ᔪᐊᓇᓯᐅᑉ ᐊᒡᓚᖏᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔩᓱᓯᐅᑉ ᐅᖃᐅᑎᕚ, “ᐊᕐᓈᖅ, ᖃᓄᐃᓕᐅᖁᓗᖓ ᐅᖃᕆᐊᖃᓐᖏᓚᑎᑦ, ᐱᕕᒃᓴᕋ ᓱᓕ ᓇᓪᓕᐅᑎᓯᒪᖏᒻᒪᑦ.”

Aglait Ijjurnaittut

⁴ Jiisusiup uqautivaa, “Arnaaq, qanuiliuqulunga uqariaqanngilatit, piviksara suli nalliutisimanngimmat.”

ᔪᐊᓇᓯᐅᑉ ᐊᒡᓚᖏᑦ 2:4 Iomraidhean Croise

ᓴᒧᐃᓕ ᐂᑉᐸᖏᑦ 16:10

ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑕᒪᓐᓇ ᐱᓇᓱᐊᒐᕆᓐᖏᓚᓯᒃ ᔨᕈᐃᐊᐅᑉ ᐃᕐᓂᖏᒃ, ᓇᕐᕈᓇᕐᓯᑎᑉᐹᖓ ᐊᑕᓂᐅᑉ ᐱᖁᔨᓂᖓᒍᑦ ᐅᖃᕐᑎᑕᐅᒃᐸᑦ, ‘ᑍᕕᑎ ᓇᕐᕈᓇᕐᓯᓕ’ ᑍᒤᓕᐅᓚᐅᕐᓕ, ᑭᓇᓖ ᐅᖃᕈᓐᓇᕐᐸ, ‘ᓱᖕᒪᑦ ᑍᒤᓕᐅᕐᒪᖔᑦ?’”

ᓴᒧᐃᓕ ᐂᑉᐸᖏᑦ 19:22

ᑍᕕᑎᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑭᓇᒨᑦ ᐊᐱᕆᔭᐅᕕᓯᒃ ᖃᓄᖅ ᐃᓱᒪᖕᒪᖔᑦᓯᒃ ᔨᕈᐃᐊᐅᑉ ᐃᕐᓂᖏᒃ? ᐊᒃᓱᕈᕐᑎᓐᓇᓱᐊᕐᐱᓯᓐᖔ? ᐅᕙᖓᐅᕗᖅ ᒫᓐᓇ ᐊᖓᔪᖅᑳᕐᔪᐊᖑᓕᕐᑐᖅ ᐃᓴᕆᐊᓕᒥᐅᓄᑦ, ᐅᓪᓗᒥᓗ ᐃᓴᕆᐊᓕᒥᐅᑕᒥᒃ ᑐᖁᑦᓯᔪᖃᕐᓂᐊᓐᖏᓚᖅ.”

ᐊᑕᓃᑦ ᓯᕗᓪᓖᑦ 17:18

ᑕᕝᕙ ᐊᕐᓇᖅ ᐃᓔᑦᔭᒧᑦ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᓱᓇᒥᒃ ᐅᕙᓐᓄᑦ ᓈᒻᒪᒃᓴᖏᑦᔪᑎᖃᕐᐱᑦ? ᐊᔪᕐᑐᓕᓂᓐᓃᒃ ᐃᖅᑬᑎᑦᓯᔭᕐᑐᕐᐲᑦ, ᐃᕐᓂᕋᓗ ᑐᖁᑎᓪᓗᒍ?”

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:1

ᓱᓇᑐᐃᓐᓁᑦ ᐱᕕᒃᓴᖃᕐᐳᑦ, ᕿᓚᐅᑉ ᐊᑖᓃᑦᑐᑦ ᓱᓇᑐᐃᓐᓇᐅᒐᓗᐊᕐᐸᑕ ᓇᓪᓕᐅᓐᓂᖃᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 15:28

ᑕᕝᕙ ᔩᓱᓯᐅᑉ ᑭᐅᕚ, “ᐊᕐᓈᖅ ᐅᒃᐱᕐᓃᑦ ᐊᖏᔫᕗᖅ! ᐱᔪᒪᔭᕐᓂᒃ ᑐᓂᓯᕕᐅᓂᐊᓕᕐᐳᑎᑦ.” ᑕᕝᕔᓐᓇᖅ ᐊᕐᓇᐅᑉ ᐸᓂᖓ ᐋᖅᑭᒃᐳᖅ.

ᒫᑎᐅᓯᐅᑉ ᐊᒡᓚᖏᑦ 8:29

ᑖᒃᑯᐊᒃ ᓂᓪᓕᐊᓕᕐᐴᒃ ᕾᒐᓛᕐᓗᑎᒃ, “ᐅᕙᑦᑎᖕᓄᑦ ᖃᓄᐃᓕᐅᕆᐊᕐᑐᕐᐲᑦ ᒎᑎᐅᑉ ᐃᕐᓂᖓ? ᐋᓐᓂᐊᑎᑦᓯᔭᕐᑐᕐᐲᑦ ᓱᓕ ᐱᕕᒃᓴᖅ ᓇᓪᓕᐅᑎᓚᐅᕐᑎᓐᓇᒍ?”

ᓘᑲᓯᐅᑉ ᐊᒡᓚᖏᑦ 2:49

ᔩᓱᓯᐅᑉ ᑭᐅᕚ, “ᓱᖕᒪᑦ ᐅᕙᓐᓂᒃ ᕿᓂᕐᐱᓯᒃ? ᖃᐅᔨᒪᓐᖏᓚᓰᒃ ᐊᑖᑕᒪ ᐃᒡᓗᖓᓃᑦᓴᕆᐊᖃᕐᓂᓐᓂᒃ?”

ᔪᐊᓇᓯᐅᑉ ᐊᒡᓚᖏᑦ 12:23

ᔩᓱᓯᐅᑉ ᑭᐅᕚᒃ, “ᐃᓅᑉ ᐃᕐᓂᖓᑕ ᓂᕐᑐᕐᓇᕐᑎᑕᐅᕕᐊ ᓇᓪᓕᐅᑎᓯᒪᕗᖅ.

ᔪᐊᓇᓯᐅᑉ ᐊᒡᓚᖏᑦ 13:1

ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 2:3

ᐅᐂᓃᑦ ᓄᖑᒻᒪᑕ, ᐊᓈᓇᖓᑕ ᔩᓱᓯ ᐅᖃᐅᑎᕚ, “ᐅᐂᓂᒥᒃ ᓄᖑᕈᑎᕗᑦ.”

ᔪᐊᓇᓯᐅᑉ ᐊᒡᓚᖏᑦ 20:13

ᑖᒃᑯᐊᒃ ᒥᐊᕆ ᐊᐱᕆᕚᒃ, “ᐊᕐᓈᖅ ᓱᖕᒪᑦ ᕿᐊᕕᑦ?” ᒥᐊᕆ ᑭᐅᕗᖅ, “ᐊᑕᓂᕋ ᐊᓐᓂᑦᔭᐅᓐᓂᕐᒪᑦ, ᖃᐅᔨᒪᓐᖏᓚᖓᓗ ᓇᒧᓐᖓᕐᑕᐅᓐᓂᕐᒪᖔᑦ.”

ᔪᐊᓇᓯᐅᑉ ᐊᒡᓚᖏᑦ 20:15

ᔩᓱᓯᐅᑉ ᐊᐱᕆᕚ, “ᐊᕐᓈᖅ ᓱᖕᒪᑦ ᕿᐊᕕᑦ? ᑭᓇᒥᒡᓗ ᕿᓂᕐᐲᑦ?” ᒥᐊᕆᐅᑉ ᐱᕈᕐᓰᕕᓕᕆᔨᐅᓇᓱᒋᒐᒥᐅᒃ, ᐅᖃᐅᑎᕚ, “ᑕᕝᕙᓐᖓᑦ ᐊᓐᓂᓯᓐᓂᕈᕕᐅᒃ, ᐅᖃᐅᑎᓚᐅᓐᖓ ᓇᒧᓐᖓᕐᓂᕐᒪᖔᕐᐱᐅᒃ, ᐂᓂᐊᕋᒃᑯ.”

ᔪᐊᓇᓯᐅᑉ ᐊᒡᓚᖏᑦ 7:30

ᑕᕝᕙ ᑎᒍᓇᓱᐊᕋᓗᐊᕐᐹᑦ; ᐊᒃᑐᕐᑕᐅᓐᖏᓚᕐᓘᓐᓃᑦ, ᓱᓕ ᐱᔭᐅᕕᒃᓴᖓ ᓇᓪᓕᐅᑎᓯᒪᖏᒻᒪᑦ.

ᔪᐊᓇᓯᐅᑉ ᐊᒡᓚᖏᑦ 7:6

ᔩᓱᓯᐅᑉ ᐅᖃᐅᑎᕔᑦ, “ᓱᓕ ᐱᕕᒃᓴᕋ ᓈᒻᒪᒃᓯᖏᒻᒪᑦ, ᐃᓕᑦᓯᓕ ᐱᓇᓱᐊᕐᕕᒃᓴᓯ ᖃᖓᓕᒫᖅ ᓇᓪᓕᐅᑎᓯᒪᕗᖅ.

ᔪᐊᓇᓯᐅᑉ ᐊᒡᓚᖏᑦ 7:8

ᓇᓪᓕᐅᓐᓂᕐᓯᐅᕆᐊᕐᑐᓕᕆᑦᓯ; ᐅᕙᖓᓕ ᓇᓪᓕᐅᓐᓂᕐᓯᐅᕐᑐᓄᑦ ᐂᓂᐊᖏᓐᓇᒪ, ᐱᕕᒃᓴᕋ ᓱᓕ ᓈᒻᒪᒃᓯᓯᒪᖏᒻᒪᑦ.”

ᔪᐊᓇᓯᐅᑉ ᐊᒡᓚᖏᑦ 8:20

ᐅᖃᐅᓰᑦ ᔩᓱᓯᐅᑉ ᐅᖃᐅᓯᕆᕔᑦ ᑐᒃᓯᐊᕐᕕᒡᔪᐊᕐᒥ, ᑐᓂᕐᕈᑎᓂᒃ ᐴᖅᑬᕕᐅᑉ ᓴᓂᐊᓃᓪᓗᓂ; ᑎᒍᓯᔪᖃᓐᖏᓚᕐᓕ ᑖᑦᓱᒥᖓ, ᐱᔭᐅᕕᒃᓴᖓ ᓱᓕ ᓇᓪᓕᐅᑎᓯᒪᖏᒻᒪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:16

ᒫᓐᓇᓕ ᑕᕝᕙ, ᑍᒤᒻᒪᑦ, ᑭᓇᒥᒡᓘᓐᓃᑦ ᐃᓱᒪᒋᔭᖃᕈᓐᓃᕐᐳᒍᑦ ᓯᓚᕐᔪᐊᕐᒥᐅᑦ ᐃᓱᒪᒋᔭᖃᕐᓂᖏᑎᑐᑦ; ᑍᑦᓱᒪᓂᑦᑕᐅᖅ ᙭ᔅᑑᓯ ᓯᓚᕐᔪᐊᕐᒥᐅᑎᑐᑦ ᐃᓱᒪᒋᓚᐅᕋᓗᐊᕋᑦᑎᒍ, ᒫᓐᓇᓕ ᑍᒫᒃ ᐃᓱᒪᒋᓐᖏᓕᕐᐸᕗᑦ.

ᒨᓯᓯ ᑕᓪᓕᒪᖏᑦ 33:9

ᑖᒃᑯᐊ ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐃᒫᒃ ᐅᖃᐅᓯᖃᓚᐅᕐᐳᑦ, ‘ᑖᒃᑯᐊ ᐃᓱᒪᒋᓐᖏᓚᒃᑲ’; ᖃᑕᓐᖑᑎᑎᒃ ᐃᓚᒋᓂᕋᓐᖏᓔᑦ, ᕿᑐᕐᖓᑎᒡᓗ ᐃᒃᐱᒋᓇᒋᑦ. ᐅᖃᐅᓯᕐᓂᒃ ᒪᓕᑦᓯᐊᓗᐊᒧᑦ, ᐊᖏᖃᑎᒌᖕᓂᒃᑯᑦ ᐅᖃᕐᕕᒋᓯᒪᔭᑎᑦ ᒪᓕᒡᓗᒋᑦ.