ᔪᐊᓇᓯᐅᑉ ᐊᒡᓚᖏᑦ 2:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᕿᒡᒋᐅᔭᓂᒡᓗ ᓂᐅᕐᕈᑎᓖᑦ ᐅᖃᐅᑎᕔᑦ, “ᐅᑯᐊ ᑕᕝᕙᓐᖓᑦ ᐊᓂᑎᓚᐅᕐᓯᐅᒃ; ᐊᑖᑕᒪ ᐃᒡᓗᖓ ᓂᐅᕕᕐᕕᐅᑎᑕᒃᓴᕆᓐᖏᓚᓯ.”

Aglait Ijjurnaittut

¹⁶ Aqiggiujaniglu niurrutiliit uqautivait, “Ukua tavvanngat anitilauqsiuk; Ataatama iglunga niuvirviutitaksarinngilasi.”

ᔪᐊᓇᓯᐅᑉ ᐊᒡᓚᖏᑦ 2:16 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 7:11

ᐃᒡᓗᖁᑎᒐ ᐊᑎᓐᓂᒃ ᓇᓗᓁᒃᑯᑕᖃᕐᑐᖅ, ᐃᒡᓗᒋᔭᐅᓕᕐᑎᑉᐱᓯᐅᒃ ᑎᒡᓕᒃᑎᓄᑦ? ᑕᑯᒋᑦ ᐅᕙᖓ ᓇᖕᒥᓂᖅ ᑕᑯᓯᒪᕙᕋ, ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 21:12

ᔩᓱᓯ ᑐᒃᓯᐊᕐᕕᒡᔪᐊᕐᒧᐊᕋᒥ ᑕᕝᕙᓃᑦᑐᓕᒫᑦ ᐊᓂᑎᑉᐰᑦ ᓂᐅᕕᕋᓱᒃᑐᑦ ᓂᐅᕐᕈᑎᖃᕐᑐᓪᓗ, ᑮᓇᐅᔭᓂᒡᓗ ᑕᐅᕐᓰᔩᑦ ᓵᖏᑦ ᐅᕐᕈᑎᑉᐰᑦ ᐊᕿᒡᒋᐅᔮᕐᑐᓂᒡᓗ ᓂᐅᕐᕈᑎᓖᑦ ᐃᒃᓯᕙᐅᑕᖏᑦ ᐅᕐᕈᑎᒃᑭᕔᑦ,

ᒫᑎᐅᓯᐅᑉ ᐊᒡᓚᖏᑦ 21:13

ᐅᖃᐅᑎᓪᓗᒋᑦ, “ᒎᑎᐅᑉ ᐅᖃᐅᓯᖏᓐᓂ ᐅᖃᕐᓯᒪᕗᖅ; ‘ᐃᒡᓗᒐ ᑍᔭᐅᔭᕆᐊᕐᐳᖅ ᑐᒃᓯᐊᕐᕕᖕᒥᒃ’; ᐃᓕᑦᓯᓕ ᑎᒡᓕᒃᑎᓄᑦ ᐃᔨᕐᓯᒪᕕᐅᑎᑉᐸᓯ!”

ᒫᑎᐅᓯᐅᑉ ᐊᒡᓚᖏᑦ 22:5

ᕾᖁᔭᐅᓯᒪᔪᓪᓕ ᑐᓴᕐᑑᔭᓐᖏᓚᑦ ᐱᓇᓱᐊᕐᑕᒥᖕᓂᒃ ᑲᔪᓯᑐᐃᓐᓇᕐᓗᑎᒃ, ᐃᓚᖓᑦ ᐱᕈᕐᓰᕕᖁᑎᒥᓄᐊᕐᐳᖅ, ᐃᓚᖓᓪᓗ ᓂᐅᕕᕐᕕᖁᑎᒥᓄᐊᕐᓗᓂ,

ᒫᑯᓯᐅᑉ ᐊᒡᓚᖏᑦ 11:17

ᐃᓄᐃᑦ ᐊᔪᕆᕐᑐᕐᐰᑦ ᐅᖃᐅᑎᓪᓗᒋᑦ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐃᒡᓗᖁᑎᒐ ᑍᔭᐅᔭᕆᐊᖃᕐᐳᖅ ᑐᒃᓯᐊᕆᐊᕐᑐᕐᕕᖕᒥᒃ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.’ ᐃᓕᑦᓯᓕ ᑎᒡᓕᒃᑎᓄᑦ ᐃᓂᒋᔭᐅᑎᓕᕐᐸᓯ!”

ᓘᑲᓯᐅᑉ ᐊᒡᓚᖏᑦ 2:49

ᔩᓱᓯᐅᑉ ᑭᐅᕚ, “ᓱᖕᒪᑦ ᐅᕙᓐᓂᒃ ᕿᓂᕐᐱᓯᒃ? ᖃᐅᔨᒪᓐᖏᓚᓰᒃ ᐊᑖᑕᒪ ᐃᒡᓗᖓᓃᑦᓴᕆᐊᖃᕐᓂᓐᓂᒃ?”

ᔪᐊᓇᓯᐅᑉ ᐊᒡᓚᖏᑦ 10:29

ᐊᑖᑕᒐ ᑐᓂᓯᓯᒪᔪᖅ ᐅᕙᓐᓄᑦ ᑖᒃᒪᑯᓂᖓ, ᑕᒤᓐᓂᑦ ᐊᖏᓂᕐᐸᐅᕗᖅ, ᑭᓇᒧᓪᓘᓐᓃᑦ ᐊᑖᑕᒐ ᐊᕐᓵᕐᑕᐅᔪᓐᓇᓐᖏᓚᖅ ᑖᒃᑯᓂᖓ ᑎᒍᒥᐊᕐᓂᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 2:15

ᐊᒃᖢᓈᒥᒃ ᑏᒐᕈᑎᓕᐅᕋᒥ, ᑕᕝᕙᓃᑦᑐᓕᒫᑦ ᐊᓂᑎᑉᐰᑦ, ᓰᐲᓪᓗ ᐃᒻᒧᒃᓯᐅᒊᓪᓗ ᐸᖕᓂᖏᑦ, ᑐᒃᓯᐊᕐᕕᒡᔪᐊᒥᑦ; ᑮᓇᐅᔭᓂᒡᓗ ᑕᐅᕐᓰᔩᑦ ᓵᖏᑦ ᐅᕐᕈᑎᑉᐰᑦ ᑮᓇᐅᔧᓪᓗ ᓈᕕᓪᓗᑎᒃ ᓇᒧᑐᐃᓐᓇᖅ.

ᔪᐊᓇᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᓂᐊᕐᓇᖓ, ᓱᓕ ᑕᑉᐸᐅᓐᖓᓚᐅᖏᓐᓇᒪ ᐊᑖᑕᓐᓄᑦ; ᐃᓅᖃᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᑦ, ᑕᑉᐸᐅᓐᖓᕐᓂᐊᕐᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.”

ᔪᐊᓇᓯᐅᑉ ᐊᒡᓚᖏᑦ 5:17

ᔩᓱᓯᐅᑉ ᑭᐅᕔᑦ, “ᐊᑖᑕᒐ ᑍᒪᓐᖓᑦ ᒫᓐᓇᒧᑦ ᐱᓇᓱᐊᕐᐳᖅ, ᐅᕙᖓᓗ ᐱᓇᓱᐊᕆᕗᖓ.”

ᔪᐊᓇᓯᐅᑉ ᐊᒡᓚᖏᑦ 8:49

ᔩᓱᓯᐅᑉ ᑭᐅᕔᑦ, “ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᓐᖏᓚᖓ; ᐊᑖᑕᒐᓕ ᐅᐱᒋᕙᕋ, ᐃᓕᑦᓯᓕ ᓇᕐᕈᒋᕙᑦᓯᓐᖓ.

ᑎᒧᑎᒧᑦ ᓯᕗᓪᓖᑦ 6:5

ᐂᕙᓕᕐᑎᑦᓯᕙᒃᐳᑦ ᐃᓄᖕᓂᒃ ᐃᓱᒪᖃᑦᓯᐊᕋᓱᐊᖏᑦᑐᓂᒃ ᓱᓕᓂᕐᒦᖏᑦᑐᓂᒡᓗ, ᐅᒃᐱᕐᓂᖅ ᐊᔪᕐᓴᓐᖏᑦᔪᑎᒃᓴᐅᓇᓱᒋᒃᓯᕐᑐᓂᒃ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.