ᔪᐊᓇᓯᐅᑉ ᐊᒡᓚᖏᑦ 5:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;

Aglait Ijjurnaittut

³⁹ Aglangnik qiniqpusi, inuusirmik nungusuittumik piniarasugillusi taakkunangat; taakkuali uvannik nalunaiqsivut;

ᔪᐊᓇᓯᐅᑉ ᐊᒡᓚᖏᑦ 5:39 Iomraidhean Croise

ᐃᓐᖏᕈᑎᑦ 1:2

ᖁᕕᐊᒋᔭᖃᕐᑐᕐᓕ ᐊᑕᓂᐅᑉ ᐱᖁᔭᖏᓐᓂᒃ, ᑐᒃᓯᐊᕐᓂᒃᑯᓪᓗ ᐃᓱᒪᒃᓴᕐᓯᐅᕈᑎᖃᕐᑐᖅ ᐱᖁᔭᖏᓐᓂᒃ, ᐅᓪᓗᒃᑯᑦ ᐅᓐᓄᐊᒥᓗ.

ᐃᓐᖏᕈᑎᑦ 119:11

ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.

ᐃᓐᖏᕈᑎᑦ 133:3

ᕼᐊᕐᒪᓂᐅᓪᓗ ᖃᐅᓯᕐᓂᖓᑕ ᑭᓂᕆᓂᖓᑎᑐᑦ, ᖃᖅᑲᒥᑦ ᓮᐅᓂᒥᑦ ᑰᒐᕐᑐᑎᑐᑦ! ᑕᕝᕙᓂ ᐊᑕᓂᖅ ᐱᖁᔨᓯᒪᕗᖅ ᓮᒻᒪᕐᑎᑕᐅᓂᕐᑕᖃᖁᓪᓗᒍ, ᐃᓅᓯᕐᒥᒃ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 21:4

ᐃᓕᖕᓄᑦ ᐃᓅᓯᕐᒥᒃ ᕿᓄᖕᒪᑦ, ᑕᕝᕙ ᑐᓂᓯᕕᒋᓚᐅᕐᐸᑦ ᐅᓪᓗᓂᒃ ᐅᓄᕐᑐᓂᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 36:9

ᐃᓅᓯᕐᒥᒃ ᐳᐊᓚᔪᖅ ᐃᓕᖕᓃᒻᒪᑦ; ᖃᐅᒪᓂᕐᓂᑦ ᖃᐅᒪᔪᖅ ᑕᑯᕙᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:23

ᐱᖁᔧᑦ ᓇᓂᕈᐊᖑᕗᑦ, ᐊᔪᕆᕐᑑᓰᓪᓗ ᖃᐅᒻᒪᖅᑯᑎᐅᓪᓗᑎᒃ, ᐃᓂᕐᑎᕐᑕᐅᓃᓪᓗ ᐋᖅᑭᒋᐊᕐᓯᓃᑦ ᐃᓅᑦᔪᑎᒃᓴᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 34:16

ᕿᓂᕆᑦᓯ ᐊᑐᐊᕐᓯᓗᓯᓗ ᐊᑕᓂᐅᑉ ᐅᖃᐅᓯᖏᓐᓂᑦ; ᑖᒃᑯᐊ ᐆᒪᔪᓕᒫᑦ ᑭᑭᑕᐅᔪᖃᕐᓂᐊᓐᖏᓚᑦ, ᑕᒪᕐᒥᒡᓗ ᐊᕐᓇᖁᑎᖃᕈᒫᕐᐳᑦ ᐱᖃᑎᒋᔭᒃᓴᒥᖕᓂᒃ, ᐊᑕᓂᐅᑉ ᑍᒤᖁᓪᓗᒋᑦ ᐱᖁᓚᐅᕐᒪᒋᑦ, ᐊᓂᕐᓂᖓᑕᓗ ᑲᑎᕐᓱᓚᐅᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᔨᕆᒤᐊᐅᑉ ᐊᒡᓚᖏᑦ 8:9

ᓯᓚᑐᔪᑦ ᑲᓐᖑᓱᒃᑎᑕᐅᓂᐊᕐᐳᑦ, ᑲᒪᓂᐊᕐᑎᑕᐅᓂᐊᕐᐳᓪᓗ ᐊᔪᓕᕐᑎᑕᐅᓗᑎᒃ, ᐊᑕᓂᐅᑉ ᐱᖁᔭᖏᓐᓂᒃ ᒪᓕᒍᒪᖏᓐᓇᒥᒃ, ᖃᓄᐃᑦᑐᒥᒃ ᑍᒪ ᓯᓚᑐᓂᖃᓕᕐᐹᑦ?

ᑖᓂᐊᓕᐅᑉ ᐊᒡᓚᖏᑦ 12:2

ᐅᓄᕐᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᕐᐳᑦ: ᐃᓚᖏᑦ ᐃᓅᓯᕐᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᕐᑐᒧᑦ ᑲᑉᐱᐊᓇᕐᑐᒧᑦ ᐃᓱᖃᖏᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 22:29

ᔩᓱᓯᐅᑉ ᑭᐅᕔᑦ, “ᑕᒻᒪᕐᓯᒪᔪᒥᒃ ᑐᑭᓯᐅᒪᕗᓯ! ᒎᑎᐅᑉ ᐅᖃᐅᓯᖏᓐᓂᒃ ᖃᐅᔨᒪᖏᓐᓇᑦᓯ, ᒎᑎᐅᓪᓗ ᐱᔪᓐᓇᕐᓂᖓ ᖃᐅᔨᒪᓇᒍ.

ᒫᑯᓯᐅᑉ ᐊᒡᓚᖏᑦ 10:3

ᑭᐅᕔᑦ, “ᖃᓄᖅ ᒨᓯᓯᐅᑉ ᐱᖁᕚᓯ?”

ᒫᑯᓯᐅᑉ ᐊᒡᓚᖏᑦ 12:10

ᐅᓇ ᐅᖃᓕᒫᕐᓯᒪᓐᖏᓚᓯᐅᒃ ᒎᑎᐅᑉ ᐅᖃᐅᓯᖏᓐᓂ? ‘ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ, ᑖᓐᓇ ᐱᓪᓚᕆᐅᓂᕐᐸᐅᓪᓗᓂ ᑎᕆᖅᑰᓕᕐᐳᖅ;

ᓘᑲᓯᐅᑉ ᐊᒡᓚᖏᑦ 16:29

ᐂᑉᕋᕼᐋᒻ ᐅᖃᐅᑎᕚ, ‘ᖃᑕᓐᖑᑎᑎᑦ ᒨᓯᓯᐅᑉ ᓇᓚᐅᑦᑍᔪᓪᓗ ᐊᒡᓚᖏᓐᓂᒃ ᐱᖃᕐᐳᑦ ᑍᒃᑯᓇᓐᖓᑦ ᐅᖃᐅᑦᔭᐅᓕᕐᓕᑦ.’

ᓘᑲᓯᐅᑉ ᐊᒡᓚᖏᑦ 16:31

ᐂᑉᕋᕼᐋᒻ ᑭᐅᕚ, ‘ᒨᓯᓯᐅᑉ ᓇᓚᐅᑦᑍᔪᓪᓗ ᐊᒡᓚᖏᓐᓂᒃ ᓈᓚᖏᒃᑯᑎᒃ, ᐅᒃᐱᕈᓱᒃᑲᔭᖏᓐᓂᕗᑦ ᑐᖁᖓᔪᒥᒃ ᒪᑭᑦᑐᖃᕋᓗᐊᕐᐸᑦ.’”

ᓘᑲᓯᐅᑉ ᐊᒡᓚᖏᑦ 24:25

ᔩᓱᓯᐅᑉ ᐅᖃᐅᑎᕚᒃ, “ᓯᓔᑦᑐᐊᓘᔪᓯᒃ, ᐅᒃᐱᕈᓱᓕᕈᓐᓇᖏᑦᑐᓯᒡᓗ ᓇᓚᐅᑍᔪᑦ ᐅᖃᐅᓯᕆᓯᒪᔭᖏᓐᓂᒃ!

ᓘᑲᓯᐅᑉ ᐊᒡᓚᖏᑦ 24:27

ᔩᓱᓯᐅᑉ ᓇᓗᓁᕐᓯᕕᒋᑦᓯᐊᕐᐹᒃ ᐱᒋᐊᕐᓗᓂ ᒨᓯᓯᐅᑉ ᐊᒡᓚᖏᓐᓂᑦ ᓇᓚᐅᑦᑍᔪᓪᓗ ᐊᒡᓚᖏᓐᓂᑦ ᐊᒡᓚᓕᒫᑦ ᓇᓗᓁᔭᕐᐰᑦ ᐃᒻᒥᓂᒃ ᐅᖃᐅᓯᖃᕐᓯᒪᔪᓕᒫᑦ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 1:45

ᐱᓕᑉᐴᓯᐅᑉ ᓈᑕᓁ ᑲᑎᒐᒥᐅᒃ ᐅᖃᐅᑎᕚ, “ᑲᑎᓯᕗᒍᑦ ᒨᓯᓯᐅᑉ ᐱᖁᔭᖏᓐᓂ ᓇᓚᐅᑦᑍᔪᓪᓗ ᑎᑎᕋᐅᓯᕆᓚᐅᕐᑕᖓᓂᒃ, ᔩᓱᓯ ᓈᓴᕇᑎᒥᐅᒥᒃ, ᔫᓯᐱᐅᑉ ᐃᕐᓂᖓᓂᒃ.”

ᔪᐊᓇᓯᐅᑉ ᐊᒡᓚᖏᑦ 5:32

ᐊᓯᒐᓕ ᐅᕙᓐᓂᒃ ᓇᓗᓁᕐᓯᕗᖅ, ᖃᐅᔨᒪᕗᖓᓗ ᐅᖃᐅᓯᖃᕐᓂᖓ ᐅᕙᓐᓂᒃ ᓱᓕᑦᓯᐊᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 5:36

ᐅᕙᖓᓕ ᓇᓗᓁᕐᓯᓂᖃᕐᐳᖓ ᔪᐊᓇᓯᐅᑉ ᓇᓗᓁᕐᓯᓂᖓᓂᑦ ᐊᖏᓂᕐᓴᒥᒃ; ᐱᓂᐊᕐᓃᑦ ᐱᓂᐊᕐᓂᕆᔭᒃᑲ, ᐊᑖᑕᒪ ᕾᓚᐅᕐᐰᑦ ᐅᕙᓐᓄᑦ ᐱᓇᓱᐊᕐᑕᐅᖁᓪᓗᒋᑦ, ᑕᒪᒃᑯᐊ ᐱᓇᓱᐊᕐᓃᑦ ᐅᕙᓐᓂᒃ ᓇᓗᓁᕐᓯᕗᑦ ᓴᖅᑭᑎᑦᓯᓪᓗᑎᒡᓗ ᐊᑖᑕᒧᑦ ᑎᓕᔭᐅᓯᒪᓂᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 5:40

ᐅᕙᓐᓄᓪᓕ ᕾᔪᒪᓐᖏᓚᓯ ᐃᓅᓯᕐᑖᕐᕕᒋᔪᓐᓇᕐᑕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 5:46

ᒨᓯᓯ ᐅᒃᐱᕆᒍᑦᓯᐅᒃ, ᐅᕙᓐᓂᒃ ᐅᒃᐱᕋᔭᕐᐳᓯ, ᑖᓐᓇ ᐅᕙᓐᓂᒃ ᑎᑎᕋᐅᓯᖃᓚᐅᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 7:52

ᑖᒃᑯᐊ ᑭᐅᕗᑦ, “ᒐᓕᓕᐊᒥᐅᖑᖃᑕᐅᒋᕖᑦ? ᑐᑭᓯᓇᓱᓚᐅᕆᑦ, ᑕᕝᕙ ᖃᐅᔨᓂᐊᕐᐳᑎᑦ ᓇᓚᐅᑦᑍᔪᒥᒃ ᒐᓕᓕᐊᒥᑦ ᐱᔪᖃᓚᐅᕐᓯᒪᖏᒻᒪᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:27

ᐃᓄᐃᑦ ᔨᕉᓴᓕᒻᒥ ᓄᓇᖃᕐᑐᑦ ᐊᖓᔪᖅᑳᕆᔭᖏᓪᓗ ᖃᐅᔨᒪᓚᐅᖏᒻᒪᑕ ᐱᐅᓕᔨᐅᖕᒪᖔᑦ, ᑐᑭᓯᓚᐅᖏᒻᒪᑕᓘᓐᓃᑦ ᓇᓚᐅᑦᑍᔪᑦ ᐅᖃᐅᓯᖏᓐᓂᒃ ᓴᐸᑎᑕᒫᑦ ᐅᖃᓕᒫᕐᑕᐅᕙᒃᑲᓗᐊᕐᑎᓪᓗᒋᑦ, ᔩᓱᓯᒥᒃ ᑐᖁᑕᒃᓴᓐᖑᕐᑎᑦᓯᓂᕐᒥᒍᑦ ᐅᖃᐅᓰᑦ ᓇᓚᐅᑦᓯᑎᑕᐅᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:11

ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 26:27

ᐊᖓᔪᖅᑳᕐᔪᐊᖅ ᐊᒍᕆᐹ, ᓇᓚᐅᑦᑍᔪᓂᒃ ᐅᒃᐱᕈᓱᒃᐲᑦ? ᖃᐅᔨᒪᕗᖓ ᐅᒃᐱᕆᒐᕕᒋᑦ.”

ᕉᒪᒥᐅᓄᑦ 1:2

ᐅᖃᐅᓰᑦ ᑐᓴᕈᒥᓇᕐᑐᑦ ᑖᒃᑯᐊᖑᕗᑦ ᓯᕗᓂᖓᒍᑦ ᐊᖏᕈᑎᒋᓚᐅᕐᑕᖏᑦ ᓇᓚᐅᑦᑍᔪᑎᒍᑦ, ᑎᑎᕋᕐᓯᒪᕗᑦ ᐊᒡᓚᖕᓂ ᐃᑦᔪᕐᓁᑦᑐᓂ.

ᕉᒪᒥᐅᓄᑦ 3:2

ᑕᒤᑎᒍᑦ ᐊᑐᕐᓂᖃᕐᐳᖅ. ᓯᕗᓪᓕᕐᒥᒃ ᒎᑎᐅᑉ ᐅᖃᐅᓯᓪᓚᕆᖏᓐᓂᒃ ᑐᓂᓯᕕᐅᓯᒪᕗᑦ.

ᒨᓯᓯ ᑕᓪᓕᒪᖏᑦ 18:15

ᐊᑕᓂᕐᓕ ᒎᑎᓯ ᒪᑭᑎᑦᓯᔪᒫᕐᐳᖅ ᐱᔪᖃᓛᕐᑐᒥᒃ ᐅᖃᕐᑎᒥᓂᒃ ᐅᕙᑦᑐᑦ ᑍᒤᑦᑐᒥᒃ ᐃᓅᖃᑎᓪᓚᕆᑦᓯᓐᓂᑦ ᐱᓯᒪᔪᒥᒃ, ᑖᓐᓇᓗ ᓈᓚᒋᐊᖃᕈᒫᕐᐸᓯ.

ᒨᓯᓯ ᑕᓪᓕᒪᖏᑦ 18:18

ᐱᔪᖃᓛᕐᑐᒥᒡᓕ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᒃᑲ ᐃᓕᒃᑐᑦ ᑍᒤᑦᑐᒥᒃ ᐃᓅᖃᑎᓪᓚᕆᖏᓐᓂᑦ ᐱᓯᒪᔪᒥᒃ; ᖃᓂᖓᓄᓪᓗ ᐅᖃᐅᓯᒃᓴᖏᓐᓂᒃ ᐃᓕᓯᔪᒫᕐᐳᖓ, ᐃᓄᖕᓂᒡᓗ ᐅᖃᐅᑦᔨᔪᒫᕐᐳᖅ ᐅᖃᐅᓯᕆᔭᐅᖁᔭᓕᒫᓐᓂᒃ.

ᒨᓯᓯ ᑕᓪᓕᒪᖏᑦ 29:29

“ᓱᓕᓕ ᐊᑕᓂᖅ ᒎᑎᕗᑦ ᐊᓐᖏᐊᕆᔭᖃᕐᐳᖅ; ᐱᖁᔭᒥᓂᒡᓕ ᓴᖅᑭᑎᑦᓯᓯᒪᒐᓗᐊᕐᐳᖅ, ᐅᕙᒍᑦ ᑭᖑᕚᕗᓪᓗ ᓈᓚᒋᐊᖃᕐᑕᑦᑎᓐᓂᒃ ᐃᓱᖃᖏᑦᑐᒧᑦ, ᐱᖁᔭᓕᒪᑦ ᐅᑯᐊ ᒪᓕᒃᑕᐅᖁᓪᓗᒋᑦ.”

ᒨᓯᓯ ᑕᓪᓕᒪᖏᑦ 32:47

ᐅᑯᐊ ᐊᔪᕆᕐᑑᓰᑦ ᐅᖃᐅᓯᑐᐃᓐᓇᐅᖏᒻᒪᑕ, ᐃᓅᓯᑦᓯᓐᓂᒡᓕ ᐱᑦᔪᑎᖃᕐᐳᑦ, ᐊᑯᓂ ᐃᓅᖁᓪᓗᓯ ᓄᓇᒥ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᔪᒫᓕᕐᑕᑦᓯᓐᓂ.”

ᑯᓘᓯᐊᒥᐅᓄᑦ 3:16

᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᐄᑉᕈᐃᓄᑦ 11:16

ᓄᓇᒥᒡᓕ ᐱᐅᓂᕐᓴᒥᒃ ᐅᐸᒍᒪᔭᖃᓚᐅᕋᒥᒃ, ᑕᕝᕙ ᕿᓚᖕᒦᑦᑐᒥᒃ. ᑍᒤᒻᒪᑦ ᒎᑎᐅᑉ ᑲᓐᖑᓲᑎᒋᓚᐅᓐᖏᓛ, ᐋᖅᑭᒃᓱᐃᓯᒪᒐᒥ ᐃᒡᓗᒐᓴᒡᔪᐊᒃᓴᖏᓐᓂᒃ.

ᐄᑉᕈᐃᓄᑦ 11:35

ᐊᕐᓁᑦ ᑐᖁᔨᐊᒥᖕᓂᒃ ᐅᑎᕐᑎᑦᓯᕕᐅᓚᐅᕐᐳᑦ ᒪᑭᑎᑕᐅᓪᓗᑎᒃ. ᐊᓯᖏᓪᓕ ᒪᓂᑐᐃᓐᓇᓚᐅᕐᐳᑦ ᐊᓐᓇᒋᐊᕐᕕᒃᓴᒥᒃ ᕿᓂᕋᑎᒃ, ᒪᑭᕝᕕᒃᓴᒥᒃ ᐱᐅᓂᕐᓴᒥᒃ ᓂᕆᐅᒋᔭᖃᕋᒥᒃ.

ᔮᓱᐊᑉ ᐊᒡᓚᖏᑦ 1:8

ᐅᑯᐊ ᐱᖁᔭᑦ ᖃᓂᒃᑯᑦ ᐅᖃᐅᓯᕆᔪᓐᓃᕐᑍᓕᒃᑭᑦ, ᐃᓱᒪᒃᓴᕐᓯᐅᕈᑎᒋᖃᑦᑕᒃᑭᑦ ᐅᓪᓗᑯᑦ ᐅᓐᓄᒃᑯᓪᓗ, ᓈᓚᑦᓯᐊᕐᓗᒋᓪᓗ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ, ᑍᒤᒃᑯᕕᑦ ᐊᖅᑯᑎᒋᔭᕐᓂ ᖃᓄᐃᓕᐅᕐᑕᓕᒫᕐᓂᓗ ᐱᕙᓪᓕᐊᑎᑦᓯᖃᑦᑕᕐᓂᐊᕐᐳᑎᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.