ᔪᐊᓇᓯᐅᑉ ᐊᒡᓚᖏᑦ 3:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᓇᓪᓕᐊᑦ ᑖᑦᓱᒪ ᐃᕐᓂᖓᓄᑦ ᐅᒃᐱᕐᑐᖅ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᕐᐳᖅ; ᓇᓪᓕᐊᓪᓕ ᑖᑦᓱᒪ ᐃᕐᓂᖓᓂᒃ ᐃᓚᓕᐅᕐᓯᖏᑦᑐᖅ ᐃᓅᓯᕐᒥᒃ ᑕᑯᓂᐊᓐᖏᓚᖅ, ᒎᑎᐅᓪᓕ ᓂᓐᖓᐅᓯᖓᑕ ᖁᓚᖏᐊᖏᓐᓇᕐᐹ.

Aglait Ijjurnaittut

³⁶ Nalliat taassuma Irninganut ukpiqtuq inuusirmik nungusuittumik piqaqpuq; nallialli taassuma Irninganik ilaliuqsinngittuq inuusirmik takunianngilaq, Guutiulli ninngausingata qulangianginnaqpaa.

ᔪᐊᓇᓯᐅᑉ ᐊᒡᓚᖏᑦ 3:36 Iomraidhean Croise

ᔫᐱᐅᑉ ᐊᒡᓚᖏᑦ 33:28

ᑖᑦᓱᒪ ᑕᕐᓂᕋ ᐱᐅᓕᓚᐅᕐᐹ ᑐᖁᖓᔪᑦ ᐃᓂᖓᓄᐊᕐᓂᕐᒥᑦ, ᐃᓅᓯᕋᓗ ᑕᑯᖁᓪᓗᒍ ᖃᐅᒪᔪᒥᒃ ᐃᓅᒃᑲᓐᓂᕈᓐᓇᖁᓪᓗᖓ.’

ᐃᓐᖏᕈᑎᑦ 2:12

ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.

ᐃᓐᖏᕈᑎᑦ 36:9

ᐃᓅᓯᕐᒥᒃ ᐳᐊᓚᔪᖅ ᐃᓕᖕᓃᒻᒪᑦ; ᖃᐅᒪᓂᕐᓂᑦ ᖃᐅᒪᔪᖅ ᑕᑯᕙᕗᑦ.

ᐃᓐᖏᕈᑎᑦ 49:19

ᐊᑖᑕᖓᑕ ᑭᖑᕚᖏᓐᓂ ᐃᓚᓕᐅᑎᔭᕐᑐᕐᓂᐊᐳᖅ; ᖃᐅᒪᔪᒥᒃ ᑕᑯᓂᐊᕈᓐᓃᕐᓗᑎᒃ.

ᕼᐊᐸᑲᐅᑉ ᐊᒡᓚᖏᑦ 2:4

‘ᐱᐅᔪᕆᔪᖅ ᑕᑯᓯᐅᒃ, ᑖᑦᓱᒪ ᑕᕐᓂᖓ ᓱᓕᓂᕐᑕᖃᓐᖏᓚᖅ ᐃᓅᔪᓐᓇᑦᔮᓇᓂᓗ, ᐃᓱᐊᕐᑐᓕᔪᕐᓕ ᐃᓅᔪᒫᕐᐳᖅ ᐅᒃᐱᕐᓂᕐᒥᒍᑦ.’”

ᒨᓯᓯ ᓯᑕᒪᖏᑦ 32:11

‘ᓱᓕᓪᓗᖓ, ᐄᑦᔨᑉᑎᒥᑦ ᐊᐅᓪᓚᓚᐅᕐᑐᓕᒫᑦ, ᐊᕐᕌᒍᖃᕐᑐᑦ 20ᓂᒃ ᐅᖓᑖᓄᑦ ᑎᑭᓪᓗᒍ, ᑕᑯᓂᐊᓐᖏᓚᑦ ᓄᓇᒥᒃ ᐊᖏᕈᑎᒋᓚᐅᕐᑕᓐᓂᒃ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᑕᖏᕐᑐᒥᒃ ᐅᕙᓐᓂᒃ ᒪᓕᓚᐅᖏᒻᒪᑕ,

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᒫᑯᓯᐅᑉ ᐊᒡᓚᖏᑦ 16:16

ᓇᓪᓕᐊᑦ ᐅᒃᐱᕐᑐᖅ ᐹᑉᑎᑕᐅᓗᓂ ᑖᓐᓇ ᐱᐅᓕᔭᐅᔪᒫᕐᐳᖅ; ᓇᓪᓕᐊᓪᓕ ᐅᒃᐱᖏᑉᐸᑦ ᑖᓐᓇ ᐃᖅᑲᕐᑐᕐᑕᐅᔪᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 2:30

ᐱᐅᓕᔨᒃᓴᐅᑎᑍᑦ ᓇᖕᒥᓂᖅ ᐃᔨᓐᓄᑦ ᑕᑯᒐᒃᑯ,

ᓘᑲᓯᐅᑉ ᐊᒡᓚᖏᑦ 3:6

ᐃᓄᓕᒫᑦ ᑕᑯᔪᒫᕐᐳᑦ ᒎᑎᐅᑉ ᐱᐅᓕᔭᐅᕕᒃᓴᐅᑎᑕᖓᓂᒃ.’”

ᔪᐊᓇᓯᐅᑉ ᐊᒡᓚᖏᑦ 1:12

ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᕐᓗᑎᒡᓗ ᑖᑦᓱᒪ ᐊᑎᖓᓄᑦ, ᑖᒃᑯᐊ ᕿᑐᕐᖓᑖᕆᔭᐅᔪᓐᓇᕐᓯᑎᑉᐰᑦ ᒎᑎᒧᑦ;

ᔪᐊᓇᓯᐅᑉ ᐊᒡᓚᖏᑦ 10:28

ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᕕᒋᕙᒃᑲ, ᐊᓯᐅᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒃᓘᓐᓃᑦ ᐊᕐᓵᕐᑕᐅᓂᐊᓐᖏᓚᖓ ᑖᒃᑯᓂᖓ ᐱᓯᒪᔭᓐᓂ.

ᔪᐊᓇᓯᐅᑉ ᐊᒡᓚᖏᑦ 3:3

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑑᑉ, ᒎᑎᐅᑉ ᐊᑕᓂᐅᕕᖓ ᑕᑯᔪᓐᓇᓐᖏᓛ.”

ᔪᐊᓇᓯᐅᑉ ᐊᒡᓚᖏᑦ 4:36

ᓇᑲᑎᕆᔪᕐᓕ ᐊᑭᓕᕐᑕᐅᓂᐊᕐᐳᖅ, ᑲᑎᕐᓱᐃᓪᓗᓂ ᐱᕈᕐᑐᓂᒃ ᐃᓅᓯᕐᒧᑦ ᓄᖑᓱᐃᑦᑐᒧᑦ; ᑕᕝᕙ ᑲᓐᖓᕐᓱᐃᔪᖅ ᑲᑎᕐᓱᐃᔪᕐᓗ ᑍᒫᒃ ᖁᕕᐊᓱᖃᑎᒌᖕᓂᐊᕐᐳᒃ.

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 6:58

ᑖᓐᓇ ᓂᐊᖂᔭᖅ ᕿᓚᖕᒥᑦ ᑎᑭᑦᑐᖅ, ᓯᕗᓕᓯᓕ ᓂᕆᓚᐅᕐᑕᖓᑎᑑᓐᖏᓚᖅ ᓂᕆᒐᓗᐊᕋᒥᒃ ᑐᖁᓚᐅᕐᑐᑎᑐᑦ; ᓂᐊᖂᔭᒥᒡᓕ ᑖᑦᓱᒥᖓ ᓂᕆᔪᖅ ᐃᓅᓂᐊᕐᐳᖅ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᐊᒡᓚᖏᑦ 8:51

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ, ᑖᓐᓇ ᑐᖁᓂᐊᓐᖏᓚᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 14:2

ᔫᑎᓪᓕ ᐅᒃᐱᖏᑦᑐᑦ ᐅᐃᒪᔮᕐᑎᑦᓯᓕᕐᐳᑦ ᔫᑎᐅᖏᑦᑐᓂᒃ ᐊᑭᕋᕐᑐᕐᑕᐅᑎᑦᓯᓇᓱᐊᕐᓗᑎᒃ ᐅᒃᐱᕐᑐᓂᒃ.

ᕉᒪᒥᐅᓄᑦ 4:15

ᐱᖁᔧᑦ ᓈᓚᒃᑕᐅᖏᑉᐸᑕ ᒎᑎᐅᑉ ᓂᓐᖓᐅᓯᖓᓂᒃ ᓴᖅᑭᑎᑦᓯᖕᒪᑕ, ᐱᖁᔭᖃᖏᑦᑐᓂᓕ ᐱᖁᔭᓂᒃ ᓈᓚᖏᓐᓂᕐᑕᖃᓐᖏᓚᖅ.

ᕉᒪᒥᐅᓄᑦ 5:9

ᑍᒤᒻᒪᓪᓕ, ᒫᓐᓇ ᐸᓯᔭᒃᓴᐅᔪᓐᓃᕐᑎᑕᐅᕗᒍᑦ ᑖᑦᓱᒪ ᐊᐅᖓᓄᑦ, ᐊᖏᓂᕐᓴᒥᒡᓗ ᑖᑦᓱᒨᓇ ᐱᐅᓕᔭᐅᔪᒫᕐᐳᒍᑦ ᒎᑎᐅᑉ ᓂᓐᖓᐅᓯᖓᓂᑦ.

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᒐᓔᑎᐊᒥᐅᓄᑦ 3:10

ᐱᖁᔧᓪᓕ ᒪᓕᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᑕᑎᖃᕐᓗᑎᒃ ᐃᓅᔪᑦ ᐃᓅᓯᖃᕐᐳᑦ ᒎᑎᒧᑦ ᓇᕐᕈᒋᔭᐅᔪᒦᑦᑐᒥᒃ; ᑎᑎᕋᕐᓯᒪᔪᖃᕐᒪᑦ, “ᐱᖁᔧᑦ ᒪᓕᒃᑕᐅᖁᔭᖏᓐᓂᒃ ᑎᑎᕋᕐᓯᒪᔪᓂᒃ ᒪᓕᑦᓯᐊᕈᓐᓇᖏᑦᑐᑦ ᑕᒪᕐᒥᒃ ᒎᑎᒧᑦ ᓇᕐᕈᓇᕐᑐᒦᑉᐳᑦ.”

ᐃᐱᓯᒥᐅᓄᑦ 5:6

ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:10

ᐃᕐᓂᖓᓗ ᓂᕆᐅᒋᓪᓗᒍ ᕿᓚᖕᒥᑦ, ᑖᓐᓇ ᑐᖁᖓᔪᓂᑦ ᒪᑭᑎᓚᐅᕐᑕᖓ, ᔩᓱᓯ ᓴᐳᑦᔨᔨᒋᔭᕗᑦ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᕐᑐᒥᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:9

ᒎᑎᐅᑉ ᓯᕗᓂᖃᕐᑎᓚᐅᖏᒻᒪᑎᒍᑦ ᓂᓐᖓᐅᑎᔭᒃᓴᓕᐊᕆᓗᑕ, ᐱᐅᓕᔭᐅᓂᕐᒥᒡᓕ ᐱᖁᓚᐅᕐᐹᑎᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ,

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᐄᑉᕈᐃᓄᑦ 2:3

ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.

ᐄᑉᕈᐃᓄᑦ 3:18

ᑭᓇᒃᑯᓐᓄᓪᓗ ᐅᖃᕕᓚᐅᕐᐸ ᑕᕾᕐᓯᕐᕕᐅᖁᔭᒥᓄᑦ ᐃᑎᕐᑐᖃᑦᔮᖏᓐᓂᕅᓪᓗᓂ, ᑖᒃᑯᓄᖓᐅᓐᖏᓛᖅ ᓈᓚᓚᐅᖏᑦᑐᓄᑦ?

ᐄᑉᕈᐃᓄᑦ 3:19

ᑕᕝᕙ ᑕᑯᕗᒍᑦ ᓄᓇᒃᓴᒥᓄᑦ ᐃᑎᕈᓐᓁᓕᓚᐅᕐᒪᑕ ᐅᒃᐱᖏᓐᓂᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”