ᔪᐊᓇᓯᐅᑉ ᐊᒡᓚᖏᑦ 4:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑐᒃᓯᐊᕐᕕᒋᔭᓯ ᖃᐅᔨᒪᖏᓐᓇᓯᐅᒃ; ᐅᕙᒍᓪᓕ ᖃᐅᔨᒪᕗᒍᑦ ᑐᒃᓯᐊᕐᕕᒋᔭᑦᑎᓐᓂᒃ, ᔫᑎᓂᑦ ᐱᐅᓕᔭᐅᓂᖅ ᐱᖕᒪᑦ.

Aglait Ijjurnaittut

²² Tuksiarvigijasi qaujimannginnasiuk; uvagulli qaujimavugut tuksiarvigijattinnik, Juutinit piulijauniq pingmat.

ᔪᐊᓇᓯᐅᑉ ᐊᒡᓚᖏᑦ 4:22 Iomraidhean Croise

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐄᓱᕋᐅᑉ ᐊᒡᓚᖏᑦ 4:2

ᑕᑯᔭᕐᑐᓚᐅᕐᐳᑦ ᔨᕈᐸᐱᐅᓪᒥᒃ ᐃᓚᒌᓄᓪᓗ ᐊᖓᔪᖅᑲᐅᔪᓂᒃ, ᐅᖃᐅᑎᓪᓗᒋᓪᓗ, “ᐃᓚᓕᐅᑎᓚᐅᕐᑕ ᓴᓇᑎᓪᓗᓯ ᑐᒃᓯᐊᕐᕕᖕᒥᒃ, ᑐᒃᓯᐊᕐᕕᖃᖃᑦᑕᕐᐳᒍᑦ ᒎᑎᒧᑦ ᑖᑦᓱᒧᖓᑦᓮᓐᓇᖅ ᑐᒃᓯᐊᕐᕕᒋᕙᒃᑕᑦᓯᓐᓄᑦ, ᑐᓂᕐᕈᓯᖃᑦᑕᓚᐅᕆᕗᒍᓪᓗ ᑐᓂᕐᕈᓯᕈᑎᓂᒃ ᑖᑦᓱᒧᖓ ᑍᑦᓱᒪᓐᖓᒥᑦ ᐱᒋᐊᕐᓗᑕ ᐊᖓᔪᖅᑳᕐᔪᐊᑉ ᐃᓴᕼᐊᑕᓂᐅᑉ ᐊᓯᕆᐊᒥᐅᑕᐅᑉ ᑕᒪᐅᖓ ᐊᐅᓪᓚᕐᑎᓚᐅᕐᓯᒪᖕᒪᑎᒍᓂᑦ ᓄᓇᖃᓕᕐᓗᑕᓗ ᑕᒫᓂ.”

ᐃᓐᖏᕈᑎᑦ 147:19

ᑖᑦᓱᒪ ᐅᖃᐅᓯᓂ ᖃᐅᔨᔭᐅᑎᑉᐹ ᔧᑯᒧᑦ, ᐊᑐᕐᑕᐅᖁᔭᓂ ᐃᓱᐊᕆᔭᓂᓗ ᐃᓴᕆᐊᓕᒧᑦ ᖃᐅᔨᔭᐅᑎᓪᓗᒋᑦ.

ᐃᓐᖏᕈᑎᑦ 68:20

ᒎᑎᕗᑦ, ᒎᑎᐅᕗᖅ ᐱᐅᓕᔨ; ᒎᑎᓗ ᐊᑕᓂᖅ, ᐱᖃᕐᐳᖅ ᑐᖁᒥᒃ ᕿᒫᔪᓐᓇᕐᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 2:3

ᐃᓄᐃᓪᓗ ᐅᓄᕐᑐᑦ ᑕᕝᕗᓐᖓᕐᓗᑎᒃ ᐅᖃᖃᑦᑕᕈᒫᕐᐳᑦ; “ᕾᒋᑦᓯ ᐊᑕᓂᐅᑉ ᖃᖅᑲᖁᑎᖓᓄᑦ ᒪᔪᕋᕐᑕ, ᔧᑰᑉ ᒎᑎᖓᑦᑕ ᐃᒡᓗᖓᓄᑦ; ᐊᔪᕆᕐᑐᕐᓂᐊᕐᒪᑎᒍᑦ ᐱᓂᐊᕐᑕᐅᖁᔭᒥᓂᒃ ᐊᖅᑯᑎᐅᖁᔭᖏᑎᒍᓪᓗ ᐱᓱᒍᓐᓇᓕᖁᓪᓗᑕ.” ᓮᐅᓂᒥᑦ ᐱᖁᔭᑦ ᐊᓂᔪᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᔨᕉᓴᓕᒥᑦ ᐱᓗᓂ.

ᐂᓮᐊᓯᐅᑉ ᐊᒡᓚᖏᑦ 46:13

ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 17:23

ᓄᓇᓕᖕᓂ ᐱᓱᑲᑕᒃᑎᓪᓗᖓ ᓴᓇᓯᒪᔪᑦ ᑐᒃᓯᐊᕐᕕᒋᕙᒃᑕᓯ ᕿᒥᕐᕈᐊᕐᓗᒋᑦ, ᑐᓂᕐᕈᓯᕐᕕᖕᒥᒃ ᑕᑯᓚᐅᕋᒪ ᑎᑎᖅᑲᓕᖕᒥᒃ ‘ᒎᑎᒧᑦ ᖃᐅᔨᒪᓇᖏᑦᑐᒧᑦ.’ ᑐᒃᓯᐊᕐᕕᒋᕙᑦᑕᓯ ᑖᓐᓇ ᖃᐅᔨᒪᓇᒍ, ᑕᕝᕙ ᐅᖃᐅᑎᒋᓯᕙᕋ ᐃᓕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:30

ᑍᒪᓐᖓᓂᑦ ᐃᓄᐃᑦ ᓇᓗᔫᓂᖏᑦ ᒎᑎᐅᑉ ᓱᖁᑎᒋᓚᐅᓐᖏᓔᑦ, ᒫᓐᓇᓕ ᐱᖁᔨᕗᖅ ᐃᓄᐃᑦ ᓇᓂᑐᐃᓐᓇᖅ ᐱᐅᖏᑦᑐᓕᓂᕐᒥᖕᓂᑦ ᖃᕿᐊᓕᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 3:26

ᒎᑎᐅᑉ ᐱᔨᓂ ᓂᕈᐊᕋᒥᐅᒃ ᑎᓕᓚᐅᕐᐹ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ, ᓮᒻᒪᕐᑎᑦᓯᓂᖓᒍᑦ ᑕᒪᑦᓯ ᐊᑐᓂᑦ ᐊᔪᕐᑐᓕᓂᕐᒥᒃ ᕿᒤᖁᓪᓗᓯ.”

ᕉᒪᒥᐅᓄᑦ 11:18

ᑍᒤᒻᒪᑦ ᓇᕐᕈᓕᕐᓂᐊᕐᓇᒃ ᓇᐹᕐᑑᑉ ᐊᕙᓚᖓᔪᖏᓐᓂᒃ ᓇᑲᓯᒪᔪᓂᒃ. ᓂᕐᑑᑎᓕᕈᕕᑦ ᐃᖅᑲᐅᒪᒋᑦ ᓇᐹᕐᑐᒥᒃ ᓂᕆᑎᑦᓯᖏᓐᓇᕕᑦ, ᓇᐹᕐᑑᓪᓕ ᐊᒫᖏᓐᓂᑦ ᓂᕆᑎᑕᐅᑐᐃᓐᓇᕐᐳᑎᑦ.

ᐄᑉᕈᐃᓄᑦ 7:14

ᖃᐅᔨᒪᔭᐅᑦᓯᐊᕐᐳᕐᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓂᖓᓂᒃ, ᒨᓯᓯᓗ ᔫᑕᒃᑯᑦ ᑭᖑᕚᖏᓐᓂᒃ ᐅᖃᐅᓯᖃᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᐅᓂᐊᕐᑐᓂᒃ ᐅᖃᐅᓯᖃᕐᑎᓪᓗᒍ.