓐᓄᐊᒃᑯᑦ ᔩᓱᓯᒧᐊᕐᐳᖅ ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᒎᑎᒥᑦ ᐱᓯᒪᓪᓗᑎᑦ ᐊᔪᕆᕐᑐᐃᔨᐅᒐᕕᑦ; ᐃᓕᒃᑐᑦ ᑕᑕᓐᓇᕐᑐᓂᒃ ᐱᔪᖃᕈᓐᓇᖏᒻᒪᑦ, ᒎᑎᐅᑉ ᓇᔪᖏᑉᐸᒍ.”

ᔪᐊᓇᓯᐅᑉ ᐊᒡᓚᖏᑦ 6:14

ᐃᓄᐃᓪᓕ ᓇᓗᓁᒃᑯᑕᕐᒥᒃ ᑕᑯᒐᒥᒃ, ᔩᓱᓯᐅᑉ ᐱᓇᓱᐊᕐᑕᖓᓂᒃ ᐅᖃᕐᐳᑦ, “ᑖᓐᓇ ᖁᓚᕐᓇᕈᓐᓃᕐᐳᖅ ᓇᓚᐅᑦᑍᔪᖕᒪᑦ ᓯᓚᕐᔪᐊᕐᒧᑦ ᑎᑭᓂᐊᕐᓯᒪᔪᖅ!”

ᔪᐊᓇᓯᐅᑉ ᐊᒡᓚᖏᑦ 6:22

ᖃᐅᑎᓪᓗᒍ ᐃᓄᒐᓴᒡᔪᐊᑦ ᑕᓯᐅᑉ ᐊᑭᐊᓃᑦᑐᑦ ᑕᑯᓕᕐᐳᑦ ᐅᒥᐊᖅ ᐊᑕᐅᓯᐅᖕᒪᑦ, ᖃᐅᔨᓚᐅᕐᓗᑎᒡᓗ ᔩᓱᓯ ᐅᒥᐊᒧᑦ ᐃᓕᓐᓂᐊᕐᑎᒥᓄᑦ ᐃᑭᖃᑕᐅᓚᐅᖏᒻᒪᑦ, ᐃᓕᓐᓂᐊᕐᑎᖏᓪᓕ ᐅᒥᐊᕐᑐᓯᓚᐅᕐᒪᑕ ᑖᒃᑯᑑᓪᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 6:26

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ; ᕿᓂᕐᐸᑦᓯᓐᖓ ᓇᓗᓁᒃᑯᑍᑦ ᑕᑯᓚᐅᕐᑕᓯ ᐱᑦᔪᑎᒋᓇᒋᑦ, ᓂᕆᓚᐅᕋᑦᓯᓕ ᓂᐊᖂᔭᓂᒃ ᐊᕿᐊᑦᑐᕐᓗᓯ ᐱᑦᔪᑎᖃᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 6:30

ᑖᒃᑯᐊ ᑭᐅᕚᑦ, “ᑕᕝᕙ ᖃᓄᐃᑦᑐᒥᒃ ᓇᓗᓁᒃᑯᑕᖃᕐᓂᐊᕐᐲᑦ ᐅᕙᒍᑦ ᑕᑯᓗᑕ, ᐃᓕᖕᓄᑦ ᐅᒃᐱᓕᖁᓪᓗᑕ? ᖃᓄᐃᓕᐅᕐᓂᐊᕐᐲᑦ?