ᔪᐊᓇᓯᐅᑉ ᐊᒡᓚᖏᑦ 3:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑭᓇᑐᐃᓐᓇᖅ ᐅᒃᐱᕐᑐᖅ ᑖᑦᓱᒧᖓ ᐃᓅᓯᖃᓕᖁᓪᓗᒍ ᓄᖑᓱᐃᑦᑐᒥᒃ.

Aglait Ijjurnaittut

¹⁵ kinatuinnaq ukpiqtuq taassumunga inuusiqaliqullugu nungusuittumik.

ᔪᐊᓇᓯᐅᑉ ᐊᒡᓚᖏᑦ 3:15 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᒨᓯᓯ ᓯᑕᒪᖏᑦ 21:9

ᑍᒤᒻᒪᑦ ᒨᓯᓯ ᖁᒡᓗᒋᐊᖑᐊᒥᒃ ᑲᓐᓄᔭᒥᒃ ᓴᓇᕗᖅ, ᓇᐸᔪᒧᓪᓗ ᐃᓕᓪᓗᒍ; ᐃᒫᒡᓗ ᐱᓚᐅᕐᐳᑦ, ᖁᒡᓗᒋᐊᒧᑦ ᑮᔭᐅᔪᕕᓃᑦ, ᖁᒡᓗᒋᐊᓐᖑᐊᒥᒃ ᖃᑯᕐᓕᖕᒥᒃ ᑕᑯᔪᑦ, ᐃᓅᓕᓚᐅᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 18:10

“ᖃᐅᔨᓕᕆᑦᓯ ᑕᒪᒃᑯᐊᑯᓗᐃᑦ ᓇᕐᕈᒋᔭᕆᐊᖃᖏᓐᓇᑦᓯᐅᒃ; ᓱᓕᓪᓗᖓ ᐅᖃᕐᐳᖓ ᑖᒃᑯᐊ ᐂᖏᓖᖁᑎᖏᑕ ᐊᑖᑕᒪ ᕿᓚᖕᒦᑦᑑᑉ ᑮᓇᖓ ᑕᑯᐃᓐᓇᖃᑦᑕᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᒫᑯᓯᐅᑉ ᐊᒡᓚᖏᑦ 16:16

ᓇᓪᓕᐊᑦ ᐅᒃᐱᕐᑐᖅ ᐹᑉᑎᑕᐅᓗᓂ ᑖᓐᓇ ᐱᐅᓕᔭᐅᔪᒫᕐᐳᖅ; ᓇᓪᓕᐊᓪᓕ ᐅᒃᐱᖏᑉᐸᑦ ᑖᓐᓇ ᐃᖅᑲᕐᑐᕐᑕᐅᔪᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 19:10

ᐃᓅᑉ ᐃᕐᓂᖓ ᑎᑭᓯᒪᖕᒪᑦ ᐊᓯᐅᓯᒪᔪᑦ ᕿᓂᕆᐊᕐᓗᒋᑦ ᐱᐅᓕᔭᕐᑐᕐᓗᒋᓪᓗ.”

ᔪᐊᓇᓯᐅᑉ ᐊᒡᓚᖏᑦ 1:12

ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᕐᓗᑎᒡᓗ ᑖᑦᓱᒪ ᐊᑎᖓᓄᑦ, ᑖᒃᑯᐊ ᕿᑐᕐᖓᑖᕆᔭᐅᔪᓐᓇᕐᓯᑎᑉᐰᑦ ᒎᑎᒧᑦ;

ᔪᐊᓇᓯᐅᑉ ᐊᒡᓚᖏᑦ 16:33

ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”

ᔪᐊᓇᓯᐅᑉ ᐊᒡᓚᖏᑦ 20:31

ᑖᒃᑯᐊ ᑎᑎᕋᕐᓯᒪᕗᑦ ᐅᒃᐱᓕᖁᓪᓗᓯ ᔩᓱᓯ ᙭ᔅᑑᓯᐅᖕᒪᑦ, ᒎᑎᐅᑉ ᐃᕐᓂᖓ. ᐅᒃᐱᕐᓂᑦᓯᒍᑦ ᐃᓅᓯᖃᖁᓪᓗᓯ ᑖᑦᓱᒨᓇ.

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 3:36

ᓇᓪᓕᐊᑦ ᑖᑦᓱᒪ ᐃᕐᓂᖓᓄᑦ ᐅᒃᐱᕐᑐᖅ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᕐᐳᖅ; ᓇᓪᓕᐊᓪᓕ ᑖᑦᓱᒪ ᐃᕐᓂᖓᓂᒃ ᐃᓚᓕᐅᕐᓯᖏᑦᑐᖅ ᐃᓅᓯᕐᒥᒃ ᑕᑯᓂᐊᓐᖏᓚᖅ, ᒎᑎᐅᓪᓕ ᓂᓐᖓᐅᓯᖓᑕ ᖁᓚᖏᐊᖏᓐᓇᕐᐹ.

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᔪᐊᓇᓯᐅᑉ ᐊᒡᓚᖏᑦ 6:40

ᑕᒪᑦᔭ ᐊᑖᑕᒪ ᐱᔪᒪᔭᖓ, ᐃᕐᓂᖓᓂᒃ ᑕᑯᔪᓕᒫᑦ ᐅᒃᐱᓕᕐᓗᑎᒡᓗ ᑖᑦᓱᒧᖓ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᖁᓪᓗᒋᑦ; ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.”

ᔪᐊᓇᓯᐅᑉ ᐊᒡᓚᖏᑦ 6:47

ᓱᓕᔪᒥᒃ, ᓱᓕᔪᒥᒃ ᐅᖃᐅᑎᕙᑦᓯ; ᐅᕙᓐᓄᑦ ᐅᒃᐱᕐᑐᖅ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:41

‘ᑕᑯᒋᑦᓯ, ᒥᑕᐅᑎᒃᓴᕐᑎᐅᔪᓯ, ᑕᑕᒥᓐᓂᐊᕐᓗᓯᓗ, ᐊᓯᕈᕐᑕᐅᓕᕆᑦᓯ; ᐃᓅᑎᓪᓗᓯ ᐱᓂᐊᕐᓂᖃᕐᓂᐊᕋᒪ, ᐱᓂᐊᕐᓂᕐᓂᒃ ᐅᒃᐱᕆᔭᕆᐊᒃᓴᖅ ᐊᔪᕐᑕᑦᓯᓐᓂᒃ, ᐅᖃᐅᓯᐅᒐᓗᐊᕐᐸᑦ ᑐᑭᓯᓇᕐᓯᑎᑕᐅᒐᓗᐊᕐᐸᓪᓘᓐᓃᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 8:36

ᐊᖅᑯᑎᒃᑯᑦ ᐃᖏᕐᕋᓪᓗᑎᒃ ᐃᒪᓕᖕᒧᑦ ᑎᑭᓐᓇᒥᒃ, ᐃᑎᐅᐱᐊᒥᐅᑕᖅ ᐅᖃᕐᐳᖅ, “ᑕᑯᒋᑦ, ᐃᒥᖅ ᑕᕝᕙ! ᓱᓇᒥᒃ ᐹᑉᑎᑕᐅᑦᑍᓕᑦᔪᑎᒃᓴᖃᕐᐳᖔ?” [

ᕉᒪᒥᐅᓄᑦ 5:21

ᑕᕝᕙ ᐊᔪᕐᓂᐅᑉ ᐊᐅᓚᑦᓯᓂᖓ ᑐᖁᓐᓇᕐᑐᒥᒃ ᓴᖅᑭᑎᑦᓯᓚᐅᕐᒪᑦ, ᑍᒫᒃᑕᐅᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᐅᓚᑦᓯᔨᐅᓕᕆᕗᖅ ᐃᓗᐊᕐᑐᓕᔪᓐᖑᕐᑎᑕᐅᓂᕐᒧᑦ, ᐃᓅᓯᖃᕐᓇᕐᑐᑎᒥᒃ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:18

᙭ᔅᑑᓯᐅᑉ ᓴᓐᓂᖓᔪᓕᖕᒥ ᑭᑭᐊᒃᑐᕐᑕᐅᓂᖓᑕ ᐊᔪᕆᕐᑑᑕᐅᓂᖓ ᓯᓔᑦᑑᕗᖅ ᐊᓯᐅᔪᒪᕐᑐᓄᑦ; ᐅᕙᑦᑎᓐᓄᓪᓕ ᐱᐅᓕᔭᓯᒪᔪᓄᑦ ᐱᔪᓐᓇᕐᓂᐅᕗᖅ ᒎᑎᒥ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:3

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᑎᒋᔭᕗᑦ ᒪᑐᓯᒪᒃᐸᑕ, ᐊᓯᐅᓂᐊᕐᑐᓄᑦ ᑭᓯᐊᓂ ᒪᑐᓯᒪᕗᑦ.

ᒐᓔᑎᐊᒥᐅᓄᑦ 2:16

ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᐄᑉᕈᐃᓄᑦ 10:39

ᐅᕙᒍᓪᓕ ᐃᓚᒋᓐᖏᓚᕗᑦ ᓴᐱᓕᖃᑦᑕᕐᑐᑦ ᓱᒋᐊᕐᑕᐅᔪᒫᓕᕐᑐᓪᓗ, ᐃᓚᒋᕙᕗᓪᓕ ᐅᒃᐱᕐᓂᖃᕐᑐᑦ ᑕᕐᓂᖏᑕ ᐱᐅᓕᔭᐅᑦᔪᑎᒋᔭᖓᓂᒃ.

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᔪᐊᓇᓯ ᓯᕗᓪᓖᑦ 2:25

ᑕᒪᓐᓇ ᑕᕝᕙ ᑐᓂᓂᐊᕐᓂᕋᕐᓯᒪᔭᖓ ᐅᕙᑦᑎᓐᓄᑦ ᐃᓅᓯᖅ ᓄᖑᓱᐃᑦᑐᖅ.

ᔪᐊᓇᓯ ᓯᕗᓪᓖᑦ 5:1

ᑕᒪᕐᒥᒃ ᐅᒃᐱᕐᑐᑦ ᔩᓱᓯ ᙭ᔅᑑᓯ ᒎᑎᒧᑦ ᐃᕐᓂᐊᖑᑎᑕᐅᓯᒪᕗᑦ, ᑕᒪᕐᒥᒡᓗ ᐊᑖᑕᒥᒃ ᓇᒡᓕᒍᓱᒃᑐᑦ ᑖᑦᓱᒪ ᕿᑐᕐᖓᖓᑦᑕᐅᖅ ᓇᒡᓕᒋᒋᕚ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.