ᔪᐊᓇᓯᐅᑉ ᐊᒡᓚᖏᑦ 18:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᔩᓱᓯ ᑐᒃᓯᐊᕇᕋᒥ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕙᓐᖓᑦ ᓅᑉᐳᑦ, ᑰᒃ ᑭᑦᑐᕌᓂ ᐃᑳᕐᐹᑦ, ᑕᕝᕙᓂ ᐱᕈᕐᓰᕕᒃᑕᖃᕐᒪᑦ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕗᓐᖓᕐᐳᑦ.

Aglait Ijjurnaittut

¹ Jiisusi tuksiariirami, ilinniaqtini ilagillugit tavvanngat nuupput, kuuk Kitturaani ikaaqpaat, tavvani piruqsiiviktaqarmat, ilinniaqtini ilagillugit tavvunngaqput.

ᔪᐊᓇᓯᐅᑉ ᐊᒡᓚᖏᑦ 18:1 Iomraidhean Croise

ᒨᓯᓯ ᓯᕗᓪᓖᑦ 2:15

ᐊᑕᓂᐅᓪᓗ ᒎᑎᐅᑉ ᐊᖑᑦ ᐄᑕᓂᒧᐊᕐᑎᑉᐹ ᐱᕈᕐᓰᕕᖕᒧᑦ ᓄᓇᒥᒃ ᐋᖅᑭᒃᓱᐃᖁᓪᓗᒍ ᑲᒪᒋᓗᒍᓗ.

ᒨᓯᓯ ᓯᕗᓪᓖᑦ 3:23

ᑍᒤᒻᒪᑦ ᐊᑕᓂᐅᑉ ᒎᑎᐅᑉ ᐱᕈᕐᓰᕕᖕᒥᑦ ᐄᑕᓂᒥᒃ ᐊᐅᓪᓚᕐᑎᑉᐹᒃ, ᓄᓇᒥᑦ ᓂᕿᒃᓴᓂᒃ ᐱᕈᕐᓰᖁᓪᓗᒍ ᐱᓐᖑᕐᑎᑕᐅᕕᒋᓚᐅᕐᑕᒥᓂᑦ.

ᓴᒧᐃᓕ ᐂᑉᐸᖏᑦ 15:23

ᐃᓄᓕᒫᓪᓗ ᓂᐱᖃᕐᓗᑎᒃ ᕿᐊᓚᐅᕐᐳᑦ ᑍᕕᑎᒃᑯᑦ ᐊᐅᓪᓚᓕᕐᑎᓪᓗᒋᑦ, ᐊᖓᔪᖅᑳᕐᔪᐊᕐᓗ ᐃᑳᓚᐅᕐᐳᖅ ᑭᑐᕌᓂᐅᑉ ᑰᖓᓂᒃ, ᒪᓕᒃᑕᐅᓪᓗᓂ ᐃᓄᖁᑎᓕᒫᒥᓄᑦ, ᐃᓄᖃᔪᐃᑑᓪᓗ ᓇᓛᓄᑦ ᑐᕌᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 15:13

ᒫᑲᓗ ᐊᓈᓇᓂ ᓄᖅᑲᕐᑎᓚᐅᕐᐹ ᑯᐃᓐᖑᓂᖓᓂᑦ, ᓇᕐᕈᓇᕐᑐᒥᒃ ᐃᓄᓐᖑᐊᓕᐅᕐᓯᒪᓂᖓᓄᑦ ᐋᓯᕆᒥᒃ ᒎᑎᓐᖑᐊᒥᒃ; ᐂᓴᐅᓪᓗ ᓯᖁᒥᓚᐅᕐᐹ ᐃᓄᓐᖑᐊᖁᑎᖓ ᐃᑯᐊᓪᓚᒡᓗᒍᓗ ᑰᑉ ᑭᑐᕌᓂᐅᑉ ᓇᕐᓴᖓᓂ.

ᐊᑕᓃᑦ ᓯᕗᓪᓖᑦ 2:37

ᐊᐅᓪᓚᕐᑐᕕᓂᐅᒍᕕᑦ ᑭᑐᕌᓂᐅᑉ ᑰᒐᓛᖓ ᖄᖏᕐᓗᒍ, ᑕᕝᕙ ᑐᖁᑕᐅᓪᓚᕆᒍᒫᕐᐳᑎᑦ ᐊᓯᖕᓂᒡᓗ ᐸᓯᔭᒃᓴᐅᔪᖃᑦᔮᓇᓂ.”

ᐊᑕᓃᑦ ᐂᑉᐸᖏᑦ 23:12

ᑐᓂᕐᕈᓯᕐᕖᓪᓗ ᓯᖁᑦᑎᕐᑕᐅᑎᑉᐰᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᓇᑉᐸᕐᑕᐅᑎᑕᕕᓂᖏᑦ ᐂᕼᐊᓯᐅᑉ ᐃᒡᓗᖃᕐᕕᖓᑕ ᖁᓛᖓᓃᑦᑑᑉ ᓴᓂᐊᓂ ᐃᓂᖃᕐᑐᑦ, ᒫᓇᓯᐅᓪᓗ ᑐᓂᕐᕈᓯᕐᕕᓕᐊᕕᓂᖏᒃ ᐊᑕᓂᐅᑉ ᐃᒡᓗᖓᑕ ᓯᓚᓪᓕᖏᖕᓂ, ᓯᖁᑦᑎᕐᓗᒋᒃ ᐃᒋᑕᐅᑎᑉᐰᑦ ᓇᕐᓴᒧᑦ ᑍᔭᐅᔪᒧᑦ ᑭᑐᕌᓂᒥᒃ.

ᐊᑕᓃᑦ ᐂᑉᐸᖏᑦ 23:4

ᑕᕝᕙ ᐊᖓᔪᖅᑳᕐᔪᐊᖅ ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᕼᐃᓪᑬᐊᒥᒃ ᐃᑲᔪᕐᑎᖏᓐᓂᒡᓗ, ᑐᒃᓯᐊᕐᕕᒡᔪᐊᓪᓗ ᐃᑎᕐᑕᕐᕕᖓᓂ ᖃᐅᔨᓴᕐᑎᐅᔪᓕᒫᑦ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᓗᑎᒃ ᐊᑐᕐᑕᐅᖃᑦᑕᕐᑐᓕᒫᑦ, ᒎᑎᓐᖑᐊᒧᓪᓗ ᐊᓯᕋᒧᑦ, ᐅᓪᓗᕆᐊᓄᓪᓗ, ᑕᒪᒃᑯᐊᓕᒫᑦ ᐊᖓᔪᖅᑳᕐᔪᐊᑉ ᐃᑯᐊᓪᓚᒃᑕᐅᑎᑉᐰᑦ ᐃᒡᓗᒐᓮᑦ ᔨᕉᓴᓕᐅᑉ ᓯᓚᑖᓂ ᓇᕐᓴᒥ ᑭᑐᕌᓂᒥᒃ ᑍᔭᐅᔪᒥ ᐊᕐᔭᓕᓂᖏᓪᓗ ᐱᑎᓕᒧᑦ ᐋᑕᐅᑎᓪᓗᓂᒋᑦ.

ᐊᑕᓃᑦ ᐂᑉᐸᖏᑦ 23:6

ᐊᑕᓂᐅᑉ ᐃᒡᓗᖓᓂᑦ ᐲᕐᑕᐅᑎᑉᐹ ᒎᑎᓐᖑᐊᖅ ᐊᓯᕋ ᐊᑕᓂᐅᑉ ᐃᒡᓗᖓᓃᑦᑐᖅ ᓴᓇᓐᖑᐊᕐᓯᒪᔪᖅ ᐃᒡᓗᒐᓴᒡᔪᐊᑉ ᔨᕉᓴᓕᐅᑉ ᓯᓚᑖᓄᑦ ᐊᐅᓪᓚᕈᑎᓪᓗᒍ ᑭᑐᕌᓂᐅᑉ ᓇᕐᓴᖓᓂ ᐃᑯᐊᓪᓚᒃᐹ, ᐃᑯᐊᓚᔭᕇᕐᒪᑦ ᑲᓱᐊᕐᓗᒍ ᓯᖃᓪᓕᕚ ᐊᕐᔭᓕᓂᓐᖑᕐᑎᓪᓗᒍ, ᓯᐊᒻᒪᕐᑎᑉᐹᓗ ᐃᓗᕕᕐᓯᕕᐅᖃᑦᑕᕐᑐᒧᑦ.

ᑯᕉᓂᑲ ᐂᑉᐸᖏᑦ 15:16

ᒫᑲᓗ ᐊᒡᓛᑦ ᐲᕐᑎᑉᐹ ᑯᐃᖑᓂᕐᒥᑦ, ᐊᓈᓇᖓ ᓇᕐᕈᓇᕐᑐᒥᒃ ᒎᑎᓐᖑᐊᒥᒃ ᓴᓇᓚᐅᕐᓂᖓᓄᑦ ᐊᓯᕋᒥᒃ ᐊᕐᓇᓐᖑᐊᒥᒃ ᓇᐸᔪᒥᒃ. ᐂᓴᐅᓪᓗ ᒎᑎᓐᖑᐊᖅ ᓱᕋᒃᓗᒍ ᐅᕐᕈᑎᑉᐹ, ᓯᖁᑦᑎᕐᓗᒍᓗ, ᐃᑯᐊᓪᓚᒡᓗᒍᓗ ᑭᑐᕌᓂᐅᑉ ᑰᖓᑕ ᓴᓂᐊᓂ.

ᑯᕉᓂᑲ ᐂᑉᐸᖏᑦ 29:16

ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᐃᒡᓗᖓᓄᑦ ᐃᓗᐊᓃᓐᓂᕐᓴᒧᑦ ᐃᑎᕐᐳᑦ ᓴᓗᒻᒪᕐᓴᕆᐊᕐᑐᕐᓗᒍ, ᓇᓂᔭᓕᒫᑎᒡᓗ ᓴᓗᒤᑦᑐᑦ ᐊᓂᑉᐰᑦ ᐊᑕᓂᐅᑉ ᐃᒡᓗᖓᓂᑦ ᑐᒃᓯᐊᕐᕕᐅᓪᓗ ᐱᕕᑐᓂᖓᓄ ᐊᓂᓪᓗᒋᑦ; ᓕᕔᑏᓪᓗ ᑖᒃᑯᐊ ᑎᒍᓪᓗᒋᑦ ᐊᒡᔭᕐᐰᑦ ᑰᖕᒧᑦ ᑭᑐᕌᓂᒧᑦ ᓇᕐᓴᒧᑦ.

ᑯᕉᓂᑲ ᐂᑉᐸᖏᑦ 30:14

ᑐᓂᕐᕈᓯᕐᕖᓪᓗ ᔨᕉᓴᓕᒦᑦᑐᑦ ᐲᔭᕆᐊᕐᑐᓚᐅᕐᐰᑦ, ᑎᐱᑦᓯᐊᕆᒃᑐᒥᒡᓗ ᑐᓂᕐᕈᓯᕐᕕᓕᒫᑦ ᐲᔭᕐᐰᑦ ᐃᒋᓪᓗᒋᓪᓗ ᓇᕐᓴᒧᑦ ᑭᑐᕌᓂᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 2:15

ᑍᑦᓱᒪᓂ ᐅᓐᓄᐊᒃᑯᑦ ᐊᓂᒐᒪ ᓇᕐᓴᒥᒃ ᐊᑎᓕᒃᑰᕐᓗᖓ ᐊᕙᓗᕐᔪᐊᖅ ᕿᒥᕐᕈᐊᓚᐅᕐᐸᕋ, ᐅᑎᕆᐊᕐᒥᒐᒪ ᐃᑎᓚᐅᕆᕗᖓ ᓇᕐᓴᐅᑉ ᐃᑎᕐᑕᕐᕕᖓᒍᑦ, ᐱᒋᐊᕐᕕᒋᖅᑲᐅᔭᓐᓄᑦ ᐅᑎᕆᓪᓗᖓ.

ᔨᕆᒤᐊᐅᑉ ᐊᒡᓚᖏᑦ 31:40

ᓇᕐᓴᓕᒫᖅ ᐃᓗᕕᕐᓯᕕᐅᕙᒃᑐᖅ ᐊᒃᓯᕕᐅᕙᒃᑐᕐᓗ, ᓇᑎᕐᓇᕐᓗ ᑭᑐᕌᓂᐅᑉ ᑰᖓᓂᑦ, ᐃᑎᕐᑕᕐᕕᒃ ᕿᒻᒥᕐᔪᐊᒥᒃ ᑍᔭᐅᔪᖅ ᑎᑭᓪᓗᒍ, ᐊᑕᓂᐅᑉ ᓄᓇᖁᑎᖓᓂᒃ ᐃᑦᔪᕐᓁᑦᑐᒥᒃ ᑍᔭᐅᔪᒃᓴᐅᕗᖅ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒃᑲᓐᓂᕈᒫᓐᖏᓚᑦ ᐊᓯᕈᕐᑕᐅᒃᑲᓐᓂᓚᐅᕐᓯᒪᔪᓐᓃᕐᓗᑎᒡᓗ ᐃᓱᖃᖏᑦᑐᒧᑦ.”

ᒨᓯᓯ ᐱᖓᔪᖏᑦ 2:6

ᓯᖁᒥᓪᓗᒍ ᐅᕐᓱᒥᒃ ᐃᓚᓗᒍ, ᑐᓂᕐᕈᑎᒃᓴᐅᖕᒪᑦ ᓂᐊᖂᔭᖅ.

ᒫᑎᐅᓯᐅᑉ ᐊᒡᓚᖏᑦ 26:30

ᐱᓯᕐᒥᒃ ᐃᓐᖏᕇᕋᒥᒃ, ᑕᕝᕙᓐᖓᑦ ᐊᓂᕗᑦ ᖃᖅᑲᒧᑦ ᓇᐹᕐᑐᓕᖕᒧᑦ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᒧᑦ.

ᒫᑎᐅᓯᐅᑉ ᐊᒡᓚᖏᑦ 26:36

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᒋᑦᓯᒪᓂᒧᐊᕐᐳᑦ, ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᑕᕝᕙᓂ ᐃᒃᓯᕙᒋᑦᓯ, ᐊᕗᖓ ᖃᓂᑦᑐᒧᑦ ᑐᒃᓯᐊᕆᐊᕐᑐᕐᓂᐊᕋᒪ.”

ᒫᑯᓯᐅᑉ ᐊᒡᓚᖏᑦ 14:26

ᐱᓯᕐᒧᑦ ᐃᓐᖏᕇᕋᒥᒃ, ᑕᕝᕙᓐᖓ ᐊᓂᕗᑦ ᖃᖅᑲᒧᐊᕐᓗᑎᒃ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᓂᒃ ᓇᐹᕐᑐᓕᖕᒧᑦ.

ᒫᑯᓯᐅᑉ ᐊᒡᓚᖏᑦ 14:32

ᒋᑦᓯᒪᓂᒧᐊᕋᒥᒃ; ᐃᓕᓐᓂᐊᕐᑎᒥᓄᑦ ᐅᖃᕐᐳᖅ, “ᑕᒫᓂ ᐃᒃᓯᕙᒋᑦᓯ ᑐᒃᓯᐊᕆᐊᕐᑐᕐᑎᓪᓗᖓ.”

ᒫᑯᓯᐅᑉ ᐊᒡᓚᖏᑦ 14:42

ᒪᑭᓪᓗᓯ, ᐱᓱᓕᕐᑕ. ᑕᑯᒋᑦ, ᐊᖑᑦ ᐅᕙᓐᓂᒃ ᐱᔭᐅᒃᑬᔪᖅ ᑎᑭᓕᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 14:31

ᓯᓚᕐᔪᐊᕐᒥᐅᑦ ᑐᑭᓯᓕᖁᓪᓗᒋᑦ ᐊᑖᑕ ᓇᒡᓕᒋᒐᒃᑯ; ᑍᒤᒻᒪᑦ ᐱᓇᓱᐊᕐᐳᖓ ᐊᑖᑕᒪ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ. “ᒪᑭᓪᓗᓯ, ᑕᒫᓐᖓᑦ ᓅᓕᕐᑕ.”

ᔪᐊᓇᓯᐅᑉ ᐊᒡᓚᖏᑦ 18:26

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖓᑦᑕ ᐱᔨᖏᑕ ᐃᓚᖓᑦ, ᐱᕈᕐᓰᕕᖕᒥ ᐲᑦᑐᕉᓯᐅᑉ ᓯᐅᑎᖓᒍᑦ ᓇᑲᖅᑲᐅᔭᖓᑕ ᐃᓚᖓᑦ, ᐅᖃᕐᐳᖅ. “ᑕᑯᖅᑲᐅᓐᖏᓚᒌᑦ ᑖᑦᓱᒥᖓ ᐃᓚᖃᕐᑎᓪᓗᑎᑦ ᐱᕈᕐᓰᕕᖕᒥ?”

ᐋᐴᓯᑕᓖᑦ ᐱᓂᐊᕐᓂᖏᑦ 21:11

ᑖᓐᓇ ᐅᕙᑦᑎᓐᓄᐊᕋᒥ ᐸᐅᓗᓯᐅᑉ ᑕᑦᓯᖓ ᑎᒍᕚ ᓇᖕᒥᓂᖅ ᐊᒡᒐᓂ ᐃᑎᒐᓂᓗ ᕿᓚᒃᓱᕐᐰᑦ, ᐅᖃᕐᓗᓂ, “ᐊᓂᕐᓂᖅ ᐃᑦᔪᕐᓁᑦᑐᖅ ᐅᖃᕐᐳᖅ, ‘ᒪᑐᒥᖓ ᑕᑦᓯᖃᕐᑐᖅ ᔨᕉᓴᓕᒻᒥ ᐃᒫᒃ ᕿᓚᒃᓱᑦᑕᐅᔪᒫᕐᐳᖅ ᔫᑎᓂᑦ, ᑐᓂᔭᐅᓗᓂ ᔫᑎᐅᖏᑦᑐᓄᑦ.’”