ᔪᐊᓇᓯᐅᑉ ᐊᒡᓚᖏᑦ 5:42 - ᐊᒡᓔᑦ ᐃᑦᔪᕐᖕᓁᑦᑐᑦ

⁴² ᖃᐅᔨᒪᕗᖓᓕ ᒎᑎᐅᑉ ᓇᒡᓕᖕᓂᖓᓂᒃ ᐃᓗᒥᐅᑕᖃᖏᓐᓇᑦᓯ.

Aglait Ijjurnaittut

⁴² Qaujimavungali Guutiup naglingninganik ilumiutaqannginnassi.

ᔪᐊᓇᓯᐅᑉ ᐊᒡᓚᖏᑦ 5:42 Iomraidhean Croise

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᔪᐊᓇᓯᐅᑉ ᐊᒡᓚᖏᑦ 2:25

ᐃᓄᓕᒫᑦ ᖃᐅᔨᒪᑦᓯᐊᕋᒥᒋᑦ ᐃᓄᖕᓄᑦ ᓇᓪᓕᐊᓐᓄᓪᓘᓐᓃᑦ ᓇᓗᓁᕐᓯᕕᐅᔭᕆᐊᖃᓚᐅᓐᖏᓚᖅ; ᖃᐅᔨᒪᑦᓯᐊᕋᒥ ᐃᓅᑉ ᐃᓗᒥᐅᑕᕆᔭᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 21:17

ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.

ᔪᐊᓇᓯᐅᑉ ᐊᒡᓚᖏᑦ 5:41

“ᐃᓄᖕᓄᑦ ᓂᕐᑐᕐᑕᐅᓇᓱᐊᓐᖏᓚᖓ.

ᔪᐊᓇᓯᐅᑉ ᐊᒡᓚᖏᑦ 5:43

ᐊᑖᑕᒪ ᐊᑎᖓᒍᑦ ᑎᑭᓚᐅᕐᐳᖓ, ᐃᓕᑦᓯᓕ ᐃᓚᓕᐅᓐᖏᓚᑦᓯᓐᖓ; ᐊᓯᒐᓕ ᑎᑭᑉᐸᑦ ᓇᖕᒥᓂᖅ ᐱᔪᓐᓇᕐᓂᕐᒥᒍᑦ, ᑖᓐᓇ ᐃᓚᓕᐅᕋᔭᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᔪᐊᓇᓯᐅᑉ ᐊᒡᓚᖏᑦ 8:42

ᔩᓱᓯᐅᑉ ᐅᖃᐅᑎᕔᑦ, “ᒎᑎ ᐊᑖᑕᒋᒍᑦᓯᐅᒃ, ᓇᒡᓕᒋᒐᔭᕐᐸᑦᓯᓐᖓ, ᒎᑎᒥᑦ ᐱᓚᐅᕋᒪ ᑕᕝᕙᓐᖔᕐᓯᒪᓪᓗᖓᓗ ᒫᓐᓇ ᑕᕝᕙᓃᑉᐳᖓ; ᐅᕙᓐᓂᒃ ᑕᒪᐅᓐᖓᕐᑎᓚᐅᖏᓐᓇᒪ, ᑖᑦᓱᒪᓕ ᑎᓕᓚᐅᕐᐹᖓ.

ᔪᐊᓇᓯᐅᑉ ᐊᒡᓚᖏᑦ 8:47

ᒎᑎᒥᑦ ᐱᔫᑉ ᒎᑎᐅᑉ ᐅᖃᐅᓯᖏᑦ ᑐᓴᕐᐰᑦ; ᑍᒤᒻᒪᑦ ᒎᑎᒥᑦ ᐱᖏᓐᓇᑦᓯ, ᑐᓴᕈᓐᓇᓐᖏᓚᓯ.”

ᔪᐊᓇᓯᐅᑉ ᐊᒡᓚᖏᑦ 8:55

ᑖᓐᓇᓕ ᖃᐅᔨᒪᓐᖏᓐᓇᑦᓯᐅᒃ; ᐅᕙᖓᓕ ᖃᐅᔨᒪᕙᕋ. ᖃᐅᔨᒪᖏᓐᓂᕋᕋᔭᕈᒃᑯ, ᐃᓕᑦᓯᑎᑐᑦᑕᐅᖅ ᓴᒡᓗᕿᑦᓯᓇᔭᕐᐳᖓ; ᖃᐅᔨᒪᕙᕋᓕ ᐅᖃᐅᓯᖏᓪᓗ ᒪᓕᒃᐸᒃᑲ.

ᕉᒪᒥᐅᓄᑦ 8:7

ᐃᓱᒪ ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᖅ ᒎᑎᒥᒃ ᐊᑭᕋᕐᑐᕐᒪᑦ; ᐃᒻᒥᓂᒃ ᑐᓂᔪᒪᓐᖏᓚᖅ ᒎᑎᐅᑉ ᐱᖁᔭᖏᓐᓄᑦ; ᐊᓱᐃᓛᒃ ᐊᔪᓪᓚᕆᒃᐳᖅ.

ᔪᐊᓇᓯ ᓯᕗᓪᓖᑦ 2:15

ᓯᓚᕐᔪᐊᕐᒥᒃ ᓇᒡᓕᒍᓱᖕᓂᐊᕋᓯ ᓯᓚᕐᔫᑉ ᐱᖏᓐᓂᒡᓘᓐᓃᑦ. ᓇᓪᓕᐊᑦ ᓯᓚᕐᔪᐊᕐᒥᒃ ᓇᒡᓕᒍᓱᒃᑐᖅ, ᐊᑖᑕᒥᒃ ᓇᒡᓕᒍᓱᓐᖏᓚᖅ.

ᔪᐊᓇᓯ ᓯᕗᓪᓖᑦ 3:17

ᓯᓚᕐᔪᐊᑉ ᐱᖏᓐᓂᒃ ᐱᖃᕐᑐᖅ ᐃᓅᖃᑎᒥᓂᒃ ᐊᔪᕐᓴᕐᑐᒥᒃ ᑕᑯᓗᓂ ᐃᑲᔪᕈᒪᓐᖏᑯᓂᐅᒃ, ᖃᓄᖅ ᑕᕝᕙ ᒎᑎᐅᑉ ᓇᒡᓕᖕᓂᖓᓂᒃ ᐃᓗᒥᐅᑕᖃᕋᔭᕐᐸ?

ᔪᐊᓇᓯ ᓯᕗᓪᓖᑦ 4:20

ᓇᓪᓕᐊᑦ, ᒎᑎᒥᒃ ᓇᒡᓕᒍᓱᖕᓂᕋᕐᐸᑦ, ᐅᒃᐱᕐᑑᖃᑎᒥᓂᒡᓗ ᐆᒥᓱᒡᓗᓂ, ᑖᓐᓇ ᓴᒡᓗᑐᔫᕗᖅ; ᖃᑕᓐᖑᑎᓂ ᑕᑯᔪᓐᓇᕐᑕᓂ ᓇᒡᓕᒋᔪᓐᓇᖏᒃᑯᓂᐅᒃ, ᒎᑎ ᑕᑯᓚᐅᕐᓯᒪᓐᖏᑕᓂ ᓇᒡᓕᒋᔪᓐᓇᓐᒋᓛ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.