ᔪᐊᓇᓯᐅᑉ ᐊᒡᓚᖏᑦ 19:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᔩᓱᓯᐅᑉ ᑭᐅᕚ, “ᐅᕙᓐᓄᑦ ᐱᔪᓐᓇᕐᓂᖃᕋᔭᓐᖏᓚᑎᑦ ᑐᓂᓯᕕᐅᖏᒃᑯᕕᑦ ᑕᑉᐹᓐᖓᑦ; ᑍᒤᒻᒪᑦ ᐅᕙᓐᓂᒃ ᐱᔭᐅᑎᑦᓯᔪᖅ ᐃᓕᖕᓄᑦ ᐊᔪᕐᓂᖃᕐᓂᕐᓴᐅᕗᖅ ᐃᓕᖕᓂᑦ.”

Aglait Ijjurnaittut

¹¹ Jiisusiup kiuvaa, “Uvannut pijunnarniqarajanngilatit tunisiviunngikkuvit tappaanngat; taimaimmat uvannik pijautitsijuq ilingnut ajurniqarniqsauvuq ilingnit.”

ᔪᐊᓇᓯᐅᑉ ᐊᒡᓚᖏᑦ 19:11 Iomraidhean Croise

ᑯᕉᓂᑲ ᓯᕗᓪᓖᑦ 29:11

ᐊᑕᓃᖅ ᐱᒋᒐᕕᒋᑦ ᐊᖏᔪᕐᔪᐊᖑᓂᖅ, ᐱᔪᓐᓇᕐᓂᕐᓗ, ᓂᕐᑐᕐᓇᕐᓂᖅ, ᓵᓚᖃᕐᓂᕐᓗ, ᐊᖓᔪᖅᑲᐅᓂᕐᓗ; ᕿᓚᖕᒦᑦᑐᓕᒫᑦ ᓄᓇᒦᑦᑐᓕᒫᓪᓗ ᐱᒋᒐᕕᒋᑦ; ᐊᑕᓂᐅᓂᖅ ᐱᒋᒐᕕᐅᒃ, ᐊᑕᓃᖅ, ᐊᖏᒡᓕᑎᑕᐅᕗᑎᑦ ᐊᖓᔪᖅᑳᕐᔪᐊᖑᓪᓗᑎᓪᓗ ᑕᒤᓐᓄᓕᒫᖅ.

ᐃᓐᖏᕈᑎᑦ 39:9

ᓂᐰᑦᑑᓚᐅᕐᐳᖓ, ᖃᓂᕋᓘᓐᓃᑦ ᐂᑦᑕᓚᐅᓐᖏᓚᕋ ᐃᕝᕕᑦ ᑍᒤᑎᓚᐅᕋᕕᖓ.

ᐃᓐᖏᕈᑎᑦ 62:11

ᐊᑕᐅᓯᐊᑐᐃᓐᓇᕐᓇᒍ ᒎᑎ ᐅᖃᕐᑐᖅ ᑐᓴᕐᓯᒪᕙᕋ, ᒪᕐᕈᐊᕐᑎᕐᓗᒍ ᑐᓴᓚᐅᕐᐸᕋ ᐃᒫᒃ: ᐊᔪᒐᖃᖏᓐᓂᖅ ᒎᑎᐅᑉ ᐱᒋᕚ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:37

ᐅᖃᐅᓯᕆᔭᑦᑎᓐᓂᒃ ᐊᑑᑎᔪᓐᓇᕋᔭᓐᖏᓚᒍᑦ ᐊᑕᓂᐅᑉ ᑍᒤᑎᖏᑉᐸᒍ.

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᑖᓂᐊᓕᐅᑉ ᐊᒡᓚᖏᑦ 4:25

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᔪᒫᕋᕕᑦ ᐃᓅᖃᑎᖃᓕᕐᓗᑎᓪᓗ ᐆᒪᔪᓂᒃ ᓄᔪᐊᕐᑐᓂᒃ, ᓂᕿᖃᕈᒫᕐᐳᑎᓪᓗ ᐃᕕᒃᓱᒐᕐᓂᒃ ᐆᒪᔪᖁᑎᒋᔭᐅᔪᑎᑐᑦ ᖃᐅᓯᕐᑎᑕᐅᕙᒡᓗᑎᓪᓗ ᓯᓚᐅᑉ ᐂᔪᖓᓂᖓᓄᑦ, ᓇᓪᓕᐅᓐᓃᓪᓗ 7 ᐊᓂᒍᕐᐸᑕ, ᖁᑦᓯᖕᓂᐹᖅ ᖃᐅᔨᒍᕕᐅᒃ ᐊᑕᓂᐅᓂᖓᓂᒃ ᐃᓄᓕᒫᑦ ᐊᖓᔪᖅᑲᐅᕕᖏᓐᓄᑦ, ᐊᖓᔪᖅᑲᐅᓂᕐᓗ ᑐᓂᕙᖕᒪᒍ ᓇᓪᓕᐊᓐᓄᑦ ᑐᓂᔪᒪᔭᒥᓄᑦ.

ᑖᓂᐊᓕᐅᑉ ᐊᒡᓚᖏᑦ 4:32

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᓂᐊᕐᐳᑎᑦ, ᐆᒪᔪᓪᓗ ᓄᔪᐊᕐᑐᑦ ᐃᓅᖃᑎᒋᔪᒫᕐᐸᑎᑦ: ᐆᒪᔪᖁᑎᒋᔭᐅᔪᑐᓪᓗ ᐃᕕᒃᓱᒐᕐᓂᒃ ᓂᕿᖃᕐᓂᐊᓕᕐᐳᑎᑦ, ᓇᓪᓕᐅᓐᓃᑦ 7 ᐊᓂᒍᕐᐸᑕ, ᖃᐅᔨᓕᕈᕕᑦ ᑭᓯᐊᓂ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑲᐅᓃᓪᓗ ᑐᓂᕙᒃᐰᑦ ᑐᓂᔪᒪᔭᒥᓄᑦ.”

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᑖᓂᐊᓕᐅᑉ ᐊᒡᓚᖏᑦ 5:21

ᐃᓄᐃᑦ ᐃᓂᖓᓂᑦ ᐊᐅᓪᓚᕐᑎᑕᐅᓚᐅᕐᐳᖅ ᐆᒪᔫᑎᑐᓪᓗ ᐃᓱᒪᖃᓕᕐᓗᓂ; ᐃᓅᖃᑎᖃᓕᕐᓗᓂᓗ ᓯᐅᑎᖁᕐᑐᔪᓂᒃ ᓄᔪᐊᕐᑐᓂᒃ, ᐆᒪᔪᕐᑎᑐᓪᓗ ᐃᕕᒃᓱᒐᕐᓂᒃ ᓂᕿᖃᓚᐅᕐᐳᖅ; ᑎᒥᖓᓗ ᖃᐅᓯᕐᑎᑕᐅᖃᑦᑕᓚᐅᕐᐳᖅ ᓯᓚᐅᑉ ᐂᔪᖓᑎᑦᓯᓂᖓᓄᑦ, ᖃᐅᔨᓚᐅᖏᓐᓂᖓᓂ ᒎᑎ ᖁᑦᓯᖕᓂᕐᐹᑉ ᐊᐅᓚᑦᓯᓂᖓᓂᒃ ᐃᓄᐃᑦ ᐊᖓᔪᖅᑳᕐᔪᐊᖑᕕᖏᓐᓂᒃ, ᐊᖓᔪᖅᑲᕐᔪᐊᖑᑎᑦᓯᕙᖕᒪᑦ ᓇᓪᓕᐊᓐᓂᒃ ᐱᖁᔭᒥᓂᒃ.

ᒫᑎᐅᓯᐅᑉ ᐊᒡᓚᖏᑦ 26:65

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓ ᑕᒪᑐᒥᖓ ᑐᓴᕋᒥ ᐊᓐᓄᕌᓂ ᐊᓕᒃᐰᑦ ᐅᖃᕐᓗᓂ, “ᒎᑎᒥᒃ ᐅᖃᕐᓂᕐᓘᑎᖃᕐᐳᖅ! ᖃᐅᔨᓯᒪᔪᒥᒃ ᑐᓴᒃᑲᓐᓂᕆᐊᖃᕈᓐᓃᕐᐳᒍᑦ, ᑕᕝᕙ ᑐᓵᕐᐸᓯ ᒎᑎᒥᒃ ᐅᖃᕐᓂᕐᓘᑎᖃᕐᑎᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 27:2

ᐊᑦᓱᖏᕐᓗᒍ ᐰᓛᑑᓯᒧᐊᕈᑎᕚᑦ, ᕉᒪᒥᐅᑦ ᓄᓇᓕᖕᓂ ᐊᐅᓚᑦᓯᔨᖁᑎᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᒫᑯᓯᐅᑉ ᐊᒡᓚᖏᑦ 14:44

ᑖᑦᓱᒪ ᐱᔭᐅᒃᑬᓂᐊᕐᑑᑉ ᐃᓄᒐᓴᒡᔪᐊᑦ ᓇᓗᓁᒃᑯᑕᒃᓴᒥᒃ ᐅᖃᐅᑎᓯᒪᕔᑦ ᐃᒫᒃ, “ᑖᓐᓇ ᑯᓂᖕᓂᐊᕐᑕᕋ ᑖᓐᓇᐅᓂᐊᕐᐳᖅ ᐱᔪᒪᔭᓯ; ᑖᓐᓇ ᑎᒍᓂᐊᕐᐸᓯ ᑕᕝᕙᓐᖓᓪᓗ ᐊᐅᓪᓚᕈᑎᓗᒍ.”

ᓘᑲᓯᐅᑉ ᐊᒡᓚᖏᑦ 22:53

ᖃᐅᑕᒫᑦ ᐃᓚᒋᖃᑦᑕᓚᐅᕐᐸᑦᓯ ᑐᒃᓯᐊᕐᕕᒡᔪᐊᕐᒥ, ᑎᒍᓚᐅᓐᖏᓚᑦᓯᓐᖓ. ᒫᓐᓇᓕ ᐃᑲᕐᕋᓯ ᓇᓪᓕᐅᑎᕗᖅ, ᑖᕐᑑᓪᓗ ᐱᔪᓐᓇᕐᓂᖓ ᐊᐅᓚᑦᓯᓕᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 18:13

ᓯᕗᓪᓕᕐᒥᒡᓗ ᐋᓇᓯᒧᐊᕈᑎᕚᑦ; ᑬᐊᐹᓯᐅᑉ ᓴᑭᖓᓄᑦ, ᐊᕐᕌᒍᒥ ᑕᒪᑐᒪᓂ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔫᑉ.

ᔪᐊᓇᓯᐅᑉ ᐊᒡᓚᖏᑦ 18:3

ᑍᒤᒻᒪᑦ, ᔫᑕᓯ ᑕᕝᕗᖓ ᐱᕈᕐᓰᕕᖕᒧᐊᓕᕐᐳᖅ, ᐅᓇᑕᕐᑐᒃᓴᓂᒃ ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᓐᓂᒃ ᐃᓚᖃᕐᓗᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑕ ᐹᕆᓯᓪᓗ ᑎᓕᓯᒪᔭᖏᓐᓂᒃ, ᓇᓂᕉᑎᖃᕐᓗᑎᒃ ᓇᓂᕈᐊᓕᔭᕐᓗᑎᒡᓗ ᓱᒋᐅᑦᓯᔭᕐᓗᑎᒡᓗ.

ᔪᐊᓇᓯᐅᑉ ᐊᒡᓚᖏᑦ 19:10

ᑕᕝᕙ ᐰᓛᑑᓯᐅᑉ ᐅᖃᐅᑎᕚ, “ᐅᕙᓐᓄᑦ ᑭᐅᑦᑍᓕᒪᕖᑦ? ᖃᐅᔨᒪᓐᖏᓚᑏᑦ ᐱᔪᓐᓇᕐᓂᖃᕋᒪ ᐊᓂᑎᑦᓱᓐᓇᕐᓗᑎᑦ, ᑭᑭᐊᒃᑐᕐᑕᐅᑎᓪᓗᑎᓪᓘᓐᓃᑦ?”

ᔪᐊᓇᓯᐅᑉ ᐊᒡᓚᖏᑦ 3:27

ᔪᐊᓇᓯᐅᑉ ᑭᐅᕔᑦ, “ᐃᓄᒃ ᓇᓪᓕᐊᑦ ᐃᒻᒥᓃᓐᓇᖅ ᐱᑖᕈᓐᓇᓐᖏᓚᖅ ᒎᑎᐅᑉ ᑐᓂᓯᕕᒋᒃᐸᒍ ᑭᓯᐊᓂ ᐱᓂᐊᕈᓐᓇᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 7:30

ᑕᕝᕙ ᑎᒍᓇᓱᐊᕋᓗᐊᕐᐹᑦ; ᐊᒃᑐᕐᑕᐅᓐᖏᓚᕐᓘᓐᓃᑦ, ᓱᓕ ᐱᔭᐅᕕᒃᓴᖓ ᓇᓪᓕᐅᑎᓯᒪᖏᒻᒪᑦ.

ᔪᐊᓇᓯᐅᑉ ᐊᒡᓚᖏᑦ 9:41

ᔩᓱᓯᐅᑉ ᐅᖃᐅᑎᕔᑦ, “ᑕᐅᑐᖏᒃᑯᑦᓯ, ᐸᓯᔭᒃᓴᐅᓂᖃᕋᔭᓐᖏᓚᓯ; ᒫᓐᓇᓕ ᑕᐅᑐᖕᓂᕋᕋᑦᓯ, ᐸᓯᔭᒃᓴᐅᕗᓯ ᓱᓕ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:23

ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:13

ᐂᑉᕋᕼᐋᒻ ᒎᑎᖓ ᐂᓴᑭᐅᓪᓗ ᒎᑎᖓ ᔧᑰᓪᓗ ᒎᑎᖓᑕ, ᓯᕗᓕᕕᓂᑦᑕᓗ ᒎᑎᖓᑕ, ᐱᔨᓂ ᔩᓱᓯ ᓂᕐᑐᕐᓇᕐᓯᑎᓚᐅᕐᐹ, ᑖᓐᓇ ᐊᖓᔪᖅᑳᓄᑦ ᑎᒍᔭᐅᑎᓚᐅᕐᑕᓯ ᓇᕐᕈᓇᕐᓯᑎᓚᐅᕐᑕᓯᓗ ᐰᓛᑑᓯᐅᑉ ᑕᒃᑯᐊᓂ, ᐰᓛᑑᓯᐅᑉ ᐊᓂᑎᑕᐅᖁᒐᓗᐊᕐᑎᓪᓗᓂᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:28

ᑖᒃᑯᐊ ᑍᒤᓕᐅᓚᐅᕐᐳᑦ ᐋᖅᑭᒃᓯᒪᔭᕇᕐᑍᑦ ᐱᔪᓐᓇᕐᓂᕐᓄᑦ ᐱᓇᓱᐊᕈᒪᓯᒪᔧᑦ ᐱᓂᐊᕈᑎᒋᓪᓗᒍ,

ᕉᒪᒥᐅᓄᑦ 11:36

ᑖᑦᓱᒪᓐᖓᑦ ᑖᑦᓱᒨᓇᓗ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ, ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᕉᒪᒥᐅᓄᑦ 13:1

ᐃᓄᓕᒫᑦ ᓈᓚᒃᑐᒃᓴᐅᕗᑦ ᐱᔪᓐᓇᕐᓂᖃᕐᑎᑕᐅᔪᓂᒃ ᐊᐅᓚᑦᓯᔨᐅᔪᓂᒡᓗ, ᐊᐅᓚᑦᓯᔩᐅᓃᑦ ᒎᑎᒥᑦ ᐱᓯᒪᔪᐃᓐᓇᐅᖕᒪᑕ, ᒫᓐᓇ ᐊᐅᓚᑦᓯᔨᐅᔪᑦ ᒎᑎᐅᑉ ᑕᕝᕗᓐᖓᕐᑎᓯᒪᕔᑦ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔧᒥᓯᐅᑉ ᐊᒡᓚᖏᑦ 4:17

ᓇᓪᓕᐊᑦ ᐱᐅᔪᒥᒃ ᐱᓇᓱᐊᕆᐊᖃᕐᑕᒥᓂᒃ ᖃᐅᔨᒪᔪᖅ ᐱᓇᓱᐊᕋᓂᓗ, ᑖᑦᓱᒧᖓ ᑕᒪᓐᓇ ᐊᔪᕐᑐᓕᓂᐅᕗᖅ.