ᔪᐊᓇᓯᐅᑉ ᐊᒡᓚᖏᑦ 3:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᓱᓕᔪᒥᒡᓕ ᐱᓂᐊᕐᓂᖃᕐᑐᖅ ᖃᐅᒪᔪᒧᐊᕐᐳᖅ, ᐱᓂᐊᕐᓂᖏᑦ ᓴᖅᑭᑎᑕᐅᑦᓯᐊᖁᓪᓗᒋᑦ ᖃᐅᒪᔪᒧᑦ ᒎᑎᒥᑦ ᐱᓯᒪᖕᒪᑕ.”

Aglait Ijjurnaittut

²¹ Sulijumigli piniarniqaqtuq qaumajumuaqpuq, piniarningit saqqititautsiaqullugit qaumajumut Guutimit pisimangmata.”

ᔪᐊᓇᓯᐅᑉ ᐊᒡᓚᖏᑦ 3:21 Iomraidhean Croise

ᐃᓐᖏᕈᑎᑦ 119:105

ᐅᖃᐅᓯᕐᑎᑦ ᓇᓂᕈᐊᖑᕗᑦ ᐃᓅᓯᓐᓄᑦ, ᐊᖅᑯᑎᒋᓂᐊᕐᑕᓐᓂᒡᓗ ᖃᐅᒪᑎᑦᓯᓪᓗᑎᒃ.

ᐃᓐᖏᕈᑎᑦ 119:80

ᐆᒻᒪᑎᒐ ᐸᓯᔭᒃᓴᐅᓂᖃᕐᑍᓕᓕ ᐊᑐᕐᑕᐅᖁᔭᕐᓄᑦ, ᑲᓐᖑᓱᒃᑎᑕᐅᖁᓇᖓ.

ᐂᓮᐊᓯᐅᑉ ᐊᒡᓚᖏᑦ 26:12

ᐊᑕᓃᖅ, ᓮᓕᓂᕐᒥᒃ ᐅᕙᑦᑎᓐᓂ ᐱᒋᐊᕐᑎᑦᓯᓚᐅᕐᒥᒋᑦ, ᐱᓂᐊᕐᓂᕗᑦ ᑕᒪᕐᒥᒃ ᐊᔪᕐᓇᕈᓐᓃᕐᑎᓯᒪᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᕼᐆᓯᐊᑉ ᐊᒡᓚᖏᑦ 14:8

ᐃᕗᕅᒥ, ᒎᑎᓐᖑᐊᑦ ᖃᓄᐃᓕᐅᕆᐊᖃᕐᐸᒃᑳ? ᐅᕙᖓ ᑭᐅᓯᒪᕗᖓ ᐃᓕᑦᓯᓐᓂᒡᓗ ᑲᒪᓕᕐᓗᖓ. ᑐᖑᔪᐃᓐᓇᕐᑐᑎᑐᑦ ᓇᐹᕐᑐᑐᑦ ᑍᒤᑉᐳᖓ, ᐱᕈᕐᑎᑕᑎᑦ ᐅᕙᓐᓂᑦ ᐱᕗᑦ.”

ᔪᐊᓇᓯᐅᑉ ᐊᒡᓚᖏᑦ 1:47

ᔩᓱᓯᐅᓪᓕ ᓈᑕᓁ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᐅᓯᕆᕚ, “ᑕᑯᒋᑦ, ᑕᕝᕙ ᐃᓴᕆᐊᓕᒥᐅᑕᓪᓚᕆᒃ, ᑖᑦᓱᒪᓂᓗ ᓱᓕᖏᓐᓂᕐᑕᖃᓐᖏᓚᖅ!”

ᔪᐊᓇᓯᐅᑉ ᐊᒡᓚᖏᑦ 3:20

ᐱᐅᖏᑦᑐᓕᔫᑉ ᖃᐅᒪᔪᖅ ᐆᒥᒋᕚ, ᖃᐅᒪᔪᒧᐊᕈᒪᓇᓂᓗ, ᐱᐅᖏᑦᑐᓕᓂᖏᑦ ᓴᖅᑭᑎᑕᐅᖁᓇᒋᑦ ᖃᐅᒪᔪᒧᑦ.

ᔪᐊᓇᓯᐅᑉ ᐊᒡᓚᖏᑦ 5:39

ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;

ᔪᐊᓇᓯᐅᑉ ᐊᒡᓚᖏᑦ 7:17

ᓇᓪᓕᐊᑦ ᒎᑎᐅᑉ ᐱᔪᒪᔭᖓᓂᒃ ᐱᓇᓱᐊᕈᒪᔪᖅ, ᖃᐅᔨᓂᐊᕐᐳᖅ ᐊᔪᕆᕐᑐᐃᔪᑎᒋᔭᒃᑲ ᒎᑎᒥᑦ ᐱᖕᒪᖔᑕ ᐅᕝᕙᓗ ᐅᕙᓐᓂᑐᐃᓐᓇᖅ ᐅᖃᓪᓚᖕᒪᖔᕐᒪ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᒐᓔᑎᐊᒥᐅᓄᑦ 6:8

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᑲᓐᖓᕐᓱᐃᔪᖅ ᑲᑎᕐᓱᐃᔪᒫᕐᐳᖅ ᐊᓯᕈᕐᑕᐅᑦᔪᑎᒃᓴᒥᓂᒃ; ᐊᓂᕐᓂᕐᒧᓪᓕ ᑲᓐᖓᕐᓱᐃᒃᐸᑦ ᐊᓂᕐᓂᕐᒥᑦᑕᐅᖅ ᑲᑎᕐᓱᐃᔪᒫᕐᐳᖅ ᐃᓄᓯᕐᒥᒃ ᓄᖑᓱᐃᑦᑐᒥᒃ.

ᐃᐱᓯᒥᐅᓄᑦ 5:9

ᖃᐅᒪᔫᑉ ᐱᕈᕐᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᓂᖅ, ᓱᓕᓂᕐᓗ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᐱᓕᐱᒥᐅᓄᑦ 2:13

ᒎᑎ ᐱᓇᓱᐊᕐᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.

ᑯᓘᓯᐊᒥᐅᓄᑦ 1:29

ᑕᒪᓐᓇ ᐱᔭᕇᕈᒪᓪᓗᒍ ᐊᒃᓱᕉᑎᒋᕙᕋ ᐃᓗᖏᕐᑐᕐᓗᖓ, ᐱᔪᓐᓇᕐᓂᕐᒥᒃ ᐊᖏᔪᒥᒃ ᐊᑐᕐᑎᑕᐅᓪᓗᖓ ᑖᑦᓱᒪ ᐅᕙᓐᓄᑦ ᕾᓯᒪᔭᖓᓂᒃ.

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᔪᐊᓇᓯ ᓯᕗᓪᓖᑦ 1:6

ᑖᑦᓱᒧᖓ ᐃᓚᒌᒍᑎᖃᕐᓂᕋᕈᑦᑕ ᑖᕐᑐᒥᓗ ᐃᓅᓗᑕ, ᑕᕝᕙ ᓴᒡᓗᕗᒍᑦ ᓱᓕᓇᑕᓗ.

ᔪᐊᓇᓯᐅᑉ ᐱᖓᔪᖏᑦ 1:11

ᓇᒡᓕᖕᓇᕐᑐᑎᑦ, ᐱᐅᖏᑦᑐᑦ ᒪᓕᖕᓂᐊᕐᓇᒋᑦ ᐱᐅᔪᓪᓕ ᒪᓕᖔᒃᑭᑦ. ᐱᐅᔪᒥᒃ ᐱᓇᓱᐊᕐᑐᖅ ᒎᑎᒥᑦ ᐱᕗᖅ; ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᒎᑎᒥᒃ ᑕᑯᓯᒪᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:15

ᐱᓂᐊᕐᓂᑎᑦ ᖃᐅᔨᒪᕙᒃᑲ; ᓂᒡᓕᓇᕐᓇᒡᓗ ᐆᓇᕐᓇᒡᓗ ᑍᒤᑦᑑᒐᕕᑦ. ᐋᖅᑭᒋᐊᖁᕙᒋᑦ ᓇᓪᓕᐊᓐᓄᑐᐃᓐᓇᖅ ᓂᒡᓕᓗᑎᑦ ᐆᓇᕐᓯᓗᑎᓪᓘᓐᓃᑦ!