ᔪᐊᓇᓯᐅᑉ ᐊᒡᓚᖏᑦ 2:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᔩᓱᓯᓕ ᓇᖕᒥᓂᖅ ᐃᓚᓕᐅᑎᒻᒪᕆᓚᐅᓐᖏᓚᖅ ᐃᓄᖕᓄᑦ,

Aglait Ijjurnaittut

²⁴ Jiisusili nangminiq ilaliutimmarilaunngilaq inungnut,

ᔪᐊᓇᓯᐅᑉ ᐊᒡᓚᖏᑦ 2:24 Iomraidhean Croise

ᐊᑕᓃᑦ ᓯᕗᓪᓖᑦ 8:39

ᑕᕝᕙ ᐃᓂᒋᔭᕐᓂᑦ ᕿᓚᖕᒥᑦ ᑐᓴᓕᕆᑦ, ᐃᓱᒪᒋᔪᓐᓁᕐᕕᒋᓗᒋᑦ, ᐱᓇᓱᐊᕐᓗᑎᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐆᒻᒪᒻᒥᐅᑕᖏᓐᓂᒃ ᖃᐅᔨᒪᒐᕕᑦ, ᐱᓂᐊᕐᓂᓕᒫᖏᓐᓂᒡᓗ, ᐃᕝᕕᑐᐊᖅ ᖃᐅᔨᒪᔪᑑᒐᕕᑦ ᐃᓄᐃᑦ ᐆᒻᒪᒻᒥᐅᑕᖏᓐᓂᒃ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 29:17

ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᒫᑎᐅᓯᐅᑉ ᐊᒡᓚᖏᑦ 9:4

ᔩᓱᓯᐅᑉ ᖃᐅᔨᒐᒥᒋᑦ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑍᒫᒃ ᐃᓱᒪᖃᕐᐱᓰ ᐱᐅᖏᑦᑐᐊᓗᖕᒥᒃ?

ᒫᑯᓯᐅᑉ ᐊᒡᓚᖏᑦ 2:8

ᑕᕝᕔᓐᓇᖅ ᔩᓱᓯᐅᑉ, ᐊᓂᕐᓂᕐᒥᒍᑦ ᖃᐅᔨᒐᒥᒋᒃ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑕᒪᑐᒥᖓ ᐊᐱᕐᓲᑎᖃᕐᐱᓰ?

ᔪᐊᓇᓯᐅᑉ ᐊᒡᓚᖏᑦ 1:42

ᐋᓐᑐᕉᑉ ᓮᒨᓂ ᔩᓱᓯᒧᐊᕈᑎᕚ. ᔩᓱᓯᐅᑉ ᑕᑯᒐᒥᐅᒃ, ᐅᖃᐅᑎᕚ, “ᓮᒨᓂᐅᕖᑦ ᔪᐊᓇᓯᐅᑉ ᐃᕐᓂᖓ? ᓰᐸᓯᒥᒃ ᐊᑎᖃᕐᓂᐊᓕᕐᐳᑎᑦ.” (ᓰᐸᓯ ᑐᑭᖃᕐᐳᖅ ᐲᑦᑐᕉᓯ ᐅᕝᕙᓗ “ᕾᕐᑐᖅ.”)

ᔪᐊᓇᓯᐅᑉ ᐊᒡᓚᖏᑦ 16:30

ᒫᓐᓇ ᑐᑭᓯᕗᒍᑦ ᓱᓇᓕᒫᑦ ᖃᐅᔨᒪᒐᕕᒋᑦ, ᐊᐱᕆᔭᐅᔭᕆᐊᖃᓐᖏᓚᑎᓪᓗ; ᑕᒪᓐᓇ ᐱᑦᔪᑎᒋᓪᓗᒍ ᐅᒃᐱᕈᓱᒃᐳᒍᑦ ᒎᑎᒥᑦ ᐱᓯᒪᓂᕐᓂᒃ.”

ᔪᐊᓇᓯᐅᑉ ᐊᒡᓚᖏᑦ 21:17

ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.

ᔪᐊᓇᓯᐅᑉ ᐊᒡᓚᖏᑦ 4:16

ᔩᓱᓯᐅᑉ ᐅᖃᐅᑎᕚ, “ᐊᖏᕐᕋᓕᕆᑦ ᐅᐃᑦ ᕾᖁᔭᕐᑐᕐᓗᒍ, ᐅᕗᖓ ᐅᑎᕐᓂᐊᕐᒥᒐᕕᑦ.”

ᔪᐊᓇᓯᐅᑉ ᐊᒡᓚᖏᑦ 5:42

ᖃᐅᔨᒪᕗᖓᓕ ᒎᑎᐅᑉ ᓇᒡᓕᖕᓂᖓᓂᒃ ᐃᓗᒥᐅᑕᖃᖏᓐᓇᑦᓯ.

ᔪᐊᓇᓯᐅᑉ ᐊᒡᓚᖏᑦ 6:15

ᔩᓱᓯ ᖃᐅᔨᒐᒥ ᐃᓄᐃᑦ ᖃᓄᐃᓕᐅᕈᒪᓂᖏᓐᓂᒃ, ᑎᒍᓗᒍ ᐊᖓᔪᖅᑳᕐᔪᐊᓐᖑᕐᑎᑦᓯᓇᓱᐊᕈᒪᓕᕐᒪᑕ ᐱᔪᒪᓐᖏᒐᓗᐊᕐᐸᑦ, ᑖᒃᑯᓇᓐᖓᑦ ᕿᒪᕉᑎᓪᓗᓂ ᖃᖅᑲᒧᑦ ᒪᔪᕋᕐᐳᖅ ᐃᓄᑑᓪᓗᓂ.

ᔪᐊᓇᓯᐅᑉ ᐊᒡᓚᖏᑦ 6:64

ᐊᑯᓐᓇᑦᓯᓐᓃᑦᑐᖃᕐᐳᕐᓕ ᐃᓚᒋᔭᑦᓯᓐᓂᒃ ᐅᒃᐱᕈᓱᖕᓂᖃᖏᑦᑐᒥᒃ.” ᔩᓱᓯ ᐱᒋᐊᕐᓂᖓᓂᑦ ᖃᐅᔨᒪᑦᓯᐊᓚᐅᕐᒪᑦ ᓇᓪᓕᐊᖑᖕᒪᖔᑦ ᐅᒃᐱᕈᓱᖏᑦᑐᖅ, ᓇᓪᓕᐊᑦᑕᓗ ᐱᔭᐅᒃᑲᕈᒫᕐᒪᖔᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 1:24

ᑖᒃᑯᐊ ᑐᒃᓯᐊᓕᕋᒥᒃ ᐅᖃᕐᐳᑦ, “ᐊᑕᓃᖅ, ᐃᓄᓕᒫᑦ ᐆᒻᒪᑎᖏᓐᓂᒃ ᖃᐅᔨᒪᔪᑎᑦ, ᓇᓗᓁᕐᓯᕕᒋᓚᐅᕐᑎᒍᑦ ᐅᑯᐊᒃ ᓇᓪᓕᐊᓐᓂᒃ ᓂᕈᐊᕐᒪᖔᕐᐱᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:8

ᒎᑎ ᐃᓱᒪᓕᒫᓂᒃ ᖃᐅᔨᒪᔪᖅ, ᓈᒻᒪᒃᓴᕐᓂᕐᒥᓂᒃ ᔫᑎᐅᖏᑦᑐᓂᒃ ᓇᓗᓁᕐᓯᓚᐅᕐᐳᖅ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᑐᓂᓯᕕᒋᒐᒥᒋᑦ ᐅᕙᑦᑎᓐᓄᑦ ᑐᓂᓯᓚᐅᕐᓂᕐᒥᑐᑦ.

ᒨᓯᓯ ᑕᓪᓕᒪᖏᑦ 31:21

ᑕᕝᕙ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᑎᓄᓪᓗ ᐅᓄᕐᑐᓄᑦ ᑎᑭᑕᐅᔪᒫᕐᐳᑦ, ᑖᑦᓱᒪ ᐃᓐᖏᕈᓯᐅᑉ ᓵᓐᖓᔪᒫᕐᐰᑦ ᓇᓗᓁᕐᓯᓗᓂ ᑖᒃᑯᓂᖓ ᑖᓐᓇ ᐳᐃᒍᕐᑕᐅᓂᐊᖏᒻᒪᑦ ᑭᖑᕚᖏᑕ ᖃᓂᖏᓐᓂᑦ ᖃᐅᔨᒪᒐᒪ ᖃᓄᐃᓕᐅᕋᓱᐊᕐᑕᖏᑦ ᐋᖅᑭᒃᐸᓪᓕᐊᖕᒪᑕ, ᓱᓕ ᑎᑭᑎᓚᐅᖏᒃᑲᓗᐊᕐᓗᑎᒃ ᓄᓇᒧᑦ ᐊᖏᕈᑎᒋᓯᒪᔭᓐᓄᑦ ᑐᓂᓂᐊᕐᓂᕋᕐᓗᒍ ᑖᒃᑯᓄᖓ.”

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.

ᓴᒧᐃᓕ ᓯᕗᓪᓖᑦ 16:7

ᐊᑕᓂᕐᓕ ᐅᖃᕐᐳᖅ ᓴᒧᐃᓕᒧᑦ, “ᑕᑯᔪᒃᓴᐅᓐᖏᓚᑎᑦ ᑕᐅᑦᑐᖓᓂᒃ, ᐊᖏᓂᖓᓂᒡᓘᓐᓃᑦ, ᑖᓐᓇ ᓇᕐᕈᒋᒐᒃᑯ; ᐊᑕᓂᖅ ᑕᑯᓐᓇᖏᒻᒪᑦ ᐃᓅᑉ ᑕᑯᓐᓇᕐᓂᖓᑐᑦ; ᐃᓄᒃ ᑕᑯᓐᓇᕐᒪᑦ ᑕᐅᑦᑐᖓᓂᒃ, ᐊᑕᓂᕐᓕ ᑕᑯᓐᓇᕐᐳᖅ ᐆᒻᒪᑎᒥᒃ.”