ᔪᐊᓇᓯᐅᑉ ᐊᒡᓚᖏᑦ 5:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᓱᓕᔪᒥᒃ ᐅᖃᐅᑎᕙᑦᓯ, ᐃᑲᕐᕋᖅ ᓇᓪᓕᐅᑎᓂᐊᕐᓯᒪᔪᖅ ᓇᓪᓕᐅᑎᔭᕇᕐᐳᖅ, ᑐᖁᖓᔪᑦ ᒎᑎᐅᑉ ᐃᕐᓂᖓᑕ ᓂᐱᖓᓂᒃ ᑐᓴᕐᕕᖓᑦ, ᑐᓴᕐᑐᑦ ᑖᒃᑯᐊ ᐃᓅᓂᐊᕐᐳᑦ.

Aglait Ijjurnaittut

²⁵ Sulijumik uqautivassi, ikarraq nalliutiniaqsimajuq nalliutijariiqpuq, tuqungajut Guutiup Irningata nipinganik tusarvingat, tusaqtut taakkua inuuniaqput.

ᔪᐊᓇᓯᐅᑉ ᐊᒡᓚᖏᑦ 5:25 Iomraidhean Croise

ᓘᑲᓯᐅᑉ ᐊᒡᓚᖏᑦ 15:24

ᐅᓇ ᐃᕐᓂᕋ ᑐᖁᖓᓚᐅᕐᑐᖅ ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᓇᓂᔭᐅᖕᒪᑦ.’ ᑕᕝᕙ ᖁᕕᐊᓱᖃᑎᒌᓕᕐᐳᑦ.

ᓘᑲᓯᐅᑉ ᐊᒡᓚᖏᑦ 15:32

ᒫᓐᓇ ᐊᑲᐅᓈᑦᓯᐊᕐᒪᑦ ᖁᕕᐊᓱᖃᑎᒌᒡᓗᑕ ᓯᕆᓗᑕᓗ, ᓄᑬᑦ ᑐᖁᖓᓚᐅᕐᑐᖅ, ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᒫᓐᓇ ᓇᓂᔭᐅᖕᒥᖕᒪᑦ.’”

ᓘᑲᓯᐅᑉ ᐊᒡᓚᖏᑦ 9:60

ᔩᓱᓯᐅᑉ ᑭᐅᕚ, “ᑐᖁᖓᔪᑦ ᑐᖁᔨᐊᒥᖕᓂᒃ ᐃᓗᕕᕐᓯᓕᕐᓕ; ᐃᕝᕕᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᖃᕆᐊᕐᑐᓕᕆᑦ.”

ᔪᐊᓇᓯᐅᑉ ᐊᒡᓚᖏᑦ 13:1

ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 17:1

ᔩᓱᓯ ᑕᒪᒃᑯᓂᖓ ᐅᖃᕇᕋᒥ, ᕿᓚᖕᒧᑦ ᑕᑯᓴᕐᓗᓂ ᐅᖃᕐᐳᖅ, “ᐊᑖᑖᒃ, ᐃᑲᕐᕋᖅ ᓇᓪᓕᐅᑎᕗᖅ; ᐃᕐᓃᑦ ᓂᕐᑐᕐᓇᕐᓯᑎᓕᕈᒃ, ᓂᕐᑐᕐᓇᕐᑎᑕᐅᖁᓪᓗᑎᑦᑕᐅᖅ ᐃᕐᓂᕐᓄᑦ.

ᔪᐊᓇᓯᐅᑉ ᐊᒡᓚᖏᑦ 4:21

ᔩᓱᓯᐅᑉ ᐅᖃᐅᑎᕚ, “ᐊᕐᓈᖅ ᐅᒃᐱᕆᓐᖓ, ᓇᓪᓕᐅᑎᔪᒫᕐᐳᖅ ᐃᓄᐃᑦ ᑕᕝᕙᓂ ᖃᖅᑲᒥ ᔨᕉᓴᓕᒻᒥᓘᓐᓃᑦ ᐊᑖᑕᒧᑦ ᑐᒃᓯᐊᖃᑦᑕᕈᓐᓃᕐᕕᒃᓴᖓᑦ.

ᔪᐊᓇᓯᐅᑉ ᐊᒡᓚᖏᑦ 4:23

ᓇᓪᓕᐅᑎᔪᒫᕐᐳᕐᓕ, ᒫᓐᓇᓗ ᓇᓪᓕᐅᑎᓯᒪᓕᕐᐳᖅ, ᐊᑖᑕᒧᑦ ᑐᒃᓯᐊᕐᑐᑦ ᓱᓕᑦᓯᐊᕐᑐᒥᒃ ᑐᒃᓯᐊᖃᑦᑕᓕᕐᕕᒃᓴᓐᖓᑦ, ᐊᓂᕐᓂᒃᑰᕐᓗᑎᒃ ᓱᓕᑦᓯᐊᕐᑐᒥᒃ, ᐊᑖᑕ ᑍᒪᓐᓇ ᑐᒃᓯᐊᖃᑦᑕᕈᓐᓇᕐᑐᓂᒃ ᕿᓂᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 5:21

ᓲᕐᓗᑦᑕᐅᖅ ᐊᑖᑕᐅᑉ ᑐᖁᖓᔪᑦ ᒪᑭᑎᒻᒪᒋᑦ ᐆᒻᒪᕐᑎᓪᓗᒋᓪᓗ, ᑍᒫᒃᑕᐅᖅ ᐃᕐᓂᖅ ᐆᒻᒪᕐᑎᑦᓯᕗᖅ ᐆᒻᒪᕐᑎᑦᓱᒪᔭᒥᓂᒃ.

ᔪᐊᓇᓯᐅᑉ ᐊᒡᓚᖏᑦ 5:28

ᑕᒪᓐᓇ ᑲᒪᓂᐊᕈᑎᒋᓇᓯᐅᒃ; ᐃᑲᕐᕋᖅ ᓇᓪᓕᐅᑎᔪᒫᕐᒪᑦ ᑐᖁᖓᔪᑦ ᐃᓗᕕᕐᒦᑦᑐᑦ ᐃᓘᓐᓇᑎᒃ ᓂᐱᖓᓂᒃ ᑐᓴᕈᒫᕐᒪᑕ.

ᔪᐊᓇᓯᐅᑉ ᐊᒡᓚᖏᑦ 6:60

ᔩᓱᓯᐅᑉ ᐃᓕᓐᓂᐊᕐᑎᖏᑦ ᐊᒥᓱᑦ, ᑕᒪᒃᑯᓂᖓ ᑐᓵᔪᑦ ᐅᖃᕐᐳᑦ, “ᐅᖃᐅᓰᑦ ᑖᒃᑯᐊ ᓇᓗᓇᓗᐊᕐᐳᑦ, ᑭᐊᓕ ᑐᑭᓯᔪᓐᓇᕐᐰᑦ?”

ᔪᐊᓇᓯᐅᑉ ᐊᒡᓚᖏᑦ 8:43

ᓱᖕᒪᑦ ᐅᖃᐅᓯᕆᔭᒃᑲ ᑐᑭᓯᖏᑉᐱᓯᐅᒃ? ᐅᖃᐅᓯᒃᑲ ᓈᓚᒍᒪᖏᓐᓇᑦᓯᒋᒃ ᑐᓵᔪᒪᓇᒋᓪᓗ.

ᔪᐊᓇᓯᐅᑉ ᐊᒡᓚᖏᑦ 8:47

ᒎᑎᒥᑦ ᐱᔫᑉ ᒎᑎᐅᑉ ᐅᖃᐅᓯᖏᑦ ᑐᓴᕐᐰᑦ; ᑍᒤᒻᒪᑦ ᒎᑎᒥᑦ ᐱᖏᓐᓇᑦᓯ, ᑐᓴᕈᓐᓇᓐᖏᓚᓯ.”

ᔪᐊᓇᓯᐅᑉ ᐊᒡᓚᖏᑦ 9:27

ᑖᑦᓱᒪ ᑭᐅᕔᑦ, “ᐅᖃᐅᑎᔭᕇᖅᑲᐅᕙᑦᓯ, ᓈᓚᒍᒪᖅᑲᐅᓐᖏᓚᓯᓕ, ᓱᖕᒪᑦ ᑐᓴᒃᑲᓐᓂᕈᒪᓕᕆᕕᓰ? ᑖᑦᓱᒧᖓ ᐃᓕᓐᓂᐊᕐᑎᐅᔪᒪᓕᕆᕕᓰ?”

ᕉᒪᒥᐅᓄᑦ 6:4

ᐃᓗᕕᕐᑕᐅᖃᑎᒋᓯᒪᕙᕗᑦ ᑐᖁᒧᑦ ᐹᑉᑎᑕᐅᓂᒃᑯᑦ, ᙭ᔅᑑᓯᑦᑕᐅᖅ ᐆᒻᒪᕐᑎᑕᐅᖕᒪᑦ ᑐᖁᒥᑦ ᐊᑖᑕᐅᑉ ᓂᕐᑐᕐᓇᕐᓂᕐᔪᐊᖓᒍᑦ, ᐅᕙᒍᑦᑕᐅᖅ ᐃᓅᓯᕐᒥ ᓄᑖᒥ ᐃᓅᔪᓐᓇᕐᓯᖁᓪᓗᑕ.

ᐃᐱᓯᒥᐅᓄᑦ 2:1

ᐃᓕᑦᓯᑦᑕᐅᖅ ᐅᒃᐱᕐᓂᕐᒥ ᑐᖁᖓᓚᐅᕐᐳᓯ, ᐱᐅᖏᑦᑐᓕᓂᕐᒧᑦ ᐊᔪᕐᑐᓕᓂᕐᒧᓪᓗ.

ᐃᐱᓯᒥᐅᓄᑦ 2:5

ᐅᒃᐱᕐᓂᕐᒥ ᑐᖁᖓᑎᓪᓗᑕ ᐱᐅᖏᑦᑐᓕᓂᕐᒧᑦ, ᐆᒻᒪᕐᑎᓚᐅᕐᐹᑎᒍᑦ ᒪᑭᑎᓪᓗᑕᓗ ᙭ᔅᑑᓯ ᐃᓚᒋᓪᓗᒍ, ᑕᕝᕙ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐱᐅᓕᔭᐅᓯᒪᕗᓯ.

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᑯᓘᓯᐊᒥᐅᓄᑦ 2:13

ᒪᑐᒪ ᓯᕗᓂᖓᒍᑦ ᐅᒃᐱᕐᓂᑦᓯᒍᑦ ᑐᖁᖓᓚᐅᕐᑐᓯ ᐊᔪᕐᓂᑦᓯᓐᓄᑦ ᑭᐱᔭᐅᓯᒪᖏᓐᓂᑦᓯᓐᓄᓪᓗ, ᒎᑎᐅᓪᓕ ᐃᓅᓯᕐᑖᕐᑎᓚᐅᕐᐹᓯ ᙭ᔅᑑᓯᒃᑯᑦ, ᐃᓱᒪᒋᔪᓐᓁᕐᕕᒋᓪᓗᑕᓗ ᐊᔪᕐᑐᓕᓂᑦᑎᓐᓂᑦ ᑕᒤᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:1

“ᓵᕐᑏᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ, ᒎᑎᐅᑉ ᐊᓂᕐᓂᖏᓐᓂᒃ 7ᓂᒃ ᐱᖃᕐᑐᒥᑦ ᐅᓪᓗᕆᐊᓂᒡᓗ 7ᓂᒃ ᐱᖃᕐᑐᒥᑦ. ᐱᓂᐊᕐᓂᑎᑦ ᖃᐅᔨᒪᕙᒃᑲ; ᐅᒃᐱᕐᓂᒃᑯᑦ ᐆᒪᓂᕋᕐᑕᐅᒐᕕᑦ, ᑐᖁᖓᒐᓗᐊᕐᑎᓪᓗᑎᑦ.