ᔪᐊᓇᓯᐅᑉ ᐊᒡᓚᖏᑦ 18:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᔩᓱᓯᐅᑉ ᐲᑦᑐᕉᓯ ᐅᖃᐅᑎᕚ, “ᓴᕕᒡᔪᐊᑦ ᑮᓁᓕᑕᖓᓄᑦ ᐴᓕᕈᒃ; ᑏᑐᑎᐅᑉ ᐃᒪᖓ ᐊᑖᑕᒪ ᐅᕙᓐᓄᑦ ᕾᑕᖓ ᐃᒥᕆᐊᖃᓐᖏᓚᕌ?”

Aglait Ijjurnaittut

¹¹ Jiisusiup Piitturuusi uqautivaa, “Savigjuat kiinailitanganut puuliruk; tiitutiup imanga Ataatama uvannut qaitanga imiriaqanngilara?”

ᔪᐊᓇᓯᐅᑉ ᐊᒡᓚᖏᑦ 18:11 Iomraidhean Croise

ᓴᒧᐃᓕ ᐂᑉᐸᖏᑦ 16:10

ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑕᒪᓐᓇ ᐱᓇᓱᐊᒐᕆᓐᖏᓚᓯᒃ ᔨᕈᐃᐊᐅᑉ ᐃᕐᓂᖏᒃ, ᓇᕐᕈᓇᕐᓯᑎᑉᐹᖓ ᐊᑕᓂᐅᑉ ᐱᖁᔨᓂᖓᒍᑦ ᐅᖃᕐᑎᑕᐅᒃᐸᑦ, ‘ᑍᕕᑎ ᓇᕐᕈᓇᕐᓯᓕ’ ᑍᒤᓕᐅᓚᐅᕐᓕ, ᑭᓇᓖ ᐅᖃᕈᓐᓇᕐᐸ, ‘ᓱᖕᒪᑦ ᑍᒤᓕᐅᕐᒪᖔᑦ?’”

ᐃᓐᖏᕈᑎᑦ 75:8

ᐊᑕᓂᖅ ᐃᒥᐅᑎᒥᒃ ᑎᒍᒥᐊᕐᐳᖅ, ᕔᓂᒥᒃ ᐃᓚᓯᒪᓪᓗᓂ ᐃᖑᓚᕐᓯᒪᑦᓯᐊᕐᓗᓂ; ᑯᕕᔪᒫᕐᐹ ᐃᒤᕐᓗᒍ, ᑕᕝᕙ ᐱᐅᖏᑦᑐᓕᔪᓕᒫᑦ ᓄᓇᒥ ᐃᒥᕈᒫᕐᐳᑦ; ᐃᒥᕐᓗᒍ ᐃᒤᑦᓯᐊᕈᒫᕐᐹᑦ.

ᐃᓯᑭᐊᓕᐅᑉ ᐊᒡᓚᖏᑦ 23:31

ᐊᖓᔪᕕᑦ ᐊᑐᓚᐅᕐᑕᖓ ᒪᓕᓚᐅᕋᕕᐅᒃ; ᑍᒤᒻᒪᑦ ᑍᒫᓪᓗᐊᖅ ᐊᑭᓂᐊᕈᑎᒋᓚᐅᕐᑕᓐᓂᒃ ᑖᑦᓱᒧᖓ ᐊᑭᓂᐊᕆᕙᒋᑦ.

ᒫᑎᐅᓯᐅᑉ ᐊᒡᓚᖏᑦ 20:22

ᔩᓱᓯᐅᑉ ᑭᐅᕚᒃ, “ᐊᐱᖅᑯᓯᕆᔭᑦᓯᖕᓂᒃ ᖃᐅᔨᒪᓐᖏᓚᓯᒃ, ᐃᒥᐅᑎᒥᒃ ᐃᒥᕐᓂᐊᕐᑕᓐᓂᒃ ᐃᒥᕈᓐᓇᕐᐱᓰᒃ?” ᑖᒃᑯᐊᒃ ᑭᐅᕚ, “ᐃᒥᕈᓐᓇᕐᐸᕗᒃ.”

ᒫᑎᐅᓯᐅᑉ ᐊᒡᓚᖏᑦ 26:39

ᑕᐅᕗᓐᖓᒃᑲᓐᓂᑐᐃᓐᓇᕐᖢᓂ ᒪᓂᖅᑲᒧᑦ ᐹᒻᒪᒃᓗᓂ ᑐᒃᓯᐊᕐᐳᖅ, “ᐊᑖᑖᒃ, ᐊᔪᕐᓇᖏᑉᐸᑦ, ᐅᓇ ᐃᒥᐅᑦ ᐅᕙᓐᓂᑦ ᐲᓚᐅᕈᒃ! ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐊᑐᕐᓕ.”

ᒫᑎᐅᓯᐅᑉ ᐊᒡᓚᖏᑦ 26:42

ᓱᓕ ᐂᑉᐸᖓᓂᒃ, ᔩᓱᓯ ᑐᒃᓯᐊᕆᐊᕐᑐᒃᑲᓐᓂᕐᐳᖅ ᐅᖃᕐᓗᓂ, “ᐊᑖᑖᒃ, ᐅᓇ ᐃᒥᐅᑦ ᐅᕙᓐᓂᑦ ᐲᕈᓐᓇᖏᑉᐸᑦ ᐃᒥᕐᓗᒍ ᑭᓯᐊᓂᐅᒃᐸᑦ, ᐱᔪᒪᔧᑦ ᐊᑐᕐᓕ.”

ᓘᑲᓯᐅᑉ ᐊᒡᓚᖏᑦ 12:30

ᓯᓚᕐᔪᐊᕐᒥᐅᑦ ᑍᒪᓐᖓᑦ ᑍᒤᑦᑐᓂᒃ ᐱᓇᓱᐊᕐᐳᑦ; ᐊᑖᑕᑦᓯ ᖃᐅᔨᒪᕚᓯ ᑕᒪᒃᑯᓂᖓ ᐱᔭᕆᐊᖃᕋᑦᓯ.

ᓘᑲᓯᐅᑉ ᐊᒡᓚᖏᑦ 22:42

ᐅᖃᕐᓗᓂ, “ᐊᑖᑖᒃ, ᐱᔪᒪᒍᕕᑦ, ᐃᒥᐅᑦ ᐅᓇ ᐲᕐᑎᓚᐅᕈᒃ ᐅᕙᓐᓂᑦ; ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐱᓕ.”

ᔪᐊᓇᓯᐅᑉ ᐊᒡᓚᖏᑦ 15:10

ᐱᖁᔭᒃᑲ ᒪᓕᒃᑯᑦᓯᒋᑦ, ᓇᒡᓕᓐᓂᓐᓃᑦᓮᓐᓇᕐᓂᐊᕐᐳᓯ; ᐊᑖᑕᒪᑦᑕᐅᖅ ᐱᖁᔭᖏᑦ ᒪᓕᓚᐅᕋᒃᑭᑦ, ᓇᒡᓕᖕᓂᖓᓃᑦᓮᓐᓇᕐᓗᖓᓗ.

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᔪᐊᓇᓯᐅᑉ ᐊᒡᓚᖏᑦ 18:36

ᔩᓱᓯ ᑭᐅᕗᖅ, “ᐊᖓᔪᖅᑲᐅᕕᒐ ᓯᓚᕐᔪᐊᕐᒥᑦ ᑕᒪᑐᒪᖓᑦ ᐱᓐᖏᓚᖅ; ᐊᖓᔪᖅᑲᐅᕕᒐ ᓯᓚᕐᔪᐊᕐᒥᑦ ᑕᒪᑐᒪᖓᑦ ᐱᒃᐸᑦ, ᒪᓕᒃᑎᓐᓂᑦ ᐅᓇᑕᕈᑦᔭᐅᒐᔭᕐᐳᖅ, ᑎᒍᔭᐅᖁᓇᖓ ᔫᑎᑦ ᐊᖓᔪᖅᑳᖏᓐᓄᑦ; ᑍᒤᒻᒪᑦ, ᐊᖓᔪᖅᑲᐅᕕᒐ ᓯᓚᕐᔪᐊᕐᒥᑦ ᑕᒪᑐᒪᖓᑦ ᐱᓐᖏᓚᖅ.”

ᔪᐊᓇᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᓂᐊᕐᓇᖓ, ᓱᓕ ᑕᑉᐸᐅᓐᖓᓚᐅᖏᓐᓇᒪ ᐊᑖᑕᓐᓄᑦ; ᐃᓅᖃᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᑦ, ᑕᑉᐸᐅᓐᖓᕐᓂᐊᕐᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:4

ᐅᓇᑕᐅᑎᕗᑦ ᓯᓚᕐᔪᐊᕐᒥᐅᑦ ᐅᓇᑕᐅᑎᖏᑎᑐᑦ ᑍᒤᑦᑑᖏᒻᒪᑕ. ᐅᓇᑕᐅᑎᕗᓪᓕ ᒎᑎᒥᑦ ᐱᔪᓐᓇᕐᓂᖃᕐᑎᑕᐅᕗᑦ ᐊᔪᓕᕐᕕᐅᕙᒃᑐᑦ ᐊᓯᕈᕈᓐᓇᕐᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:7

ᓱᓕᔪᒥᒃ ᐅᖃᐅᓯᖃᕐᓗᑕ, ᒎᑎᒥᓪᓗ ᐱᔪᓐᓇᕐᓂᖃᕐᑎᑕᐅᓪᓗᑕ; ᐃᓗᐊᕐᑐᓕᓂᕐᒥᒃ ᐅᓇᑕᐅᑎᖃᕐᓗᑕ ᑕᓕᕐᐱᑦᑎᒍᑦ ᓴᐅᒥᑦᑎᒍᓪᓗ;

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.