ᔪᐊᓇᓯᐅᑉ ᐊᒡᓚᖏᑦ 3:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᑕᑯᓚᐅᕐᑕᒥᓂᒃ ᑐᓴᓚᐅᕐᑕᒥᓂᒡᓗ ᐅᖃᐅᓯᖃᕐᐳᖅ, ᓇᓪᓕᐊᑦᑕᓘᓐᓃᓪᓕ ᑖᑦᓱᒪ ᐅᖃᐅᓯᕆᔭᖏᑦ ᐃᓚᓕᐅᓐᖏᓔᑦ.

Aglait Ijjurnaittut

³² Takulauqtaminik tusalauqtaminiglu uqausiqaqpuq, nalliattaluunniilli taassuma uqausirijangit ilaliunngilait.

ᔪᐊᓇᓯᐅᑉ ᐊᒡᓚᖏᑦ 3:32 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 53:1

ᑭᒃᑯᑦ ᐅᓂᒃᑲᐅᑎᒋᔭᑦᑎᓐᓂᒃ ᐅᒃᐱᕈᓱᓚᐅᕐᐸᑦ? ᑭᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᓂᖓ ᓴᖅᑭᓯᒪᕚ?

ᒫᑎᐅᓯᐅᑉ ᐊᒡᓚᖏᑦ 7:8

ᑐᒃᓯᐊᕐᑐᑦ ᑕᒪᕐᒥᒃ ᑐᓂᓯᕕᐅᒐᔭᕐᐳᑦ; ᕿᓂᕐᑐᓪᓗ ᓇᓂᓯᒐᔭᕐᐳᑦ; ᑎᒡᓗᒃᑐᕐᑐᓪᓗ ᒪᑐᐃᕈᑦᔭᐅᒐᔭᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 1:11

ᓄᓇᒥᓄᑦ ᓇᖕᒥᓂᕐᒥᓄᑦ ᑎᑭᑉᐳᖅ, ᐃᓄᖁᑎᖏᑕᓕ ᓇᖕᒥᓂᖏᑕ ᐃᓚᓕᐅᓐᖏᓛᑦ.

ᔪᐊᓇᓯᐅᑉ ᐊᒡᓚᖏᑦ 15:15

ᒪᑐᒪ ᑭᖑᕐᖓᓂ ᐱᔨᒥᒃ ᑍᓂᐊᕈᓐᓃᕐᐸᑦᓯ, ᐱᔨ ᖃᐅᔨᒪᖏᒻᒪᑦ ᐊᖓᔪᖅᑳᖓᑕ ᐱᓂᐊᕐᓂᖏᓐᓂᒃ; ᐃᓕᑦᓯᓕ ᐃᓚᓐᓇᕆᔭᓐᓂᒃ ᑍᓚᐅᕐᐸᑦᓯ, ᐊᑖᑕᓐᓂᑦ ᑐᓴᓚᐅᕐᑕᓕᒫᓐᓂᒃ ᓇᓗᓁᕐᓯᕕᒋᓚᐅᕋᑦᓯ.

ᔪᐊᓇᓯᐅᑉ ᐊᒡᓚᖏᑦ 18:37

ᑕᕝᕙ ᐰᓛᑑᓯᐅᑉ ᐊᐱᕆᕚ, “ᑕᕝᕚ ᐊᖓᔪᖅᑳᕐᔪᐊᖑᕕᑦ?” ᔩᓱᓯᐅᑉ ᑭᐅᕚ, “ᐃᕝᕕᑦ ᐊᖓᔪᖅᑳᕐᔪᐊᖑᓂᕋᕐᐸᕐᒪ. ᑕᒪᓐᓇ ᐱᑦᔪᑎᒋᓪᓗᒍ ᐃᓅᓚᐅᕐᐳᖓ, ᓯᓚᕐᔪᐊᕐᒧᓪᓗ ᑎᑭᓪᓗᖓ, ᓱᓕᔪᒥᒃ ᓇᓗᓁᕐᓯᔭᕐᑐᕐᓗᖓ. ᓱᓕᔪᒦᑦᑐᓕᒫᑦ ᑐᓴᕐᐹᖓ.”

ᔪᐊᓇᓯᐅᑉ ᐊᒡᓚᖏᑦ 3:11

ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᖃᐅᔨᒪᔭᑦᑎᓐᓂᒃ ᐅᖃᓲᖑᕗᒍᑦ, ᑕᑯᓚᐅᕐᑕᑦᑎᓐᓂᒡᓗ ᐅᓂᒃᑳᕐᓗᑕ; ᐅᖃᐅᓯᕆᔭᑦᑎᓐᓂᒡᓕ ᐅᒃᐱᓐᖏᓚᓯ.

ᔪᐊᓇᓯᐅᑉ ᐊᒡᓚᖏᑦ 3:26

ᑕᕝᕙ ᐃᓕᓐᓂᐊᕐᑎᖏᑕ ᔪᐊᓇᓯ ᐅᐸᒃᐹᑦ ᐅᖃᐅᑎᓪᓗᒍᓗ, “ᐊᔪᕆᕐᑐᐃᔩ, ᐊᖑᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᐃᓕᖕᓄᐊᓚᐅᕐᑐᖅ, ᐅᖃᐅᓯᕆᖃᑦᑕᕐᑍᑦ, ᑖᓐᓇ ᐹᑉᑎᑦᓯᖃᑦᑕᓕᕐᐳᖅ, ᐃᓄᓕᒫᓪᓗ ᑖᑦᓱᒧᓐᖓᖃᑦᑕᓕᕐᐳᑦ.”

ᔪᐊᓇᓯᐅᑉ ᐊᒡᓚᖏᑦ 3:33

ᓇᓪᓕᐊᑦ ᑖᑦᓱᒪ ᐅᖃᐅᓯᖏᓐᓂᒃ ᐃᓚᓕᐅᕐᓯᔪᖅ ᖁᓚᕐᓇᖏᑦᑐᒥᒃ ᖃᐅᔨᕗᖅ, ᒎᑎᐅᑉ ᓱᓕᑦᓯᐊᕐᓂᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 5:20

ᐊᑖᑕᐅᑉ ᐃᕐᓂᓂ ᓇᒡᓕᒋᕚ, ᓇᖕᒥᓂᕐᓗ ᐱᓂᐊᕐᓂᓕᒫᓂ ᖃᐅᔨᒪᔭᐅᑎᑉᐰᑦ ᑖᑦᓱᒧᖓ; ᓱᓕᓗ ᐱᓂᐊᕐᓂᕐᓂᒃ ᐱᓪᓚᕆᐅᓂᕐᓴᓂᒃ ᑕᒪᒃᑯᓇᖓᑦ ᖃᐅᔨᑎᓐᓂᐊᕐᐹ, ᐃᓕᑦᓯᓗ ᑲᒪᓂᐊᕈᑎᒋᓂᐊᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 8:26

ᐊᒥᓱᓂᒃ ᐅᖃᐅᓯᒃᓴᖃᕐᐳᖓ ᐃᓕᑦᓯᓐᓄᑦ ᐃᖅᑲᕐᑐᐃᑦᔪᑎᒃᓴᖃᕐᓗᖓᓗ; ᑎᓕᔨᒐᓕ ᓱᓕᔫᕗᖅ, ᓯᓚᕐᔪᐊᕐᒥᐅᓪᓗ ᐅᖃᐅᑎᕙᒃᑲ ᑖᑦᓱᒪᓐᖓᑦ ᑐᓴᓚᐅᕐᑕᓐᓂᒃ.”