ᔪᐊᓇᓯᐅᑉ ᐊᒡᓚᖏᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᒪᑦᔭ ᔩᓱᓯᐅᑉ ᓇᓗᓁᒃᑯᑕᖏᑕ ᓯᕗᓪᓕᕐᐹᖓᑦ, ᐱᓂᐊᕐᓂᕆᓚᐅᕐᑕᖓ ᑬᓇᒥ ᒐᓕᓕᐊᒦᑦᑐᒥ, ᑕᕝᕙᓂ ᓂᕐᑐᕐᓇᕐᓂᕐᔪᐊᓂ ᓴᖅᑭᑎᓚᐅᕐᐹ; ᐃᓕᓐᓂᐊᕐᑎᖏᑕᓗ ᐅᒃᐱᕆᕚᑦ.

Aglait Ijjurnaittut

¹¹ Tamajja Jiisusiup nalunaikkutangita sivulliqpaangat, piniarnirilauqtanga Kainami Galiliamiittumi, tavvani niqturnarnirjuani saqqitilauqpaa; ilinniaqtingitalu ukpirivaat.

ᔪᐊᓇᓯᐅᑉ ᐊᒡᓚᖏᑦ 2:11 Iomraidhean Croise

ᐊᑕᓃᑦ ᓯᕗᓪᓖᑦ 17:24

ᐊᕐᓇᕐᓗ ᐃᓔᑦᔭᒧᑦ ᐅᖃᕐᐳᖅ, “ᒫᓐᓇ ᖃᐅᔨᕗᖓ ᒎᑎᐅᑉ ᐃᓄᖁᑎᒋᖕᒪᑎᑦ, ᐊᑕᓂᐅᓪᓗ ᐅᖃᐅᓯᖓ ᖃᓂᒃᑰᕐᑐᖅ ᓱᓕᖕᒪᑦ.”

ᐃᓐᖏᕈᑎᑦ 72:19

ᐊᑎᖓᓗ ᐱᓐᓇᕐᓇᕐᑐᖅ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ! ᓄᓇᕐᔪᐊᓕᒫᖅ ᑕᑕᓪᓕ ᑖᑦᓱᒪ ᑲᑦᔮᕐᓇᕐᓂᖓᓂᒃ! ᐋᒦᓐ ᐊᒻᒪ ᐋᒦᓐ.

ᐃᓐᖏᕈᑎᑦ 96:3

ᑖᑦᓱᒪ ᓂᕐᑐᕐᓇᕐᓂᖓ ᐃᓅᖃᑎᒌᒡᔪᐊᓄᑦ ᐅᖃᐅᑎᒋᓯᐅᒃ, ᑲᒪᓇᕐᑐᓕᓂᖏᓪᓗ ᐃᓅᖃᑎᒌᒡᔪᐊᓕᒫᓄᑦ!

ᒨᓯᓯ ᐂᑉᐸᖏᑦ 14:31

ᐃᓴᕆᐊᓕᒥᐅᓪᓗ ᑕᑯᒐᒥᒃ ᐊᑕᓂᐅᑉ ᐱᔪᓐᓇᕐᓂᕐᔪᐊᒥᓄᑦ ᓵᓚᖃᕐᓂᖓ ᐄᑦᔨᑉᑎᒥᐅᓂᒃ, ᐊᑕᓂᖅ ᓯᕘᕋᒋᓕᕐᐹᑦ, ᐊᑕᓂᕐᓗ ᐅᒃᐱᕆᓪᓗᒍ ᐃᓅᓕᕐᐳᑦ, ᒨᓯᓯᓗᑦᑕᐅᖅ ᐊᑕᓂᐅᑉ ᐱᔨᒋᔭᖓ.

ᒨᓯᓯ ᐂᑉᐸᖏᑦ 4:9

ᑖᒃᑯᐊᒡᓕ ᓇᓗᓁᒃᑯᑖᒃ ᒪᕐᕉᒃ ᓱᓕ ᐅᒃᐱᕆᖏᑉᐸᒋᑦ ᐅᕝᕙᓗ ᐅᖃᐅᓯᕐᓂᒃ ᓈᓚᖏᑉᐸᑕ, ᑕᕝᕙ ᑰᖕᒥᒃ ᓁᐅᓪᒥᑦ ᖃᓗᓯᓗᑎᑦ ᓄᓇᒧᑦ ᐸᓂᕐᑐᒧᑦ ᑯᕕᓯᓕᕆᑦ; ᑕᕝᕙ ᑕᒪᓐᓇ ᐃᒥᖅ ᖃᓗᓚᐅᕐᑍᑦ ᑰᖕᒥᑦ ᓁᐅᓪᒥᑦ ᐊᐅᓐᖑᕐᓂᐊᕐᐳᖅ ᓄᓇᒥ ᑕᒫᓂ ᐸᓂᕐᑐᒥ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 40:5

ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑦᓱᒫᕐᐳᖅ, ᐃᓄᓕᒫᓪᓗ ᐃᓘᓐᓇᖓ ᑕᑯᔪᒫᕐᐹᑦ, ᐊᑕᓂᐅᑉ ᖃᓂᕐᒥᒍᑦ ᑕᒪᓐᓇ ᐅᖃᐅᓯᕆᖕᒪᒍ.”

ᒪᓚᑬᑉ ᐊᒡᓚᖏᑦ 2:2

ᑐᓴᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᓪᓗ ᐱᔪᒥᒃ ᐊᑎᕋ ᐱᓐᓇᕐᓇᕐᓯᑎᓐᓂᐊᖏᒃᑯᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᕝᕙ ᓱᒋᐊᕐᑕᐅᓂᕐᒧᑦ ᑎᑭᑕᐅᑎᑦᓱᒫᕐᐸᑦᓯ, ᓮᒻᒪᕐᑕᐅᓂᒃᓴᓯᓗ ᓱᒋᐊᕐᑕᐅᓂᓐᖑᕐᑎᓪᓗᒋᑦ; ᐃᓛᒃ ᓱᒋᐊᕐᓯᒪᓕᕇᕐᐸᒃᑲ, ᐆᒻᒪᑎᑦᓯᓐᓂ ᐃᓂᖃᕐᑎᖏᓐᓇᑦᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᔪᐊᓇᓯᐅᑉ ᐊᒡᓚᖏᑦ 1:43

ᖃᐅᑎᓪᓗᒍ ᔩᓱᓯ ᒐᓕᓕᐊᒧᐊᕈᒪᓕᕐᐳᖅ. ᑲᑎᓯᒐᒥ ᐱᓕᑉᐴᓯᒥᒃ ᐅᖃᐅᑎᕚ, “ᒪᓕᓐᖓ.”

ᔪᐊᓇᓯᐅᑉ ᐊᒡᓚᖏᑦ 1:50

ᔩᓱᓯᐅᑉ ᑭᐅᕚ, “ᐅᒃᐱᓕᕐᐲᑦ ᐅᖃᖅᑲᐅᓂᕋ ᐱᓪᓗᒍ ᑕᑯᓚᐅᕐᓂᕋᕐᓗᑎᑦ ᓇᐹᕐᑑᑉ ᐸᐅᕐᖓᓕᒃᓴᐅᑉ ᐊᑖᓃᑎᓪᓗᑎᑦ? ᑕᑯᖃᑦᑕᕐᓂᐊᕐᐳᑎᑦ ᑕᒪᑐᒪᓐᖓᑦ ᐊᖏᓂᕐᓴᓂᒃ.”

ᔪᐊᓇᓯᐅᑉ ᐊᒡᓚᖏᑦ 10:41

ᐊᒥᓱᑦ ᐅᐸᒃᐹᑦ; ᐅᖃᕐᓗᑎᒃ, “ᔪᐊᓇᓯ ᓇᓗᓁᒃᑯᑕᕐᓂᒃ ᐱᓇᓱᐊᓚᐅᓐᖏᓚᖅ, ᐅᖃᐅᓯᕆᓚᐅᕐᑕᓕᒫᖏᓪᓕ ᑖᓐᓇ ᐱᓪᓗᒍ ᓱᓕᑦᓯᐊᕐᐳᑦ.”

ᔪᐊᓇᓯᐅᑉ ᐊᒡᓚᖏᑦ 11:15

ᐱᑦᔪᑎᒋᓪᓗᓯᓕ ᖁᕕᐊᓱᒃᐳᖓ ᓇᔪᓚᐅᖏᓐᓇᒃᑯ, ᐅᒃᐱᓕᖁᓪᓗᓯ. ᒫᓐᓇ ᐅᐸᓚᐅᕐᓚᕗᑦ.”

ᔪᐊᓇᓯᐅᑉ ᐊᒡᓚᖏᑦ 11:47

ᑕᕝᕙ ᐹᕆᓯᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑲᑎᒪᔨᓂᒃ ᑲᑎᒪᖃᑎᖃᕐᓗᑎᒃ ᐅᖃᕐᐳᑦ, “ᖃᓄᐃᓕᐅᕆᐊᖃᓕᕐᐱᑖ? ᑖᓐᓇ ᐊᒥᓱᓂᒃ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 12:18

ᑍᒤᒻᒪᑦ ᐃᓄᒋᐊᒃᑐᕐᔪᐊᑦ ᐸᕐᕆᐊᓚᐅᕐᐹᑦ ᑐᓴᕐᓯᒪᒐᒥᒃ ᑕᒪᑐᒥᖓ ᓇᓗᓁᒃᑯᑕᕐᒥᒃ ᐱᓇᓱᐊᓚᐅᕐᓂᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 12:37

ᔩᓱᓯᓕ ᓇᓗᓁᒃᑯᑕᕐᓂᒃ ᐊᒥᓱᓂᒃ ᐱᓇᓱᐊᖃᑦᑕᕋᓗᐊᕐᒪᑦ ᑖᒃᑯᓇᓂ, ᔩᓱᓯᒧᑦ ᐅᒃᐱᓕᓚᐅᓐᖏᓚᑦ;

ᔪᐊᓇᓯᐅᑉ ᐊᒡᓚᖏᑦ 12:41

ᐂᓮᐊᓯ ᑍᒫᒃ ᐅᖃᓚᐅᕐᐳᖅ ᔩᓱᓯᐅᑉ ᓂᕐᑐᕐᓇᕐᓂᖓ ᑕᑯᓚᐅᕋᒥᐅᒃ ᐅᖃᐅᑎᒋᒐᒥᐅᒡᓗ.

ᔪᐊᓇᓯᐅᑉ ᐊᒡᓚᖏᑦ 14:13

ᓱᓇᒥᒡᓘᓐᓃᑦ ᑐᒃᓯᐊᕐᓂᐊᕈᑦᓯ ᐊᑎᓐᓂ, ᐱᓇᓱᐊᕐᓂᐊᕐᐳᖓ, ᐊᑖᑕ ᓂᕐᑐᕐᓇᕐᑎᑕᐅᖁᓪᓗᒍ ᐃᕐᓂᕐᒥᒍᑦ;

ᔪᐊᓇᓯᐅᑉ ᐊᒡᓚᖏᑦ 16:27

ᐊᑖᑕᐅᑉ ᓇᖕᒥᓂᖅ ᓇᒡᓕᒋᖕᒪᓯ, ᓇᒡᓕᒋᒐᑦᓯᓐᖓ ᐅᒃᐱᕐᓗᓯᓗ ᒎᑎᒥᑦ ᐱᓚᐅᕋᒪ.

ᔪᐊᓇᓯᐅᑉ ᐊᒡᓚᖏᑦ 16:30

ᒫᓐᓇ ᑐᑭᓯᕗᒍᑦ ᓱᓇᓕᒫᑦ ᖃᐅᔨᒪᒐᕕᒋᑦ, ᐊᐱᕆᔭᐅᔭᕆᐊᖃᓐᖏᓚᑎᓪᓗ; ᑕᒪᓐᓇ ᐱᑦᔪᑎᒋᓪᓗᒍ ᐅᒃᐱᕈᓱᒃᐳᒍᑦ ᒎᑎᒥᑦ ᐱᓯᒪᓂᕐᓂᒃ.”

ᔪᐊᓇᓯᐅᑉ ᐊᒡᓚᖏᑦ 2:1

ᐅᓪᓗᐃᑦ ᐱᖓᔪᖓᓐᓂ ᑬᓇᒥ ᒐᓕᓕᐊᒦᑦᑐᒥ ᑲᑎᑎᑕᐅᔪᖃᓚᐅᕐᐳᖅ, ᔩᓱᓯᐅᑉ ᐊᓈᓇᖓ ᑕᕝᕙᓃᑉᐳᖅ;

ᔪᐊᓇᓯᐅᑉ ᐊᒡᓚᖏᑦ 2:23

ᔩᓱᓯ ᔨᕉᓴᓕᒻᒦᑎᓪᓗᒍ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᑎᓪᓗᒋᑦ, ᐊᒥᓱᑦ ᐅᒃᐱᓕᕐᐳᑦ ᑖᑦᓱᒧᖓ ᓇᓗᓁᒃᑯᑕᕐᓂᒃ ᑕᑯᒐᒥᒃ ᐱᓇᓱᐊᕐᑕᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 3:2

ᑖᓐᓇ ᐅᓐᓄᐊᒃᑯᑦ ᔩᓱᓯᒧᐊᕐᐳᖅ ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᒎᑎᒥᑦ ᐱᓯᒪᓪᓗᑎᑦ ᐊᔪᕆᕐᑐᐃᔨᐅᒐᕕᑦ; ᐃᓕᒃᑐᑦ ᑕᑕᓐᓇᕐᑐᓂᒃ ᐱᔪᖃᕈᓐᓇᖏᒻᒪᑦ, ᒎᑎᐅᑉ ᓇᔪᖏᑉᐸᒍ.”

ᔪᐊᓇᓯᐅᑉ ᐊᒡᓚᖏᑦ 4:3

ᑕᕝᕙ ᔩᓱᓯ ᔫᑎᐊᒥᑦ ᐊᐅᓪᓚᕐᐳᖅ ᒐᓕᓕᐊᒧᓪᓗ ᐅᑎᓕᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 4:46

ᑭᖑᓂᖓᒍᑦ ᔩᓱᓯ ᑬᓇᒧᑦ ᒐᓕᓕᐊᒦᑦᑐᒧᑦ ᑎᑭᒃᑭᕗᖅ, ᐃᒥᕐᒥᒃ ᐅᐂᓂᓐᖑᕐᑎᑦᓯᕕᒋᓚᐅᕐᑕᒥᓄᑦ. ᑲᐲᕐᓂᐊᒥᓗ ᐊᖓᔪᖅᑳᑉ ᐃᓚᖓᑦᑕ ᐃᕐᓂᖓ ᖃᓂᒪᕗᖅ.

ᔪᐊᓇᓯᐅᑉ ᐊᒡᓚᖏᑦ 4:54

ᑕᒪᓐᓇ ᑕᕝᕙ ᔩᓱᓯᐅᑉ ᓇᓗᓁᒃᑯᑕᖓᑕ ᐂᑉᐸᖓ ᔫᑎᐊᒥᓐᖔᕐᓗᓂ ᒐᓕᓕᐊᒧᐊᕐᓯᒪᓂᖓᑕ ᑭᖑᓂᖓᓂ.

ᔪᐊᓇᓯᐅᑉ ᐊᒡᓚᖏᑦ 5:23

ᐃᕐᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᖁᓪᓗᒍ, ᓲᕐᓗ ᐊᑖᑕ ᐅᐱᒋᔭᐅᑦᓯᐊᕐᒪᑦ. ᐃᕐᓂᕐᒥᒃ ᐅᐱᒍᓱᖏᑦᑐᖅ ᐊᑖᑕᒥᒃᑕᐅᖅ ᐅᐱᒍᓱᓐᖏᓚᖅ ᑎᓕᔨᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 6:14

ᐃᓄᐃᓪᓕ ᓇᓗᓁᒃᑯᑕᕐᒥᒃ ᑕᑯᒐᒥᒃ, ᔩᓱᓯᐅᑉ ᐱᓇᓱᐊᕐᑕᖓᓂᒃ ᐅᖃᕐᐳᑦ, “ᑖᓐᓇ ᖁᓚᕐᓇᕈᓐᓃᕐᐳᖅ ᓇᓚᐅᑦᑍᔪᖕᒪᑦ ᓯᓚᕐᔪᐊᕐᒧᑦ ᑎᑭᓂᐊᕐᓯᒪᔪᖅ!”

ᔪᐊᓇᓯᐅᑉ ᐊᒡᓚᖏᑦ 6:2

ᐃᓄᒐᓴᒡᔪᐊᑦ ᒪᓕᒃᐹᑦ, ᓇᓗᓁᒃᑯᑕᕐᓂᒃ ᑕᑯᓚᐅᕋᒥᒃ ᖃᓂᒪᔪᓂᒃ ᐋᖅᑭᒃᓯᑎᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 6:26

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ; ᕿᓂᕐᐸᑦᓯᓐᖓ ᓇᓗᓁᒃᑯᑍᑦ ᑕᑯᓚᐅᕐᑕᓯ ᐱᑦᔪᑎᒋᓇᒋᑦ, ᓂᕆᓚᐅᕋᑦᓯᓕ ᓂᐊᖂᔭᓂᒃ ᐊᕿᐊᑦᑐᕐᓗᓯ ᐱᑦᔪᑎᖃᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 6:30

ᑖᒃᑯᐊ ᑭᐅᕚᑦ, “ᑕᕝᕙ ᖃᓄᐃᑦᑐᒥᒃ ᓇᓗᓁᒃᑯᑕᖃᕐᓂᐊᕐᐲᑦ ᐅᕙᒍᑦ ᑕᑯᓗᑕ, ᐃᓕᖕᓄᑦ ᐅᒃᐱᓕᖁᓪᓗᑕ? ᖃᓄᐃᓕᐅᕐᓂᐊᕐᐲᑦ?

ᔪᐊᓇᓯᐅᑉ ᐊᒡᓚᖏᑦ 7:31

ᐃᓄᐃᑦ ᐊᒥᓱᑦ ᐅᒃᐱᕈᓱᓕᕐᐳᑦ ᑖᑦᓱᒥᖓ; ᐅᖃᕐᓗᑎᒃ, “᙭ᔅᑑᓯ ᑎᑭᒃᑯᓂ ᓇᓗᓁᒃᑯᑕᕐᓂᒃ ᐱᓇᓱᐊᕐᓂᕐᓴᐅᒐᔭᕐᐹ ᑖᑦᓱᒪᓐᖓᑦ?”

ᔪᐊᓇᓯᐅᑉ ᐊᒡᓚᖏᑦ 9:16

ᑕᕝᕙ ᐹᕆᓯᑦ ᐃᓚᖏᑦ ᐅᖃᓕᕐᐳᑦ, “ᑖᓐᓇ ᐊᖑᑦ ᑍᒤᓕᐅᕐᑐᖅ ᒎᑎᒥᑦ ᐱᓐᖏᓚᖅ, ᓴᐸᑎᒥ ᐱᖁᔧᑦ ᒪᓕᖏᒻᒪᒋᑦ.” ᐃᓚᖏᓪᓕ ᐅᖃᕐᐳᑦ, “ᖃᓄᕐᓕ ᐃᓄᒃ ᐊᔪᕐᑐᓕᔪᖅ ᑍᒫᒃ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᓐᓇᕐᐹ?” ᑕᕝᕙᓃᑦᑐᓪᓗ ᐃᓱᒪᖃᑎᒌᒍᓐᓃᕐᐳᖅ ᐊᕕᒃᓯᒪᓕᕐᓗᑎᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:17

ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᒨᓯᓯ ᑕᓪᓕᒪᖏᑦ 5:24

ᐅᖃᕐᓗᑎᒡᓗ, ‘ᑕᑯᒋᑦ, ᐊᑕᓂᐅᑉ ᒎᑎᑦᑕ ᑕᑯᑎᑉᐹᑎᒍᑦ ᓂᕐᑐᕐᓇᕐᓂᕐᔪᐊᒥᓂᒃ ᐱᔪᓐᓇᕐᓂᕐᔪᐊᒥᓂᒡᓗ, ᓂᐱᖓ ᑐᓵᓕᕋᑦᑎᒍ ᐃᑯᒪᒥᑦ! ᐅᓪᓗᒥ ᑕᑯᕗᒍᑦ ᐃᓅᑉ ᓱᓕ ᐆᒪᔪᓐᓇᕐᓂᖓᓂᒃ, ᒎᑎᒧᑦ ᐅᖄᕕᐅᓯᒪᒐᓗᐊᕐᓗᓂ.

ᔪᐊᓇᓯ ᓯᕗᓪᓖᑦ 5:13

ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᒎᑎᐅᑉ ᐃᕐᓂᖓᑕ ᐊᑎᖓᓄᑦ ᐅᒃᐱᕐᑐᓯ, ᖃᐅᔨᒪᖁᓪᓗᓯ ᓄᖑᓱᐃᑦᑐᒥᒃ ᐃᓅᓯᖃᕋᑦᓯ.