ᔪᐊᓇᓯᐅᑉ ᐊᒡᓚᖏᑦ 5:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐅᕙᖓᓕ ᓇᓗᓁᕐᓯᓂᖃᕐᐳᖓ ᔪᐊᓇᓯᐅᑉ ᓇᓗᓁᕐᓯᓂᖓᓂᑦ ᐊᖏᓂᕐᓴᒥᒃ; ᐱᓂᐊᕐᓃᑦ ᐱᓂᐊᕐᓂᕆᔭᒃᑲ, ᐊᑖᑕᒪ ᕾᓚᐅᕐᐰᑦ ᐅᕙᓐᓄᑦ ᐱᓇᓱᐊᕐᑕᐅᖁᓪᓗᒋᑦ, ᑕᒪᒃᑯᐊ ᐱᓇᓱᐊᕐᓃᑦ ᐅᕙᓐᓂᒃ ᓇᓗᓁᕐᓯᕗᑦ ᓴᖅᑭᑎᑦᓯᓪᓗᑎᒡᓗ ᐊᑖᑕᒧᑦ ᑎᓕᔭᐅᓯᒪᓂᓐᓂᒃ.

Aglait Ijjurnaittut

³⁶ Uvangali nalunaiqsiniqaqpunga Juanasiup nalunaiqsininganit anginiqsamik; piniarniit piniarnirijakka, Ataatama qailauqpait uvannut pinasuaqtauqullugit, tamakkua pinasuarniit uvannik nalunaiqsivut saqqititsillutiglu Ataatamut tilijausimaninnik.

ᔪᐊᓇᓯᐅᑉ ᐊᒡᓚᖏᑦ 5:36 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 11:4

ᔩᓱᓯᐅᑉ ᑭᐅᕔᑦ, “ᐅᑎᕐᓗᓯ ᔪᐊᓇᓯ ᐅᖃᐅᑎᓚᐅᕐᓯᐅᒃ ᑐᓴᕐᑕᑦᓯᓐᓂᒃ ᑕᑯᔭᑦᓯᓐᓂᒃᓗ:

ᓘᑲᓯᐅᑉ ᐊᒡᓚᖏᑦ 2:49

ᔩᓱᓯᐅᑉ ᑭᐅᕚ, “ᓱᖕᒪᑦ ᐅᕙᓐᓂᒃ ᕿᓂᕐᐱᓯᒃ? ᖃᐅᔨᒪᓐᖏᓚᓰᒃ ᐊᑖᑕᒪ ᐃᒡᓗᖓᓃᑦᓴᕆᐊᖃᕐᓂᓐᓂᒃ?”

ᔪᐊᓇᓯᐅᑉ ᐊᒡᓚᖏᑦ 10:25

ᔩᓱᓯᐅᑉ ᑭᐅᕔᑦ, “ᐅᖃᐅᑎᓚᐅᕐᐸᑦᓯ, ᐅᒃᐱᓚᐅᓐᖏᓚᓯᓕ. ᐱᓂᐊᕐᓃᑦ ᐱᓂᐊᕐᓂᕆᔭᒃᑲ ᐊᑖᑕᒪ ᐊᑎᖓᓂ, ᑕᒪᒃᑯᐊ ᓇᓗᓁᕐᓯᕗᑦ ᐅᕙᓐᓂᒃ;

ᔪᐊᓇᓯᐅᑉ ᐊᒡᓚᖏᑦ 11:37

ᐃᓚᖏᓪᓕ ᐅᖃᕐᐳᑦ, “ᑕᐅᑐᖏᑦᑐᒥᒃ ᑕᐅᑐᓕᕐᑎᑦᓯᔪᓐᓇᕐᓗᓂ, ᑖᑦᓱᒥᖓ ᑐᖁᑦᑍᓕᑎᑦᓯᔪᓐᓇᓚᐅᓐᖏᓛᖅ?”

ᔪᐊᓇᓯᐅᑉ ᐊᒡᓚᖏᑦ 15:24

ᐱᓂᐊᕐᓂᖃᓚᐅᖏᒃᑯᒪ ᐱᓂᐊᕐᓂᕆᔭᐅᓚᐅᕐᓯᒪᖏᑦᑐᒥᒃ ᑖᒃᑯᓄᖓ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᑕᑯᓯᒪᕗᑦ ᐊᑖᑕᒐᓗ ᑕᒪᓐᓄᒃ ᐆᒥᒋᕚᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 17:4

ᓂᕐᑐᕐᓇᕐᑎᓚᐅᕐᐸᒋᑦ ᓄᓇᕐᔪᐊᕐᒥ, ᐱᓂᐊᕐᓃᓪᓗ ᐱᓇᓱᐊᕐᑕᐅᖁᓚᐅᕐᑕᓕᒫᑎᑦ ᐅᕙᓐᓄᑦ ᐱᔭᕇᓚᐅᕐᐸᒃᑲ;

ᔪᐊᓇᓯᐅᑉ ᐊᒡᓚᖏᑦ 2:23

ᔩᓱᓯ ᔨᕉᓴᓕᒻᒦᑎᓪᓗᒍ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᑎᓪᓗᒋᑦ, ᐊᒥᓱᑦ ᐅᒃᐱᓕᕐᐳᑦ ᑖᑦᓱᒧᖓ ᓇᓗᓁᒃᑯᑕᕐᓂᒃ ᑕᑯᒐᒥᒃ ᐱᓇᓱᐊᕐᑕᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 3:17

ᒎᑎᐅᑉ ᐃᕐᓂᓂ ᑎᓕᓚᐅᖏᒻᒪᒍ ᓯᓚᕐᔪᐊᕐᒧᑦ, ᓯᓚᕐᔪᐊᕐᒥᐅᓂᒃ ᐃᒋᑕᒃᓴᓐᖑᕐᑎᑦᓯᖁᓗᒍ, ᓯᓚᕐᔪᐊᕐᒥᐅᓪᓕ ᐱᐅᓕᔭᐅᖁᓪᓗᒋᑦ ᑖᑦᓱᒨᓇ.

ᔪᐊᓇᓯᐅᑉ ᐊᒡᓚᖏᑦ 3:2

ᑖᓐᓇ ᐅᓐᓄᐊᒃᑯᑦ ᔩᓱᓯᒧᐊᕐᐳᖅ ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᒎᑎᒥᑦ ᐱᓯᒪᓪᓗᑎᑦ ᐊᔪᕆᕐᑐᐃᔨᐅᒐᕕᑦ; ᐃᓕᒃᑐᑦ ᑕᑕᓐᓇᕐᑐᓂᒃ ᐱᔪᖃᕈᓐᓇᖏᒻᒪᑦ, ᒎᑎᐅᑉ ᓇᔪᖏᑉᐸᒍ.”

ᔪᐊᓇᓯᐅᑉ ᐊᒡᓚᖏᑦ 4:34

ᔩᓱᓯᐅᑉ ᐅᖃᐅᑎᕔᑦ, “ᓂᕆᔭᒃᓴᒃᑲ ᑕᕝᕙ ᑎᓕᔨᒪ ᐱᔪᒪᔭᖓᓂᒃ ᓈᓚᒡᓗᖓ, ᐱᓇᓱᐊᕐᑕᐅᖁᓯᒪᔭᖓᓗ ᐱᔭᕇᕐᓗᒍ.

ᔪᐊᓇᓯᐅᑉ ᐊᒡᓚᖏᑦ 5:32

ᐊᓯᒐᓕ ᐅᕙᓐᓂᒃ ᓇᓗᓁᕐᓯᕗᖅ, ᖃᐅᔨᒪᕗᖓᓗ ᐅᖃᐅᓯᖃᕐᓂᖓ ᐅᕙᓐᓂᒃ ᓱᓕᑦᓯᐊᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:22

“ᐃᓴᕆᐊᓕᒥᐅᖑᔪᓯ, ᐅᑯᐊ ᐅᖃᐅᓰᑦ ᓈᓚᒃᓯᒋᒃ: ᔩᓱᓯ ᓈᓴᕇᑎᒥᐅᖅ, ᐱᔪᓐᓇᕐᓂᖃᕐᑎᑕᐅᓪᓗᓂ ᒎᑎᒥᑦ ᓇᓗᓇᖏᑦᑐᒥᒃ ᑕᑯᒃᓴᐅᓚᐅᕐᑐᖅ ᐃᓕᑦᓯᓐᓄᑦ ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ, ᒎᑎ ᐱᓇᓱᐊᓚᐅᕐᒪᑦ ᑖᑦᓱᒨᓇ, ᖃᐅᔨᒪᒐᑦᓯ ᑕᒪᑐᒥᖓ.

ᔪᐊᓇᓯ ᓯᕗᓪᓖᑦ 5:9

ᐃᓄᐃᑦ ᓇᓗᓁᕐᓯᓂᖏᓐᓂᒃ ᐅᒃᐱᕈᓱᒃᑯᑦᑕ, ᒎᑎᐅᑉ ᓇᓗᓁᕐᓯᓂᖓ ᐊᖏᓂᕐᓴᐅᕗᖅ; ᑕᒪᓐᓇᐅᕗᖅ ᑕᕝᕙ ᒎᑎᐅᑉ ᓇᓗᓁᕐᓯᓂᖓ ᐃᕐᓂᕐᒥᓂᒃ.