ᔪᐊᓇᓯᐅᑉ ᐊᒡᓚᖏᑦ 16:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

Aglait Ijjurnaittut

²² Taimainnivusittauq maanna qiksaakpusi, takulaarivassili uummatissigut quviasummarililaaqpusi, quviasungnirijasilu kinamulluunniit piiqtaunianngilaq ilissinnit.

ᔪᐊᓇᓯᐅᑉ ᐊᒡᓚᖏᑦ 16:22 Iomraidhean Croise

ᔫᐱᐅᑉ ᐊᒡᓚᖏᑦ 34:29

ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?

ᐃᓐᖏᕈᑎᑦ 146:2

ᐃᓅᓂᓐᓂ ᐊᑕᓂᖅ ᓂᕐᑐᕐᓂᐊᕐᐸᕋ; ᒎᑎᒐ ᓂᕐᑐᕐᓗᒍ ᐃᓐᖏᕐᕕᒋᔪᒪᕙᕋ ᐃᓅᓯᓕᒫᓐᓂ.

ᐃᓐᖏᕈᑎᑦ 33:21

ᐃᓛᒃ, ᐆᒻᒪᑎᕗᑦ ᖁᕕᐊᓲᑎᖃᕐᐳᑦ ᑖᑦᓱᒥᖓ, ᐊᑎᖓ ᐃᑦᔪᕐᓁᑦᑐᖅ ᑕᑎᒋᓚᐅᕋᑦᑎᒍ.

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 28:8

ᑕᕝᕙ ᑐᐊᕕᕐᓗᑎᒃ ᐃᓗᕕᕐᒥᑦ ᕿᒪᕉᑎᕘᒃ, ᑲᑉᐱᐊᓱᒃᓗᑎᒃ ᖁᕕᐊᓱᒻᒪᕆᒃᓗᑎᒡᓗ, ᐅᓪᓚᒃᓯᕘᒃ ᐃᓕᓐᓂᐊᕐᑎᖏᓐᓄᑦ ᐅᖃᕆᐊᕐᑐᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 10:42

ᐊᑕᐅᓯᕐᓕ ᐱᔭᕆᐊᖃᓗᐊᕐᑐᑑᕗᖅ. ᒥᐊᕆ ᐱᐅᓂᕐᓴᒥᒃ ᐱᔪᒪᖕᒪᑦ, ᑖᓐᓇ ᐊᕐᓵᕐᑕᐅᓂᐊᓐᖏᓚᖅ ᑕᒪᑐᒥᖓ.”

ᓘᑲᓯᐅᑉ ᐊᒡᓚᖏᑦ 16:25

ᐂᑉᕋᕼᐋᒻ ᐅᖃᐅᑎᕚ, ‘ᐃᕐᓃᒃ, ᐃᖅᑲᐅᒪᒋᑦ ᐃᓅᑎᓪᓗᑎᑦ ᐱᐅᔪᓂᒃ ᐱᖃᓚᐅᕋᕕᑦ, ᓛᓴᕉᓯᓕ ᐱᐅᖏᑦᑐᓂᒃ ᐱᑎᑕᐅᖃᑦᑕᓚᐅᕐᐳᖅ; ᒫᓐᓇ ᒫᓂ ᖁᕕᐊᓱᓕᕐᐳᖅ, ᐃᕝᕕᓪᓗ ᐋᓐᓂᐊᕐᑎᑕᐅᕗᑎᑦ.

ᓘᑲᓯᐅᑉ ᐊᒡᓚᖏᑦ 19:26

ᑖᑦᓱᒪ ᑭᐅᕔᑦ, ‘ᐅᖃᐅᑎᕙᑦᓯ, ᐱᖃᕐᑐᓕᒫᑦ ᑐᓂᓯᕕᐅᒃᑲᓐᓂᕐᓂᐊᕐᐳᑦ; ᐱᖃᖏᑦᑐᓪᓕ ᒥᑭᔪᒥᒃ ᐱᖃᕋᓗᐊᕐᐸᑕ ᐊᕐᓵᕐᑕᐅᓂᐊᕐᐳᑦ.

ᓘᑲᓯᐅᑉ ᐊᒡᓚᖏᑦ 24:41

ᓱᓕ ᐅᒃᐱᕈᓱᖏᒻᒪᑕ ᖁᕕᐊᓱᓗᐊᕐᓂᕐᒧᑦ, ᑲᒪᓂᕐᒧᓪᓗ; ᔩᓱᓯᐅᑉ ᐅᖃᐅᑎᕔᑦ, “ᐅᕙᓂ ᓂᕆᔭᒃᓴᖃᕐᐱᓰ?”

ᔪᐊᓇᓯᐅᑉ ᐊᒡᓚᖏᑦ 14:1

“ᐆᒻᒪᑎᒃᑯᑦ ᕿᒃᓵᖕᓂᐊᕋᓯ; ᒎᑎ ᐅᒃᐱᕆᓯᐅᒃ, ᐅᕙᖓᓗ ᐅᒃᐱᕆᓗᖓ.

ᔪᐊᓇᓯᐅᑉ ᐊᒡᓚᖏᑦ 14:19

ᐊᑯᓂᐅᖏᑦᑐᖅ ᓯᓚᕐᔪᐊᕐᒥᐅᑦ ᑕᑯᖃᑦᑕᕐᓂᐊᕈᓐᓃᕐᐹᖓ, ᐃᓕᑦᓯᓕ ᑕᑯᓛᕆᕙᑦᓯᓐᖓ; ᐃᓅᒐᒪ, ᐃᓕᑦᓯᑦᑕᐅᖅ ᐃᓅᓂᐊᕆᕗᓯ.

ᔪᐊᓇᓯᐅᑉ ᐊᒡᓚᖏᑦ 14:27

“ᐃᓱᒪᔮᕐᓇᖏᑦᑐᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᓐᖏᓚᖓ ᓯᓚᕐᔪᐊᕐᒥᐅᑦ ᑐᓂᓯᑦᔪᓯᖏᑎᑐᑦ. ᐆᒻᒪᑎᒃᑯᑦ ᕿᒃᓵᖕᓂᐊᕋᓯ, ᓯᕘᕋᓂᐊᕋᓯᓗ.

ᔪᐊᓇᓯᐅᑉ ᐊᒡᓚᖏᑦ 16:16

“ᐊᑯᓂᐅᖏᑦᑐᖅ ᑕᑯᖃᑦᑕᕐᓂᐊᕈᓐᓃᕐᐸᑦᓯᓐᖓ; ᐊᑯᓂᐅᖏᑦᑐᕐᓗ ᑕᑯᓂᐊᕆᕙᑦᓯᓐᖓ.”

ᔪᐊᓇᓯᐅᑉ ᐊᒡᓚᖏᑦ 16:20

ᓱᓕᔪᒥᒃ ᐅᖃᐅᑎᕙᑦᓯ, ᕿᐊᓗᓯᓗ ᐅᒡᒍᐊᓛᕐᐳᓯ, ᓯᓚᕐᔪᐊᕐᒥᐅᓪᓕ ᖁᕕᐊᓱᓛᕐᐳᑦ; ᐃᓕᑦᓯᓕ ᕿᒃᓵᒍᒫᕐᐳᓯ, ᕿᒃᓵᖕᓂᓯᓕ ᖁᕕᐊᓱᓂᖑᕐᑎᑕᐅᓛᕆᕗᖅ.

ᔪᐊᓇᓯᐅᑉ ᐊᒡᓚᖏᑦ 16:6

ᑕᒪᒃᑯᓂᖓᓕ ᐅᖃᐅᑎᒐᑦᓯ, ᐆᒻᒪᑎᑦᓯᒍᑦ ᕿᒃᓵᓕᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 21:7

ᑕᕝᕙ ᐃᓕᓐᓂᐊᕐᑎᐅᑉ ᔩᓱᓯᐅᑉ ᓇᒡᓕᒋᔭᖓᑕ ᐲᑦᑐᕉᓯ ᐅᖃᐅᑎᕚ, “ᐊᑕᓂᐅᕗᖅ!” ᓮᒨᓂᓕ ᐲᑦᑐᕉᓯ ᑐᓴᕋᒥ ᐊᑕᓂᐅᖕᒪᑦ, ᐊᓐᓄᕌᓂ ᓯᓚᓪᓕᖅ ᐊᑎᕚ ᐲᕐᓯᒪᓚᐅᕋᒥᐅᒃ ᐱᓇᓱᐊᕐᓗᓂ, ᐃᒫᓄᓪᓗ ᒥᓯᒃᐳᖅ.

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:52

ᐃᓕᓐᓂᐊᕐᑐᓪᓕ ᖁᕕᐊᓱᖕᓂᕐᒥᒃ ᐃᓗᒻᒥᕐᑕᐅᕗᑦ ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 16:25

ᐅᓐᓄᐊᖅ ᕿᑎᕋᓕᕐᑎᓪᓗᒍ ᐸᐅᓗᓯᒃᑯᒃ ᓮᓚᓯᒃᑯᒃ ᑐᒃᓯᐊᕐᐴᒃ ᐃᓐᖏᕐᓗᑎᒡᓗ ᐱᓯᕐᓂᒃ ᒎᑎᒧᑦ, ᑎᒍᔭᐅᓯᒪᕕᖕᒦᖃᑎᖏᑕ ᑐᓴᕚᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 2:46

ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᐄᑉᕈᐃᓄᑦ 10:34

ᐃᓚᑦᓱᒍᓱᓚᐅᕐᐳᓯᓗ ᑎᒍᔭᐅᓯᒪᕕᖕᒦᑦᑐᓂᒃ, ᐱᖁᑎᑦᓯᓐᓂᒡᓗ ᐊᕐᓵᕐᑕᐅᒐᓗᐊᕋᑦᓯ ᖁᕕᐊᓱᒡᓗᓯ ᐊᑐᕈᓐᓇᓚᐅᕐᐸᓯ, ᖃᐅᔨᒪᒐᑦᓯ ᓇᖕᒥᓂᖅ ᐱᖁᑎᖃᕋᑦᓯ ᐱᐅᓂᕐᓴᒥᒃ ᓄᖑᓐᓂᐊᖏᑦᑐᒥᒡᓗ.

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᐲᑦᑐᕉᓯ ᓯᕗᓪᓖᑦ 1:8

ᑖᓐᓇ ᑕᑯᓚᐅᕐᓯᒪᖏᒃᑲᓗᐊᕐᓗᒍ, ᓇᒡᓕᒋᕙᓯ. ᑕᑯᕙᖏᓐᑲᓗᐊᕋᑦᓯᐅᒃ, ᐅᒃᐱᕆᕙᓯ ᐃᓗᒻᒥᕐᑕᐅᓪᓗᓯᓗ ᖁᕕᐊᓱᖕᓂᕐᒧᑦ ᐊᖏᔪᕐᔪᐊᒧᑦ ᓈᒻᒪᒃᑐᒥᒃ ᐅᖃᐅᓯᕐᑕᖃᕈᓐᓇᖏᑦᑐᒧᑦ,