ᔪᐊᓇᓯᐅᑉ ᐊᒡᓚᖏᑦ 19:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑕᕝᕙᓂ ᔩᓱᓯ ᑭᑭᐊᒃᑐᕐᐹᑦ ᓴᓐᓂᖓᔪᓕᖕᒧᑦ, ᐊᓯᖏᖕᓂᒃᑕᐅᖅ ᒪᕐᕉᖕᓂᒃ ᑭᑭᐊᒃᑐᐃᒋᕗᑦ, ᐊᕙᑖᓄᐊᕐᓗᒋᒃ ᓴᐅᒥᐊᓄᑦ ᑕᓕᕐᐱᐊᓄᓪᓗ, ᔩᓱᓯᓕ ᐊᑯᓪᓕᕐᐸᐅᓪᓗᒍ.

Aglait Ijjurnaittut

¹⁸ Tavvani Jiisusi kikiaktuqpaat sanningajulingmut, asingingniktauq marruungnik kikiaktuigivut, avataanuarlugik saumianut taliqpianullu, Jiisusili akulliqpaullugu.

ᔪᐊᓇᓯᐅᑉ ᐊᒡᓚᖏᑦ 19:18 Iomraidhean Croise

ᐃᓐᖏᕈᑎᑦ 22:16

ᕿᒻᒦᑦ ᐊᕙᑎᓕᒫᓐᓃᑉᐳᑦ; ᐱᐅᖏᑦᑐᓕᔪᑦ ᑲᑐᑦᔨᔪᑦ ᐃᓗᒪᕚᖓ. ᐊᒡᒐᒃᑲ ᐃᑎᒐᒃᑲᓗ ᐳᑐᕔᑦ;

ᐂᓮᐊᓯᐅᑉ ᐊᒡᓚᖏᑦ 53:12

ᑍᒤᒻᒪᑦ ᐊᔪᖏᑦᑐᓄᑦ ᐊᕕᖃᑕᐅᑎᑦᓱᒫᕐᐸᕋ ᐱᑖᕆᔭᒃᓴᖏᓐᓂᒃ, ᐊᒡᒍᐃᖃᑕᐅᔪᒫᕐᐳᖅ ᐅᓇᑕᕐᓂᕐᒥ ᓵᓚᖃᕐᑐᑦ ᐱᑖᖏᓐᓂᒃ ᓴᓐᖏᔪᑦ ᐃᓚᒋᓗᒋᑦ; ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᑐᖁᒧᑦ, ᐊᔪᕐᑐᓕᔪᓄᑦ ᐃᓚᓕᐅᑎᓯᒪᓚᐅᕐᓂᖓᓄᑦ; ᑎᒍᒥᐊᓚᐅᕐᐳᕐᓗ ᐅᓄᕐᑐᑦ ᐊᔪᕐᓂᖏᓐᓂᒃ, ᐊᔪᕐᑐᓕᔪᓪᓗ ᑐᒃᓯᐅᑎᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 27:44

ᑖᒃᑯᐊᒃᑕᐅᖅ ᐱᕋᔭᒃᑏᒃ ᑭᑭᐊᒃᑐᕐᑕᐅᖃᑎᒋᓯᒪᔭᖏᒃᑕ ᑍᒫᑦᓮᓐᓇᖅ ᐅᖃᕐᓂᕐᓘᑎᒋᒋᕚᒃ.

ᔪᐊᓇᓯᐅᑉ ᐊᒡᓚᖏᑦ 18:32

ᑕᒪᓐᓇ ᐱᓂᐊᕐᓂᐅᓚᐅᕐᐳᖅ ᔩᓱᓯᐅᑉ ᐅᖃᐅᓯᕆᓚᐅᕐᑕᖏᑕ ᓇᓚᐅᑦᓯᓂᖏᑦ ᓴᖅᑭᑎᑕᐅᖁᓪᓗᒋᑦ ᖃᓄᐃᓕᐅᕐᑕᐅᓗᓂ ᑐᖁᑎᑕᐅᓛᕐᒪᖔᕐᒥ.

ᔪᐊᓇᓯᐅᑉ ᐊᒡᓚᖏᑦ 19:32

ᑕᕝᕙ ᐅᓇᑕᕐᑐᒃᓮᑦ ᑕᕝᕗᓐᖓᕋᒥᒃ ᓴᓐᓂᖓᔪᓕᖕᒦᑦᑑᑉ ᓯᕗᓪᓕᕐᐹᖓᑦᑕ ᓂᐅᖏᒃ ᓇᒡᒍᕐᐰᑦ, ᐂᑉᐸᖓᑕᓗ ᓂᐅᖏᒃ ᓇᒡᒍᕆᕔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:23

ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ.

ᒐᓔᑎᐊᒥᐅᓄᑦ 3:13

᙭ᔅᑑᓯᐅᑉ ᐱᐅᓕᓚᐅᕐᐹᑎᒍᑦ ᐱᖁᔧᑦ ᐱᐅᖏᑦᑐᐊᓘᓂᕅᓂᖓᓂᑦ, ᑖᑦᓱᒪ ᐱᑦᔪᑎᒋᓪᓗᑕ ᐱᐅᖏᑦᑐᐊᓘᓂᕋᕐᑕᐅᓂᖓᓄᑦ; ᐅᖃᕐᓯᒪᔪᖃᕐᒪᑦ, “ᓇᐹᕐᑐᒥ ᓂᕕᓐᖓᕐᑕᐅᔪᑦ ᑕᒪᕐᒥᒃ ᒎᑎᒧᑦ ᐱᐅᖏᑦᑐᐊᓘᓂᕋᕐᑕᐅᕗᑦ.”

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.